ثقافتنا وغذاء عقولنا وارحة ارواحنا

يارب نكون كلنا كويسين وفي افضل حال يارب ودايما قريبين من ربنا سبحانه وتعالي

المفروض انه دي سلسله جديده

فكرتها ان احنا هانرشح ثلاثة كتب كل مرة

وهانختار منهم كتاب واحد هانقراه

الكتاب اللي ان شاء الله هانختاره هانعمل ليه حلقات نقاش علي فترات طبعا

يعني كل كتاب ان شاء الله هانختاره من التلات كتب المرشحه هانخصص ليه اسبوع كامل نتناقش فيه

ونقول وجهة نظرنا ونوضح اي جزئيه صعبه فيه وان شاء الله مفيش حاجه هاتبقي صعبه

فيه بقي احتمالين دلوقتي

الاول انه السلسله تلاقي اقبال

والثاني انه السلسه متعجبش حد

لو عضو واحد فقط ابدي استعداده انه هايقرا الكتاب المختار وانه هايتناقش فيه

في الحاله دي انا هاكمل السلسله

لو ملاقتش ولا عضو عايز يقرا ويتناقش

بردو هاكمل السلسله بس بطريقه تانيه

يعني الكتاب هاقراه وهاعرض اهم نقط فيه من وجهة نظري طبعا وعلي حسب مقدار استيعابي ليه

وبردو لمدة اسبوع بس طبعا من غير مناقشة الاعضاء

وعلشان نبتدي بسرعه بما انه انا صاحبة الموضوع والفكرة فكرتي ومش منقولة من حد

يبقي ان شاء الله هابدأ بالامام محمد الغزالي

هارشحله تلات كتب هي

1-جدد حياتك

2-خلق المسلم

3-من هنا الطريق

وبردو علشان ميبقاش في فرصه لتضيع الوقت

الكتاب اللي هانقشه هو جدد حياتك

اولا لانه عاجبني جداااااااااااااااا بس للاسف كل اللي قريته منه ميكملش 30 صفحه

ومكسله طبعا انه اكمله بس في الحاله دي هابقي مضطرة لانها بالنسبالي هاتبقي فرصه ومش ناوية اضيعها

ثانيا لانه من وجهة نظري كلنا محتاجين نجدد حياتنا ونقرا الكتاب ده

ثالثا اسلوب الكتاب غايه في الروعه والسهوله

وان شاء الله هايبقي فيه اسبوع كامل نقرا الكتاب فيه ونناقشه مع بعض جزئيه جزئيه

وان شاء الله هانبتدي من يوم التلات

ويكون ياما عرض مني لمحتويات الكتاب او مناقشه مع الاعضاء حتي لو عضو واحد بس

انتوا اللي هاتحددوا بقي حسب تفاعلكم مع السلسله واقابلكم عليها او نفوركم منها

وعلي فكرة انا مش هاتنازل عن السلسله دي لانه بالنسبالي فايده كبيره لانه عايزه اقرا زي زمااااااااااااااان

وحشتني القرايه بس مفيش تشجيع

ومجرد انه الزم نفسي بسلسله دي ده اكبر تشجيع ليا

الكتابان الاخران وهما من هنا الطريق وخلق المسلم بردوا ان شاء الله هايتقروا

بس مش هانحدد ليهم فتره زمنيه معينه

يعني كل واحد حر في القراءه وفي نفس الوقت كيفية عرضه لمحتويات الكتاب

الحرية المسؤوله طبعا وان شاء الله هاكون انا كمان بقراهم وهاناقش اي حد فيهم

بس مش فرض علشان متبقاش الكميه كبيره

وفي نفس الوقت مش هانبتدي فيهم غير بعد مانخلص الفتره المحدده للكتاب المختار

وهايبقي هنا في نفس الموضوع مش موضوع جديد

نكمل بقي القواعد والشروط اللي لازم اي عضو عايز يشارك في السلسه دي يتبعها

1- اي عضو من حقه انه يرشح اي كتاب بس لازم طبعا يكتب سبب ترشيحه للكتاب

2- الكتاب المرشح لازم يكون موجود علي النت pdf او بمعني اصح كتاب اليكتروني موجود علي موقع ثابت ممكن اي حد يدخل في اي وقت ويحمله

3-ان شاء الله هايبقي فيه فترة يومين بالظبط ليس اكثر ولا اقل لترشيح الكتب

4-بعد يومين الترشيح هايبقي فيه يومين بعدهم لاختيار فقط ثلاثة كتب من الكتب المرشحه

