الف مين ومين ...فى قلبى

الف مين ومين ...فى قلبى
احمد عبدالمجيد

مين اللى قال انى بحبك؟
هقولها إزاى وانا خايف؟
خلتينى أراهن مابين
حب أخره موت
وحرية مشروطة
هى ليه دايما..
الغربة بيا مربوطة؟
عقلى تاه فى زحمة التفكير
عايش جنون حبى
وبرضه خايف من التعبير
مين اللى قنّع نفسه
بإله الموت؟
مين اللى طعم جتتى
بمرض سمه
وجسم عبياة النيل
على جسمه
وقسم ارضك المبروكة
وصنع منها حروف اسمه؟
سجنوا الإرادة جوه زنزانة
لحوم ..........وجلود
دفنوا الزنازين جوه البيوت
قفلوا البيبان....
مين اللى هيموت جعان؟
ومين اللى عصّب عنيا
بالغمامة
او بدخان الغيامة
وراح حنا ضهرك؟
خلانى ماقدرش اشيل عنك
كل اللى بقدر أعمله
أصرخ وأصيح
يااااافرحتى........
وكأنى بنهى دنيتى
زى ماجيت بصراخ
خايف اموت.........
مالحقش تتسترى
يفيد بإيه عمرى
لو عدا وانتى محنية؟
مين اللى غير فروض عمرى
وإغتلس روح الحياة ؟
يفيد بإيه الكلام
لو القلوب قفلت بيبانها ؟
مين الى زيف
حقايق الموت والميلاد؟
مين اللى غيم
بضلمته كل أركان البلاد؟
مش هيفيد اى نور
لو لعيون عميانة
وتفيد بإيه نكتتى
لو الهموم مليانا ؟
مين اللى سرق حلمى من نومى
وسرق يومى؟
مين اللى ضلل خطوتى
وتفكيرى؟

خلانى أشوف البحر حيوان
خلانى اشوف الشمس من ورا القضبان
خلانى ادعى للماضى يفضل تاريخ
والحاضر يبقى نسيان

مين اللى قلع زرعتك
وصنعلنا التوابيت؟
مين اللى حشّر لحمنا
جوه القبور؟
مين اللى خلى عضمنا
اساس للقصور؟

الف مين ومين ..فى قلبى
اتكلمى .............
كل اللى عندك
تبكى ...وتتندمى
ده انا عشت طول العمر
وزادى كان عفنى
تعبت طول السنين
علشان اشترى كفنى
..................
بتعيطى ليه؟؟؟؟؟؟؟؟؟
بتصّعبى ....عارف
تعالى احضنى عضمى
اصل انا خايف
ف كل كتب الهوى
درست الرعب والرهبة
الخوف نسج على حلمنا
زى خيوط العنكبوت
اخطبوط
عكر علينا صفونا
برّد حرارة حضننا
فنن طريقة بيها يهمنا
لكن مش هيهمنا

امتى الجبان اللى جوايا
يموت؟؟؟؟؟؟؟؟
مسيره هيموت.....
ساعتها اعترف بأعلى صوت
فى كل حارة هجرى
وأرفع راية حبنا
وأرفع راية حبنا

جميله اوى

تسلم ايدك

black pearl كتب:: جميله اوى

تسلم ايدك

متشكر جدا

ههههههههههههههههههه

الله يحظك يا باش مهندس

زائر

الف مين ومين ..فى قلبى
اتكلمى .............
كل اللى عندك
تبكى ...وتتندمى
ده انا عشت طول العمر
وزادى كان عفنى
تعبت طول السنين
علشان اشترى كفنى

اقتباس :

جميل يلباشمهندس أن تخرج مابداخلك لتكتبه على سطور الورق

وكأن مشاعرك هى التى تخط كلماتك وأحاسيسك

دم بإحساسٍ عالٍ

والله تعبيرك عما بداخلك جميل

تسلم ايدك

الله عليك ياشاعر الله عليك
القصيدة عكست بوضوح تطور حركة الشعر داخل الشاعر احمد عبد المجيد بدايه جديده للاعتماد علي قاموسك ومفرداتك وصور في منتهي الروعة من باب الانصاف وجدت شائبة صغيره وهو التمدد بلا هدف والترهل للفكرة فيما عدا ..قصيدتك تضعك اليوم ولافخر في باب الشعر الحقيقي والجاد والناضج والهادف موفق اخي العزيز وسعيد جدا بقصيدتك.

