أحالة اوراق هشام طلعت ,ومحسن السكرى لمفتى الجمهوريه

حصريا الساعه التاسعه صباحا تم الحكم على هشام طلعت مصطفى
ومحسن السكرى
وأحالة اوراقهم لمفتى الجمهوريه

الحكم اليوم في قضية مقتل سوزان تميم

[ندعوك للتسجيل في المنتدى أو التعريف بنفسك لمعاينة هذه الصورة]

عاجل

القاهرة : أصدرت محكمة الجنايات في العاصمة المصرية القاهرة اليوم حكمًا بإعدام ضابط الشرطة المصري السابق محسن السكري ورجل الأعمال المصري هشام طلعت مصطفى ، بتهمة قتل الفنانة اللبنانية سوزان تميم في دبي بدولة الإمارات العربية المتحدة أواخر يوليو/ تموز الماضي.
وكانت المحكمة برئاسة المستشار محمدي قنصوه قررت في مارس/آذار الماضي حجز القضية للنطق بالحكم في جلسة الخميس 21 مايو/ أيار ،فيما أنكر المتهمان السكري وهشام طلعت مصطفى ما نسب إليهما من اتهامات بقتل الفنانة اللبنانية في دبي بدولة الإمارات العربية المتحدة أواخر يوليو/ تموز الماضي.
وكانت محكمة استئناف القاهرة قد تسلمت في 15 سبتمبر الماضي ملف القضية الذى يضم اثنين من المتهمين هما السكري وهشام ، كما يضم التحقيقات التى أجرتها النيابة العامة مع المتهمين، وقائمة بأقوال الشهود وأدلة الإثبات.
وجاء هذا الإجراء بعد أن قررت النيابة العامة المصرية في مطلع سبتمبر الماضي حبس السكرى وهشام احتياطيا على ذمة التحقيقات وذلك بعد اتهامهما بقتل سوزان تميم بدبى فى 28 يوليو 2008.
وتوصلت تحقيقات النيابة إلى أن محسن السكرى ارتكب جناية خارج البلاد وقتل المجنى عليها سوزان عبد الستار تميم عمدا مع سبق الاصرار، بأن عقد العزم وبيت النية على قتلها فقام بمراقبتها ورصد تحركاتها بالعاصمة البريطانية لندن ثم تتبعها إلى إمارة دبى بالإمارات،حيث استقرت هناك.
وأضافت أن المتهم أقام بأحد الفنادق بالقرب من مسكن سوزان، واشترى سلاحا أبيض (سكين) أعده لهذا الغرض، ثم توجه إلى مسكنها وطرق بابها، زاعما أنه مندوب عن الشركة مالكة العقار الذى تقيم فيه لتسليمها هدية وخطاب شكر من الشركة، ففتحت له باب شقتها إثر ذلك، وما إن ظفر بها حتى إنهال عليها ضربا بالسكين محدثا إصابات شلت مقاومتها وقام بذبحها قاطعا الأوعية الدموية الرئيسة والقصبة الهوائية والمرىء ، مما أودى بحياتها ، وكان ذلك بتحريض من المتهم الثانى هشام طلعت مصطفى مقابل حصول السكرى منه على مبلغ نقدى قيمته مليونا دولار.
واستطردت تقول إن هشام طلعت مصطفى اشترك بطرق التحريض والاتفاق والمساعدة مع محسن السكرى فى قتل المجنى عليها سوزان عبد الستار تميم انتقاما منها بعد أن هجرته ورفضت الزواج منه ، مشيرة إلى أنه حرض السكري واتفق معه على قتلها واستأجره لذلك مقابل مبلغ مليونى دولار، وساعده بأن أمده بالبيانات الخاصة بها والمبالغ النقدية اللازمة للتخطيط للجريمة وتنفيذها وسهل له تنقلاته بالحصول على تأشيرات دخوله للمملكة المتحدة ودولة الامارات العربية المتحدة فتمت الجريمة بناء على هذا التحريض وذلك الاتفاق وتلك المساعدة ، وهى اتهامات قد تصل عقوبتها للإعدام .
وأشارت تقارير صحفية إلى أن السكري اعترف في التحقيقات بأن هشام حرضه علي قتل سوزان في لندن بإلقائها من الشرفة علي طريقة سعاد حسني واستخرج له الفيزا إلي لندن وحول له المبالغ التي طلبها وعندما لم يتمكن وعاد لمصر استخرج له تأشيرة دخول دبي وسلمه المبالغ التي طلبها ، إلا أنه تراجع بعد ذلك وادعى أنه كان ينصب علي هشام ليستولي منه علي المليوني دولار وأنه لم يقتل سوزان.
وفي مرافعته ، شكك عاطف المناوي محامي المتهم الأول محسن السكري في الملابس التي قالت النيابة إن المتهم كان يرتديها وقت ارتكابه للجريمة، كما شكك في السلاح المستخدم بالقتل وكذلك في الصفة التشريحية لجثة القتيلة التي ذبحت بسكين في شقتها بمنطقة "المارينا" في دبي ، فيما استند فريد الديب محامي المتهم الثاني هشام طلعت مصطفى إلى ما جاء في مرافعة الدفاع عن المتهم الأول الذي كان قد شكك في عدد من الأدلة التي استندت إليها النيابة.
وقررت المحكمة في جلستها الثالثة ونظراً لما أثارته القضية من جدل واسع وإثارة كبيرة، حظر النشر فيها بجميع وسائل الإعلام "المرئية والمسموعة والمقروءة".

