الله على زمان قول للزمان ارجع يا زمان

ارجعو معايا بالزمان شويه وانسو الي قدام
زمان كانت الحياه حلوه اوي
حياة بجد
ضحكه حلوه
غنوه حلوه
قصه حلوه
كل حاجه حلوه
الحياة مكنتش لسه اتلوثت بافكارنا دلوقتي
صحيح الدنيا مكنتش اتطورت اوي والتكنولوجيا كانت معدومه
بس الحياه كانت جميله
وبرغم كده الناس كانت سعيده وعايشه مبسوطه



تعالو نفتكر ايام العندليب
الله عليك يا حبيبي
لما كان يتغزل كده ويقول بتلوموني ليه لو شفتم عنيه حلوين قد ايه
ولما كان بيتجرح ويقول في يوم في شهر في سنه تهدى الجراح وتنام وعمر جرحي انا اطول من الايام
ويوم ما بنينا السد عالي غنى وقال قولنا هنبني وادي احنا بنينا السد العالي
ويوم ما اتغزل في مصر وغنى وقال وبلدنا على الترعه بتغسل شعرها ياما نهار مقدرش يدفع مهرها
عاتب وقال تخنوه وعمره ما خنكم ولااشتكى منكم
فرح وقال ضحك ولعب وجد وحب عيش ايامك عيش ليالك خلي شبابك يفرح بيك

الله الله يا حليم
ده صوته كان بيهز المسرح من جماله وملايين الناس بتستناه
والبسمه مرسمه على شفايفهم
الناس زمان كانت ممكن تسمع اغنيه 3 ساعات متواصله متزهقش
البال رايق

[ندعوك للتسجيل في المنتدى أو التعريف بنفسك لمعاينة هذه الصورة]

فاكرين احسان عيد القدوس
ده قمه بجد
فين ايام الحجات الحلوه ... والروايات الي بجد مفيش زيها خلاص
بعيدا عن الارض... انف وثلاث عيون...اسف لم استطيع.....حالة الدكتور حسن....فين كل ده
احساسه ورومانسيته وخياله كان بينقل الانسان لعالم تاني بجد

[ندعوك للتسجيل في المنتدى أو التعريف بنفسك لمعاينة هذه الصورة]


صلاح جاهين ... ده خد الثوره كلها على قلبه انسان حب بلده بجد
وكان عايزها اجمل بلد
كتب ليها كتير واتغزل فيها كتير
ويوم المعركه وقف قصداها وكتب يا اهلا بالمعارك

[ندعوك للتسجيل في المنتدى أو التعريف بنفسك لمعاينة هذه الصورة]

ويا سلام بقى لما تسمع لحن الموجي الله عليه ده استاذ بجد
لحنه بيحسسك انك بترقص على نجرس وياسمين

[ندعوك للتسجيل في المنتدى أو التعريف بنفسك لمعاينة هذه الصورة]

ومقدرش انسى الابنودي الريفي
وانا كل ما اقول التوبه يا بويا .... على حسب وداد قلبي يابوي راح اقول للزين سلامات
رميت نفسك في حضن سقاك الحضن حزن حتا في احشان الحبايب شوك يا قلبي
الله عليك يا جميل

[ندعوك للتسجيل في المنتدى أو التعريف بنفسك لمعاينة هذه الصورة]


حتا افلام زمان كانت بجد جميله
افلام كلها معاني حلوه
والضحكه فيها من القلب وصادقه مش مزيفه
ناس قلوبهم صافيه بيقدمو فن جميل اوي
وعباقرة السنما كلهم بتوع زمان
حد يلاقي دلوقتي واحده زي فاتن حمامه ولا سعاد ولا شاديه ولا ........ الخ
رشدي اباظه وفريد شوقي وطبعا ملك الكوميديا المصريه فؤاد المهندس
غنى ومثل وفرحنا كتير

فين صوت اسمهان وشاديه وام كلثوم ونجاة وعبد الوهاب

فين ايامك يا عبد الناصر
فين ايامك يا سادات
ايام ما مصر كانت بجد مصر
اايام الجيش المصري بجد
ولما كانت تيجي الحرب تلاقي كل الشباب واقف ومستعد للحرب
بيدافع عن مصر بحبه واخلاصه بجد
يضحكي بعمره وهو شاب علشان النصر وعلشانا حنا نعيش في امان
هما دول ابطال مصر الحقيقين
هما الدول الي فكرو فينا قبل ما يفكرو في نفسهم
وقفو وقفه رجاله قدام دبابات ومهمهمش حاجه

انا بتمنى ارجع للناس دي وابقى منهم
اتعلم ازاي اضحك من قلبي وافرح بجد ومن اقل حاجه وبحجات بسيطه جدا

بس على رايك يا ست
قول للزمان ارجع يا زمان











__________________