البحر بيضحك ليه؟؟

البحر بيضحك ليه و أنا نازلة أدلع أملا القلل

البحر غضبان مابيضحكش
أصل الحكاية ماتضحكش
البحر جرحه ما بيدبلش
و جرحنا و لا عمره دبل

=====

مساكين بتضحك م البلوة
زي الديوك و الروح حلوة
سارقاها م السكين حموة
و لسة جو القلب أمل

=====

قللنا فخارها قناوي
وتقول حكاوي و غناوي
يا قلة الذل أنا ناوي
ما أشرب ولو في الميه عسل

=====

ياما ملينا و ملينا
لغيرنا وعطشنا سقينا
صابرين وبحر ما يروينا
شايلين بدال العلة علل

=====

في بالي ياما و على بالي
و الي بيعشق ما يبالي
مايهمنيش من عزالي
يا حلو لو مرسالي وصل

=====

بيني و بينك سور ورا سور
وأنا لا مارد و لا عصفور
في إيدي عود رنان وجسور
و صبحت أنا في العشق مثل

والبحر بيضحك ليه وأنا نازله ادلع أملا القلل

البحر غضبان مابيضحكش
أصل الحكاية ماتضحكش
البحر جرحه ما بيدبلش
و جرحنا و لا عمره دبل

أعجبني هذا الكلام بشدة

من الشاعر ؟

شكراً للإختيار الجيد

شكراً للإختيار الجيد

نفسى اقول تسلم ايدك يا حنين
**************

اضحك مع الضاحكين

وانا قلبى كله حزين

شكراً للأخت حنين على الاختيار الجيد

أذكر أن
القصيدة للشاعر / نجيب سرور
وغناها الشيخ إمام

دمتم بخير .

أه بالفعل الكلمات للشاعر نجيب سرور

وغناها الشيخ إمام وناس تانية كتير جدا

أشكركم

» صور زبد البحر(غفرت ذنوبه ولو كانت كزبد البحر)
» والله احنا بيضحك علينا يجماعة فوقوا
» انا و البحر
» تعلمت من البحر
» علي الصبح كده ؟؟؟؟؟؟؟؟؟؟؟ لحد البحر ؟؟؟؟؟؟؟؟؟؟؟