يا أرض اشهدى .. ( مشروع لله ) ... شاركونا ....

زائر

تذكير بمساهمة فاتح الموضوع :

معلش انا كتبت الموضوع ده فى( تعالوا نستغل.......) بس حسيت انه تاه فى النص

فحبيت اكتبه فى مكان ظاهر علشان الاجر

بصوا ياجماعة ياللى راجعين كليتكم فى مشروع

لو عجبكم اعملوه اسمه (يا أرض اشهدى) هو عمل خيرى بنجمع من بعض نهاية

كل اسبوع خمسة جنيه من كل شخص احنا مثلا حوالى ستة او مايزيد

وكل واحدة من مكان مختلف..

والمبلغ اللى بنجمعه نديها لواحدة توصله لاسرة فقيرة فى بلدهم علشان البلد

دى تشهد اننا انفقنا فى سبيل الله فيها وهكذا بالدور..

يارب فكرتى تعجبكم وتشاركونا باذن الله هتحسوا بالسعادة وانتم بتشاركوا

وجزاكم الله خيرا

يارب يرزقنا الاخلاص

زائر

وانا معاكوا ان شاء الله

ربنا يبارك فيكوا

وفعلا الأهم اننا نجمع الفلوس

وربنا يكرمنا جميعا

زائر

طيب احنا ابتدينا مع ام مريم
وبصراحه حماسها شجعنا
يا ريت حضراتكم تبدأوا

زائر

من أول الشهر ان شاء الله

المهم أى فكرة جديدة من هنا لعند آخر الشهر ياريت تتعرض هنا

اعتقد يا دكتور احنا عرضنا الافكار امبارح المفروض حضارتكوا تشوف الفكرة الصح ونحاول نبتدى نطبقها وربنا يوفق الجميع

اخو أحمد رفعت كتب:: طيب ما نجمع فلوسنا شباب وبنات مع بعض

حتى نشوف مين اللى هايجمع فلوس اكتر ... تنافس فى الخير ..

الأهم دلوقتى من تحديد السبيل اللى الفلوس هاتتوجهله .. اننا نجمع الفوس نفسها

ونجمع مبلغ كبير كمان ...

ده الأهم الآن

عايزين الله يكرمكوا ننجح الشهر الجاى ...

مش عايزين نطلع صغيرين قدام نفسنا ...

والفلوس لما تبقى متجمعة من الشباب والبنات ... هاتبقى اكتر واكتر

واى مشروع ممكن نحققه بيها

سلام

أنا مع الرأى ده .........

شايفه أنه لو أحنا جمعنا الفلوس سوا هيكون أفضل وهتبقى مؤثرة أكتر

وعلى فكرة لازم لو عملنا كده يكون بينا حلقة وصل مش بس فى توصيل الفلوس وجمعها

لأ ...........كمان فى احنا هنتصرف فيها ازاى والاماكن علشان ميحصلش تضارب فى التوزيع

وحاجات تانية كتيرة لازم نبقى متفقين عليها

وإن شاء الله هيكون لينا كلام كامل بس لما نقعد مع ام مريم والبنات ونشوف ايه هيحصل

وانتوا كمان كشباب تشوفوا هتوصلوا لايه وتقولوا

وبالنسبة للسبيل اللى هتتصرف فيه الفلوس دى انا شايفه بصراحة اننا نكون أكثر مرونة بمعنى

اننا لما نجمع الفلوس نجيب الحاجة اللى فى وقتها يعنى لو قرب دراسة نتصرف على الاساس ده

لو قرب عيد برضه ولو خلاف كده يبقى ننفذ أفكار بالفلوس دى تكون طويلة وبعيدة المدى زى ما قال الاخ

حامل المسك والدكتور ايهاب

وشايفه برضه اننا أهم حاجة نحط قواعد للموضوع علشان

مش هنفضل نجدد فى العهد كل شهر لأ يبقى عندنا قاعدة ثابتة شهريا من الناس

واللى ميعرفش هو اللى يبقى لسه جديد

ومنتقيدش بمبلغ معين اللى هو الخمسة جنيه لأ خلوها كده كل اللى يقدر على حاجة يدفعها