عمر المختار كتب:: ههههههههههههههههههه

الله يحظك يا باش مهندس

واالله يا عم عمر ماتيجى ربع اللى فى قلبى
كنت مستعد اكتب سنة كاملة ومازهقش
يلا بقه
ربنا يسامح
ومتشكر جدا

ومتشكر جدا للدكتور ايهاب حبيب قلبى وقدوتى اللى انا مش مسامح نفسى علشان مقصرة فى الاقتداء بيك

وشكرا للمهندس الغالى احمد رفعت

والباشمهندس احمد فتحى ابن عمى وهفضل اقول ابن عمى علشان الناس كلها تعرف انك قريبى
مش انت اللى سعيد وبس انا اللى اسعد علشان سمع رأيك ده

شكرا على التشجيع

احمد فتحي تهامي الهيو كتب:: الله عليك ياشاعر الله عليك
القصيدة عكست بوضوح تطور حركة الشعر داخل الشاعر احمد عبد المجيد بدايه جديده للاعتماد علي قاموسك ومفرداتك وصور في منتهي الروعة من باب الانصاف وجدت شائبة صغيره وهو التمدد بلا هدف والترهل للفكرة فيما عدا ..قصيدتك تضعك اليوم ولافخر في باب الشعر الحقيقي والجاد والناضج والهادف موفق اخي العزيز وسعيد جدا بقصيدتك.

لكوني بعيدا عن الشاعر فأنا لا أعرف تطور حركة الشعر داخله

فمعذرة لتقصيري

فرصد حركة الإبداع من مهمات المتلقي الجاد

غير أني سأقف عند الشائبة الصغيرة التي وجدها مشرف المنتدى الأدبي

وحظك كدا يا هندسة فأنا ضد السلطة على طول الخط

ولو كان هذا السلطوي حبيب وغالي مثل الجميل / أحمد فتحي

ولابد أن نختلف حتى ندرك الحقيقة

النص ليس به ترهل مطلقا ويحمل كما لا يستهان به

من مدارج الوصول للنص المبتغى

حينما يتزيد الكاتب في طرح مضمون من المضامين

ويلح عليه كثيرا ويظهر المضمون بأكثر من طريقة

فهو يحاول التصعيد النفسي للمتلقي للوصول لحالته النفسية

والتكرار هنا محمود وله غاية قيمة

يضغط على المتلقي حتى ينفجر مع النص

وأنا مع المبدع فيما قاله وبساطة اللفظة لديه

والصورة عنده جديدة ومركبة برغم بساطة المفردات

ومتحرر تماما من رتابة الإيقاع

ويكسر إيقاعه قاصدا لصدم المتلقي

ليتنا نتلقاه بعمق وحميمية

وليته يمارس هذا اللون بمنطق

(تصعيد الحالة الشعورية لدى الضلع الثالث الذي لا يملكه المبدع ليصبح المتلقي طوع النص)

تلقي جميل أثار فينا شيئا من الإبداع

ونص أجمل ننتظر أخاه

دمتم بخير

مختار محمود كتب:

احمد فتحي تهامي الهيو كتب:: الله عليك ياشاعر الله عليك
القصيدة عكست بوضوح تطور حركة الشعر داخل الشاعر احمد عبد المجيد بدايه جديده للاعتماد علي قاموسك ومفرداتك وصور في منتهي الروعة من باب الانصاف وجدت شائبة صغيره وهو التمدد بلا هدف والترهل للفكرة فيما عدا ..قصيدتك تضعك اليوم ولافخر في باب الشعر الحقيقي والجاد والناضج والهادف موفق اخي العزيز وسعيد جدا بقصيدتك.

أخيراً أستاذى سأحظى بمداخلة معك .. يالسعادتى وحظى الجميل .

لكوني بعيدا عن الشاعر فأنا لا أعرف تطور حركة الشعر داخله

فمعذرة لتقصيري

آسفين ياأستاذنا ومانقدرش نعذر حضرتك
لأن من واجب الأستاذ متابعة تلاميذه وأنا أولهم

فرصد حركة الإبداع من مهمات المتلقي الجاد

لاجدية أكثر من جديتك ونتمنى أن يسمح وقتك وتسمح ظروف
عملك الشاق بمزيد من الوقت للنقد .

غير أني سأقف عند الشائبة الصغيرة التي وجدها مشرف المنتدى الأدبي

وحظك كدا يا هندسة فأنا ضد السلطة على طول الخط

ولو كان هذا السلطوي حبيب وغالي مثل الجميل / أحمد فتحي

لا أرى أى سلطوية فى كلام الشاعر أحمد فتحى .. الرجل
أشاد بالنص وقال وجهة نظره كمتلقى فى أضيق الحدود
ولم يتعرض بنقد فعلى موضوعى أو غير موضوعى للنص
وسنشكل محكمة لمحاكمته لوجود كلمة مشرف تحت اسمه
مادامت تعنى منفردة ممارسة أعمال سلطوية مبسوط

ولابد أن نختلف حتى ندرك الحقيقة

مع حضرتك أستاذى فى هذا وأبصم بالعشرة شريطة
ألا تتهمنى بالسلطوية عندما أقوم بنقد نص مبسوط

