سبيل أم عباس.. من اروع ماكتب على سلامه ...

السلام عليكم ورحمه الله وبركاته

بجد قصيده جميله جدااااا

لحبيب قليى على سلامه

من ديوانه ناقص حته

سبيل ام عباس.....
----------------------
بقولها ما تيجي....
نحط سيناريو للاحداث....
قالتلي يا عم.....
اللي هايسري علينا.....
هايسري على الناس.....
قولتلها....
يعني لو مفيش ميه....
قالتلي....
يبقى سبيل ام عباس....
قولتلها....
ولو مفيش عيش....
قالتلي...
يبقى رز و قلقاس...
قولتلها....
ولو مفيش غاز.....
قالتلي....
نسيت الوابور ابو فونيه....
وطربوش و كباس....
قولتلها....
و لو مفيش نور...
قالتلي يبقى احسن....
عشان ما تشفش البنات...
اللي ف الدش...
يا راجل يا بصباص...
قولتلها...
و لو مفيش بيت...
قالتلي...
نبقى نقعد عند امي....
بقى و خلاص....
قولتلها....
و لو فيه قلق...
قالتلي...
كوباية شاي...
تظبط المزاج و تعدل الراس...
قولتلها...
و لو فيه خوف...
قالتلي...
نقفل علينا الباب...
بالقفل و الترباس...
قولتلها...
و لو مفيش هوا...
قالتلي...
أهوي عليك بالجورنال....
و تهوي عليا بالكراس.....
قولتلها...
و لو مفيش امل...
قالتلي...
يالاهوي...
حرام عليك....
يا ساتر يا رب....
ما احنا اهو....
من غير قلب...
ومن غير احساس...
وعايشين....
عاجبك كده اهو النور قطع....
و مش شايفين...
حاسب تدوس ع الواد...
و اوعى تكسر طبق....
واللا كوبايه...
واللا كاس....

اجمل مافيها ان عندها رد لكل حاجة

وعندها حل لاى مشكله

بس هى مين دى ؟؟؟؟؟

بس بجد حلوة اوى الاستاذ على سلامة رااااااااااااااااائع

جزاكم الله خيرا ياريت بقى التفسير وهو بيكلم عن ايه

شكرا ليك ياهندسة قيدة حلوة

» آخر ماكتب محمود درويش
» أروع ماكتب نزار قباني
» عايز ديوان عابر سبيل لعباس لعقاد
» عن ابن عباس قال..................
» تكسير قاعة المحكمة عقب إخلاء سبيل الضباط المتهمين بقتل المتظاهرين