الثقة في الله الدرس وتفريغه..

درس الاسبوع الرابع "الثقة في الله"


[ندعوك للتسجيل في المنتدى أو التعريف بنفسك لمعاينة هذه الصورة]

لتحميل الدرس

اللهم صلى وسلم وبارك على سيدنا محمد

البسملة

@@@ التفريغ @@@

كل واحد منا ممكن يحضر درس بسيط بيتكلم عن ربنا يخرج منه قلبه ساجد تحت عرش الله وممكن واحد تانى

يحضر درس احسن منه واقوى ويخرج قلبه لم يتاثر علي الاطلاق

احنا ياجماعة عارفين كمية احاديث وايات لو قلوبنا طاهرة ونطيفة وفيها نور الايمان كنا ارتفعنا بيها لمقامات الصديقين

[ندعوك للتسجيل في المنتدى أو التعريف بنفسك لمعاينة هذه الصورة]

طهر قلبك

احنا عاملين زى واحد فتح الحنفية فنزلت ميه مش نطيفة قام مغيرها وفتح واحدة تانية برضه برضه نزلت ميه مش نطيفه برضه غيرها

.........العيب مش في الحنفية العيب في الخزان فوق

..يعنى النهارده انا بصيت علي دى ودى عاوز اصلح عينى وغض البصر عندى

وجبت في سيرة فلان وعلان ..عاوز اصلح حكاية الغيبة عندى

لالالالالالالالالالالالالالالالالالالالالالالالالالالالالالالالالالالالالالا

المشكلة مش في الكلام ده المشكلة في القلب نفسه :غ-ب:

زى الواحد اللي قال للدكتور انا عندى صداع ورشح ادالوا مسكن لما يبطل الدوا اللي هيحصل ان الاعراض هترجع تانى

لان الدكتور ماعلجش السبب الاصلي

[ندعوك للتسجيل في المنتدى أو التعريف بنفسك لمعاينة هذه الصورة]
...........................عاوزين نعالج المرض مانعالجش الاعراض.............. :ي*ب:

الرسول صلي الله عليه وسلم قال"ان في الجسد مضغة اذا صلحت صلح الجسد كله واذا فسدت فسد الجسد كله الا وهي القلب"

صلح الجسد كله يعنى مثلا في قيام الليل رجللك تتفتر من قيام الليل ومع ذلك مش عاوز تسيبه

فسد الجسد كله يعنى مثلا ماتقعدش في اى مجلس الا وتجيب في سيرة كل اصحابك

فسدت العين...تمشي وتبص لدى ودى ولو واحدة في الدور العاشر عينك تجيبها

كل اعضاءك تفسد لان القلب فسد

.....................ياجماعة عاوزين نعمل جهد علشان نصلح قلوبنا......................

اسماء بنت ابي بكر كانت حامل ومشيت 5 كيلو علي رجلها علشان تروح

تودى الاكل لابوها وللنبي صلي الله عليه وسلم في الغار ليه؟؟؟؟؟؟؟؟؟؟

الايمان فجر فيها طاقات

................................اكتر حاجة تصلح بيها قلبك هي معرفة الله................

[ندعوك للتسجيل في المنتدى أو التعريف بنفسك لمعاينة هذه الصورة]

في واحد حياته ادمرت لان اللى بيحبها سابته او ماتت

واحد حياته ادمرت لانه مادخلش الكليه اللي كان عاوزها

ام حياتها ادمرت لان ابنها مات

اب ادمر لان ابنه ماطلعش علي مراده او زى ماهو عاوز

وبنت حياتها ادمرت لانها عدت سن الجواز وماتجوزتش

عمرك سمعت.......ان حد من الصحابة مره جه للنبي وقله معلش اتاخرت عليك اصل كنت مكتئب شويه

امبارح او زعلان

كان عندى شويه الام نفسيه او قعدت اتقلب ساعتين علي السرير عقبال ماعرفت انام

ليه؟؟؟؟؟؟؟؟؟؟؟؟ لان معرفة الله في حياتهم مخلياهم عايشين في راحة نفسية وسكينة

..............معرفة الله تمدك بطاقة هايلة لحل كل مشاكلك.........

