:: مهنة التعليم ::

موضوع: :: مهنة التعليم :: الأحد 08 مارس 2009, 11:46 pm

مهنة المعلم هى أشرف المهن .. وأوصى بها النبيين والرسل

فمن بين يده يخرج المصلح والفاسد .. فهو مربى الأجيال ..

ولكن !!

كيف وصل الحال بالمعلم فى يومنا هذا

دروس خصوصية .. عدم السيطرة على الفصول الدراسية فضلا عما يحدث اليوم فى الجامعات من مهازل ..

أوجه لكم هذه الأسئلة وستكون ان شاء الله أسئلة تقليدية فى كل مهنة سنعرضها :

* ماذا تعرف عن طبيعة هذه المهنة ؟

* من وجهة نظرك .. ما هى الجوانب السلبية فى هذه المهنة ؟

* بإنصاف .. ما هى الجوانب الإيجابية فى هذه المهنة ؟

* هل هذا العمل يناسب المرأة ؟

* ما مدى تأثير هذا العمل فى المجتمع (تخيل حياتك بدون هذا العمل) ؟

* ما مدى نظرة المجتمع لهذه المهنة ؟

* عايز تقول ايه عن المهنة دى ؟

(الأسئلة كافية فرجاء عدم الخروج عنها)

زائر

* ماذا تعرف عن طبيعة هذه المهنة ؟

مهنة يعشقها كل من يقترب منها .. ولا يوجد بيننا من لم يتمناها يوما ما ..

* من وجهة نظرك .. ما هى الجوانب السلبية فى هذه المهنة ؟

الماديات فقط ..ليس فقط مع المدرسين فى المدرسة لكن حتى مع اساتذة الجامعات ..

* بإنصاف .. ما هى الجوانب الإيجابية فى هذه المهنة ؟

1-منظور الدين لهذه المهنة :

قال تعالى ( إنما يخشى الله من عباده العلماء )

قال صلى الله عليه وسلم ( إن الله و ملائكته حتى النملة في جحرها و حتى الحوت في البحر

ليصلون على معلم الناس الخير ) صحيح - الألبانى .

2-منظور المجتمع :

يُنظر الى المدرس على انه قيمة ..

والطالب الوفى يعلم ذلك ويقدره لأستاذه ..

ولا يوجد فرد فى المجتمع الا ويُجِل المدرس ويقدره .. بل ويستشيره ويطمئن الى رأيه ..

* هل هذا العمل يناسب المرأة ؟

نعم

* ما مدى تأثير هذا العمل فى المجتمع (تخيل حياتك بدون هذا العمل) ؟

لو المجتمع بدون هذا العمل ..يفقد المجتمع القدوة ..

* ما مدى نظرة المجتمع لهذه المهنة ؟

نظرة تقديس

* عايز تقول ايه عن المهنة دى ؟

عاوز أقول .. ربنا يبارك فى الناس اللى تعبت فينا ..

ويمكن احنا دلوقتى مقصؤين فى حقوقهم ..