زائر

انا فعلاً لسه سامع الخبر فى التليفزيون

بجد كانت مفاجئة من العيار التقيل

ملحوظة صغيرة بس كده عن هشام مصطفى

إنه فى قوة المال والسلطان تماماً مثل أحمد عز

ومع ذلك صدر الحكم السابق

يحيا قضاء مصر العادل والنزيه

شكراً قماح على المعلومة

شكرا ليك يادكتور
بجد كانت صدمه
بس انا مستغرب ازاى تبقى قتيله واحده
ويحكموا على الاتنين بحكم واحد
طبعا الى قتل مش زى الى دفع
ولا ايه فهمونى

زائر

بضم صوتى لصوتك يا أبوحميد

أنا برضه عاوز أفهم دى

!!

بصراحة الخبر دة صدمة
بس أنا مش عارف لأني ما ليش في القانون
هو التحريض علي القتل نفس عقوبة القتل
أنا مش فاهم

طبقا لمادة فى القانون على حد قراتى ان المحرض والفاعل بياخدوا حكم واحد..

بس ياجماعة الموضوع اكبر من كده بكتير ...

الحكم فى هذه القضية كان مفاجاة من العيار الثقيل فعلا..

ترتب عليه وقوع البورصة...

اعتقد ان هذا الموضوع كبير جدا..

صعب انى واحد فى تقل طلعت مصطفى يتباع كده بسهولة ...

الموضوع كبير قوووى وفوق مستوى فهمنا ...

حد فهمنى

تم الكشف عن أن
السكري يعمل لدى أحد فروع شركات رجل الأعمال المصري طلعت مصطفى في مدينة
شرم الشيخ وقيل أنه تقاضى 3 ملايين دولار لتنفيذ الجريمة بناء على
تعليمات من هشام طلعت مصطفى الذي تردد أنه كانت تربطه علاقة عاطفية بالمطربة
اللبنانية القتيلة.

