اية فايدة التعليم

انا ملاحظ انى فرص العمل فى مصر قليلة اوى
ون لقيتها يبقى مش فى نفس المجال اللى انت قعدت تدرس قية 15 سنة
يعن الواحد لو كان اشتغل فى اى حرفة كان زمانو دلوقتى اسطى كبير وبيكسب ومية مية
لكن انا بسأل اية فايدة التعليم؟؟؟؟؟؟!!!!

اكيد له فايدة كبيرة

مش مهم تشتغل بمؤهلك الى انت اتخرجت بيه كفاية مكانتك وسط المجتمع

ياعم عمرو المكانة دى الواحد بيكتسبها بأحترامه للناس واحترام الناس ليه

انا قصدى المكانة العلمية

ممكن
بس الناس دلوقتى بتدور على الشهادة علشان تتجوز بيها
ههههههههههههههه

ياباشا انا اشوفك احلى برنسيسة فى البلد
ولا عايز من خارج البلد

تعليم ملهوش اى فايدة فى حياتنا

تعليم فاشل مش بيفيد ولا بيجيب

كل هم اللى بيتعلموا انهم ياخدوا الشهادة وخلاص

وانا واحد منهم مش عارفين هم بيتعلموا ايه ولا عارفين مستقبلهم ايه ؟؟

بعد ما يخلصوا تعليمهم

دلوقتى تسال اى حد وتكلمه عن التعليم بتاعنا

يقولك تعليم ايه يا بنى انت ؟؟

ده انا اتعلمت من الشارع قد ما اتعلمت فى المدارس عشر مرات ؟

وده بسبب النظام الفاشل بتاع التعليم فى مصر

حقيقى الناس مدركة ان التعليم اصبح ملهوش اى فايدة

واللى بيتخرج مش لاقى شغل واللى بيتعلم مش حابب التعليم

ويقول امتى اخلص عارفين لو كل واحد اتعلم الحاجة اللى هو حاببها

كان زمانه دلوقتى عبقرى وبقا من احسن الناس فى الدنيا فى شغلته

ميــــــــزو

زائر

التعليم فى مصر ملوش مستقبل

انا بجد عايز اسمع اراء باقى الاعضاء
الموضوع جميل جدااااا ياعمور
تسلم ايدك

أنا شايف ان التعليم-رغم اعتراضي ومتهيألي اعتراضنا كلنا على أسلوبه عندنا-لكنه في النهاية عرفنا على الدنيا وخلى عندنا ثقافة

في ناس اتعلمت من التعليم حب القراية
وأنا بحاول أبقى منهم

التعليم علمني ازاي أفكر
ازاي مثلا لو في مسألة صعبة أفضل أحاول أفكر بكل الطرق اني أحلها
ممكن ما أعرفش
بس كفاية اني بفكر
وده ممكن يطبق على أي مشكلة تقابلنا

التعليم علمني ازاي آخد بقالي من الحاجات الصغيرة
ممكن تبان لغيري مش مهمة ومش جاية في الامتحان لكن بعمل حسابي وأذاكرها
وده ممكن يطبق في حياتنا انك ما تستخفش بحد مهما كان
مين عارف

يعني

وليد العسيلي كتب:: أنا شايف ان التعليم-رغم اعتراضي ومتهيألي اعتراضنا كلنا على أسلوبه عندنا-لكنه في النهاية عرفنا على الدنيا وخلى عندنا ثقافة

في ناس اتعلمت من التعليم حب القراية
وأنا بحاول أبقى منهم

التعليم علمني ازاي أفكر
ازاي مثلا لو في مسألة صعبة أفضل أحاول أفكر بكل الطرق اني أحلها
ممكن ما أعرفش
بس كفاية اني بفكر
وده ممكن يطبق على أي مشكلة تقابلنا

التعليم علمني ازاي آخد بقالي من الحاجات الصغيرة
ممكن تبان لغيري مش مهمة ومش جاية في الامتحان لكن بعمل حسابي وأذاكرها
وده ممكن يطبق في حياتنا انك ما تستخفش بحد مهما كان
مين عارف

