انتخابات مجلس الشعب وتكهنات حولها

لداخلية تبلغ مرشحيّ دائرة "القناطر" بموعد الانتخابات وسط ضغوط على "المستقلين" للانسحاب لصالح عضو أمانة السياسات

كتب مجدي رشيد (المصريون): : بتاريخ 5 - 8 - 2009

سادت حالة من الاستياء الشديد مرشحي انتخابات مجلس الشعب بدائرة "القناطر
الخيرية"، الموقوفة منذ انتخابات عام 2005، بعدما أخطرتهم وزارة الداخلية،
أمس، بإجراء الانتخابات الدائرة يوم 12 أغسطس الجاري.
وأكد
المرشحون أن الأيام الثمانية المتبقية على إجراء الانتخابات غير كافية
للقيام بالدعاية الانتخابية، وإعداد مندوبيّ اللجان، مشيرين إلى أن منصور
عامر، عضو مجلس الشعب السابق عن الدائرة، وعضو لجنة السياسات، ونائب رئيس
جمعية مستثمري العين السخنة، قام بتعليق لافتات دعائية قبل إخطارهم بثلاثة
أيام، مما يؤكد نية الحزب الحاكم في تمرير عامر الذي تربطه علاقات وثيقة
بجمال مبارك، أمين لجنة السياسات بالحزب الحاكم.
وكان عامر قد حصل في
الجولة الأولى للانتخابات التي تمت في عام 2005 على 12 ألف صوت مقابل 32
ألفًا لمنافسه ناصر سالم الحافي، مرشح "الإخوان المسلمين"، و13 ألفًا
للدكتور نصيف العفيفي، واللذان نافسا مرشح الوطني على مقعد الفئات.
والمثير
للدهشة، أن جمال عبد المقصود، نائب الدائرة السابق عن مقعد "العمال
والفلاحين" والذي حصل على المركز الثالث بالانتخابات التي تم وقفها اختفى
من الدائرة تمامًا، مما ثار تكهنات حول عزم الحزب الوطني على إنجاح منافسه
محي عبد الحليم الذي خاض الانتخابات السابقة كمستقل، إلا أنه انضم للحزب
الوطني بعدها، لاسيما أن الأخير ينتمي إلى قطاع طوخ الذي يتبع انتخابيا
"دائرة القناطر" والذي حرم من وجود نائب له منذ ضمه إلى الدائرة في عقد
الثمانينات.
وعلمت "المصريون" أن الحزب الحاكم والأجهزة الأمنية تمارس
ضغوطا على العديد من المرشحين المستقلين للانسحاب من خوض هذه الانتخابات
مع تقديم إغراءات لهم بترشيحهم علي قوائم الحزب بانتخابات مجلس الشورى
والمحليات القادمة.
من جانبه، انتقد ناصر سالم الحافى، مرشح "الإخوان
المسلمين" إبلاغ قسم شرطة "شبين القناطر" المرشحين عن موعد الانتخابات قبل
إجرائها بثمانية أيام فقط.
وقال الحافي، لـ"المصريون"، إن هذه الفترة
لا تكفي لاستلام كشوف الناخبين وإعداد المندوبين داخل اللجان والقيام
بالدعاية الانتخابية اللازمة، مشددًا على أن الأمر يؤكد وجود نوايا سيئة
للنظام، خاصة في ظل عدم إجراء الانتخابات تحت إشراف قضائي.

يبقى أنت اكيد فى مصر !!!

هو الناس لسة فاكرة الأنتخابات

يعني اية انتخابات ؟

الانتخابات يعني تدي صوتك للمرشح اللي انت عايزه وبعد كده يتقالك صوت ايه يا ابو صوت انت مفكر نفسك عبد الحليم

عمار يا مصر

إسلام كتب:: الانتخابات يعني تدي صوتك للمرشح اللي انت عايزه وبعد كده يتقالك صوت ايه يا ابو صوت انت مفكر نفسك عبد الحليم