أما بخصوص الحكم بالأعدام على المتهمان
ينص قانون العقوبات المصرى علي معاقبة كل من ارتكب
جريمة قتل عمدا مع سبق الإصرار والترصد بالإعدام شنقا أو السجن المؤبد ويعاقب من
حرض عليها بالعقوبة نفسها

فى داهية

ربنا ينتقم من كل فاسد ظالم

تقبل مرورى يابشا

لا اله الا الله

انا شايف انى فعلا الموضوع كبير زى ما قال الاستاذ احمد

بس المفروض نستنى الحكم النهائى اللى هيصدر لخر الشهر اللى جاى

بس انا شايف برضه بعيد عن القضيه نفسها

الشخصيه اللى ماتت دى (كلبه وماتت ) بس دا مايشفعش طبعا لان يقتلها احد

بس مننساش انى الاستاذ طلعت مصطفى عمل كتير لشباب مصر واللى عايز يعرف

يتابع تاريخه ويشوف كام شاب بيعمل فى مجموعة شركاته

الكل يعلم انه شخصيه ناجحة جدا

ومعظم الناس تعاطفت معاه

بس انا فى قمة حيرتى

هل فعلا حرض على القتل ؟؟؟؟؟
لو دا حقيقى يبقى كلام الدكتور ايهاب صحيح بخصوص
تزاوج المال والسلطة

اما لو ثبتت برائته واللى انا متوقعها

يبقى فى ايه
هوه مفيش حد ناجح وشريف
هوه كل اللى عنده سلطه وحش
هوه كل اللى عنده ثروة مش كويس وحرامى
لازم منرميش تهم كدا بالساهل لانى دا كلام محسوب علينا اما المولى عز وجل

انا مش بدافع عنه بقدر ما الواحد لازم يستنى الحكم النهائى
لانى الاعدام ده قرار محكمة وليس حكم نهائى

وربنا يلطف بنا جميعا

فرحت جدا لما عرفت

بس ازاى هما الاتنين ياخدوا حكم اعدام

طيب اللى قتلو انور السادات متعدموش ليه ...وده كان على عينكـ يا تاجر

القضيه يا شباب ان الحكومه هى اللى عايزه كده

او الناس الكبيره يعنى ....مش القضاء يعنى يا عم ايهاب

اللى الحكومه عايزاه يتمحى من الوجود بتمحيه

بأى طريقة كانت

يعنى مثلا موضوع العباره ايه اللى حصل فيه ؟

ولا حاجه !!

الموضوع اتظبط فى النيابه على ان التهمه كانت تهمة تاخير

وقت يعنى !

لما تسأل القاضى يقولكـ القضيه جيالى من النيابه كده

ودور انت بقى النيابه عملت كده ليه

تحيا الحكومه

lol!

اقتباس :: فرحت جدا لما عرفت

بس ازاى هما الاتنين ياخدوا حكم اعدام

طيب اللى قتلو انور السادات متعدموش ليه ...وده كان على عينكـ يا تاجر

القضيه يا شباب ان الحكومه هى اللى عايزه كده

او الناس الكبيره يعنى ....مش القضاء يعنى يا عم ايهاب

اللى الحكومه عايزاه يتمحى من الوجود بتمحيه

بأى طريقة كانت

يعنى مثلا موضوع العباره ايه اللى حصل فيه ؟

ولا حاجه !!

الموضوع اتظبط فى النيابه على ان التهمه كانت تهمة تاخير

وقت يعنى !

لما تسأل القاضى يقولكـ القضيه جيالى من النيابه كده

ودور انت بقى النيابه عملت كده ليه

تحيا الحكومه

:m22:

قضاء مصر العادل والنزيه ايه بس يا إيهاب

ده بس علشان فيه أيادي كتير عايزاها يقع فكترت سكاكينه
ومفيش أي وجه مقارنة بينه وبين أحمد عز
لأن أحمد عز لو قتل الصبح واحدة علنا قدام الناس
تاني يوم هيكون نايم في بيته
ويمكن يرجع كمان لبيته في نفس الليلة
لأن الأوراق هتتطبخ والشهود هيتبدل كلامهم والقضية هيشيلها واحد تاني خالص
إنما في القضية دي الأيادي الخفية كتير علشان كده طلع الحكم بالشكل ده
ومش بدافع عنه بس كنت أتمنى كل أحكام القضاء المصري تبقى بالصورة دي علشان اللي غلط يتعاقب
إنما للأسف أمنيتي مش هتتحقق لأن الصورة دي بالطلب بس
يعني حاجة وصاية ما بتتكررش غير للحبايب
توقعاتي ان لسة في نقد و طعن في الحكم وهيتلغي حكم الإعدام خالص وبكرة تقوله إسلام قال