وهى هتكمل بعضها بس المتعارف عليه والثابت خمسة جنيه

وانا مع دكتور ايهاب بشدة فى نقطة إننا ان شاء الله لازم ننجح أول شهر علشان حتى عزيميتنا متهبطش ونزعل

ونكسل ونجاحنا ان شاء الله مؤكد لأننا ان شاء الله مخلصين النية

متابعة معاكم

فيه أفكار كتير والمسألة مطمئنة لغاية دلوقتى جدا ومشجعة والله الموفق

.........

زائر

تمام كده

فلوسنا مع بعض

وحلقة الوصل هاتكون :

م/أحمد السيد + أ.حنين

كده حلقة الوصل بقت معروفة للجميع

فين بقيت الأفكار

عايز أفكار أحسن من فكرتى وفكرة أم مريم وفكرة الناس كلها

ياله ورينا الهمة

منتظرين

زائر

بسم الله

فكرة تانية ...

تحت غطاء شرعى قانونى للموضوع

جمع الفلوس يكون تبع الجمعية الخيرية بتاعت د/على الداعوس

والتى يرأسها أ.عصمت الجزيرى

جزاكم الله خير على تفكيركم و بحثكم فى هذا الموضوع ......

لن اعيد الكلام و لكن ان اتفق مع اخى ايهاب رفعت فى موضوع ان يكون شهريا و كل منا يدفع ما يستطيع و بحد ادنى خمس او عشر جنيهات .......

انا لست مع فكرة البدرية و ارجو ان يتسع الصدر لفهم ما اقصدة ....

كما قلتم ان البدرية سترهق صاحبها فى الاكل و الشرب و ما الى ذلك و هذا اولا ....

اما الأهم .... من أدراكم انكم ستجمعون كل شهر ما يغطى ثمن البدرية ؟؟؟ يمكن ان يأتى شهر بلا مشاركات او مشاركات ضعية ...فماذا سنصنع و قتها بالفلوس ؟؟؟

انا مع كفالة يتيم شهريا و ذلك بالمبلغ الذى نجمعة .....و يقوم عضو بجمعة و ارسالة لمن يستحقة و لا يحدد مبلغ معين شهريا .....كل ما يجتمع معنا مبلغ كل شهر نرسلة الى هذة الأسرة ...

من الافضل ان يتحرك المشروع اولا خطوة خطوة حتى يتسنى لنا نشر المشروع الى قدر كافى من الناس و من بعدها سنجد انفسنا ننطلق سريعا ......

ممكن ان نكفل يتيما شهريا .....

ممكن ان نجمع من بعض و نشترى شهريا ملابس ليتيم .....

ممكن ان نشترى ادوات مدرسية لمن لا يستطيع ......

ممكن ان نعطى درس خصوصى ليتيم فقير او لفقير لا يقدر على تكاليف الدروس الخصوصية على حساب المشروع

انا معكم ........رتبوا افكاركم .....ضعوا تصورات ....ارونا مبادئ للمشروع ....

و من ثم نحن معكم ان شاء الله ................

اقتباس :: ممكن ان نعطى درس خصوصى ليتيم فقير او لفقير لا يقدر على تكاليف الدروس الخصوصية على حساب المشروع

انا معكم ........رتبوا افكاركم .....ضعوا تصورات ....ارونا مبادئ للمشروع ....

والله لا فـُض فاك يا أستاذ تامر

أفكارك جديدة ورائعة

بس انا عاوزة أقول واحدة واحدة علشان نعرف ننفذ

ونبدأ براحة علشان نستمر

ومسألة الرشعية والقانونية يا دكتور احنا ممكن نتعاون

معاهم طبعا ومع أى جمعية تانية بهدف تحقيق اقصى

استفادة مش لهدف الشرعية والقانونية بس

لأن العمل ده مفهوش مشاكل واتكرر قبل كده واتعمل

وعادى جدا

والله الموفق......