ههههههههههههههههههههههه

لا بجد حلوة منك يا سلم مبسوط

والله من رأيى إن أياً كانت الانتخابات

لو ليك صوت تروح وتنتخب ما تراه صالحا للمكانه دى

ولو مش شايف ان فيه حد فى كل المرشحين يستحق صوتك

يبقى قمة الإيجابية انك تقعد فى البيت ولا تروح ولا تيجى

وأنت سيد قرارك على رأى الاستاذ صلاح منتصر

شكرا

متقلبوش المواجع

مش ناقصة نكد

البلد دي بتعمل اللي هيه عايزاه

وكأن الشعب ده مش موجود

ليه بيتعبونا ونروح ونيجي يخلو المجلس بالتعيين أفضل واوفر

تقريبا النتيجة اتحسمت خلاص

وان شاء الله حد من العمار هينجح

ويمثلنا 5 اشهر ف البرلمان فقط

يعنى ياجماعة صوتنا مش مهم

لكن المهم ان العمار بالذات ماتبقاش (قطعة جاتوه) لاى مرشح ارجوكم

ان كان صوتكم مش هينفع يبقى نقف ضد الظلم بالقلوب وده اضعف الايمان

اصل مصر ما لهاش صاحب في ناس بتعمل الاي هي عايزه من غير ماتشوار ولا تسأل وهي دي
قمة الديموقراطيه والنزاهه اعملوا الاي انتوا عايزينوا وها نعمل الاي احنا شيفينه هي دي الديموقراطيه يبقي انت اكيدددددددددددددددددددددددددددددددددددددددددددددددددددددد في مصر

تم التأكيد على انسحاب بعض من المرحشين العمال واهمهم عابدين عبدالهادى وفتحى دسوقى عبده

وتم الضغط على مرشح اجهور وهو نصيف العفيفى وقبل التنازل

ومبارك للفائزين من الان

انا شايف اننا مهما عملنا ...

الموضوع شبه خلاص محسوم ..

يعنى باختصار احنا هنكون بندلى بصوتنا فى اللجان ...

والنتيجة هتكون بتذاع فى نفس الوقت ..

يعنى خلاص ..

مبارك للحزب الوطنى ...

وان كنت معترض على النجاح بالشكل ده ..

بس مبروك وخلونا يبقى لينا تواجد ولو مرة واحدة فى الدنيا...

انتخابات اه انتخابات تصدق بجد المفروض تتسمي كده

ده اللي متتسماش دي مات فيها تلاته فطيس ابل كده

ولسه بنعلق يفط وارف وندافع عنهم والله نعيب زماننا والعيب فينا

محسومة بقي ولا مش محسومة صوتك امانة والاهي تديه

لتامر حسني المهم اديه لحد انت شايف انه يستاهل

انا عن نفسى هروح ان شاء الله

وهنتخب واختار اللى حاسس انه ينفعنى ويفيدنى

على الاقل لمدة خمس أشهر فقط ولما تيجى الدورة الجديدة

نشوف مين المرشحين وياااارب يكون فيهم من العمار

حد له وزن ويكون فيه ولو شبه اجماع عليه

وربنا يسهل .... والله يرحم اللى ماتوا يا أستاذ عمر

وانت عارف كويس مين اللى قتلهم ...

اقتباس :: وانت عارف كويس مين اللى قتلهم ...

:وىوىوى:
انت بتقول ايه ؟ وتقصد ايه بالسؤال ده ؟

اكيد كلنا عارفين مين اللى قتلهم
بس احنا بنتناسى

حسبنا الله ونعم والكيل حسبنا الله فى الظالمين

انا شايف ردودكم ليه فيها احباط وكأنى خلاص الموضع خلص
بس معلش لازم اكون صريح وأول لكم انى دى سلبيه
فين الاسرار وفين الهمه وفين توكلنا على الله
لازم نشارك ونفتكر انى لينا اخوتنا اللى ماتو بسبب الظلم وكمان بسبب سلبيتنا
انا عن نفسى هروح وشارك حتى لو المرشح اللى هنتخبه الكبار مش عاوزينه

انا هاروح ليه وانا عارف انى صوتى ملهوش اى اهمية

من الان معروف مين اللى هاينجح

يبقى ليه اضيع وقتى فى كلام فاضى

السلبية انك تحس ان صوتك مالوش لزمة

اللى بيدافع عن صوته عمره ماهيخسره
واللى بيبعه مايجيش بعد كده يحاسب حد
بالعكس اندم على كل فرصة جتلك ورفضتها
كان نفسى يكون ليا الف صوت مش واحد
وهدافع عنهم بحياتى مقابل مبدأ انا ماشى عليه

(اذا اشتريتمونى اصبحت عبدا لكم .......واذا اشتريتكم اصبحت عبيدا لى)

الكلام ده الى الناس اللى ليهم ولى نعمة وفلوس بالباطل بياخدوها هى ف الاساس فلوسنا

ارجوكم حكموا العقل وبلاش تحكموا الجيوب

الفقر مش عيب العيب ان احنا نداويه بحاجات تهين الكرامة

امتى بقه اقول اسامى تعبت من الكلام

انت مش بتدينى فلوس علشان انا فقير بالعكس علشان انت عارف كويس ايه ضعف الفقير

مش باقى غير اقول

تعبت من الكلام
ذيع يامسحراتى الليل وقول
اللى نايم سيبه نايم
واللى صاحى اسجنوه
ولا اقولك اقتلوه
داروا وشوكم بالنقاب او بالحجاب
مش تخلف
لكن كسوف لحسن تشوف العار
موت يافقير والحقلك تربة
خايف والله فى يوم تتخصخص
خايف لـتأجر لعنيك حد يسبلها
وطنك .........بيعه
ارضك ........بيعها
وأمشى زى ماقال الصك
لحسن دكاك الزحمة يدك ولادك دك
اه ياوطن مسكين
لملم جناحك وانسحب
دقوا الطبول
وعايزنى تانى اقول
والله تعبت من الكلام