فعلا كلام صح
فى حاجه غريبه
واحد قتل 1000 مواطن مصرى وفص ملح وداب
ولا نعرف عنه حاجه
ودكتور قتل واحد دون قصد فى السعوديه واتحاكم فى السعوديه وشبع جلد
وقضية قتل فى دبى بردوا حاصله مع هشام والسكرى بس عمد وبيتحاكموا فى مصر
واعدام لو فعلا القضاء المصرى عادل
كانوا عدموا المتهمين فى قضية الدم الفاسد
ولا القمح الفاسد
ولا ولا
فعلا هى دى الحكومه المصريه

وانا كمان بقول ان قرار المحمكمه دا مش الحكم النهائى

وانا من وجهة نظرى ان دا قرار مش حكم لان القاضى قال قررت المحكمه مش حكمت المحكمه

وانا اعتقد ان فيها كلام تانى وانا متوقعه براءة هشام طلعت مصطفى او على الاقل هياخد اشغال شاقه

مش اعدام

لا مؤبد بأذن الله

انا مستغربه الليله من اولها

الموضوع كله مش منطقي بالنسبالي

والحكم كمان مفاجيء وغير متوقع

مش عارفه حاسه انه الحركه دي مقصوده من الحكومه

علشان تلهي الناس عن موضوع موت حفيد الريس اللي مفيش لحد دلوقتي بيان صدر من الجمهوريه عن سبب وفاته

وفعلا بمجرد صدور الحكم الناس كلها اتلهت فيه

وموضوع نزاهة القضاء المصري دي نكته

لو افترضنا انه القاضي فعلا كان نزيه ومحترم ومش عارفين يرشوه كانوا هايغيروه

ومستحيل المحكمه ب ال 3 مستشارين يتفقوا علي الحكم ده الا اذا كان امر مباشر صادر من الرياسه

عندي احساس من جوايا بيأكدلي انه هاياخد براءه في النقض هو والسكري

ماهو اصل مش معقول بتاع العباره اللي موت الاف ياخد براءه

واللي قتل سوزان تميم ياخد اعدام

اصلها مش ملكة انجلترا يعني

وفي نفس الوقت ده هشام طلعت مصطفي عضو مجلس الشعب ولا الشوري مش فاكره

وكمان تبع الحزب الوطني

وحاجات كتير كده تحميه وتخليه اكتر من احمد عز كمان

والافندي التاني ابن اللوا منير السكري وهو نفسه كان ظابط في امن الدوله

امن الدوله مش الجيش

واهي الحكومه تبقي ضربت كل العصافير اللي علي الشجره بحجر واحد

وطبعا العرب كلهم عمالين يقولوا القضاء المصري نزيه

وفي الاخر هياخد براءه

اولا عوده طيبه اخت اناهيد
ثانيا الموضوع ملوش اى علاقه بموت حفيد الرئيس
وبخصوص موته فالسبب اولا قضاء الله وقدره
ثانيا
كان عند الطفل مرض منذ الولاده وكان هيموت فى عمر معين
وهما قالوا فى القنوات الاخباريه كده
اما بخصوص القلق عشان الحكم
فأنا بردوا مش داخل دماغى الحكم
وفى حاجه حصلت او هتحصل
وهشام طلعت مصطفى مش عضو فى مجلس الشعب بس
دا اقتصاد مصر كله

