شعب الله المختار

رغم ان كان نفسي يكون في ردود النسبة لموضوع جهاد المنتديات عشان أشوف أكمل ولا لأ
لكن عموما دي فكرتي بالنسبة لجهادنا ده
هي يمكن مش جديدة بس حبيت أفعلها


الفكرة ببساطة جمع التواريخ
بمعنى اننا نجيب تواريخ كل اللي حصل في الشعب الفلسطيني وتكون تواريخ موثقة
ونأكد على فكرة ان الحقوق لا تسقط بالتقادم وفكرتنا احنا "يبقى الوضع على ماهو عليه"
وزي ما كل حتة في العالم دلوقتي بتطالب بحريتها لازم نأكد على حق الشعب الفلسطيني انه يطالب بحقه في أرضه

والفكرة التانية فكرة شعب الله المختار
بدل ما احنا طول الوقت عمالين بندافع عن نفسنا باننا مش الشعب الارهابي الهمجي ممكن احنا نهاجم الفكرة اللي زرعها اليهود بكونهم شعب الله المختار واللي بتخلي بقية البشر مش على نفس القدر من الكرامة والعزة

اسرائيل بفكرتها دي عمرها ما كلفت نفسها انها تنفي جريمة عملتها أو حتى تدافع عنها وتبررها
لانها ببساطة بتبص للفلسطينيين على انهم مجرد مجموعة من البشر اللي مالهومش حق يعيشوا لانهم-زي ما هما فاكرين- طبقة أقل منهم

أنا شايف اننا لازم نفهم ونفهم غيرنا هما بيفكروا كده ليه
ولازم برضه نبين تلاعبهم الغريب وبصراحة الرائع باللغة
زي مثلا عدوانهم حماية للحدود...والدفاع عن الأرض ارهاب
والأمريكان البعدا كمان
لما يسموا الاستعمار تنوير وتبشير زي ما في العراق..والرجل المجرم سياسي محنك

لازم نفضح شعب الله المختار بكل جرايمه وكل أعوانه

أما فكرة هنعمل ده ازاي فبصراحة مستني منكم أفكاركم

ولو حد شايف ان ده حاجة مسحيلة يقولي

آسف على الاطالة