5-وبعدهم هايبقي فيه يوم واحد فقط لا غير كمان علشان نختار كتاب واحد من الكتب الثلاثه

يعني خمس ايام ترشيح واختيار

بعدها علي طول يبدأ اسبوع طرح الكتاب ومناقشته

وبعد الاسبوع مايخلص مش هانرشح كتب جديده غير بعدها بشهر

الشهر ده مخصص للكتب الثلاثه علي بعضها

بس من غير فرض او الزام

وعلي حسب بقي الاسلوب والطريقه

يعني لو اضطريت اعمل للشهر ده قواعد هو كمان هاعملها طبعا مفيش جدال

اما لو مش محتاجين وكانت الاعضاء منظمه يبقي خلاص يكون احسن واريح بردو

اهم حاجه احتراااااااااااااام وجهات النظر المختلفه

وعدم التطاول علي اي عضو

الموضوع ده بالذات انا هابقي فيه ديكتارويه الي ابعد حد

لو عضو واحد مالتزمش بالقواعد دي او تعدي اداب الحوار او لم يحترم اي عضو اخر

لو حصل ده والاداره متصرفتش معاه بصرامه وبحسم انا هاخرج خالص من المنتدي

اي عضو داخل يهرج او يعمل مشاكل يبقي مش في السلسله دي بالذات

واخيراااااااااااااااا وليس آخرا طبعا هو انا هازهق من الرغي مبسوط

ده لينك في جميع كتب الامام الاغزالي علي مكتبة المصطفي

ياريت لو تنزلوا الكتب كلها بس اللي يهمنا هنا في الموضوع التلات كتب المختاره فوق

[ندعوك للتسجيل في المنتدى أو التعريف بنفسك لمعاينة هذا الرابط]

وزي ماقولنا المرادي اجباري التلات كتب دول

واجباري الاختيار هايبقي كتاب جدد حياتك

وبعد كده ان شاء الله هايبقي فيه ديموقراطيه اكتر

انهارده الاحد

هانعدي الاتنين وان شاء الله يوم التلات في نفس الوقت ده هانبتدي المناقشه لو زي ماقولت لاقيت في عضو واحد هايقرا معايا

او طرح الكتاب بدون مناقشه لو ملاقيتش حد عايز يقرا

والكتاب هايتقسم علي اسبوع زي ماقولنا

جزاك الله خيرا

ويسعدني طبعا اني اتواجد معكم واطلع عليها باذن الله

علاء شرفنا في السلسله

اهلا وسهلا بيك

وان شاء الله نستفيد منك ونقدر نفيدك

واللينك موجود فوق كليك عليه المكتبه هاتفتح معاك

اكتب في السيرش اللي علي الشمال في الاخر (محمد الغزالي)

هايفتح معاك الكتب اللي موجوده علي المكتبه ليه

اختار اللي يناسبك

مع مراعة الكتب المختاره طبعا

وجزاكم الله خيرا

فكرة روعة جدااااااااااااااااااا

إن شاء الله معاكم

وكنت أتمنى اكون أول واحد

إن شاء الله أرشح الكتاب اللى فى توقيع بس مش دلوقتى

برافو يا أناهيد

عمرو امام كمان معانا هيصة

منتظرين باقي الاعضاء

وان شاء الله ميعادنا التلات في العاشره مساءا

ماشاء الله

بجد فكره ممتازه

واعداد جيد جدا لترشيح الكتب وقرائتها ومناقشتها

بس ربنا يقدرنى واقدر اشارك معاكوا بالقدر المطلوب

وجزانا الله خيرا جميعا ان شاء الله

جزاكى الله كل خير
والموضوع جميل جدا
واسمحولى اتواصل معكم

يارب ياهادي هات الخير النحيادي

ومعانا اجمد وصاحب الدكتور ايهاب

قالقانه انا من الناس الكتير دي

مش متعوده علي كده

حاسه انه ساعة المناقشه مش هاشوف حد فيكم مبسوط

Anaheed كتب:

حاسه انه ساعة المناقشه مش هاشوف حد فيكم

انا برده حاسس كده هههههه

[ندعوك للتسجيل في المنتدى أو التعريف بنفسك لمعاينة هذه الصورة]

طبعا معاكم وان شاء الله ارشح فيما بعد كتاب

اريد ان اتوب ولكن

معاكم ان شاء الله

بس انا هاقرا مع نفسي يعني بمزاج
مش هالتزم بمواعيد

اجمد كتب:

انا برده حاسس كده هههههه

[ندعوك للتسجيل في المنتدى أو التعريف بنفسك لمعاينة هذه الصورة]

مش كده بردو يااجمد

ربنا يستر مبسوط

محمود ماهر ومحمود البكري انتوا هاتنورونا

واي ترشيحات ان شاء الله هانبقي سعداء جدا بيها في وقت الترشيحات

محمود البكري مش مهم انك تناقشنا فيها وتلتزم بمواعيد المناقشات

دي معموله تشجيع مش اكتر وتحفيز علي القراءه

انما المهم والهدف اصلا اننا نقرا

وطالما هاتقرا من غير ماتنقاشنا مش مشكله المهم انك هاتقرا

وبردو في اي وقت تحب تناقشنا في اي حاجه هانكون سعداء طبعا

وأن شاء الله انا معكم

وربنا يقدرنا علي التواصل معاكم

وفكرة رائعة يا انا أهيد بجد

جزاكي الله خيرا

هاتشرفنا وتنورنا يابو منه

ويارب محدش يرجع في كلامه مبسوط

لا انا شاء الله يا اناهيد

معكي باذن الله

بس ربنا يسطر من الباقي

والله لو واحد بس هابدأ

انا مبيهمنيش يعني يابو منه

ويارب تكون موجود معانا ان شاء الله

ميعادنا ان شاء الله بكره في العاشره مساءا

نزل الكتاب بقي يابو منه وابتدي اقرا فيه مبسوط

يبقي ان شاء الله هابدأ بالامام محمد الغزالي

هارشحله تلات كتب هي

1-جدد حياتك

2-خلق المسلم

3-من هنا الطريق

فكرة جيدة ولكن لى رأى يخصنى

أعتقد أنه يجب قراءة الكتب المسلم بما فيها وهى لثقات مثل الإمام محمد الغزالى وعدم مناقشتها بل إذا صعب على أحدنا جزء منها يعرضه لطلب المساعدة فى استيعابه .. ففتح باب النقاش فيها سيخلق آراء لسنا فى حاجة لخلقها فى حال المؤلف الإمام الغزالى .
أما إذا كان الهدف هو عرض المستفاد فهكذا يكون الأمر الجيد .. أعنى الخروج بالعبر والدروس المستفادة وليس الطرح للمناقشة فلسنا جميعاً على قدر مناقشة وتحليل كتب الإمام الغزالى وحتى لا نخلق جو من الجدل .. رأيى أن هذه الكتب نقرأها ........................................... ونقول استفدنا ولا نقول نناقشها .

وأعتقد أنه يجب مناقشة الكتب المتداولة والمختلف عليها أو التى يرى أى منا أنها تضر بالفرد فكرياً وعقائدياً وتؤثر على عقول الشباب اليوم فتحذير الناس من الكتب التى تسمى ( كتب الأزمة ) مهم جداً وخاصة أن هذه الكتب تسبب أزمات حقيقة .. ومناقشتها وبيان ضعف منهجيتها وتغريبها عامل أساسى فى إخراج الشباب من التغريب إلى أصول التعريب ..

وإردافاً لما جاء جاء فى ردود ونص موضوع أختنا أناهيد .. من حيث قولنا وجهة النظر .. أنا عن نفسى لا أستطيع أن أبدى وجهة نظر فيما جاء من الإمــــــــــــــــــــــام الغزالى .. ولكن لو أن الموضوع يخص مثلاً من يدعو نفسه مفكراً إسلامياً رجب البنا والذى أصبح يشكل فكره خطراً حقيقياً على المجتمع وخاصة الأجيال التى لم تحظى بأى قدر من الثقافة ويتجهون نحو مايحقق نزاوتهم وهذا الرجل يفتى بما يحقق النزوات وبما يزيد تغريبنا الفكرى بل علمنة الإسلام .. وله كتب متداولة بين الناس ككتابة الخاص به والذى يقول فيه أنه ليس من الشرع .. بغض النظر عن شباب المنتدى الملتزم والأخوات الملتزمات .. كم من الأخوات على المستوى العام سيأخدن بهذا الكلام ؟ انتم تعرفون الإجابة ................. هنا لا بد أن نقف ولنجعلها دعوى حقيقية فى كل وسط نعيش لهدم هذا الفكرى المدعى والتصدى له ....
أقول هذا وقد التقيت برجب البنا عدة مرات بالمصادفة منذ زمن بعيد فى مجلة أكتوبر وأعرف كيف يفكر جيداً .