بسم الله

البداية الصحيحة نصف المشروع

لابد أن نبدأ بداية صحيحة على أرض صلبة

بمعنى أننا نركز ونعرف احنا هنعمل ايه بالظبط

نحدد المشروع اللى هنعمله قبل ما نجمع الفلوس

وفكرة د/ ايهاب انها تكون تحت غطاء قانونى تابع الجمعية الخيرية للخدمات البيئية

وفكرة ا/ تامر ربنا يكرمه

هو عرض بعض المشاريع

وانا بطرح مشروع جميل جدا

هو مش فكرتى انا لوحدى

دى فكرة الجمعية نفسها وفكرة شباب كتييييييييير جدا كنا مجتمعين معاهم

المشروع /

صندوقين فاكهة للفقراء أو لسيدة ترعى اليتامى

الصندوقين مش هيزيدوا عن 150 جنية

نقدر نساهم فى التفريج عن 5 أسر من أسر العمار الفقيرة

والله من وراء القصد

ايه رأيكم ؟؟؟؟؟؟؟؟؟؟؟

زائر

طيب انا معاك يا استاذ عمرو
بس فى ناس مثلا مش هتوافق انها تشتغل فى مشروع زى ده

انا اوول مرة اشوف الوضوع دة بس صراحه افكار جميله تسلم ايدكم

وفكرتك اللى قولتها جميله ياعمرو مننا نساعدهم بشى ونبقى قدرنا نعملهم حاجه يقدوا يشتغلوا بيها على طول

ونبقى قدرنا نساعدهم فى الاول بجزء من راس مال المشروع ودة يشجعهم اكثر ويبقى فتحه

خير كثير ليهم

عموما انا معاكم واحاول اساعد بالى اقدر عليه وياريت تحددوا حد يجمع الفلوس وياريت يكون

اكثر من شخص عشان اللى ميعرفش حد يكون عارف حد تانى

وربنا يجزيكم خير ويكثر من امثالكم

زائر

احلى حاجة ان حلقة الوصل فعلا تبقى

م/احمد+حنين

وراى حنين فى كيفية صرف الفلوس راى جميل

وياجماعة حكاية البدرية دى استنوا عليها شوية لما المشروع يشد حيله ويكبر

حنين ياريت تخليكى معايا علشان حكاية الدعاية

السلام عليكم ورحمه الله وبركاته

أولا عذرا لان حنين كانت مسيطره على الجهاز .. هههه

المهم انا بجد فرحان جداااا للروح الحلوه دى

وربنا يكرمك ويااااااارب دايما تبقى العماروبلاد المسلمين بلاد خير

وانا الحمد لله قريت تقريبا كل الردود

وبجد انا مش هقدر اتكلم

بعد كلام أستاذى الاستاذ تامر

وكمان اخواتى

حامل المسك

وعمرو ودكتور أخو احمد رفعت

لكن اللى عاوز اقوله ان روح عمل الخير

عند كل البنات

ان كانت حنين او ام مريم او تسنيم او نور او الطير

وان شاء الله انا ممكن الف على كل شباب المنتدى

الاولاد طبعا واجمع الفلوس كل يوم 2 او 3 فى الشهر

وهكذا كل أول شهر

وحنين ممكن كمان تجمع من البنات

وبكده نقدر نجمع الفلوس فى مكان واحد

وبعدين كل شهر نوجها لعمل واحد ان شاء الله

فأنا فى انتظار معرفه المشاركين وان شاء الله

هنبدا من اول يوم

3 مارس القادم

وهيكون كل يوم 3 فى الشهر

اهم حاجه

جددوا النيه

والمهم أكتر مش مهم 5 جنيه ولا ربع جنيه

المهم انت عاوز تقد حاجه لدينك ولا لاء

وربنا يكرمنا ويتقبل منا

ومنتظر رأيكم فى كلامى

السلام عليكم ورحمه الله وبركاته

زائر

بسم الله

م/أحمد السيد حدد 5 نقاط فى الموضوع مهمين جدا :