...........معرفة الله بتخلي حياتك ليها طعم وهدف...............

..........من معانى معرفة الله .......الثقة في الله..........

[ندعوك للتسجيل في المنتدى أو التعريف بنفسك لمعاينة هذه الصورة]

هنا بكلم مين؟؟؟؟؟؟؟ :ي*ب:

**اللي خايف علي دنيته من التزامه

**اللي خايفة تتحجب حجاب شرعي سليم اصل خايفة ان ماحدش يتقدملها

**
**اللي خايف يقفل المحل بتاعه وقت الصلاة اصل الرزق يقل

**اللي خايف يقفل الكاسيت بتاع المحل عن الاغانى اصله خايف ان الزباين ماتتلمش

اللي خايف انه يبتلي لو التزم

**اللي بيذاكر ايام الامتحان ومش بينزل يصلي في الجامع

(خايف علي وقته مش عارف ان ربنا هيباركله بنزلتو دى)

(المفروض ياجماعة ان الواحد جهده الدينى لاينقطع ابدااااااا تحت اى ظرف اااااه

ممكن يقل لكن لاينقطع"ساعة الله لاتنقطع ابدا")

**اللي خايفة ترفض العريس الغير ملتزم اللي متقدملها اصل مايجيش احسن منه

**اللي خايف يرفض وظيفة رزقها حرام او وظيفة مش بتخليه يصلي اصل مايجيش غيرها

**اللي خايف يشتغل في الدعوة وسط اصحابه اصل الدراسة تتاثر

لو اتكلمنا عن ضعف الثقة في الله هنلاقيه متشعب في حياتنا كلها

ولو اتكلمنا عن علاماته المرضية هتلاقينا كلنا بنعانى من المرض ده

للاسف الشديد تلاقي معظم الناس قلوبها مليانه سخط علي ربنا وسوء ظن بالله :ي*ب:

[ندعوك للتسجيل في المنتدى أو التعريف بنفسك لمعاينة هذه الصورة]

يعنى ايه الثقة في الله؟؟؟؟؟؟؟؟؟؟

علشان نعرف هنتكلم عن احوال اهل الدنيا قبل مانتكلم عن احوال اهل الدين

لان اهل الدنيا وثقوا في الدنيا اكتر من ثقتهم في الله

-الواحد لما يثق في صديق مايقولش اسراره غير ليه

لما يثق في المحامى بتاعه تلاقيه عمل له توكيل بكل املاكه

لما الابن وثق بابوه وامه عرف انهم عمرهم مايضروه

ولما الابن وثق في حكمة ابوه مايخدش قرار الا لما يرجعلوا

لما واحد يثق في دكتور مايكشفش غير عنده

اللي يثق في زوجته يكتبلها جميع املاكه مش خايف انها تخونه

@@@ امال الواثق في الله يعمل ايه @@@

الواثق في الله لايخطو خطوة الا بتوجيه الله ويثق في ترتيب الله له

.......شوف نموذج الطالب.........

(بنضرب المثال ده علشان نشوف اهل الدنيا لما وثقوا في الدنيا بذلوا مجهود شكله ايه

بس ماحدش يفهم انى اقصد انى احنا مانخدش بالاسباب

بس علشان تعرف احنا لو وثقنا في الله هنبذل مجهود شكله ايه)

شوف كام سنه تعليم وتعب ودروس وامتحانات وصحيان بدرى

وسهر واعتقال مذاكرة في ثانوى وكلية وتخرج وشغل ................

مش بنستنكر الجهد المبذول لكن بنقول شوف الثقة في الشىء بتخلي الانسان يسعي اليه اد ايه

عاوز اقول لو الثقة بتاعتنا دى جت في الله هنشتغل علشان الله اد ايه؟؟؟؟؟؟؟؟:ي*ب:

هنجتهد في الاعمال الصالحة لانى عرفت انها سر نجاحى في الدنيا واختيار طريق الله سر امانى في الحياة

وفي الابتلاءات

[ندعوك للتسجيل في المنتدى أو التعريف بنفسك لمعاينة هذه الصورة]

نتواصل معكم ...