دعونا لانبدى وجهات نظر تقودنا للخلاف فيما جاء عن الأمة .. ودعونا نشكل جبهة من خلال هذا المنتدى للتصدى لأمثال رجب البنا .

ياشباب ده أخطر على الأجيال الحالية التى مازالت فى طور تكوين ثقافة والأجيال القادمة ..
فعندما يقول وزير الثقافة المصرى التصريحات الآتية نصاً ويأتى الدكتــــــــــــــــــور رجب البنا بكتاب الحجاب وماجاء به وماجاء من كتبه فى تحليل ماحرم الله من أمور أخرى كالقبلة وأن التدخين لايفطر الصائم ..... يبنغى علينا مناقشة هذا الكلام بجدية .... فليس الدفاع عن الإسلام بالالتزام فقط .. بل بمحاربة كل دعوة زائفة تضلل المسلمين وهذا فعد من سيقرأون للإمام الغزالى على سبيل المثال ألف وعدد ماسيأخذون من الفضائيات ملايين ....
تصريحات وزير القافة نصياً :

"الحجاب عودة إلى الوراء".

" "نحن عاصرنا أمهاتنا وتربينا وتعلمنا على أيديهن عندما كن يذهبن إلى الجامعات والعمل دون حجاب، فلماذا نعود الآن إلى الوراء".

"النساء بشعرهن الجميل كالورود التي لا يجب تغطيتها وحجبها عن الناس".

"الدين أصبح الآن مرتبطا بالمظاهر فقط رغم أن العلاقة الإيمانية بين العبد وربه لا ترتبط بالملابس".

"حجاب المرأة يكمن في داخلها وليس في خارجها ولا بد أن تعود مصر جميلة كما كانت وتتوقف عن تقليد العرب الذين كانوا يعتبرون مصر في وقت من الأوقات قطعة من أوروبا"

"الحجاب ليس له علاقة من قريب أو بعيد بالتقوى وإلا فما تفسير مناظر الشباب والبنات على كورنيش النيل"

كلنا نملك أدوات الدفاع عن الدين وليس منا من يملك القدرة على إبداء وجهة نظرة فيما قال الإمام الغزالى ومناقشة كتبه التى لايختلف عليها أحد .. وأعتذر إذا شاب أسلوبى بعض الحدة والتى بالطبع غير موجهة لأى أخ أو أخت ولكنها موجهة لما لما نراه اليوم من هذه الأمور الأمر الذى خرج عن نطاق التحمل لكم تحياتى وشكراً لسعة صدروكم .

زائر

بسم الله

أولاً بشكر الأخت أناهيد على دورها الفعال والملموس داخل المنتدى سواء الدينى أو الفكرى

وكلنا يقدر لها ذلك .

ولكن

إن كانت تقصد بالمناقشة حول رأى الامام الغزالى أى اضافة ارآء خاصة مع رأى الإمام

فهذا سيحدث ولابد تضارباً فهذا غير مقبول أبدا

............ لماذا ؟

لانه ببساطة شديدة الامام كان متخصص اما نحن فلا .

اما ان كانت الأخت الفاضلة وهذا عهدنا بها دائما تقصد بالمناقشة

انها = الاتيان برأى العلماء فى مثل موضوع الامام وتجميع رأى العلماء

الذى لن يحدث أبدا ً تضاربا ً فيه فهذا مقبول جدا ،

إذن خلاصة الكلام وخلاصة كلام أ.سميح وما فهمته من حضرته :

1- أن نضيف لرأى الامام رأى اماما آخر هذا مقبول خاصة الثلاث كتب اللى حضرتك

ذكرتيهم :

1-جدد حياتك

2-خلق المسلم

3-من هنا الطريق

فكل العلماء الكبار حياتهم وخلقهم وطريقهم متقارب ومتشابه ، إذن نصل لما يرده أ.سميح

من عدم وجود تناقضا بينهم

2- أن نواجه بكلام الامام وكلام باقى الائمة الكبار كلام من هم أمثال جمال البنا

هذا بما يحدثه من شبهات فهذا مقبول بل ونوعا ً من الجهاد .

3- أن نقوم بتلخيص ماقاله الامام فى صورة نقاط للاستفادة منها فهذا سيحتاج لجهد

مشكور ونتيجته واضحة ومفيدة وهذا أيضا مقبول .