النية : تتجدد

المكان النهائى لتواجد الفلوس : عنده فى البيت

الزمان : كل تالت يوم فى الشهر

الأشخاص : احنا كلنا مع بعض

المبلغ : اللى نقدر عليه سواء اكتر أو أقل من الـ 5 جنيه

ربنا يجزيك خير ..

انا معاك من أول الشهر نلف نشحت من الناس لله ..

والحمد لله انا واحمد مفيش مشكلة عندنا اننا نطلب من الناس الفلوس دى ..

طيب فيه استفسار بسيط بخصوص الدعاية للموضوع :

ممكن كل واحد عمل أى نوع من أنواع الدعاية يقلنا عمل ايه ؟؟

كلم كام واحد ؟؟

الردود كانت معاه ازاى ؟؟

كلم حد تقيل ماديا ولا لأ ؟؟

طيب لو فيه واحد مرتاح ماديا ومعروف عنه انه خير وحد ناوى يقوله الموضوع ...

هايكون مين الشخص الخير ده ؟؟ ومين العضو اللى هايقوله ؟؟

ده شىء مهم لاننا هانستفيد منه فى دعايتنا أيضا ..

ان شاء الله معاكم

ومش هقول هعمل ايه غير لما اعمل فعلا .........

عشان مش يبقي كلام وبس

ممكن كل واحد عمل أى نوع من أنواع الدعاية يقلنا عمل ايه ؟؟

انا كلمت والحمد لله ناس

والناس مرحبه جدا

هما موظفين عادى جدا بس قاله ايه يعنى خمسه جنيه

ننال بها رضا ربنا وتفكر شويه من ذنوبا

كلم كام واحد ؟؟

يعنى تقريباااااااااااااااا

قول واحد لانى مش فاكر اوى

هههههههههههه

الردود كانت معاه ازاى ؟؟

الحمد لله بترحيب جدااااااااا

كلم حد تقيل ماديا ولا لأ ؟؟

لسه بس ناوى ان شاء الله

وانا عندى اتنين فى الخير

عمرهم ما بيتأخروا

هتروح ناخد منهم انا وانت بس جهز الجلابيه

طيب لو فيه واحد مرتاح ماديا ومعروف عنه انه خير وحد ناوى يقوله الموضوع ...

هايكون مين الشخص الخير ده ؟؟ ومين العضو اللى هايقوله ؟؟

خليها بينا بقى

وان شاء الله هنبدأ زى ما قلنا فعليا من يوم 3 مارس القادم

ده شىء مهم لاننا هانستفيد منه فى دعايتنا أيضا ..

انا عندي فكرة بسيطة ممكن ننفذها مع بعض إن شاء الله

هو طبعا المفروض نبدأ فعلا نشوف الجمعية الخيرية ونبدأ نلم الفلوس

لإن هي دي الركيزة اللي هنشتغل عليها ولما نشوف المبلغ اللي هنقدر نجمع هيكون كام

ساعتها هنبدأ بإذن الله وعلي بركة في إختيار المشروع اللي نبدأ بيه

لإني بعتقد إنها بإذن الله سلسلة مشروعات

نيجي للفكرة ..