أبو بكر قال

بس مننساش انى الاستاذ طلعت مصطفى عمل كتير لشباب مصر واللى عايز يعرف

يتابع تاريخه ويشوف كام شاب بيعمل فى مجموعة شركاته

الكل يعلم انه شخصيه ناجحة جدا

ومعظم الناس تعاطفت معاه

بس انا فى قمة حيرتى

هل فعلا حرض على القتل ؟؟؟؟؟

بالفعل طلعت مصطفى قدم كثيرا لمصر ومن الشركات المؤثرة في الاقتصاد المصري

والمتتبع لحركة البورصة سيكتشف هذا تماما

وطارق مهندس وهشام محاسب على حد علمي

وله أخ ثالث يدير شركة زراعية وأخت لها علاقة بالهلال الأحمر السعودي

طلعت مصطفى مختلف تماما

وقيل أن هشام تزوج من ممثلة مصرية شهيرة أكثر احتراما من سوزان تميمي

فأمره أبوه بتتطليقها حفاظا على سمعته في السوق

والمجموعة الاقتصادية لطلعت مصطفي تهتز ولكنها قلما تسقط

فهي لا تقل عن المقاولين العرب من وجهة نظري المهنية

ولا تعتمد على التوريدات والتوكيلات في نشاطها

وعندها كادر إداري وفني على أعلى مستوى

على العموم أنا أتابع الموضوع من زاوية مهنية خالصة

وأزعم أن طلعت مصطفي رسم خطا في التاريخ الاقتصادي المصري

زائر

أنا حاسس إننا بنبعد عن بعض مش بنقرب من بعض فكرياً

ليه هنا بنقارن قاتل النفس - بناءً على حكم المحكمة - بقاتل الألف نفس

وما وجه المقارنة ..؟؟

هل لأن أحداً قتل أكثر من ألف نفس ولم تتم محاسبته ..

هل نترك العنان للقتل لكل شخص بناءً على شذوذ القاعدة

؟؟؟

هل نشفع فى حدٍ من حدود الله لمجرد حب أو تعاطف مع القاتل

؟؟

وهل نشك دائماً فى قضاة مصر ..؟؟ أم أنّه ليس هناك شريفاً فى مصرنا الآن ..؟؟

وهل حينما يحكم القاضى بما يرضى ربه وبما يرضى به ضميره يصبح ككلبٍ أطلقه النظام للتخلص

من فلان أو علان ..؟؟

أعتقد أن الموازين متداخلة بصورة كبيرة جداً ..

ولماذا لم نتذكر الألف شخص عندما تأثرنا بابن السيد علاء مبارك

رغم أن الأف كان منهم الأطفال والنساء والشيوخ ..!!

لماذا لم نتذكرهم فى وفاة ابن الرئيس وتذكرناهم وتذكرنا قاتلهم فى قضية هشام مصطفى ..؟؟

مرة أخرى أعتقد أن الموازين متداخلة بصورة كبيرة جداً ..

قال تعالى عن كل من يتسبب فى قتل أخيه :

(( فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ ))

ليس له إلاّ الخسران ..

سواء كان بانى مصر أم بانى العالم كله ..

وإن لم يحاسب فى الدنيا فسيجازى فى الآخرة ..

هي فعلا الموازين مختله في مصر

ولما تنعدل مش هايعدلوها علي ابن طلعت مصطفي اكيد يعني

هايعدلوها علي ابن البواب

علشان كده الحكم مش منطقي وصدمه بالنسبه للمصريين

مش من منطلق حبهم لهشام طلعت او السكري او غيره

وانا لسا علي يقين انه هاياخد براءه وانه قرار المحكمه ده ليس الا لاسكات الافواه والايادي الخارجيه من الدول العربيه