[ندعوك للتسجيل في المنتدى أو التعريف بنفسك لمعاينة هذه الصورة]

.......***الثقة في الله بتجيب لك السكينة.......** :رلا*رف:

الثقة جاية ممن الوثاق يعنى كانك جايب حبل وربط قلبك بيه فسكن

........الثقة في الله تجيب الاطمئنان......

بتخليك ماشي في الحياة مش خايف من اى ابتلاء عندك سيكينة في مواجهة الحياة

نماذج

الرسول وابو بكر في الغار ابو بكر كان بيقول يارسول الله لو نظر احدهم تحت قدميه لرانا

فرد الرسول صلى الله عليه وسلم ماظنك باثنين الله ثالثهما لاتحزن ان الله معنا

(في لحظة يارسول الله ممكن رقابنا تطير ونموت وبينا وبينهم مترين......ان الله معنا)

هي دى الثقة

[ندعوك للتسجيل في المنتدى أو التعريف بنفسك لمعاينة هذه الصورة]

.................................................دلوقتى.........................................................

هنسال سبع اسئلة اللي هما جوهر الدرس وكل واحد هيعرف منهم ان كان واثق في ربنا ولا لا

وهنعرف ليه عبادتنا ضعيفة

الهدف"انى لو واثق انى لما اشتغل عند ربنا ربنا يكفينى يبقي هقتل نفسي في الشغل عند ربنا"

1-هل انت واثق في وعد الله ووعيده؟؟؟؟؟

2-هل انتا واثق ان الامر كله بايد ربنا وان ربنا مهيمن علي كل شيء وان الله قادر علي كل شىء؟؟؟؟

3-هل انتا واثق ان الرزق بمفهومه الشامل بايد ربنا وحده؟؟؟؟؟؟؟؟

4-هل انت واثق ان ربنا لايمكن انه يوجهك لاى سوء ابدا؟

5-هل انت واثق في معية الله(مش هيسيبك في اى زنقة ابدا"؟؟؟؟؟؟؟؟

6-هل انتا واثق ان اى حاجة بتحصلك في حياتك خير حتى انتا لو مضايق منها؟؟؟؟؟؟؟

7-لحد امتى بتفضل واثق في ربنا؟؟؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

عاوز تقنعنى
::: انك واثق ان الله يتنزل الي السماء الدنيا في الثلث الاخير من اللليل

علشان يستجيب ليك ويحقق ليك مطالبك .......وانتا مش بتقوم

عاوز تقنعنى انك واثق ان كل يوم هتصومه هيباعد بينك وبين النار سبعين خريف ومع ذلك مش بتصوم

عاوز تقنعنى انك واثق انك لما بتذكر ربنا ربنا بيذكرك من فوق سبع سموات ومع ذلك مبتذكرشي

عاوز تقنعنى انك واثق ان اللي بيصلي الفجر في جماعة فهو في ذمة الله ومع ذلك مش بتصليه

واثقين بوعيد الله وبالعرض والحساب ووزن الاعمال والصراط والمثوبة والعقاب

مش بس في الاخرة ده برضه في الدنيا

عارفين الايدز ده فايروس صغير جدا جدا جدا بيدخل يضرب مش اى خلية

لالالالالالالالا دا بيضرب الخليه اللي هيا متحكمة في مناعة الجسم وبينتشر

قال الرسول صلى الله عليه وسلم "ماظهرت الفاحشة في قوم حتى يعلنوا بها

الا ابتلاهم الله بالطاعون والاوجاع التى لم تكن في اسلافهم"

[ندعوك للتسجيل في المنتدى أو التعريف بنفسك لمعاينة هذه الصورة]

