الفرق بين الشباب و البنات في العمل الشرطي

الفرق بين الشباب و البنات في العمل الشرطي

اولا البنات :

الملابس : بدله الشرطه المعروفه و الكاب الطويل و السلاح في شنطه اليد غريبه البنت ديه

شعار الشرطيه : بالرقه و الحنيه تملك الكون

اسلوبها في استجواب المتهمين :

الشرطيه : انت ليه اصبحت متهم ؟؟

المتهم : اكل العيش يا هانم .

الشرطيه : انا مش هانم انا الظبطه هنا ؟؟

المتهم : لمؤخذا يا فندم .

الشرطيه : انت متهم بسرقه الراجل الغلبان ده ؟؟

المتهم : انا بريء ..

الشرطيه : بس اقوال الشهود تقول انك انت اللي سرقته ؟؟

المتهم : اكل العيش يا فندم انا ورايا كوم لحم و شحم و دم و كبد و اوانص اه و الله يا فندك وابني عيان و ابويا مشلول و امي عندها سرطان هتسعديني سعديني و لو بــ 1000 جنيه

و المتهم عمل شويه افلام يباني علي هندي و يا عيني الراجل صعب علي الشرطيه

الشرطيه : خلاص خلاص قطعت قلبي هئ هئ هئ خد الميت جنيه ديه و احلف انك مش هتعمل كده تاني ؟؟؟

المتهم : ميت جنيه بس يلا ما علينا والله العظيم مش هعمل كده تاني و هسمع كلام ماما و بابا و هشرب اللبن ..

دخل المتهم في دور البرائه و الشرطيه صدقته

الشرطيه : خلاص انت برائه مبروووووك .

الراجل المسروق : مين اللي هيدفعلي اللي اتسرق ؟

الشرطيه : انا يا حج و أمري اللي الله .

ثانيا الشباب :

الملابس1: البدله المعروفه و الكاب القصير و السلاح الميري في الحزام

الملابس2: جنز و بادي و حزام الرصاص العريض الاسود و المسدس الميري و خزنه احتياطي .

شعار الشرطي : اشطه بالقوه تفتح كل الابواب المغلقة .

اسلوبه باستجواب المتهمين : ( ربنا ما يوعد حد )

الشرطي : اسمك ايه ياض ؟؟

المتهم : احمد يا باشا .

الشرطي : احمد مين ياض اوعي تكون احمد الادمن بتاع اصحاب كول ؟؟

المتهم : لا يا باشا انا ولا اعرف اصحاب كول و لا بنات انا طول عمري في حالي .

الشرطي : انت سرقت الراجل ده ؟؟

المتهم : انا اول مره اشوفه يا باشا .

طاااااااااااااااااااااااااااخ

الظابط الله يكرمه اداله 3 بكسات علي شلوتين علي كام جوز اقلام زي الفل

الشرطي ( بصوت يهد الجبل ) : اعترف ياااااااااااااااااااااااااااااااااااااض

المتهم : يا باشا انا و الله ما اعرفه و لا سرقته ولا حاجه .

و الان العنف مش نافع مه المتهم نشوف ذكاء الشرطي و الموضوع ده مش عند الشرطيه

الذكاء :

الشرطي : انت الواد كتكوت اللي سرق البنك امبارح و الراجل ده انهرده ؟؟

المتهم : لا يا باشا انا الدكتور سليمان بتاع كليه العلوم .

الشرطي : انت بتهزر ياض اكلم عدل ؟؟؟

المتهم : انا الدكتور سليمان بتاع كليه العلوم .

الشرطي : انت مش قولت ان اسمك احمد ؟؟

المتهم : انا الدكتور سليمان بتاع كليه العلوم .

الشرطي : انت الدكتور سيلمان بتاع كليه العلوم اللي خطط لاغتيال الرئيس اول امبارح ؟؟

المتهم : يا باشا انا الواد كتكوت اللي سرق البنك امبارح و الراجل الغلبان ده انهرده .....

جمبلة اوي والله
ايه ياض الحلاوة دي
الفرق واضح علي الاخر
انت باين عليك ياحسام انت اللي سرقت الراجل الغلبان وياعيني الواد كتكوت ادبس فيها
تسلم مواضيعك ياحسام باشا

الموضوع بالنسبة للولاد طبعا هايل لان غرور الرجل بوجة عام بيخلية يبص علي البنت علي انها مجرد مخلوق ضعيف وذكائة محدود للغاية لكن لية يفكر ان نفس التدريبات اللي بيتلقها الشاب في كلية الشرطة هي نفس التدريبات التي تتلقاها البنت وان المشاعر الرقيقة لا تستخدمها الفتاة في شغلها انا لااقصد المساواة لان شىء محرم شرعا لكني اتكلم من منطلق طبيعة الرجل والمرأة في الوظائف المسندة اليهم وانا بتكلم عن تجربتي لاني مدربة كاراتية

» الفرق بين حوار الشباب و حوار البنات
» شوفو الفرق بين أجهزه الشباب والشابات
» أكاذيب الشباب على البنات
» أزى تطفش البنات من المنتدى (كل الشباب يشارك معايا )
» كليمات يضحك بها الشباب على البنات