الجنيه الفضي الجنيه الورق!!!!!!!!!

الورق والفضه

وجهان لعمله واحده

وهو الجنيه المصرى

بس فى بلدنا مبقتش عمله واحده

والشعب للأسف هو اللى بقى عايز كده

وهو اللى عمل تفرقه بينهم

دلوقتى اي سواق ميكروباص لو جيت تديله جنيه فضى

يقولك لا مش عايزه هات واحد ورق

الحكايه دى انتشرت اوى

مره ركبت مع سواق

والسواق قبل ما يطلع بينا

تخيلو قال ايه

يا جماعه انا بقول من اولها اهو اللى هيدينى نص فضيه جنيه فضيه مش هاخده

واللى ممعهوش غيره ينزل احسن

انا طبعآ كنت هموت على نفسى من الضحك

بس كنت ماسك نفسى بالعافيه

فبقولو دى قضية امن دوله

قالى والله عارف انها امن زفت

قولتلو امال ايه لو حد منهم وقفك قدام القسم هتمشي ومش هتفتح بؤك بكلمة وانا

ممعييش غير فضية ومش هنزل

لقيت نبره صوته اتغيرت وقال والله انا بخذها ماهى دى بتتثرف ودى ببتصرف بس

بتوووع البنزينه

مش بياخذوها

وبعدينت ملفقتشي السواقين وبس حتى بتوع المحلات

يجي يقولك شوفى غير الفضية دا

انا بقعد ساعات والله افكر فى الموضوع ده

عارفين ليه؟

عشان الاقى اجابه واحده مقنعه ان الجنيه الفضى ده مش زي الورق

مش لاقى اجابه مقنعه للأسف

بل بالعكس انا لما بفكرلها

انا شايف ان ده جنيه وده جنيه

مافيش فرق بينهم

ولا ده ناقص مليم ولا ده ناقص قرش

حاجه غريبه فعلآ

اومال الربع جنيه الفضى بيتصرف ازاى ؟

زي ما يكون الشعب متحد مع بعضه

او عامل اضراب على العمله الفضى !

هو احنا ليه بنعمله اضراب كلنا على الحاجه الهايفه بس

حاجه غريبه

ليه الشعب كله مش عمل اضراب واتحد لمنتجات اليهود؟

ليه الشعب كله مش عمل اضراب على اللى بيحصل لأخونا المسلمين ؟

ليه منعملشي اضراب على غلاء الاسعار

ليه منعملشي اضراب على البطالة

ليه مش بنعمل اضراب بس الا على الحاجه الهايفه ؟

هو عمل بس عمل اضراب للجنيه الفضى اكبر بكثير

هو الشعب المصرى وصل لقمة التافهــه دى؟ و لا لا

ياريت الاقى اجابة عند حد فيكو

ميــــــــــــــــزو

هههههههههههههههههههههه

انت عاوز تقول ياميزو ان احنا شعب هايف ...الله يسامحك

هما بس الناس بيعترضوا علي الفضيه عشان بتقع منهم وبضيع ومش بيعرفو يحافظو عليها

مع انها يعني بتتصرف علي طووول ومحدش بيحوش

وطبعا الفضيه افضل من الورق كتييييير لانها بتعيش اكتر من الورق

وخلاص المفروض الناس تتعود عليها لانها هي اللي هتمشي الايام الجايه

والله كلو كويس كلة بينصرف

الحمد الله غيرنا مش لاقى لادة ولا دة

دى قضيه كبيره يا ميزو

العملات المعدنيه دى كانت موجوده زمان واتلغت علشان صعوبة التعامل بيها

ففكروا يعملو عملات ورقيه بشرط ان اللى يحمل هذه العملات يكتب تعهد

على الورقه بالمبلغ المطلوب منه

وبعد كده اتطور الحال وبقى فى اشكال لكل عمله ومكتوب عليها برضه التعهد

يعنى مثلا فى سنة 1899 كان الجنيه عامل كده

[ندعوك للتسجيل في المنتدى أو التعريف بنفسك لمعاينة هذه الصورة]

ولحد وقت قريب كان التعهد ده مكتوب

1950

[ندعوك للتسجيل في المنتدى أو التعريف بنفسك لمعاينة هذه الصورة]