* ماذا تعرف عن طبيعة هذه المهنة ؟

مهنة جميلة جدا جدا جدا ومحدش مارسها ومحبهاش او حس انها دون المستوى بالعكس

كل حاجة فيها حلوة

* من وجهة نظرك .. ما هى الجوانب السلبية فى هذه المهنة ؟

مفيش فيها هى أى سلبية واحدة حتى لكن السلبيات ممكن تكون

أحيانا فى سلوك المعلم أو المدرس وده نادر جدا

والماديات برضه لا نـُقدر المعلم كمان ينبغى ان يكون

يعنى تخيل انت مهنة كل هدفها التعليم وتنوير عقول الناس والافادة

يبقى ازاى تلاقى فيها سلبيات

* بإنصاف .. ما هى الجوانب الإيجابية فى هذه المهنة ؟

كلها بدون إستثناء ولو بس كل اللى فيها ان حد بيستفيد منك حرف واحد بس

فده يكفى وطبعا مش ده بس كل الموضوع دى مهنة بتصنع منها جيل

* هل هذا العمل يناسب المرأة ؟

طبعا يناسب بل هو الأنسب على وجة الإطلاق والعموم

* ما مدى تأثير هذا العمل فى المجتمع (تخيل حياتك بدون هذا العمل) ؟

مش هيبقى فيه مجتمع أصلا ولا حياة ولو رجعنا بالزمن للوراء شويه

وشوفنا الدنيا بدون تعليم هنعرف قدر التعليم وقدر مهنة التدريس

مستحيل تخيل الحياة بدونها

* ما مدى نظرة المجتمع لهذه المهنة ؟

نظرة إحترام وتقدير وتوقير

* عايز تقول ايه عن المهنة دى ؟

عاوزة أقول انها مهنة مفيش صفة جميلة من وجهة نظرى تقدر توصفها

ـــــــــــــــــــــــــــــــــــــــــــــــــــــــــــــــــــ

ملحوظة طفيفة:

أعتقد إن العنوان كان المفروض يكون ( مهنة التدريس) وليس التعليم

لأن لفظ أو مصطلح التعليم دايما بيكون خاص بمكن يتلقوا التعليم

يعنى الطلاب أو طلابى العلم

أما لو هنتكلم عن المعلم والاساتذة نبقى نقولى (مهنة التدريس)

وعلى فكرة لفظ التدريس خاص بالاساتذة ومش لفظ عقيم

لأ ده شامل تدريس المادة العلمية

وكمان شامل الجوانب الاخلاقية والمعنوية اللى بيدرسها المعلم

فى النهاية شكرا ليك وجزاكم الله خيرا

منتظرين مهن أخرى

* ماذا تعرف عن طبيعة هذه المهنة ؟
مهنة التدريس من اهم المهن فى حياتنا

محدش يقدر يعيش من غير مايتعلم والسبب فى تعليم

اى حد هو المعلم ودة فى اى مجال دراسى

* من وجهة نظرك .. ما هى الجوانب السلبية فى هذه المهنة ؟

مش شايفه اى سلبيه فى المهنة غير سلبيات فرديه

من قبل بعض الافراد زى المادية والاستهتار

اللامبالاه وعدم المسؤليه

* بإنصاف .. ما هى الجوانب الإيجابية فى هذه المهنة ؟

كلها بجد ايجابيات بس لو المهنة استغلت صح

يعنى المدرسه متبقاش دراسه وحشو بس

تبقى مكان لتعليم السلوك وغرز قيم ودة اللى

افتقدتوا المهنة دلوقتى واسالوا حنين ؟؟؟

* هل هذا العمل يناسب المرأة ؟

اكثر عمل يناسب المرأة

* ما مدى تأثير هذا العمل فى المجتمع (تخيل حياتك بدون هذا العمل) ؟

الدنيا من غير مهنة التدريس صعبة اوى

تخيلوا ان مفيش حد بيتعلم صعبة اوى

هيبقى فى جهل وظلام دامس

* ما مدى نظرة المجتمع لهذه المهنة ؟

نظرة المجتمع طول عمرها نظرة احترام لصاحب

هذة المهنة وبجد انا عن نفسى بقدر اى معلم

اومعلمة بس للاسف فى الايام اللى احنا عايشين

فيها دى الولاد والبنات بقوا بيهينوا المدرس جدا

ودة انا شفتوا بعنيا

* عايز تقول ايه عن المهنة دى ؟

عايزة اقول كفايه ان الاستاذ رافت طه

والاستاذ صبرى طه والاستاذ انس الجوهرى

والاستاذ بكرى الذق والاستاذ على عجاج

والاستاذ موسى نوفل الله يرحمه

انهم بيمتهنوا هذه المهنة وبجد مفيش كلام بعد كدة

واقول عن المهنة "قم للمعلم وفيه التبجيل ...كاد

المعلم ان يكون رسولا ""

* ماذا تعرف عن طبيعة هذه المهنة ؟

هي أشرف مهنة في الوجود تستحق مزيدا من الاهتمام والتقدير

* من وجهة نظرك .. ما هى الجوانب السلبية فى هذه المهنة ؟

قلة الكوادر المدربة تربويا

عدم الإهتمام بها من جانب الحكومة

ضعف مواردها الخاصة

إعتمادها علي أسس ونظريات أجنبية

.....