هي طبعا حاجة بسيطة جنب إقتراحتكم الجميلة

هي إننا نجيب أدوية ونفرقها علي المدارس والحضانات اللي عندنا في البلد

أنا عن نفسي ممكن أجيب كمية كبيرة من مراهم وكريمات القمل والهرش والحاجات دي

محدش يضحك أنا بتكلم جدا ممكن نديهم مع الأدوية اللي ممكن نجيبها للأخصائين الإجتماعيين في المدارس

والله الموفق وانا معاكم

بس يلا في الهمة العالية عايزين نبدأ بقي

وممكن يجماعة لو عندكم حماسة بجد وعايزين تعملوا حاجة كبيرة ومفيدة جدا

ممكن نعمل مشروع خيري كبير جدا وفكرته كانت عندي من فترة وكنت أتمني أن يتم تنفيذه

وهو عبارة عن فكرة قريبة من فكرة بيت المال قديما

وهي ببساطة اننا كشباب مسلم وملتزم نحاول نكون صحبة من الف شخص ملتزم في كل بلدنا

وكل شاب يقوم بدفع مبلغ 5 جنيه شهريا ( اعتقد انه مبلغ بسيط ويقدر علية الكل ) ، وبحسبة بسيطة هنلاقي

ان كل شهر هيتوفر مبلغ 5 الف جنيه شهريا يعني 60 الف جنيه سنويا

طيب الألف واحد هنجمعهم إزاي

كل واحد فينا يحب يشترك لازم يقوم بإقناع 4 من أصدقائه للمشاركة في المشروع

وفعلا لو كل واحد فينا نجح علي مستوي أصدقائه إنه يقنعهم فده هيكون بداية جامدة جدا

وكل واحد من إصحابنا لازم يقنع 4 أشخاص تنيين

وده كله يكون تحت ستر أحد جمعيات العمار

اعتقد اننا ممكن نعمل حاجات كتيرة قوي ونغير كتير قوي في حياتنا ومجتمعنا ومن غير ما نرجع لرجال الأعمال

ولا المسئولين ، الموضوع كله هيبقي مننا فينا كشباب مسلم عنده الرغبة في تغيير نفسه وحياته

ايه رأيكم في الفكره يارب تعجبكم ونتواصل ونبدأ في تنفيذها ، وياريت نتواصل وكل واحد فينا يحاول يقول رأيه

والطريقة المثلي لتنفيذ الفكره

منتظر منكم الردود والإقتراحات

اللهم اغفر للمؤمنين والمؤمنات والمسلمين والمسلمات الأحياء منهم والأموات انك ياربي سميع قريب مجيب الدعوات

وصلي اللهم علي سيدنا محمد وعلي اله وصحبه وسلم تسليما كثيرا

انا معاكم ومستعد للمشاركة ..
وبجد فكرة حلوة اووى ..
وبارك الله فيكم ..

زائر

كتب احمد مسعد

انا معاكم ومستعد للمشاركة ..
وبجد فكرة حلوة اووى ..
وبارك الله فيكم
اين انت يا ابو احميد

طيب كمان الموضوع مش شرط يقتصر علي فلوس بس

وكمان ملابس اللي عنده ملابس قديمه مش محتاجه صغرت عليه مثلا ...

ممكن تكون مش تلزمه بس تلزم غيره ...ممكن نجمعها ونوزعها

وممكن كمان ادويه في ادويه كتيير مثلا عندنا ومش محتجنها ممكن نخرجها للي محتجها ...

بجد ممكن نعمل خير كتيييييييييييييييير

وانا متحمسه جد جدا ومستعده اشارك بالمجهود وكمان باللي اقدر عليه

وان شاء الله اقدر اضم ناس تانيه بس ياله

عاوزين ننتقل لمرحله التنفيذ الله يكرمكم ..

اقتباس :: عاوزين ننتقل لمرحله التنفيذ الله يكرمكم ..

يوم 3 مارس ان شاء الله

انتظرونا

زائر

وكمان ملابس اللي عنده ملابس قديمه مش محتاجه صغرت عليه مثلا ...

ممكن تكون مش تلزمه بس تلزم غيره ...ممكن نجمعها ونوزعها

وممكن كمان ادويه في ادويه كتيير مثلا عندنا ومش محتجنها ممكن نخرجها للي محتجها ...