خصوصا انه الحكم ضد الادله

بغض النظر بقي هو قتل ولا حرض ولا لا

والموضوع كله من اوله مش منطقي

يعني اي ظابط في امن الدوله يسيب وراه ادله جنائيه بالحجم ده

دول كانوا جايبين ملابسه ملطخة بدم القتيله

اما عن شركات طلعت مصطفي فالكل لاحظ تطور ملحوظ وزيادة في الاستثمارات وغيره

في ال9 شهور اللي فاتوا منذ ان قبض عليه

وموضوع بقي حفيد الريس اللي وتأثر المصريين عليه

فده العادي يعني

ده الشعب المصري ومهما كان اللي بيحصله او اللي بيعاني منه

فبكلمتين بينضحك عليه

وعمر مكانت مصايب الناس مكسب عند الشعب المصري

واحنا مش هانحاسب الناس علي مشاعرهم كمان

كالعاده ياقماح مواضيعك روعه ولازم تهز المنتدي وتعمل جدل واسع

حتي لو بتقول كلام كل الناس عارفاه

بس اكيد مش كل الناس ليهم طريقة واسلوب القماح

ربنا يخليكى يا اخت اناهيد
لاكن انا عندى احساس بردوا ان هشام طلعت هياخد براءه
وهيحصل معاه زى ماحصل مع ممدوح اسماعيل بس العكس
ممدوح اسماعيل خد يراءه فى الاول
قام النائب العام حول البرائه ل 7سنين سجن ومتحبسش لانه هربان
والاسم بيرضوا اهالى الضحايا
مع هشام بقى وعشان محبوس وتحت ايديهم
خد اعدام عشان الناس تطمن بردوا وتيجى ايد خفيه فى النقض ياخد براءه
يجماعه دى بلد بتاع مناصب
شكرا لمن مر بالموضوع

الفنانون ورايهم بحكم الاعدام لقاتلي سوزان تميم !

24/05/2009 15:01:42

تباينت ردود أفعال الوسط الفني على الحكم الذي أصدرته محكمة جنايات جنوب القاهرة بإحالة أوراق رجل الأعمال
[ندعوك للتسجيل في المنتدى أو التعريف بنفسك لمعاينة هذه الصورة]

المصري هشام طلعت مصطفى وضابط الشرطة السابق محسن السكري إلى مفتي الديار المصرية، بعد إدانتهما بقتل المطربة اللبنانية سوزان تميم في دبي.
وبينما اعتبر البعض الحكم عادلاً، حيث يستحق المتهمان الإعدام جزاء ما ارتكباه من جريمة قتل، قال آخرون إن الحكم مفاجأة كبيرة، ودعوا إلى تخفيفه بالسجن المشدد، وهناك من توقع بالفعل تخفيف الحكم بمحكمة النقض.
من جانبها، أكدت المطربة المغربية ليلى غفران -في تصريحٍ لها "أنها تؤيد الحكم قلبًا وقالبًا، خاصةً وأنها ذاقت مرارة القتل بفقدها أعز إنسانه في حياتها، وهي ابنتها هبة في جريمة قتل مماثلة"، مضيفةً: "إن الله بالمرصاد لكل من تسوّل له نفسه أن يقتل نفسًا حرَّم الله قتلها إلا بالحق.. وكلمة الله في النهاية هي الأعلى ولينتصر الحق".
*أما المطربة اللبنانية دوللي شاهين فقد قالت إن الحكم القضائي بالتأكيد جاء بعد سلسلةٍ من التحقيقات والمداولات والبحث والتنقيب ما أدى في النهاية إلى التيقن من ارتكابهما الجريمة وإحالة أوراقهما إلى المفتي، موضحةً أن الحكم عادل ولا بد أن يتذوق القاتل مرارة القتل وفزعه لأن الجزاء من جنس العمل.
*"يمهل ولا يهمل".. بهذه الكلمات بدأ نقيب الموسيقيين المصريين منير الوسيمي حديثه، مؤكدًا أن مرتكب الخطأ لا بد وأن يجازَى حتى يكون عبرةً لكل من تسوِّل له نفسه أن يقدم على هذه الفعلة الشنيعة.
وأضاف: لا أعلم كيف فقد المتهمان السيطرة على أعصابهما وأقدما على ارتكاب جريمة القتل.. ومن هنا أقول لهما ماذا فعلت لكما أموالكما؟.. الآن بالتأكيد أنتما على أتم استعدادٍ للتنازل عنها جميعها مقابل تخفيف هذا الحكم، لكن حكم الله هو الحق".
*في المقابل، أعربت الفنانة سمية الخشاب عن صدمتها من الحكم، وقالت: "رغم أنني أؤيد أن ينال المخطئ عقابه، إلا أن النطق بالإعدام كان صادمًا ليس من أجل المتهمين، فهما بالتأكيد يستحقان الإعدام في حال ارتكابهما الجريمة ولكني تأثرت للحزن الذي تعيشه عائلتاهما.. بالتأكيد شيء يؤلم القلب، صبَّرهم الله وكان في عونهم.غير أن الخشاب عادت وقالت إنها تتمنى أن يتم تخفيف الحكم إلى السجن في محكمة النقض".
*وتتفق معها في الرأي الفنانة إلهام شاهين التي "شعرت بالألم كثيرًا بعد النطق بالحكم، وإن كانت تألمت أكثر عند مقتل سوزان تميم، معتبرةً أن الحكم كان قاسيًا"، وقالت: "نحن بشر من طبيعتنا التعاطف، وليس معنى شعوري بالألم أنني أرفض أن ينال المجرم عقابه.. بل يكون الحكم أخفّ من الإعدام لأن إنهاء حياة إنسان ليست سهلة بالنسبة لأسرته".
*أما الموسيقار حلمي بكر، فاكتفى بالقول "إن الحكم ليس نهائيًا، كما أن محامي المتهمين لن يستسلموا حيال هذا الحكم وبالتأكيد سيبحثون عن مليون مخرج للتخفيف وصولاً إلى السجن".
*كان والد الراحلة سوزان تميم قد قال في تصريحاتٍ خاصة : "إن ابنته ظُلمت كثيرًا، وفي النهاية ماتت مظلومة أيضًا، مشددًا على أنه لن يشمت بأحد، حتى لو كان قاتل ابنته".
واستطرد بالقول: "صحيح أن الحكم صدر، وأن المجرم سينال جزاءه، لكن ما الذي سيرد ابنتي إليَّ؟" مضيفًا: "الجرح كبير.. ولا يمكن أن يندمل.. أنا حاليًا أعيش على ذكرى ابنتي.. ولا أحد يستطيع أن يرد لي ابنتي.. مع أنني مؤمن بقضاء الله وقدره".