* بإنصاف .. ما هى الجوانب الإيجابية فى هذه المهنة ؟

إعداد الحاضر والحفاظ علي الماضي ورسم المستقبل

* هل هذا العمل يناسب المرأة ؟

نعم

* ما مدى تأثير هذا العمل فى المجتمع (تخيل حياتك بدون هذا العمل) ؟

يسود الجهل والتخلف وتندثر الحضارات

* ما مدى نظرة المجتمع لهذه المهنة ؟

هناك من ينظر لها بعين الإحترام والتقدير وهم من يعلمون دورها الأساسي

وهناك من لا يقدرها وذلك بناءا علي جهله بدورها وأيضا عدم إداركه لحقيقتها

* عايز تقول ايه عن المهنة دى ؟

أحب هذه المهنة

جزيتم خيرا لاهتماماتكم بالموضوع

حياكم الله

Amr Emam كتب:: * ماذا تعرف عن طبيعة هذه المهنة ؟
هى أسمى وأنبل رسالة موجودة فى المجتمع ويكفى انها رسالة الانبياء والرسل

* من وجهة نظرك .. ما هى الجوانب السلبية فى هذه المهنة ؟
الجوانب السلبية فيها تعتبر دخيلة عليها وهى ان تخضع لمعايير معينة لاختيار من يحمل هذه الرسالة
حتى يراعى الله فى اولادنا

* بإنصاف .. ما هى الجوانب الإيجابية فى هذه المهنة ؟
كلها ايجابيات
* هل هذا العمل يناسب المرأة ؟
بالتاكيد لان جانب الامومة مطلوب جدا فى المرحلة الاولى من التعليم
* ما مدى تأثير هذا العمل فى المجتمع (تخيل حياتك بدون هذا العمل) ؟
تقاس نهضة و حضارة أى مجتمع بقدر تعليمه وعلى الجانب الاخر هل يعيش نبات بدون ماء؟
* ما مدى نظرة المجتمع لهذه المهنة ؟
نظرة احترام وتقدير ومن وجهة نظرى المتواضعة ان هذه النظرة قلت كثيرا بسبب عوامل كثيرة يعتبر المعلم نفسه
سببا فيها .
* عايز تقول ايه عن المهنة دى ؟
اقتباسا من الزعيم الوطنى مصطفى كامل اقول: لو لم اكن معلما لوددت ان اكون معلما
ملحوظة:
اشكرك ياعمرو على هذه الموضوعات التربوية المهمة .......عذرا على التاخير فى الرد لانى لم ارها الا اليوم

شكرا لحضرتك أستاذى الكريم محمود

حضرتك رديت الرد الشافى الجميل

أعزكم الله ..

وأعجبنى جدا صدق كلامك الذى أحسست أنه خارج من القلب ..

مش لازم اجاوب على الاسئلة
لانى بحس انى الاجابات هتكون شبه بعض
المدرس هو الاساس
قم للمعلم وفيه التبجيلا كاد المعلم ان يكونا رسولا
ده ردى
وهى دى اسمى واعلى مهنة

انا فعلا مع ريتاج لأنه
مش فاضل حاجه نقولها
غير ان العلم نور
والتعليم هو نور الحياه كلها
ومواضيعك دائما جامده
يا استاذعمرو مافيش فيها اختلاف
وده رئى دائما

Amr Emam كتب:: (الأسئلة كافية فرجاء عدم الخروج عنها)

شكرا للأخت ريتاج اللى مصممة انها تخالف قاعدة الموضوع

وشكرا للاخت أم ندى اللى بتأيد رأى ريتاج اللى مصممة برضه انها تخالف قاعدة الموضوع

لكن فى ردكم ما يشرح الصدر [ندعوك للتسجيل في المنتدى أو التعريف بنفسك لمعاينة هذه الصورة]

الأسئلة كلها معتادة وقيمة فليس الإبداع فقط هو القيمة

* عايز تقول ايه عن المهنة دى ؟

أما عن هذا السؤال

أقول لكل مدرس حب ماتعمل حتى لو تحاملت على عاتقكك مشكلة وطن فلن تجد نتيجة تفرحك وتزيل كربك إلا برؤيتك لطالب مر من تحت يديك وأصبح شأنه عظيما

وشكرا

» :: مهنة التمريض ::
» :: مهنة الطبيب ::
» "بدر البدور" تفتح شهية المعارضة.. وتساؤلات عن "مهنة" جمال مبارك
» ياه التعليم خربان خالص
» اية فايدة التعليم