السلام عليكم

السلام عليكم ورحمه الله وبركاته
سعيد جدا بانى اخيرا عملت عضويه فى المنتدى الناجح شباب العمار
الحقيقه انا كنت كل لما انوى اعمل عضويه كنت بكسل اعملها ودا مش من فراغ لا من شغلى عليا ضغط شغل كبير جدا وكمان داخل على حياة جديدة عقبالكم كلكم وبالتوفيق للجميع
انا كنت بدخل اتصفح المنتدى بعضويه اخويا او اختى سيام اللى بلاقيه موجود فيهم ودا من كلامهم الجميل الل ى بسمعه منهم على المنتدى

اللى دعانى اعمل عضويه وادخل فيها فى الوقت دا بالذات هى ان كان فى موضوع لعضو اسمه مشارى امبارح
وكان بيتكلم عن بعض الاعضاء هنا بطريقه مش كويسه بالمرة الحقيقه كلامه استفزنى ولما رجعت البيت سالت اخويا الصغير ربنا يبارك لنا فى عمرة ولقلته الكلام دا صحيح ولا لا هو نفى وبشدة وكمان انا اعرف الناس اللى كان العضو مشارى بيتكلم عنهم دول هى مش معرفه شخصيه اوى ولا حاجة بس احنا كمننا فى بلد واحدة فالطبع الشباب كلهم عارفين بعضهم واعرف اهاليهم كمان معرفه كويسه والحقيقه هما ناس فوق الوصف واكن ل همكل الاحترام رغم فر ق السن اللى بينا يمكن اكبر واحد فيهم انا اكبر منه

وان ميصحش نتكلم على بعض كدا لان كدا غلط جدا وكمان ميصحش نتكلم على الناس دى بالذات لانهم اكثر الناس احتراما هنا

النقطه التانيه والاهم انا اختى كمان مسجله هنا فى المنتدى من زمان تقريبا من سنه فاتت وعمرها ما اشتكت من اى حد ضايقها برساله زى ما العضو مشارى قال ولو كان حصل انا عمرى ما كنت هاامن عليها انها تدخل المنتدى ولا اخويا كمان كانو دايما بيشكرو فى المنتدى والناس الصفوة اللى فيه الناس المحترمين بجد مش اللى بيعملو نفسهم محترمين زى كلام العضو مشارى

واخيرا بشكركم جدا
وببلغ سلامى لاخواتى الصغيرين هنا الاستاذ احمد منصور والاستاذ المتر محمد عبد السلام انا اعرف انك خريج حقوق مش كدا ولا انا غلطان لو غلطان اعذرنى بقى انا عجزت من زمان هههه
وكمان الدكتور احمد طلعت والاستاذ احمد السيد والاستاذ عمرو قنديل
اعذرونى دول اللى اعرفهم هنا ودول ناس غايه فى الاحترام ودى حاجه ملموسه فيهم وبشهادة ناس كتير زملاء

ومعلش مش هاقدر اكون معاكم على طول لفانى بروح شغلى والجو ظلام وبرجع والجو ظلام
بس سايبلكم اخويا واختى
ربنا يرعاهم ويرعاكم
والسلام عليكم

شكرا ياجميل نورتنا واكيد حضرتك اضافة كبيرة لينا طبعا وكمان كلامك بيدل على نبل اخلاقك

طبعا انا مش هاتكلم كتير لتقول اونطا ولا حاجة بجد نورتنا

ومتزعلش مش محمد بس خريج حقوق وانا كمان خريج حقوق

مرحبا بك فى بيتك ..

وببلغ سلامى لاخواتى الصغيرين هنا الاستاذ احمد
منصور والاستاذ المتر محمد عبد السلام انا اعرف انك خريج حقوق مش كدا ولا
انا غلطان لو غلطان اعذرنى بقى انا عجزت من زمان هههه
وكمان الدكتور احمد طلعت والاستاذ احمد السيد والاستاذ عمرو قنديل

اقتباس :

بص يا أخى ..

انا هاقولك كلمتين من القلب .. أرجو أن يصلو الى القلب ..

أولا بتسجيلك معنا اليوم .. فأنت أصبحت أخا لنا جميعا ..

ثانيا :

فرق السن بينك وبين الناس اللى ذكرتها مش كبير ولا حاجة ..

وعندنا ناس على المنتدى منهم أ.سميح 38 سنة وأ.مختار محمود 42 وغيرهم

اللى فى الخمسينات وووو ..

وكلهم مجمعين على ان المعيار الوحيد لتقييم الناس على المنتدى هو ( الاحترام ) ..

احترام الأعضاء - احترام المواضيع - احترام الردود .. وقبل ذلك ( احترام النفس )

ولكن ليس أبداً فارق السن ..

مرحبا مرة أخرى فى بيتك الجديد والمستمر الى آخر العمر ان شاء الله ..