الله يا بلد

مولد يجمعنا

وكرباج يفرقنا

انا مش عارف احنا مش بنتعظ لية

كل دة وعايزين تروحو تنتخبة

روحو واللى هينجح

هيديكو باطنية

لاتعليق

الكلام كتر اوى وانا مش فاهم ليه

وحاسس كده ان كل واحد بيحاول يسوق فكرته ويعرضها فى صوره حلوة

يعنى فى ناس بتلمح للاخوان وفى ناس بتتكلم عن اليسار

وكما يقال كل يغنى على ليلاه ...

ولكن تعالوا نتكلم شويه بالعقل

اولا اللى بيقول فى سلبية وانا صوتى مش هيفرق

لا مفيش سلبية ولا حاجه تعالوا نحسبها ..

دلوقتى مدة المجلس بعد الانتخابات حوالى 4 أشهر او أقل

يعنى مع خالص احترامى وتقديرى

لو محمد داوود ومصطفى بكرى وجمال زهران التلاته اجتمعوا فى شخص واحد

وكان من ضمن المرشحين ونجح كمان ولا هيلحق يعمل حاجه

يعنى بالعربى كده مش دى الانتخابات اللى نقول فيها عاوزين تشريع واحاطه

دى النقطة الاولى

ــــــــــــــــــــــــــــــــــــــــــــــــــــــــــــــــــــــــــــ

النقطة الثانية

واحد هيجى يقولى لا احنا عاوزين تشريع واحاطه

صلى على النبى لو افترضنا افتراض- خيالى -

ان الاستاذ ناصر الحافى او الدكتور شوقى الكردى او الدكتور نصيف واحد منهم نجح

ايه الجديد ياجماعه هتقولى مستقل جديد انضم للمجلس

هقولك يافرحتى ماهو فى اغلابية يعنى لو لطم وعذرا فى اللفظ

ولا حياة لمن تنادى انتوا نسيتوا ان فى اغلابية ساحقة فى المجلس

لحزب الحكومة يعنى مع احترامى للانسان اللى هيترشح او هينجح

فى دائتنا مستحيل يكون فى حماس وحب الموجودين حاليا

أقصد نواب المعارضة

( مصطفى بكرى ومحمد داوود وجمال زهران وسعد عبود

وحمدين صباحى وغيرهم بالاضافة الى كتلة الاخوان )

والذين لم يستطيعوا فعل شيىء لانهم بسبب بسيط اقلية

اه انا معاكم اننا لازم نشجع المستقل ونكون كلنا وراه بس ده يحصل بقى

من الدورة الجديدة اللى هى بالمناسبة زى اليومين دول العام القادم

لكن الوقت المتبقى لايكفى لا لتشريع ولا لاحاطة ولا خلافه

انا عن نفسى ويعلم الله اننى لاتربطنى صلة باى منهما او مستفيد استفاده مباشرة

من اى منهما

انا بعلنها على الملأ

انا صوتى

للاستاذ منصور عامر

والعميد محى عبد العاطى

وخلص كلامى

اقتباس :: انا بعلنها على الملأ

انا صوتى

للاستاذ منصور عامر

والعميد محى عبد العاطى

عمر المختار كتب:

اقتباس :: انا بعلنها على الملأ

انا صوتى

للاستاذ منصور عامر

والعميد محى عبد العاطى

لم تجد فى ردى كله ما تعلق عليه غير دى

بجد والله لاتعليق

توقعت ان الاستاذ عمر هسيب كل كلام البشمهندس احمد وهيعلق على الكلمتين دول

لكن كل واحد "عقلة في راسه ..."

وكلنا متعلمين ونقدر نحكم ع الامور صح لكن اهم حاجه اننا لانشوه صورة على حساب اخري ولانجمل صورة على حساب اخري

اقتباس :: وكلنا متعلمين ونقدر نحكم ع الامور صح لكن اهم حاجه اننا لانشوه صورة على حساب اخري ولانجمل صورة على حساب اخري

الله على الجمال وكمان ياهندسة

ولا نحجر على رأى الغير لو سمحت يعنى

» مجلس الشعب
» الان..برومو حلقة انتخابات مجلس الشعب
» مرسوم قانون انتخابات مجلس الشعب والشورى الجديد
» عضو مجلس الشعب ..سياسي فقط؟؟؟؟؟
» الاستاذ رامى بربش تراجع عن الترشح فى انتخابات مجلس الشعب 2011