ان كان حبيبك عسل

مع اني حاسس ان الرئيس الأمريكي أوباما أحسن من اللي قبله بكتير بدليل ان أول خطاب ليه يوم تنصيبه كرئيس لأمريكا وجه خطابه للعرب والمسلمين بيطالبهم بفتح صفحة جديدة وما وجهش أي كلام لأي شعب أو منطقة تانية

وكمان حديثه في أكتر من مناسبة بانه عايز يلغي فكرة المسلمين الارهابيين دي من فكر شعبه أو على الأقل يقللها

ومع انه كان صريح جدااااااااااااا وقال ان سياية البلد هي هياها بمعنى انهم حلفاء لاسرائيل
لكن الجميل انه قال متحالف أكتر مع جهات كتير جوى اسرائيل نفسها في السلام ولو اني بشك في حكاية جهات (كتير)جوى اسرائيل نفسها في ده
بأمارة إيه؟ّّّّّّ!!!!!!!!!

إلا ان حكاية سياسة البلد دي زي ما قال هي اللي بتخليني أقول ان كان حبيبك عسل
لان الراجل أفصى حاجة ممكن يعملها انه يتعاطف معانا ويخلي المجتمع الدولي يتعاطف معانا لكن عمر ما هيرجع لينا فلسطين أو هيوقف اسرائيل عن جرايمها
زي ما قال مرة محمود البكري مرة لازم احنا نعمل حاجة
"ان الله لا يغير ما بقوم حتى يغيروا ما بأنفسهم" صدق الله العظيم

لازم نحاول نصلح من جوانا احنا كعرب وكمسلمين عشان نخلي غيرنا يتعاطف معانا ويحس اننا شعب نستاهل
ولازم بقى في مصر نخلص من الناس اللي كل همها مصلحتها وتولع البلد بجاز مش نظيف بلاش كلمة تانية
ولازم احنا كمان كمصريين نشوف بقينا ماحدش طايق للتاني كلمة ليه واركبوا المترو وانتوا تعرفوا
ده طبعا على سبيل المثال وليس الحصر

يعني أقصد بلاش نبقى طماعين ونلحس أوباما كله لانه زي ما قلت مش هيعملنا حاجة كبيرة
نلحس شوية صغيرين ونحاول احنا بقى نجيب حتة جبنة..بتاع..أي حاجة
المهم نتعب شوية

وآسف على الاطالة

no comment !!!

ياريت أنا كمان أفهمه

يا جامد يا جامد


تسلم ايدك

احنا مش هنحكم على اللى يرد او لا


بس اللى يرد يرد رد مفيد مش اكتر

مشكور يا روميو ومشكور يا تيمو

يا جماعة أنا مش عامل موضوع عشان حد يرد

أنا حاجة جت على بالي وقولتها وأنا مش هجبر حد انه يرد يعني
اللي عايز يرد ويقول رأيه أوك
واللي مش عايز يرد برضه أوك

كل واحد حر يا جماعة......الموضوع بسيط جداااااا

دكتووووووووووووووووووور وليد

أول ماتيجى تزهق اتبع الآتى :

شهيق ووراه زفير لمدة 10 مرات .

كمان تيمو وروميو من الناس الجمال اللى فى المنتدى

القاك ليلا على المنتدى

ومعى ردى فى الموضوع

ههههههههه

والله يا دكتور انت زى العسل

وليد العسيلي كتب:

أولا حكاية غيرنا يتعاطف معانا دي ممتهيألي مهمة كسياسة
احنا عشان نكسب قضية بالحجم ده لازم العالم كله يبقى معانا لانها قضية مش سهلة

أما نغير من نفسنا ازاي فدي بقى بحاجتين
أولا الرضا والقناعة وان كل بني آدم يقتنع انه مهما جري في الدنيا مش هياخد منها أكتر من نصيبه
ثانيا اننا نرجع لدينا اللي بعدنا عنه كتير جدا والدنيا خدتنا
وثانيا هتوصلنا لأولا

أما بقى ازاي نخلص من الناس اللي كل همها مصلحتها حتى لو ضد البلد
هقولك حلين واحد فيهم مش هنقدر نعمله والتاني هو اللي بادينا
الحل الأول:احنا عارفين كويس أوي مين الناس
والرسول عليه الصلاة والسلام قال حديث فيما معناه من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وهذا أضعف الايمان وهو ده الحل التاني

اننا ندعي عليهم... ههههههههه
والله أعلم

وأحب أسمع رأيكم

دكتور وليد كتب ...