4- ماهو ليس بمقبول : أن أتكلم أنا وأنا طالب فى الطب مثلا أن أتكلم فى الهندسة ،

أى أننى لست متخصص بل مستمع ومتلقى ومجرد (user) لكل مايخص الهندسة ،

وهذا ماينطبق علينا جميعا فى علاقتنا بالدين ،

فنحن جميعا لسنا متخصصين ، إذن فنحن لسنا أهلا ً للنقاش مع أهل التخصص

والكلام ده ليا ولـ أ.عمرو ولـ أ.علاء ولـ م/محمود وأجمد ،ولـ أبومنة ، وليكِ اخت أناهيد

دمتم بخير

انا بدأت فعلا في كتاب جدد حياتك
وعجبني جدا جداااااا
بس للاسف مش هالحق اخلصه النهاردة علشان في فرح بالليل

يعني النقاش يتأجل شوية

مشكورة يا اناهيد علي حسن الاختيار

السلام عليكم ورحمة الله وبركاته

استاذي الفاضل الذي اعتز به جدااااااااا
الاستاذ سميح

اساسا والله انا بعت لحضرتك الرساله وحضرتك بالذات من اوائل الناس اللي كنت مستنياه ترد اصلا وتقولي راي حضرتك

مبدأيا الكلام مش فيه اي حده ولا حاجه بالعكس يعلم ربنا انه راي حضرتك اسعدني جدا

اولا لانه حضرتك كالعاده بتأتي بالجديد وماهو فيد وتحذرنا

وقبل مابدأ الموضوع انا فكرت في كل جوانبه علشان كده قولت انه مش هاسمح بأي تجاوزات او جدال في مواضيعي

وقولت بصراحه ومن الاخر اي عدو هايسبب مشاكل والاداره متصرفتش بحزم انا مش هادخل المنتدي تاني

ثانيا لانه ده حافز اكتر ليا ودافع كبير جدا

ان شاء الله اسلوب المناقشه يفوق التوقعات

حضرتك كتبت:

أعتقد
أنه يجب قراءة الكتب المسلم بما فيها وهى لثقات مثل الإمام محمد الغزالى
وعدم مناقشتها بل إذا صعب على أحدنا جزء منها يعرضه لطلب المساعدة فى
استيعابه .. ففتح باب النقاش فيها سيخلق آراء لسنا فى حاجة لخلقها فى حال
المؤلف الإمام الغزالى .
أما إذا كان الهدف هو عرض المستفاد فهكذا يكون
الأمر الجيد .. أعنى الخروج بالعبر والدروس المستفادة وليس الطرح للمناقشة
فلسنا جميعاً على قدر مناقشة وتحليل كتب الإمام الغزالى وحتى لا نخلق جو
من الجدل .. رأيى أن هذه الكتب نقرأها
........................................... ونقول استفدنا ولا نقول
نناقشها .

طبعا كلام حضرتك سليم وده من اهداف الموضوع اصلا
ولكي يكون هدفي واضح اكتر
اول حاجه ماعنيته وماقصدته ومايهمني اكتر شيء هو ان نقرأ
ولكن بطبيعتنا او انا هاتكلم عن امثالي كتير جدا بنكسل ولما يكون في حاجه زي كده هايبقي فيه حاجه بتدفعنا انه احنا نقرا
وكمان في روح منافسه جميله ان احنا لازم نكون احسن

والمناقشه هنا مش معناها اعتراض او انتقاد للامام الغزالي

وليس السبب في ذلك ان الامام الغزالي فوق الغلط

لكن لا انا ولا اي حد في المنتدي يرتقي الي علمه ودينه وخبرته وتخصصه

ولكن السبب هو عرض للافكار والمعني الصحيح والهدف الصحيح منها

يعني علشان احنا ابيض ودماغنا فاضيه وانا بتكلم عن امثالي طبعا
وارد بنسبه كبيره جدا انه افهم المعني غلط
وتبقي القرايه ضرتني ومش ده الهدف

المناقشه ياستاذي الفاضل فيما فهمناه نحن وجود حضرتك وعمرو امام
وحتي الدكتور ايهاب هايزيل الفهم الخاطيء ويوضح المعني الصحيح

يعني دكتور ايهاب مثلا من اللي بشوفه في ردوده في موضعات كتير انه بيحبث من القران والسنه والتراث الاسلامي
رغم انه مش متخصص زي ماقال ولكن يريد ان يصل الي المعني الصحيح