وطبعا دلوقتى مفيش الكلام ده ....بس الجنيه دلوقتى بيتعمل بطريقه احترافيه

علشان التزوير

دى كانت فكره بسيطه عن الجنيه المعدنى والجنيه الورقى

نلاقى انهم تركوا المعدنى واتجهوا للورقى لسهولة التعامل به

معرفش هما مشيوا بظهرهم ليه .....الحكومه المبجله بتقول انه بيعيش اكتر

هما عايزين يعيشوا الجنيه الفضى فتره كبيره ويقرفوا الناس ....مش غريبه يعنى

شكرا يا ميزو ...وبطل رغى يا رأى ابو مريم مبسوط

بص ياعم ميزو أنا ليه رأى فى الموضوع ده وأنا بقول رأى . أنى اللى تسبب فى الأزمة دى هما المصريين أنفسهم وده راجع الى عدم المحافظة على الجنيه الورقى
منهم طبعا اللى بيكتب على الجنبه شعر ومنهم اللى بيكتب أهداءومنهم اللى بيكتب رسالة حب
ومنهم الى بيكتب عليه..........الخ .
ثانيا طريقة حمل الجنيه اللى بيكرمشو واللى بيشلوا معاه عشان يعمل به خوابير واللى واللى.....
طبعا ده كله مش فى مصلحته ولا مصلحتك ولامصلحتى ولامصلحة الدولة.
أزاى مش فى مصلحة الدولة : شوف الدولة بتعدم كام ألف جنيه ولاكام مليون جنيه كل سنة
طب الدولة تعمل أيه فى الفلوس اللى بتخسرها كل سنة طبعا مفيش أسلم من موضوع العملة المعدنية
العملة المعدنية لابينكتب عليه ولابينعمل بيها خوابير ولا...........ألخ.
وتعالى شوف عمر تدوال العملة المعدنية بالنسبة لعمر تدوال العملة الورقية وقارن أنت........
يبقى كده بالعقل أحنا لوحفظنا على الحاجة دى من ألأول مكنش حصل اللى حصل

وشكرا يا ميزو لطرحك الموضوع

يا جماعة هى مجرد انهم اعتادوا على شىء مش اكتر وبعدين يا ميزو ده مش اضطراب ده جهل فقط لا غير؟؟؟؟؟؟؟؟؟؟؟؟؟؟؟؟؟؟؟؟؟

انا معاك فى كل الكلام مستر ميزو

بس ممكن تشيل خمسين جنيه جنهات ورق ولكن لو عملة اكيد مش هينفع فالسواقين معذروين

ان ميخدش عملة لان اجرته جنيه ونص جنيه وكده يعنى

بس فى مشكلة

فى العيد الواحد هيدى عدية الزاى لو الجنيه الورق ده اتلغى مبسوط

شكرا على مجهودك ميزو

ziko300 كتب:: بص ياعم ميزو أنا ليه رأى فى الموضوع ده وأنا بقول رأى . أنى اللى تسبب فى الأزمة دى هما المصريين أنفسهم وده راجع الى عدم المحافظة على الجنيه الورقى
منهم طبعا اللى بيكتب على الجنبه شعر ومنهم اللى بيكتب أهداءومنهم اللى بيكتب رسالة حب
ومنهم الى بيكتب عليه..........الخ .
ثانيا طريقة حمل الجنيه اللى بيكرمشو واللى بيشلوا معاه عشان يعمل به خوابير واللى واللى.....
طبعا ده كله مش فى مصلحته ولا مصلحتك ولامصلحتى ولامصلحة الدولة.
أزاى مش فى مصلحة الدولة : شوف الدولة بتعدم كام ألف جنيه ولاكام مليون جنيه كل سنة
طب الدولة تعمل أيه فى الفلوس اللى بتخسرها كل سنة طبعا مفيش أسلم من موضوع العملة المعدنية
العملة المعدنية لابينكتب عليه ولابينعمل بيها خوابير ولا...........ألخ.
وتعالى شوف عمر تدوال العملة المعدنية بالنسبة لعمر تدوال العملة الورقية وقارن أنت........
يبقى كده بالعقل أحنا لوحفظنا على الحاجة دى من ألأول مكنش حصل اللى حصل

الله ينور عليك ، كلام سليـــــم جدا ً .. تمام يا زيكو

بالنسبة بقى لنقطة إعتراض اللى قدامك على المعدن وبيقولك مش هاخده والتناكة دى كلها
فا انت لازم تعند معاه أصلا .. والله تقوله ببساطة كده معييش غيره
عاجبك خده .. مش عاجبك بلاش .. ومتنزلش طبعاااا
قال اللى معهوش غير المعدن ينزل من الأول قاااااال
نفسى أقابل بس حد يقولى كده عشان أبخ فى وشه
أصل أنا فى المواقف دى أعند جدااا

بس يا ميزو فيه حاجة هقولك عليها
الواحد من حقه طبعا يدفع عشرة جنيه معدن
بس هيبقى اللى قدامه مش مرتاح

حط نفسك مكانه .. هتاخدهم وتبقى مزقطط
أكيد لأ .. هتبقى ذوق بقى لو إديته حبة كده وحبة كده
وزعهم بمعنى أصح عالناس .. مش كلهم لواحد بس

