من اولها يا اوباما

السلام عليكم

شوفو الصورة دى وياريت نعلق عليها ..

[ندعوك للتسجيل في المنتدى أو التعريف بنفسك لمعاينة هذه الصورة]

اعتقد ان الامرو وضحت
ومن اولها يا اوباما ..نفس طريق بوش

سبحان الله!!!!!


وهو انتوا منتظرين إيه من رئيس الولايات المتحدة الامريكية

هيعادى اسرائيل مثلا؟؟...................لأ طبعا

امريكا لها حلم وكل ريئس هيمسكها أمريكى طبعا وهيسعى لتحقيق

الهف والحلم ده فياريت لا نعقد عليه آمال ولا ننتظر منه شىء أفضل

هى الحداية بتحدف كتاكيت !!

وبعدين حتى لو الصورة حقيقية ايه الغريب اللى فيها ده الطبيعى اصلا

شبيه الشىء منجذبٌ إليه....

حمادة يوسف كتب:

أولا : أخت حفصة السياسة عمرها ما كنت بالصور أو بالخطب ، محمود عباس بيصافح ويسلم علي أولمرت ده شيئ عادي ، وكلنا فاكرين الملك حسين بتاع الاردن....
ثانيا : أوباما رئيس أمريكا ولديه أجندة سياسية شرع في تنفيذها لتحقيق مطالب المواطنين الامريكيين مش مطالب العالم أو العرب خصوصا ، وموقف أمريكا من اسرائيل لن يختلف كثيرا عما كان ولاننسي اللوبي الصهيوني الذي يقدم 3مليار دولار لاسرائيل سنويا وايضا تحكمه الواضح في اعضاء الكونجرس الامريكي وكما قال شافييز" إن لم يسمع اوباما كلام اليهود سيقتل كما قتلوا كينيدي "

نتفق هنا ياعم حمادة ... مائة بالمائة ... هنا إنت جبت موضوع مهم جداً .. ملخصة أن سياسة أمريكا ليست سياسة أفراد ولا أجندات .. بل هى سياسة نبؤات وخطط موضوعة سابقاً وعلى كل رئيس أمريكى جديد أن يبدأ من حيث انتهى سابقه .وفى نفس الخط .

مع اني مش عارف ليه أنا متفائل بالراجل ده وحاسس انه هيبقى أحسن كتير من اللي قبله

ربنا يرزقنا برئيس أمريكي يغلط ويكون هدفه مصلحة العالم قبل مصلحة أمريكا
ويكون هو الراجل ده لاننا مش هنستحمل 4 سنين كمان وممكن يكونوا 8 زي ما استحملنا 8 سنين اللي فاتوا

لنا الله

سبحان الله

هو ده اللي مضيعنا

ليه حاطين كل احلامنا وامالنا ومستقبلنا عليهم حتي لقمة العيش
كله بدل مايقول يارب بيقل يا امريكا ولا اوباما


كده تأكدوا انه امريكا تتحكم فينا 1000 سنة لو فضلنا نفكر بالأسلوب ده

خليك واقعي يا محمود ولازم تعرف ان أمريكا هي اللي بتحكم العالم دلوقتي وانها أعظم دولة حاليا

وبعدين ماهو لازم يبقالنا أمل في حد
يعني هيبقى لا احنا ولا حتى أمريكا
واحنا بنقول يارب أمريكا

لو قلنا يارب احنا يبقى هنستنى كمان 100 سنة أو 1000 زي مابتقول
وماأفتكرش هنقدر نستنى الوقت ده كله إلا لو حصلت معجزة في زمن انتهت فيه المعجزات

الواقعية هي اللي بتفرض عليا اقول الكلام ده

الواقع بيقول انه عمر امريكا ما هاتنصرك لانها اكبر داعم للكيان الصهيوني
يعني اللي بيحصل ده عشم ابليس في الجنة

المفروض بقي نبطل نذل نفسنا اكتر من كده
ونفضل نستني يانقدر نحقق اللي عايزينه بادينا يا اما نرضي بالعيشة اللي احنا فيها

مش عارف أقولك إيه يا محمود

ان كان عليا أنا...أنا نفسي احنا نبقى أسياد العالم
وان شاء الله حلمنا يتحقق بينا وبشباب الأمة اللي لسة مصر ان احنا نقدر نرفع شأن أمتنا دي

وأنا مش ابليس يا محمود ان كنت بتعشم في الجنة من أمريكا
ههههههههههه

دول اولاد عم
وخالتى بتسلم عليكى
وارفع علم مصر

شوفوا حتى علم امريكا واسرائيل جمب بعض فى الطياره شويه وهيعملوه علم مشترك

ياجماعه انتوا فهمين الصورة غلط
تسيبى ليفنى لو لحظتوا قاعدة مكشرة
اكيد مش عاجبها سياسة اوباما