بجد ممكن نعمل خير كتيييييييييييييييير
دى برده قكره جديده وانا مؤيدها

هسألكم سؤااااااااااااااااااااااااااااااااااااااااااال ؟؟؟؟؟؟؟؟؟؟؟؟

انتم عاوزين تعملوا خير بجد ولا هنفضل نتكلم وخلاص كالعادة

نفضل شهرين نتكلم لحد ما نتعب من كتر الكلام

والغريبة ان مفيش حد بيراعى ردود الأخر

سواء بنات او شباب

شوفوا الراجل ده بيقول ايه وركزوا ف كلامه

هسيبكم تقرأوه يمكن نعمل حاجة ونسيبنا بقى من كتر الكلام

AmGaD كتب:: وممكن يجماعة لو عندكم حماسة بجد وعايزين تعملوا حاجة كبيرة ومفيدة جدا

ممكن نعمل مشروع خيري كبير جدا وفكرته كانت عندي من فترة وكنت أتمني أن يتم تنفيذه

وهو عبارة عن فكرة قريبة من فكرة بيت المال قديما

وهي ببساطة اننا كشباب مسلم وملتزم نحاول نكون صحبة من الف شخص ملتزم في كل بلدنا

وكل شاب يقوم بدفع مبلغ 5 جنيه شهريا ( اعتقد انه مبلغ بسيط ويقدر علية الكل ) ، وبحسبة بسيطة هنلاقي

ان كل شهر هيتوفر مبلغ 5 الف جنيه شهريا يعني 60 الف جنيه سنويا

طيب الألف واحد هنجمعهم إزاي

كل واحد فينا يحب يشترك لازم يقوم بإقناع 4 من أصدقائه للمشاركة في المشروع

وفعلا لو كل واحد فينا نجح علي مستوي أصدقائه إنه يقنعهم فده هيكون بداية جامدة جدا

وكل واحد من إصحابنا لازم يقنع 4 أشخاص تنيين

وده كله يكون تحت ستر أحد جمعيات العمار

اعتقد اننا ممكن نعمل حاجات كتيرة قوي ونغير كتير قوي في حياتنا ومجتمعنا ومن غير ما نرجع لرجال الأعمال

ولا المسئولين ، الموضوع كله هيبقي مننا فينا كشباب مسلم عنده الرغبة في تغيير نفسه وحياته

ايه رأيكم في الفكره يارب تعجبكم ونتواصل ونبدأ في تنفيذها ، وياريت نتواصل وكل واحد فينا يحاول يقول رأيه

والطريقة المثلي لتنفيذ الفكره

منتظر منكم الردود والإقتراحات

اللهم اغفر للمؤمنين والمؤمنات والمسلمين والمسلمات الأحياء منهم والأموات انك ياربي سميع قريب مجيب الدعوات

وصلي اللهم علي سيدنا محمد وعلي اله وصحبه وسلم تسليما كثيرا

تعقيب صغير بس ::

عاوز اقول ان الاخ الكريم احمد السيد ربنا يبارك فيه ممكن يجمع فلوس

ربنا يزيدك بجد يا احمد

لكن انا بجد خايف لو في يوم تتعب او تكون مشغول

وكمان صعب انك تلف على مجموعة كبيرة من الشباب كل شهر

الافضل ان كل واحد يكون ملتزم بخمس افراد غيره

يجمع منهم الفلوس وهى هتكون عبارة عن اشتراكات للجمعية الخيرية وبالتنسيق معاهم هنقدر نوجه نفسنا توجيه سليم 100%

وهنقدر نكون ايد واحدة لمساعدة المحتاجين

وكلمة أخيرة يا جماعة :

بالله عليكم لو هدفكم الأول لله

لازم تنكروا ذاتكم شوية

» شاركونا ..
» شاركونا يوم الثلاثاء إن شاء الله ،،
» اعداد ..فيلم ...عمار يابلدى ....شاركونا
» حصريا&$#المسابقة الاسلامية الكبرى ..الآن..... شاركونا ..
» مشروع الاستعداد لرمضان