الاستاذ عمرو امام ازهري ويقرأ كثيرا وطبعا سلسلاته في المنتدي وردوده تشهد له

انا بقي وامثالي هانعمل ايه
هانعرض اللي احنا فهمناه
وحضرتك ودكتور ايهاب والاستاذ عمرو امام وغيرهم من الناس المؤهله هاتخدوا ايدنا علي الطريق الصح وتقولوا لا ده غلط وده الصح وده اللي الامام الغزالي يقصده

ومقال تاني لحضرتك

وأعتقد
أنه يجب مناقشة الكتب المتداولة والمختلف عليها أو التى يرى أى منا أنها
تضر بالفرد فكرياً وعقائدياً وتؤثر على عقول الشباب اليوم فتحذير الناس من
الكتب التى تسمى ( كتب الأزمة ) مهم جداً وخاصة أن هذه الكتب تسبب أزمات
حقيقة .. ومناقشتها وبيان ضعف منهجيتها وتغريبها عامل أساسى فى إخراج
الشباب من التغريب إلى أصول التعريب ..

اسمحلي بقي هاختلف مع حضرتك في النقطه دي
انا ميهمنيش الكتب اللي بتعمل ازمه كما وصفتها حضرتك
يعني مش هاتعب نفسي واروح ادور علي الغلط فين واقول ياجماعه ده غلط وادخل بقي في دايرة جدل واسع لانه دي كلها كتب جدل اساسا ومناقشتها ثبت بالدليل القطعي انها لا تثمر ولا تغني من جوع

انما كتب الامام الغزالي وامثاله لا تثير جدل مينفعش اختلف عليها
لما يكون فيه حاجه مش فاهماها او اسأت الفهم فيها هلاقي في مليون واحد بيصححلي
مش مليون واحد بيشتتني اكتر

ده غير انه من وجهة نظري محاربة امثال كتب الازمه واصحابها ليس بالبحث عن مساويء هذه الكتب واظهارها
لانه ده كلام مش هايقنع ناس كتير جدا بدليل انه الكتب دي تلقي اقابلا واسعا للاسف والا مكناش سمعنا عنها

انما محاربتها هو بلاقبال علي اهل العلم واهل الثقه
لما انا اعرف ايه هو الصح سهل جدا انه اميز الخطأ وابعد عنه
وبالنسبالي يبقي الكتب دي واصحبها مش اكتر من كليب سافر وقذر بنقلب المحطه لمجرد التنويه عنه

دكتور ايهاب جزاكم الله خيرا

واكيد ماقصدته هو مالايحدث جدلا ان شاء الله

وطالما فيه امثال حضرتك في المنتدي ان شاء الله مش هايبقي فيه فرصه للجدل

وياريت حضرتك تكون نزلت الكتاب وابتديت في قراءته ومستنين حضرتك واستاذ سميح والاستاذ عمرو وابو منه وعلاء ومحمود البكري ومحمود ماهر وكل الناس اللي ابديت استعدادها انها تقرا الكتب

علاء الحمدلله انك نزلت الكتاب وابتديت تقرا ويارب يعجبك

محمود البكري انا فرحانه جدا انه الكتاب عجبك واقرا فيه علي قد ماتقدر قدمنا اسبوع من انهارده بلليل ان شاء الله

انا مش شايفه بنات ليه مبسوط

عموما ان شاء الله خير

ولكي يطمئن قلبك يااستاذ سميح لو مقدرتش ادير المناقشه صح
انا هاسيبها لاستاذ عمرو امام او الدكتور ايهاب او اي حد من الناس اللي اثبتت فعلا انها تقدر تدير الحوار

وده هايبقي شيء اجباري وفرض عليا

حضرتك مشرف والدكتور ايهاب مشرف وانا عندي استعداد انه اقبل اي تعديل واي اضافات طالما في الصالح واي حد هايقولي معلش انتي متنفعيش هانجيب غيرك انا هاكون مرحبه جدا

[size=18]
شكرا علي الفكرة يا اخت ANAHEED بصراحة كدة موضوعك دة جاي علي الواجيعة لاني القراءة صعبة جدا علية
لكن حاسس اني دي البدايةِ
ومعاكم انشاء الله

اهلا بيك يااستاذ دافلا

وانت منورنا ومشرفنا ويارب تكون نزلت الكتاب وابتديت تقرا فيه

» ويكيليكس.. لا تستغفلوا عقولنا