النص ليس به ترهل مطلقا ويحمل كما لا يستهان به

من مدارج الوصول للنص المبتغى

النص فعلاً يحمل كماً من مدارج محاولة الوصول
للنص المبتغى وهو تطور فعلى وجاد فى بناء القصيدة
لدى الشاعر بمزيد من الأدوات عن ما جاء فى أعماله السابقة
وانا أشيد بالنص حسب متابعتى للشاعر وحسب المرحلة الآنية له .
ولكنه الشاعر سقط فى الترهل النابع من
توارد الأفكار بكثرة على ذهنه آن الكتابة مما جعل إلحاح
الشعور أعلى من الحد المطلوب لصياغة الفكرة
فدخل الفكرة من عدة محاور كلها متشابة
هذا بالطبع من وجهة نظرى التى تحتمل الصواب والخطأ .

أيضاً هناك انفلات حدثى فى النص وهذا يرجع لمحاولته القفز
على مستوى لغوى أعلى من مستوى الأدوات التى يمتلكها وبالتالى جاءت
بعض التراكيب كأنها محشورة داخل العمل فى الوقت الذى لم يحرر الشاعر
صوته بالكامل ويخلق وجهه الخاص ولا نطالبه بذلك بالطبع فى الوقت
الحالى لأنه فى المرحلة الوسطية التى لابد أن يدرك أنها أخطر المراحل
فى رحلة بناء شخصيته الأدبية المستقلة .

حينما يتزيد الكاتب في طرح مضمون من المضامين

ويلح عليه كثيرا ويظهر المضمون بأكثر من طريقة

فهو يحاول التصعيد النفسي للمتلقي للوصول لحالته النفسية

علمتنى أن هذا التكرار لابد وان يكون من الدراسة والحرفية بمكان
وأن هناك التدوير الذى يمكننا من فعل هذا دون السقوط فى هوة
الترهل أو التكرار السلبى .
وخير مثال أذكره هنا وإن اختلف الجنس الأدبى
قصتك الرائعة فوق حد الروعة " جراح على رقص برعى "
فيها التكثيف وإلحاح الفكرة وتواردها وتكرارها فى إطار الرصد
المدروس بكشل تقنى إبداعى عالى جداً تتجلى فيه حرفيتك الشديدة فى التعامل
مع الفكرة والقبض عليها والتعامل مع مقومات النص ككل .

والتكرار هنا محمود وله غاية قيمة

أشترك مع حضرتك بأن التكرار هنا جاء محموداً فى بعض المواضع .

يضغط على المتلقي حتى ينفجر مع النص

وفى بعض الأحيان يختنق من النص .

وأنا مع المبدع فيما قاله وبساطة اللفظة لديه

والصورة عنده جديدة ومركبة برغم بساطة المفردات

حقيقة الصورة لدى أحمد عبدالمجيد جيدة
رغم أنها مؤشكلة ومرتبكة أو قلقلة فى بعض المواضع القليلة .

ومتحرر تماما من رتابة الإيقاع

ويكسر إيقاعه قاصدا لصدم المتلقي

كسر الإيقاع عند أحمد عبدالمجيد غير مقصود بالمرة
ولكن يدفعه إلى ذلك توارد الشعور كما قلت بكثافة
فيجعله يقفز من إيقاع لآخر بشكل لابد له من دراسته
فهو يحاول الإشباع ويضيق نفسه فيخرج لفضاء إيقاع آخر
وفرق بين كسر الإيقاع الحِرفى والذى لابد للشاعر من
التمييز بين إيقاع وآخر بشدة ومن ثم تقسيم النص إلى مقاطع
تتفق فى الإيقاع ولا يشمل كلامنا قيامه باستخدام الكف مثلاً
فى متفاعلن أو الإيطاء فى غيرها أو السير فى درب من دروب
نفس الإيقاع .. ولكن يشمل الإيقاع جملة .. مع الأخذ بالمباح
كما يجب الأخذ فى الاعتبار الفارق بين الإشباع والترهل .

ليتنا نتلقاه بعمق وحميمية

أحمد عبدالمجيد بن خالى وأتلقاه بحميمية الدفع كما كان يحدث معنا
فلم ننتعلم بالطبطبة وحضرتك تعرف هذا جيداً والطبطبة لاتأدتى إلا بكاتب فاشل
وتعرف ماكان يدور فى المحافل الأدبية .. وكم من مرة قلت لى أنك اكتشفت أن صديقك
فؤاد قنديل كان حق فى تلقى المواهب عندما كانت تأخذكم الشفقة بهم وهو يعصرهم
لذا صاروا أصحاب أقلام .