يعني

ما شاء الله يا دكتور نظرتك إيجابية جدا بس صعبة الواحد يتخيلها

انت لو جيت تبص للتعليم واسلوبه فى الدول المحترمة هتتاكد ان احنا هنا

قدامنا مليون سنة علشان نقدر نقول اننا عندنا تعليم اصلا

يا دكتور احنا لسه مش قادرين نوفر اماكن آديمة للمتعلمين اماكن بس مش اكتر

نهايك عن اسلوب التعليم اللى بيتخن العقول وبنينم وبيقتل المهارات والمواهب وبيعقد فى الاخر

نهايك عن مدى صلاحية طاقم المعلمين اللى اصلا معندهمش اى خلفية عن التدريس سوى المادة التعليمية

ومش كلهم كمان بيجيدوها الا من رحم ربى

نهايك عن مدى مطابقة المناهج اللى بندرسها للواقع

يااااااااااه مليون حاجة وحاجة الواحد بيتعب لما بفتكر التعليم فى مصر

مش هقدر اعدهم كلهم لكن كلنا عارفينهم وحاسينهم

التعليم
دى المرحلة اللى الواحد ............او مش مرحلة دى الوسيلة اللى تخلى الانسان يحاكى الطبيعة ويتفنن فى اسلوب التعامل مع عواقب الحياة

لايوجد تعليم نهائى فى مصر
فلو شفت مثلا أى كلية من الكليات النظرية هتلاقى الطالب قاعد طول السنة فى بيتهم أو شايفله أى شغالنة أهو يصرف منه على نفسه ولايقتل بيه حتى الملل اللى جوه لحد قبل الأمتحان بيومين 3-4-5 يجيب مذكرة الأمتحان يقرأ كلمتين منه يمكن يجى منها حاجة فى الأمتحان ودومتم على كده يخرج من الأمتحان تقوله أيه الحاجة دى يقولك ولاعندى أدنى فكرة عنها.............

أنا معاكي ان الاسلوب اللي احنا بنتعلم بيه غلط
والمناهج تقريبا عفى عليها الزمن وبقت المفروض تدرس كجزء من مادة التاريخ
ومعاكي ان المدارس بقت عاملة زي الأسواق من زحمتها
ومعاكي ان في حاجات كتير أووووووي غلط

بس أنا شايف ان اللي عايز يعمل حاجة ممكن يعملها بسهولة

ماحدش يقدر يمنعك انك تفكر
ماحدش يقدر يمنعك انك لو حبيت مثلا الرسم تفضل ترسم
ماحدش يقدر يمنعك لو عايز تعرف إيه الجديد في العلوم والرياضيات وخصوصا اليومين دول مع التطور الرهيب ده والتكنولوجيا الموجودة اليومين دول

مش المدرسة اللي خلت نيوتن يعرف قانون الجاذبية
ولا المدرسة اللي خلت أينشتاين يحط نظرية النسبية

المشكلة فينا احنا
لو احنا عايزين حاجة ومن قلبنا سهل جدااااااااااااااا نعملها

ههههههههههههههههه

هو اينشتين اخترع النظرية النسبية؟

ما انتوا بتوع الطبيعة والفزياء

بس يا جماعة الموضوع بيتكلم عن التعليم عموما وتأثيره على عقلية الفرد وكيفية التعامل مع الامور الدينيوية بكافة الوسائل المشروعة اللى برده بنتعلمها

مش بيتكلم عن التعليم فى مصر ومشاكله ولا ايه؟
انتم توهتونى

ما احنا مروحناش بعيد أوى يا بشمهندس ولا حاجة كله تعليم

ودكتور وليد معاه حق بس عاوزة اقول ان الامكانيات والاسلوب الصح بتساعد بشكل

كبير جد وبتشجع وبتدى دفعة

بس على رأى دكتور شريف عرفه اللى عاوز ينجح بينجح واحنا فى زمن سهل جدا النجاح

فيه لان مفيش ناس كتير عاوز تبقى ناجحة فاكيد الطريق اسهل من ان تكون حواليك ناس

كتر عندها هدف ومنافسين ليك بالعكس سلبية الناس اللى حواليك هتخليك تظهر بسرعة

بمعنى آخر مصائب قوم عند قوم فوائد

أعداء الإنسانية
1- الجهل .
2- الفقر .
3- المرض .
والمفروض إني التعليم يساعد البشر في القضاء علي أعداء الإنسانية الثلاثة
شكراً علي هذا الموضوع الجميل .