الثقة في انى ربنا مش هيسبنى ابدااااااااااااا***********

واثق في معية الله لو جالك اى كرب او ضيق اسجد وابكى وقول يارب ماتسبنيش ابدا

السيدة خديجة لما الكرب الم بالرسول ص في اول الوحى قالت والله لايخزيك الله ابدا :انك لتصل الرحم وتطعم الكل

طيب انتاا لايخزيك الله ابد في الامتحانات لايخزيك الله ابدا في الابتلاءات ليه؟؟؟؟؟؟؟؟ :ي*ب:

بتطعم ,بتصل رحمك ؟بتقيم الليل؟

ايه العمل الصالح اللي ربنا مش هيخزيك بيه ابدااااا؟؟؟؟؟؟؟

................علشان كدا لما واحد يجى ويسال ربنا مش هيسبنى حتى لو انا وحش..................؟؟؟

ايوه مش هيسيبك حتى لو انتا وحش بسسسسسسسسسسسسسسسسسس اجتهد في اصلاح نفسك علشان تبقي محل لعطاءات الله وقبوله

عارفين قصة جرير العابدقصة ذلك العابد الزاهد جرير الذي نادته أمه وهو في صلاته

فقال يارب صلاتي وأمي ولم يرد عليها فدعت عليه اللهم لا تمته حتى ينظر في وجوه المومسات

وكان ما كان وادعت عليه إحدى الساقطات أنه عاشرها وحملت منه فتعرض

للفتنة ولكن نجاه الله في النهاية ببركة طاعته وإخلاصه في عبادته ونطق الولد في المهد

وذكر اسم أبيه فبرأ جرير من التهمة,

التسبيح مفتاح لتسخير كل شىء ليك وانتا كل ماتسبح اكتر ربنا يسخرلك المخلوقات اكتر ليه؟؟؟؟؟؟؟؟؟؟؟؟؟؟؟؟؟؟؟؟ :غ-ب:

لان التسبيح بيرفع مقام الله في قلبك فلما يرتفع مقام الخالق بينعدم مقام المخلوق

فربنا يسخر لك المخلوق

(مرة كان واحد بيمتحن شفوى فكان مذاكر المنهج كله ماعدا باب فاسمه كان مع دكتور

بيسال في الباب ده فاعد يسبح يسبح فعربيه الدكتور كانت مركونة بره واتخبطت

فخرج الدكتور يجري وساب اللجنة ودخل دكتور تانى واخينا اتسال في اللي كان مذاكره)

القضيه هي.................ان ربنا لايمكن يسيبك لو اتوجهت اليه لايمكن.............
[ندعوك للتسجيل في المنتدى أو التعريف بنفسك لمعاينة هذه الصورة]

....اسال الله فمن ذا الذي ساله فلم يعطيه.........

....من ذا الذى دعاه فلم يجيبه...........

...من ذا الذي توكل عليه فلم يكفيه........

...من ذا الذي وثق فيه فلم ينجيه......

الرزق ثق انه بيد الله********* :ب*لفغ=:

(هو الذى جعل لكم الارض ذلولا فامشوا في مناكبها)

عارف يعنى ايه امشوا؟؟؟؟؟؟؟؟؟؟؟

-يعنى انك موقن ان مافيش حاجة ربنا كتبها ليك وهتروح عليك

........الرزق ده مفهومه واسع....

اللي هتتجوزها دى رزق ,,,,,,,,واللي هيتقدملك ده رزق

فاتحة النفس في ساعتين مذاكرة ليلله الامتحان رزق,,,,,,,,, والسؤالين اللي انتا بتذاكرهم

ويجولك في الامتحان دول رزق

الصحة رزق والاولاد رزق والجواز والشغل والنفسية والبركة ........رزق

الدين وعطاءات الله في الدين رزق

قال صلي الله عليه وسلم (ان روح القدس نفث في روعي ان لن تموت نفس حتى تستكمل

رزقها واجلها وان ماعند الله لن ينال الا بطاعة الله)

اوعى تفتكر انك هتنال عطاءات الله بمعصية الله

احذر لو اداك وانتا بتعصيه يبقي بيستدرجك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الثقة في توجهيات الله