وليته يمارس هذا اللون بمنطق

(تصعيد الحالة الشعورية لدى الضلع الثالث الذي لا يملكه المبدع ليصبح المتلقي طوع النص)

هنا تعود أستاذى لتتفق معى فيما قلته بعيداً عن رغبتك فى تشجيع الموهبة
وسعادتك بشاعر واعد جميل ينبت من أحضان أرض العمار الخصبة
فهنا إقرار ضمنى من حضرتك أفهمه جيداً يرمى إلى نداء الشاعر
بمنطقة العمل وتصعيد الحالة الشعورية بشكل صحيح دون هبوط
بل بصعود مستمر لدى الضلع الثالث فى مثلث الارتكاز وهو المتلقى .

تلقي جميل أثار فينا شيئا من الإبداع

أجمل مامر هو حضرتك أستاذنا الحبيب وتلقيك المرن الحميم الذى
تتضح فيه سعادة حقيقة بموهبة رائعة .. وتلقيك البديع هو ما أثار شيهية المداخلة
معك .. وأنتظر من حضرتك التصحيح لى فيما شطحت فيه
فكلنا تحت راية التعلم منكم نمضى .

ونص أجمل ننتظر أخاه

قرأت قصيدة الشاعر أحمد عبدالمجيد التى قدمها للمسابقة " غناوى الطفل والعنقود "
وأرى فيها أنها الأجمل الذى تنتظره ففيها قفزة أخرى جميلة
تعتمد على الوعى بأبعاد تجربته الشعرية .. بغض عن النظر عن فوزها أو عدم
فوزها .

وعلى الشاعر أحمد عبالمجيد أن يلتفت إلى رسم الكلمات والرقن
فيما يكتب ويدقق فى هذه الناحية .. فلا أريد أن أراه يكتب
مرة أخرى على سبيل المثال لا الحصر ..
" عبياة النيل " وهو يقصد عباية النيل .

نهاية القصيدة فى مجملها جميلة وتحتاج للتنقيح فقط من قبل الشاعر
وكل ماذكرته بحديثى أسس عامه ولاتنطبق كلية على أحمد عبدالمجيد
ولكن حظة هو وإيهاب رفعت وأحمد فتحى وأحمد عبدالعزيز ومحمود سمير ( مع حفظ الألقاب للجميع )
أننا نتلقاهم بجدية .. وهذا لرؤيتنا بقيمة مواهبهم وتطورهم الأدبى المستمر ورغبتهم
فى الوصول للأفضل وعدم الخشية من النقد .
ولكى لايظن البعض أن المواهب هنا توقفت عند من ذكرت
أؤكد أن هناك مواهب أخرى جميلة ولكننا نتلقاهم بحذر الذى يخشى على
زهرية الورد أن تنكسر ولكن ليس بحذر التلقى لأى سبب آخر .

الشاعر الجميل أحمد عبدالمجيد
أنت على درب الشعر الحقيقى ولذلك نتلقاك بجدية
فاستمر بقوة ونحن ننتظرك بشغف .
دمتم بكل الخير وفيه بإذن الله .

دمتم بخير

انا بالفعل محظوظ لتطبيق فتنة الورشة على القصيدة الحالية
وسعيد جدا جدا بمرور تلك الشخصيات الادبية العظيمة على هذا النص
ولكن تزداد هرمونات الخوف فى جسدى وتجعلنى مسئول عن اشياء ظهرت من خلال التوضيح
ولكن عندما كتبت النص وأنا لا اعلم
1/ ماهى الادوات ؟
2/ وكيفية صياغة اللغة ؟
3/وما هو الضلع الثالث؟
ارجوكم التوضيح فأنا سأظل التلميذ فى هذه المدرسة العظيمة
وسعيد جدا بهذا النقد
فأنتم خير من يعبر بنا نحو عالم الابداع
شكرا لكم

بوركت وبوركت قصيدتك ياأستاذ أحمد

فقد علمتنا كيف نتقابل مع النصوص

وعلمتنا كيف يكون النقد الموضوعي

وأسعدتنا بمرور الأساتذة

حتى أضحى المسك يضوع أسورة من مرورهم العطر

دمتم بخير جميعاً

يا خبر أبيض يا عم سميح

دا أنا نفسي شعري وقف من جدية التلقي

فما بالك بصاحب النص

من حقك تدافع عن أحمد فتحي

ومن حقنا ندافع عن تذوقنا

مش عارف ليه أنا ما مريت هنا منذ أمد

دا انا متأخر وحالتي يرثى لها

بس مستمتع برد سميح

وصعبان على المبدع

وعندي إحساس إن دا هو الشعر

ومش عارف أقول ليه؟؟

» يا ترى مين الجارح ومين المجروح
» بين جدران قلبى
» ياخوااااااااااااتى على حبايب قلبى
» نفسى اطلع اللى جوايا
» قلبى الذى يتألم