صحيح .. إبقى خد بالك من نصيحة أجمد مهندس اللى قالها فى الآخر

موضوع رائع فعلا ومهم

انا مش مع ان الجنيه يبقى عمله فضيه

ده اساسا يعتبر تقليل لقيمة الجنيه المصرى ثم اكيد هيسبب متاعب ومشاكل

فى تبديله وصرفه ومش مقبول من ناحيه القبض 0

الطفل حتى لو جيت تديله ربع او نصف جنيه فضه يرمهولك ويقلك عايز ورق

ده مشروع فاشل ويستوجب التعديل او الالغاء 0

هههههههههههههههههههههههههههههههه
ياعم ميزو كل الفكرة ان الجنية الورق تعرف تحطه ف المحفظه او ف جيبك ميقعش ولا تفضل تدور عليه اما الجنية الفضيه انا عن نفسى لما بيقع ف ايدى بحاول اتخلص منه قبل اى حاجه
اصل احنا رجاله بنشيل محفظه مبنشيلش صره من الدنانير
ههههههههههههههههههههههههههههههههههههههههههههههههه
شكرا على الموضوع

مرفوعـِ

زائر

يعم محمد انا عندى زياده عن 500 جنيه
معبيهم فى اكياس اوزع 10 يجى 20
بتاع الجمله مش بيرضى يخدها
ولعلمك الورق قل جدا
انا كان بيجلى ورق الاول كتير
دلوقتى لو فيه ورق
بيبقى متقطع ومطحون وكذا مره
الفلوس تقع منى فى عربية البلد
والله وكل الزباين عندى بتشتكى
منها المشكله فى شلها بس
وانها بتقع هى دى كل المشكله
وتقيله

يا عم لو جابولنا جنيه معمول من ورق أسمنت هناخدوا ومش هنعترض .

اى حاجة احسن من مفيش

هنرجع للأيام اللي نقول فيها معانا سرة من الدنانير قصدي الجنيهات
ما هي ما ينفعش معاها غير سرة وإلا هتضيع و تشخلل و تبقى حمل تقيل على قلب الواحد
كفاية ان الواحد ما بقاش عارف يدي عدية للعيال في العيد ولو اديت لعيل و لو حتى عشرة جنيه فضية بردو هيستحقرهم
فيه ناس بلاقي عندهم بطرمنات كبيرة من بتاعت السمنة مالينها على آخرها جنيهات و انصاص فضية و مفيش لا بنك يجمدهالهم و لا حد بينزلهم بضاعة عنده استعداد ياخد ولو حتى عشرة جنيه فضية وأنا أولهم
مش عارف أصلا ايه الحكمة في الفضية ووجع القلب ده
حد يقولي سبب واحد يخليهم يبدلوا الورق بالفضية
نفسي أعرف ميزة واحدة ليه و ياريت اللي يعرف يقولي

زائر

بيقولوا ان الورق بتنقل العدوى
وتكلفتها كبيره على الدوله

لو هتنقل العدوى يبقى تتلغي الفئة الورقية بأكملها
مش يبدلوا الجنيه و النص ويسيبوا الخمسة والعشرة والعشرين والخمسين والمية والمتين
هما يعني علشان غلابة و على أد حالهم يستهفوهم كده و يتلككلهم ؟؟؟
أما عن التكلفة فما أظنش ان الورق أغلى من المعدن

الكل رد واتكلم فى الموضوع

ومن شهر 4 لحد شهر 12

والكل اتكلم عن حاجة فى الموضوع انا مقصدهااااااش خاااااااااالص

اتكلمتوا عن الجنية الورق والفضية

انا لا اقصد بالموضوع لا الجنيه الورق ولا الجنيه الفضية خالص

اللى اقصده حاجة اتكررت قريب

على نفس المنوال

اى حاجة ونتلهى فيها

واهى الحكومة بجد بجد بتعرف تلهينا فعلا

لما انضربنا من الجزائر

بردو مسكنا فيها والشعب كله اتحد على الحكايه دى

وبقت نغمة ولبانه الكل بيتكلم عليها

ليه منقفشي وقفه كدا على الشغل اللى مالى البلد دا

ونقول عاوزين عماله فى مصر على الشغل كتير جداااااااااااااا

بجد مش عارف اقول ايه

غير

هو الشعب المصرى وصل لقمة التافهــه دى؟ و لا لا

ياترى هلاقى اجابه

ولا لا

» الجنيه غلب الكارنيه !!
» الخمسه الجنيه الفضه الجديده ...*_*
» صوره الجنيه المصري من 1899 حتي 2008