انتا واثق ان كل امر في القران والسنة في صالحك؟؟؟؟؟في الدنيا والاخرة

طيب حد يصدق ان ام ترمى ابنها في النهر

ام موسي عملت كدا كانت واثقة في توجيهات الله علشان كدا نفذت وتوكلت علي الله

سيدنا زكريا:::عنده 90 سنة او اكتر ومراته عاقر ومع ذلك كانت واثق في قدرة الله

--اوعي ثقتك تهتز :رلال5فلارفق:

**الشاب اللي بينزل يصلي في الجامع ايام الامتحانات عنده ثقة في الله

اللي يحافظ علي ولو تلت ساعة قيام عنده ثقة

علشان كدا اوعي حد فينا ثقته تهتز لما حد يسخر منه ويقوله في حد بينزل يصلي ايام الامتحان

**ولو واحدة قالتلك ازاى ترفضي العريس الفلانى الغنى وايه يعنى مش ملتزم

**ولو واحد قالك ازاى تسيب الوظيفة دى دى لوقطة وايه يعنى لما صاحبها مش بيخليك تنزل تصلي

النبي ص قال(طوبي للغرباء) ................اوعي ثقتك تهتز انتا اللي علي حق

---كل امر وكل نهي ربنا قاله في صالحك في دنيتك قبل اخرتك

[ندعوك للتسجيل في المنتدى أو التعريف بنفسك لمعاينة هذه الصورة]

*******-------ربنا جعل المباح واسع جدا والمعاصي حاجة قليلة جدا

المباح عامل زى ملعب كبيير والمعاصي عاملة زى بركة طين صغيرة

ربنا اباح لك كل المشروبات وحرم الخمرا

اباح لك كل الاكل وحرم الخنزير

اباحلك كل المعاملات التجارية وحرم حاجتين تلاتة منهم الربا

اباح لسيدنا ادم كل الجنة وحرم شجرة واحدة

اش معنى الشجرة دى اللي حليت في عينه مع انى الجنة مليانة شجر؟؟؟

لان الانسان بيتصور ان الحاجة اللي ربنا حرمها عليه فيها حاجة مميزة

وهي دى المشكلة مثلا تلاقي الولد ماشي مع البنت هو عادى جدا وهي اعدى من العادى

بس الشيطان مصور ليها ان ده اخر واحد في الدنيا وبرضه مصور للولد كدا

***ليه الناس سايبة الملعب الكبير ومصممة علي بركة الطين؟؟؟

لمجرد ان ربنا قال لينا دى بلاش وادانا بديل واسع ليها

فين الثقة؟؟؟؟

ربنا لما قال لسيدنا موسي امسك العصاة وهي لسه ثعبان مسكها وماقلش لا انا خايف

لما لقي البحر ادامه وفرعون وراه قال كلا ان معي ربي سيهدين

ليه؟؟؟؟؟ لانه عامل ربنا

علشان كدا اكتر حاجة تخليك تثق في الله انك تعامل ربنا

سيدنا ابراهيم لما ساب السيدة هاجر في الصحرا لااكل ولا شرب ولا ناس

قالتله اللله امرك بهذا اذا لن يضيعنا

ماتخفش ربنا مش هيضيعك ولا هيضرك

[ندعوك للتسجيل في المنتدى أو التعريف بنفسك لمعاينة هذه الصورة]
**عندك ثقة في هيمنة ربنا علي كل شىء؟؟؟؟؟؟ :ي*ب:

عندك ثقة ان كل شيء في الكون تحت امر الله

واثق ان كل شىء في حياتك كرباتك /افراحك/دخولك/خروجك كله كله تحت هيمنة الله

مش واخد بالك ولا ايه؟؟؟؟ :ب*لفغ=:

عارف ذكر(لااله الا الله وحده لاشريك له له الملك وله الحمد وهو علي كل شيء قدير)