هي دي السياسة

ناس في دماغها حاجة وبتنفذها
وناس تانية مشغولة بتفسير اللي بيحصل
بس الناس التانية دايما مابيوصلوش لايه اللي بيحصل
تقوم الناس التانية اللي في الاول تفرح لما تنفذ اللي في دماغها من غير الناس التانية ماتفهم هم بيعملوا ايه
تقوم الناس التانية تتعب من الكلام عن الاسباب اللي خلت الناس التانية تعمل كده
وتسسسسسسسسسسسسسسسسسسسسسسسسسكتتتتتتتتتتتتتتتتتتتتتتتتتتتت
علشان الناس التانية مابتحبش الازعاج والشوشرة

الا صحيح هو حسن شحاتة ما خدش ميدو معاه المنتخب ليه؟

ههههههههههههههههههههههههههههههههههه
والله عسل ياهندسه
صباحك فل

الباشمهندس كتب:

هي دي السياسة

ناس في دماغها حاجة وبتنفذها
وناس تانية مشغولة بتفسير اللي بيحصل
بس الناس التانية دايما مابيوصلوش لايه اللي بيحصل
تقوم الناس التانية اللي في الاول تفرح لما تنفذ اللي في دماغها من غير الناس التانية ماتفهم هم بيعملوا ايه
تقوم الناس التانية تتعب من الكلام عن الاسباب اللي خلت الناس التانية تعمل كده
وتسسسسسسسسسسسسسسسسسسسسسسسسسكتتتتتتتتتتتتتتتتتتتتتتتتتتتت
علشان الناس التانية مابتحبش الازعاج والشوشرة

اوافق جدااا

وربنا يشفيني وابطل اوجع دماغي

» ومن الحب ما قتل..هشام طلعت مصطفى..
» الحكم في قضية هشام طلعت مصطفى
» الرابع من فبراير النظر فى اعدام هشام طلعت
» الحكم بنقض حكم محكمة جنايات القاهرة بأعدام هشام طلعت مصطفي
» من رئيس الجمهوريه