يحيــا العــــــــدل.....سبع سنوات !!!

بداية أنا سمعت الخبرمن نصف ساعة فى برنامج البيت بيتك ولما عرفت دخلت بسرعة على النت

وشوفته وفعلا طلع حقيقة

السيد (ممدوح إسماعيل ) صاحب العبارة السلام 98 اللى غرقت فى البحر الاحمر وراح ضحيتها فوق

الــ 1040 مصرى أو أكثر بكثير كلهم ناس مكافحة كانوا جايين لأهاليهم ولاولادهم وغرقوا

ومش بس افراد غرقوا وخلاص لأ دى العبارة دى غرق فيها أسر بأسرها

أنا مش هقلب المواجع ولا هثير الحزن تانى احنا عيشنا فترة حزن بما فيه الكفاية بسبب موضوع العبارة ده

لكن جه وقت الشعور بالسعادة والانصاف والعدل

لما النهاردة حكمت محكمة جنوب القاهرة بالسجن 7 سنوات غيابيا

على ممدوح اسماعيل صاحب العبارة اللى هو دلوقتى

هربان فى لندن بحجة انه مريض قال ايه عنده مشاكل فى القلب

انا اشك اصلا انه عنده قلب

والله دى مش شماته لكن اللى يكون السبب فى ان يضيع ارواااااااااح ناس غلابه ومش غلابة

بالعدد ده لازم افرح لما احس ان القضاء وربنا بعدله اقتص منه

والله انا شوفتت مشهد المحاكمة قبل النطق بالحكم اهالى الضحايا بكاء شديد جدا وحرقة الله لا يوريكم

واول ما القاضى قال سبع سنوات غيابى الزغاريط والاحضان ودموع فرحة الانصاف والعدل

والله الواحد مقدرش يحوش دموعه بسبب دموع الناس دى الله انحرقوا على اولادهم

ومشهد الاطفال اللى اتيتمت والزوجات اللى فى عز شبابهم اترملوا

ياااااااااااااااه محدش كان يقدر يرجع الراحة والرضى والابتسامة للناس

دى غير فعلا عدل ربنا اللى حصل ده

والحمد لله

هو فيه بيقولوا انه لو عمل استئناف الحكم ممكن يتخفف لكن ده مش هيحصل

أخيرا نقدر نقول يحيا العدل إتأخر صحيح لكن حصل واخيرا الناس اهالى الضحايا

حسوا إن دم أولادهم واهاليهم مش رخيص وعمره ما هيكون رخيص

يحيا العدل

فعلا دة خبر حلو قوى ويحيا العدل بجددددددددددد والعنوان اكثر من رائع ومشكورة على المجهود الكبير قوووووووووووى دة

زائر

سبعة بس ده عايز الاعدام انا فعلا شوفت الخبر على قناة الحياة

واهل الضحايا بيصقفوا ويزغرطوا بس والله يستاهل واكتر كمان

بس يحيا العدل

بسم الله الرحمن الرحيم

(من أجل ذلك كتبنا على بنى اسرآئيل أنه من قتل نفسا بغير نفس أو فساد فى الأرض فكأنما قتل الناس جميعا ومن أحياها فكأنما أحيا الناس جميعا)

إنا لله وإنا إليه راجعون
بس هي دي مصر
وربنا يخللنا الحكومه

ياجماعة دة حكم ربنا لاعتراض علية وبعدين 7زى 10 زى 100 المهم ان هو خد عقابة

مش مهم المدة قصيرة ولا طويلة مش مهم هو اخد جزائه ولا لأ

مش مهم الخطوة اتأخرت ولا لأ

المهم الفرحة اللى شوفتها فى عيون اهالى الضحايا وشعورهم بالانصاف بس

[ندعوك للتسجيل في المنتدى أو التعريف بنفسك لمعاينة هذا الرابط]

دولة الطلم ساعه ودولة الحق الى قيام الساعه

اللي نفسي أعرفه إزاي قضية زي دي تتعامل علي إنها جنحة مش جناية !!!!!!!!!

هي دي لما تبقي جنحة أمال الجناية تبقي أيه ... ؟

واحد قتل 1040 وياخد 7 سنين سجن يا بلاش بالزمة ده عدل

حسبى الله ونعم الوكيل

يا جماعة مش بسهولة كدة احمدوا ربنا ان في عدل واخد جزاءه

وبعدين هناك من ادري منا بخبايا القوانين من يجعل القضية جنحة ام جنايه

أحمد منصور كتب:: اللي نفسي أعرفه إزاي قضية زي دي تتعامل علي إنها جنحة مش جناية !!!!!!!!!

هي دي لما تبقي جنحة أمال الجناية تبقي أيه ... ؟

لأنه يا أستاذ أحمد بيتحاكم مش على أنه صاحب عبارة غير صالحة وغير آمنة خربانه يعنى بالبلدى كده

وكان السبب

فى ان كل البشر دول يغرقوا وكده ..لآلالالالالالالالالالالالالالا مش دى تهمته

ده هو بيتحاكم على تهمة واحدة فقط وهى (التراخى فى إبلاغ الهيئات المختصة لما علم بخبر غرق العبارة)

يعنى هو لما عرف ان العبارة بتغرق تراخى ومقلش لحد لغاية طبعا ما حصلت الطامة وهى دى تهمته

(لتــــــــــــــراخى فى الإبلاغ)

مش التهمة اللى فى دماغنا إحنا خالص انه هو السبب فى موت كل الناس دى بسبب عبارته

الهلاك 98 لأ دى تهمة تانية خالص

ومتستغربش أوى ده عادى وبيحصل ولو فضلنا نستغرب مش هنعرف نعيش

بس برضه الحمد لله

» خمس سنوات على غزو العراق
» بن لادن مات من سنوات
» تخيــــل أنك مريت على المنتدى بعد 10 سنوات.................
» ثلاث سنوات هو العمر الإفتراضى للحب بين الأزواج........يخسارة
» حفيدة في سن المراهقة (12 سنوات) تجلس مع جدتها (70 سنة)