انتا مش واخد بالك انا بقولك ثق في مين ولاايه

هو يقدر يعملك كل حاجة انتا مش شايف عظمة الكون ولا ايه

يعنى طلبك هيكون ايه جنب الكون الي خلقه وقدرته

كام مليون مشكلة وكرب فكها عن غيرك

كام رزق فتحه لغيرك

كام جوازة يسرها لغيرك

لااله الا الله....يعنى لايوجد مهيمن ع الكون ولا ضار ولا نافع الا الله

وحده.........يعنى كل شىء بايده لوحده "اى حاجة انتا بترجوها بايده لوحده"

ونكمل كمان شويه :ب-بف:

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

**مهمة اوى الحتة دى

سورة العنكبوت

وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ ۚ وَهُوَ السَّمِيعُ الْعَلِيمُ (60

.......بتتكلم عن الرزق

وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ ۖ فَأَنَّىٰ يُؤْفَكُونَ (61)

..........الاية دى بتتكلم عن التوحيد

[ندعوك للتسجيل في المنتدى أو التعريف بنفسك لمعاينة هذه الصورة] اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ ۚ إِنَّ اللَّهَ بِكُلِّ شَيْءٍ عَلِيمٌ (62)

............الايه برضه عن الرزق

[ندعوك للتسجيل في المنتدى أو التعريف بنفسك لمعاينة هذه الصورة] وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ ۚ

قُلِ الْحَمْدُ لِلَّهِ ۚ بَلْ أَكْثَرُهُمْ لَا يَعْقِلُونَ (63).........بتتكلم عن التوحيد

يبقي رزق ....توحيد .........رزق .........توحيد

وَمَا هَٰذِهِ الْحَيَاةُ الدُّنْيَا إِلَّا لَهْوٌ وَلَعِبٌ ۚ وَإِنَّ الدَّارَ الْآخِرَةَ لَهِيَ الْحَيَوَانُ ۚ لَوْ كَانُوا يَعْلَمُونَ (64)

........بتتكلم عن حب الدنيا(البنات والكليبات و..........) المحبوبات الدنيويه

فَإِذَا رَكِبُوا فِي الْفُلْكِ دَعَوُا اللَّهَ

مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ
يُشْرِكُونَ (65)
[ندعوك للتسجيل في المنتدى أو التعريف بنفسك لمعاينة هذه الصورة] لِيَكْفُرُوا بِمَا آتَيْنَاهُمْ وَلِيَتَمَتَّعُوا ۖ فَسَوْفَ يَعْلَمُونَ (66)

...........بتتكلم عن التوحيد

[ندعوك للتسجيل في المنتدى أو التعريف بنفسك لمعاينة هذه الصورة] أَوَلَمْ يَرَوْا أَنَّا جَعَلْنَا حَرَمًا آمِنًا وَيُتَخَطَّفُ النَّاسُ مِنْ حَوْلِهِمْ ۚ أَفَبِالْبَاطِلِ يُؤْمِنُونَ وَبِنِعْمَةِ اللَّهِ

يَكْفُرُونَ

..........بتتكلم عن الامن

وَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِالْحَقِّ لَمَّا جَاءَهُ ۚ أَلَيْسَ فِي جَهَنَّمَ مَثْوًى لِلْكَافِرِينَ (6

...............بتتكلم عن التوحيد

[ندعوك للتسجيل في المنتدى أو التعريف بنفسك لمعاينة هذه الصورة]

شوف الترتيبة العجيبة

رزق......توحيد......رزق.......توحيد........حب دنيا........توحيد......امن ....توحيد

