ده انا ابوووووووووووو وديع

[ندعوك للتسجيل في المنتدى أو التعريف بنفسك لمعاينة هذه الصورة]
يمكن حاجة جديدة في أي منتدي إن الواحد يكتب عن نفسه بس دة بالنسبة لي مش منتدي عادي دة بالنسبة لي بيتي ولما أحاول أتكلم يبقي بتكلم مع أخواتي

أوقات كتير لما بكون لوحدي بقعد أفكر أنا شخص غير مرغوب فيه ولا شخص محبوب أنا بضحك علي نفسي لما بهزر مع كل الناس وانا جوايا مضايق بهزر وأضحك مع دة ومعي دية ومع كل الناس بحاول أخلي إلي حوليا مبسوطين بفكر بكدة إني حبقي مبسوط بس يمكن كنت بضحك علي نفسي علشان أكتشفت إن الناس لما بتلاقي حد كدة بتفكر في حاجة من أتنين دة يا إما عبيط وفاكر إن الناس كلها طيبة يا إما خبيث وبيضحك علي الناس ويعمل نفسه بيساعدهم علشان يقرب منهم وينول غرض في نفسه بس أنا عمري ما كنت التاني أنا بحب أساعد الناس علشان ببقي مبسوط لما أعمل كدة يمكن علشان ملقتش إلي يعمل معايا إلي أنا بعمله مع الناس ملقتش إلي يقف جنبي بجد فبحاول تعويض دة بإني أقف جنب الناس حتي لو بعد ما خلصتهم من المشكلة إلي واقعين فيها سابوني ومش كدة وبس فكروا إزاي يضروني التفكير في الموضوع صعب لكن للأسف دة إلي بيحصل ديما كنت بقول إن الناس بتبص للنص الفاضي من الكباية ومش بتفكر في النص المليان أو ليه معملش الناس كويس يمكن مشكلتنا إننا متخيلين إن الناس وحشة علشان كدة بنعاملهم وحش أحنا عاملين زي عشرة قاعدين في أوضة بس معروف إن أتنين منهم مش كويسين لكن محدش يعرف أنهي أتنين فأنا مثلا لما حتعامل مع حد منهم الطبيعي بتاعنا إني حامله أكنه واحد من الأتنين الوحشين يعني حعمله بطريقة وحشة مع إني لو عملته كويس حتي لو وحش حيتحرج ويعاملني كويس دي كانت نظريتي لكنها طلعت غلط صدمتي في أصدقائي قبل كدة إلي خلاني أعتزل الناس فترة وبعد كدة لما رجعت بقيت أتجنب شوية صداقة الولاد مع إني أصلا مكنتش بصاحب بنات قولت يمكن الصاحب ممكن يخون صديقة إلي عارفة من 6 سنين علشان خاطر بنت عارفها من سنة لكن صداقة البنت بالولد بتكون قوية بس أنا مكنتش بحب الصداقة دي كنت بقول لنفسي أنت فقدت أختك إلي كانت صديقتك الوحيدة ليه مدورش فيهم علي أختك إلي ممكن تخاف عليك بجد وتكون أختك بس أكتشفت إن حتي التفكير دة طلع غلط بس مش في كل الأحيان علشان أتصدمت من واحدة للأسف كنت بعتبرها اختي وكانت في مشكلة لما خلصتها من المشكلة هههههههههه ضرتني مش عارف ليه أيا كان السبب مش حيفرق علشان في نظري ربنا خلصني منها لكن لسة ليا أخوات بيحبوني وبحبهم اوي أوي سواء علي الميل أو حتي هنا وسط أسرتي في المنتدي

أنا عارف إني طولت عليكم بس دة شعور داخلي جوايا كان نفسي أخرجه وملقتش حل غير إني اكتب

سلام يا اغلى اخوات
ابو وديع

» وديع وتهامى .. فى الاصل مين ؟
» أربعة من شباب الجامعة بس عفريت وذى ماقال وديع أستاذ
» سماحة الإسلام مع غير المسلمين - كتبه/ وديع أحمد فتحي "الشماس السابق"