التعليم مش هو السبب فى دة كلة

مش هنرمى الحمل على التعليم

الجاهل دة يبقى اعمى ضرير

العلم نور

العلم هو كل شئ يترتب علية الانسان اساس الحياة

بسم الله الرحمن الرحيم

التعليم فى مصر متنيل بستين نيلة والكل عارف كده

اما التعلم يعنى تعلم نفسك بنفسك هوه دا المهم

اما التعليم غرضه الشهاده (للاسف)

هو فعلا التعليم فى مصر سئ للغايه

ويمكن كمان بقى الغرض منه الشهاده فقط
الشهاده دى اللى محدش بيتعرف بيها فى اى دوله
اوروبيه
يعنى دلوقتى لا تعليم ولا شهاده
بس الفايده من التعليم اكيد غير اللى كلنا شايفنها من وجهه
نظرنا
ودلوقتى التعليم بقا اساسه البحث والمجهود الذاتى
يعنى علم نفسك بنفسك متعتمدش على مدرسه او كليه انها هتديك كل
كل المعارف والتجارب الانسانيه
ميرسيه ليك موضوع جميل

الناس اللى فى التعليم هما اللى سيئن جدا

انما احنا بنتكلم على التعليم بشكل خاص

التعليم زات نفسة

لو اتكلمنا عن التعليم ذاته واهميته بغض النظر عن

سلبيات التعليم فى بلدنا بجانب ان مفيش وظائف وغيره
هنلاقى ان التعليم ليه فوائد متعدده
فاول شئ عرفناه من التعليم القراءه
والقراءه غير كونها اساس المعارف كلها
فهى اول امر من اوامر الله تعالى فى كتابه
(اقرأ باسم ربك الذى خلق)
بالقراءه عرفنا ازاى نقرأالقرأن الكريم
عرفنا ازاى نقدر الكتب بمختلف انواعها وتخصصاتها
اتعرفنا من خلالها على حضارات الشعوب المختلفه
ولغاتهم وطرق تفكيرهم اللى بنستفيد منها فى حاجات كتير زى مثلا
المخابرات والجيش والدفاع والهجوم غير ان معرفتها بتفيد فى حاجات اخرى
يمكن مقدرش احصر اهميه القراءه لوحدها فى حاجات معينه
لان مجالاتها كتيره ومتعدده
بس من خلال اول شئ اتعلمناه تعرفنا منه على حاجات كتير
مابالنا لو تتبعنا الاشياء الاخرى اللى اتعلمنا من التعليم ذاته

انا من رأى ان الجهات المسؤله عن التعليم نشوف دوله اوربيه كويسه فى طرق تعليمها

وتقلدها وتعمل زيهم اكيد هنواجه مشاكل واختلافات فى انك تقنع الناس بالتغيير

بس لو عدينا المرحله دى حلنا هيتغير وهتفرق معانا فى كل حاجه .

وهنحس فعلا ان التعليم له فايده كبيره بس ازاى تستفيد منه هيبان بعد التغيير

لكن لو فضلنا على حلنا ده التعليم مش هيفدنا ولا هنقدر نستفيد منه

والله المستعان

يا أستاذى مهو مسألة النظام بتاع الدول المتقدمة فى التعليم ده مش جايب همه

لاننا احنا مش هما ازاى ناخد سياستهم التعليمية نطبقها هنا

واحنا لسه فى مجال التقدم نكاد نكون بنحبو

أعتقد الحل مش فى إننا ناخد من حد متقدم

لا الحل اننا نشوف حالتنا كويس وايه الافضل والمناسب لينا والمناسب لينا دى مهمة اوووووى

وإحنا من الناحية دى عندنا علماء وناس بتفهم فى التعليم والتربية كويس جدا

بس مركونين على الرف لازم يكون التغيير بطابعنا احنا

علشان لما بنيجى نطبق حاجات جديدة مش بتاعتنا ببساطه مبتبقاش على قدنا

ولا تجدى بأى شىء وده اللى حاصل دلوقتى عندنا

بقينا واقفين على السلم لا حصلنا ده ولا ده

اى تعليم بتتكلمو عنه
التعليم المصرى ذات المستوى الردى

» اية فايدة الثورة
» مفيش فايدة مع الصعايدة
» التعليم الى اين ..؟
» :: مهنة التعليم ::
» التعليم والثقافة