يعنى اييييييييييييييييه؟؟؟؟؟؟؟؟؟؟؟

اش معنى التلاتة دول لان التلاتة دول هما اللي منعين كل واحد عن ربنا

يعنى مثلا اول كلمة بتتقال للي يربي دقنه او واحدة تتحجب......شكلك بقي وحشاو

انتى ماحدش هيتجوزك

يبقي المحبوبات الدنيويه راحت

وكمان انتوا مش عارفين دول بيعملوا ايه فيهم.....يبقي الامن

وكمان ممكن يقولو ايه ده دا انتا ماحدش هيشغلك....... يبقي الرزق

طيب ليه ربنا ربطها بالتوحيد كدا؟؟؟؟؟؟؟

لان ربنا بيقولك ان الثلاث حاجات دول بايدى لوحدى يبقي انتا لو خفت انك تلتزم

علشان حاجة من الحاجات دى يبقي انتا معتقد ان الحاجات دى بايد حد غير ربنا

**الثقة في ان كل اللي بيحصلك في دنيتك خير :لاع0غ:

مافي حاجة بتحصلك الا وهي خير

اولا احنا علي اد ذنوبنا نستحق كتير اوىىىىىى بس ربنا كريم

(لولا الابتلاءات لوردنا علي ربنا مفاليس)

الابتلاء ده تكفير للسيئات

يعنى ذنوبك مغرقه كل الاعمال الصالحة اللي انتا بتعملها يبقي الابتلاءات هي اللي بتعوض

حياتى فيها مشاكل/////

يقينا طالما ربنا قادر انه يفرج كل ابتلاءاتك وفي حياتك كرب يبقي المشكله مش من عند ربنا

تبقي من عند نفسك

*مش معنى كدا ان المؤمن لايبتلي

يبتلي لكن حياته بتبقي طيبة مع الابتلاء

مثال علي كدا

-سيدنا ابراهيم كان في قلب النار ومع كدا كان عايش حياة طيبة

"ولنحيينه حياة طيبة"

سيدنا محمد ص وهو في قلب الغار ومطارد كان عايش حياة طيبة

سيدنا يوسف وهو في السجن كان عايش حياة طيبة

يعنى ايه حياة طيبة؟؟؟؟؟؟؟؟؟ يعنى جنتك تبقي في صدرك

[ندعوك للتسجيل في المنتدى أو التعريف بنفسك لمعاينة هذه الصورة]

**هتفضل واثق لحد امتى؟؟؟؟؟؟؟؟؟

سيدنا ابراهيم فضل واثق في الله حتى بعد ماشعلوا النار والقوه فيها

(المشكلة حصلت ولسه الفرج ماجاش) بس ثقته في الله هيا اللي نجته

**خد بالك......مش معنى كلامى انك متذاكرش وتثق ان ربنا ينجحك لا لازم تاخد بالاسباب

خد مثال علي كدا الرسول ص

في الهجرة شوفت عمل ترتيبات اد ايه ودى هي الاسيباب

خد واحد يدله علي الطريق راح لابي بكر في وقت ماحدش ماشي في الطريق فيه

سافر عكس اتجاه المدينه واختباء في الغار

اسماء بتودى الاكل وواحد وراها يمشي الغنم يطمس اثارها

مش دى كلها اسباب وفي الاخر لما لقي المشركين قدامه قال ان الله معنا

**عارفين سورة مريم بتتكلم عن عطاءات الله بدون اسباب وفي النص قال

"وهزى اليك بجذع النخلة"

لو عشر رجاله هزوها مش هتنزل بلحة واحده

امال ربنا خلاها تاخد بالاسباب ليه؟

علشان ماحدش يقول انى مستنى عطاءات الله من غير اسباب

الرجل لما سال الرسول ص "اطلقها واتوكل ام اعقلها واتوكل؟"

الرسول قالوه اعقلها وتوكل"

الامام احمد قال"من ظن ان التوكل ينافي الرزق فهو احمق"

[ندعوك للتسجيل في المنتدى أو التعريف بنفسك لمعاينة هذه الصورة]
**ايه ده يعنى الدنيا عدو ولا ايه؟؟؟؟؟؟؟؟؟؟

احنا مش بنقول سيب الدنيا بس مثلا انتا النهارده فضيت ساعتين طبق فيهم قوله تعالي

"فاذا فرغت فانصب"

مش المشكلة انى احنا نشتغل في الدنيا لالالالالالالالا المشكلة الدنيا هتنسينا الدين ولا لا