إلا ان حكاية سياسة البلد دي زي ما قال هي اللي بتخليني أقول ان كان حبيبك عسل
لان الراجل أفصى حاجة ممكن يعملها انه يتعاطف معانا ويخلي المجتمع الدولي يتعاطف معانا لكن عمر ما هيرجع لينا فلسطين أو هيوقف اسرائيل عن جرايمها
زي ما قال مرة محمود البكري مرة لازم احنا نعمل حاجة
"ان الله لا يغير ما بقوم حتى يغيروا ما بأنفسهم" صدق الله العظيم
لازم نحاول نصلح من جوانا احنا كعرب وكمسلمين عشان نخلي غيرنا يتعاطف معانا ويحس اننا شعب نستاهل
ولازم بقى في مصر نخلص من الناس اللي كل همها مصلحتها وتولع البلد بجاز مش نظيف بلاش كلمة تانية
ولازم احنا كمان كمصريين نشوف بقينا ماحدش طايق للتاني كلمة ليه واركبوا المترو وانتوا تعرفوا
ده طبعا على سبيل المثال وليس الحصر
يعني أقصد بلاش نبقى طماعين ونلحس أوباما كله لانه زي ما قلت مش هيعملنا حاجة كبيرة
نلحس شوية صغيرين ونحاول احنا بقى نجيب حتة جبنة..بتاع..أي حاجة
المهم نتعب شوية



.....اخى وليد بنشكرك على الموضوع و لكن لازم نفصل بين السياسة الداخلية للبلد و السياسة الخارجية ...مشاكلك الداخلية دة شئ خاص بيك و ببلدك و مالوش علاقة بصورة مؤثرة على سياستك الخارجية ...

انت النهاردة بتقول المترو و الناس لازم تصلح من نفسها ...طيب ياترى دة تأثيرة ايةعلى موضوع امريكا و الرئيس الجديد ......

و اية علاقة اوباما بالمشاكل الداخلية الى عندك وهل المشاكل الداخلية و طبيعة الشخص المصرى هية الى هتحدد مسار اوباما ......

القضية فى الاخر هتفضل ماشية فى مسارها لان الحرب دى هدفها المسلمين و الديانة الاسلامية و الحرب الدايرة دى حرب عقائدية مهما ادعى الاخريين انها ارهاب او مشكلة حماس اوغيرة ...


و اخيرا واتمنى انك تجاوبنى على السؤال دة ...

يعنى اية نديهم فرصة يتعاطفوا معانا ...يعنى اية يحسوا ان احنا شعب يستاهل ...و ياريت يبقى بعيدا عن موضوع الناس الى مش طايقة نفسها ولا طايقة غيرها لان مش دة وقتة ...

احنا عايزين نعرف نفرط فى اية تانى عشان نستاهل عطف الامريكان .... نعمل اية تانى بعد الموت والدمار و الابرياء الى بيموتوا كل يوم فى فلسطين و غيرها عشان نكسب تعاطف الاخريين .....

اقولك و دى وجة نظرى انا وبعيدة شوية عن السياسة .....

بسم الله الرحمن الرحيم .... ولن ترضى عنك اليهود و لا النصارى حتى تتبع ملتهم قل ان هدى الله هو الهدى ولئن اتبعت اهوائهم بعد الذى جاءك من العلم مالك من الله من ولى ولا نصير ))

أولا أنا آسف أنا لسة شايف ردك حالا ورسالتك يا أستاذ تامر
اعذرني

أنا ما ربطتش ما بين سياستنا الداخلية وما بين السياسة الخارجية أو أوباما

أنا كل اللي قصدته اننا لازم نتغير من جوانا كأشخاص وكمجتمع وكأمة بحالها عشان نعرف نغير موقفنا قدام العالم ونقدر نغير الوضع ده ومتهيألي ده معنى الآية الكريمة اللي قولتها فوق
وده اللي خلاني أجيب سيرة المترو كمثال يدل اننا فعلا متغيرين
ومافصدتش نجرح فينا بس احنا فعلا متغيرين ولازم نصلح من جوانا

أما حكاية ان هما يتعاطفوا معانا متهيألي زي ما قولت عشان نكسب سياسة متهيألي لازم يبقى العالم كله معانا ومش عارف الربط بين السياسة والدين في حاجة زي كده صح ولا غلط

وفي أمثلة ان في ناس في العالم متعاطفة معانا رغم انهم نصارى زي كاسياس حارس مرمى ريال مدريد وجماهير برشلونة لما هاجمت فريق اسرائيلي راح يلاعب فريق برشلونة لكرة السلة
الفكرة ان احنا عايزين العالم كله يبقى معانا

ده رأيي وشكرا لردك ورأيك

أخ وليد نصف العلم أخطر من الجهل ......................................