القضية مش انى اخد بالاسباب لالالالالالا القضية ان الاسباب هتصرف قلبى عن

اليقين في قدرة الله ولا لا

وكمان شويه هنكمل :ب-بف:

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

طيب ماهي الاسباب ساعات بتنعدم :رلا*رف:

زى مثلا قصة ايام حرب الافغان لما كانوا لسه متوحدين

الروس حاصروا مجموعة محاربين افغان فقعدوا يحاربوا لحد مالذخيرة بتاعتهم خلصت

فقعدوا يصلوا ويدعوا وماهي الا قليل حتى روءا النار تضرب علي الروس

وقالوا مفيش غيرنا اذن الملايكة

وفي قصة طالوت وجالوت برضه الاسباب انعدمت وبالرغم من كدا هزموا الكفار

يعنى المغزى ان اوعى ثقتك تهتز لما الاسباب تنعدم

[ندعوك للتسجيل في المنتدى أو التعريف بنفسك لمعاينة هذه الصورة]

خرجنا بخمس قواعد

1-من ترك شيئا لله عوضه الله من جنسه ماهو خير منه فانك لن تجد فقد شىء تركته

من اجل الله

2-كن لله كما يريد يكن لك فوق ماتريد

3-وعسي ان تكرهوا شىء وهو خير لكم

4-كن بما في يد الله اوثق مما في يديك

5-من جعل الله همه كفاه الله هم كل شيء

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد ضحي لله بحياته فربنا ابدلو خيرا منها وخلاه مايمتش اصلا

سيدنا سليمان ضحي لله بالصافنات الجياد ربنا ابدلو خيرا منها وهي الريح

2-خلي همك انتا مقرب من مراد ربنا ولا لا خلي مرادك انك تحقق مراد ربنا

مش عاوزين نعامل ربنا زى الشريك المخاون

ربنا يقوله"ولو ان اهل القري امنوا واتقوا لفتحنا عليهم بركات من السماء"

يقول لا افتحلي الاول وبعدين اؤمن

ربنا يقولك تعالي وانا اديلك انتا تقول لا ادينى الاول وبعدين اجى

[ندعوك للتسجيل في المنتدى أو التعريف بنفسك لمعاينة هذه الصورة]
في ناس بتعامل ربنا كانه المتهم الاول في حياتها والعياذ بالله اذا حصل مشكلة :فلار:

في حياتها تقول ربنا معايا كدا ليه

الفرج اتاخر شويه ربنا معطلنى ليه

ليه ياجماعة مش عارفين ان الاية التى بتقول"قل هو من عند انفسكم"

الوصية :

بادروا بالاعمال الصالحة من فرائض ونوافل ودعاء

الثقة في الله مش مجرد شعور لا لازم نمشي في طريق الله

وجزاكم الله خيرا

سبحانك اللهم وبحمدك أشهد ان لا اله الا انت استغفرك واتوب اليك

الى الكلمة الطيبة
جزاك الله خيرا وجعله فى ميزان حسناتك وشكرا لجهودك فى تفريغ الدرس والله كنا محتاجين لهذا الكلا الطيب
وفعلا بالثقة بالله نبلغ مانريد ونوفق فى حياتنا وتطمأن قلوبنا وتهدأ سريرتنا ونرضى بقدرنا وترتاح ضمارنا ونصبر على مشاكلنا لاننا نثق ان الحل والفرج ياتى من عند الله وماهى الا اسباب واختبارات من الله
اللهم اهدينا وقربنا منك وثبتنا على طاعتك وافتح لنا ابواب الخيروبارك لنا فى شباب المسلمين فهم امل الامة الاسلامية

موضوع اكثر من رائع

ومجهود كبير مبذول

جزاك الله خير

وجعله فى ميزان حسناتك

» الافتقار الى الله الدرس وتفريغه
» قيام الليل الدرس وتفريغه
» ما أروع الثقة فى الله
» فلاشة تلاوه قرآنيه تقشعر لها الابدان-الله الله الله الله
» درس الخشيه وتفريغه