وجبات .. رقص وغناء .. كاميرات فيديو .. أبرز مشاهد الانتخابات(1)

تقرير عام وشامل عن انتخابات القناطر الخيرية اليوم

وصورة خاصة على ماحدث فى العمار على مدار قرابة 11 ساعه

يوم الاربعاء الثانى عشر من أغسطس 20009

واليكم التقرير ...

(8-10 ) صباحا

افتتاح الانتخابات بهدوء تام وغير معهود فى مثل هذه الظروف

خصوصا فى وجود مرشح من العمار ..؟؟؟

ورغبة العمار فى أن يكون لها ممثل لاول مره فى التاريخ داخل جدران البرلمان

ولكن ربما كان الوضع كذلك لثقه الناس أن الامور منتهيه

وان المسأله لاتعدو مسأله وقت لاغير

المهم لجان مدارس

( الفكرية- الثانوية ( المؤسسة ) - الابتدائية ( المجموعة) )

شبه خاوية تمام من المنتخبين

اما اللجنة الرئيسية لجنة المدرسة الاعدادى والتى تقع فى معقل عائلة ال عبد العاطى

اهل وعائلة مرشح العمار العميد محى عبد العاطى

فقد شهدت حضور مكثف اذا ما قورنت باللجان السابق ذكرها

على الرغم ان الحضور لم يكن ليقارن بانتخابات 2000 او 1995

الحركة بسيطة تمام والانتخابات تسير فى هدوء تام

مع حضور عدد لابأس به من رتب الشرطة

وحضور أمن الدولة ممثل كالعادة فى الاستاذ على خليل

وحضور مندوبين عن منصور عامر

فى شياكة تامة مصطحبين اول للاب توب فى انتخابات العمار

الجميع فى حماس وحركة داخل المدرسة الاعدادى

والتى تشعر فيها فقط ان هناك انتخابات فى العمار

(10-1)ظهرا

الحركة تزداد بعض الشيىء فى المدرسة الاعدادى مع بقاء الوضع على ماهو عليه

فى باقى اللجان فى باقى المدارس .....

ظهور كاميرا فيديو تابعه لمنصور عامر ومصور محترف يصور كل مايحدث ويأخذ

أحاديث من الناس تحت ستره انه ممثل لقطاع الاخبار

وطبعا ستات العمار عملن الواجب وزيادة وكمان الاطفال

وليه لاء وبعض الرجال يوووووه قصدى الذكور اللى محسوبين على الرجال واللى مصدقوا لقوا كاميرا

وخد عندك بقى هتاف من اللى قلبك يكره

بالروح بالدم نفديك يامنصور

يامنصور ياعود ريحان هتنور البرلمان

بص شوف منصور بيعمل ايه

وغيرها من الهتافات الرائعة لسيدات العمار

الذين نسوا ان محى هو مرشح العمار ولكن امام الكاميرات قد ينسى الانسان

حتى أبيه وأمه .....!!!

اه بالمناسبة اللقاءات اللى عملها المصور ده مع الناس كانت كلها بتصب فى اننا

هننتخب منصور باشا لانه هو اللى عمل وهو اللى سوى واللى مينتخبش منصور

باشا يبقى ناكر للجميل وابن ستين( ....)

المفاجأة بقى واحد مدرب اوى من عند منصور بيظهر بعربية وميكرفون

وبيهتف لمنصور ومعاه محى طبعا لاننا فى العمار

وبيقف يتفرج على سيدات العمار وهما بيرقصوا وبيغنوا لمنصور

ويعلق على ما يفعلون

الله على الجمال شوف الناس فرحانه ازاى

هو ده ايوه ولعها يامنصور

مبروووووك عليكى ياعمار منصور

وفجأة حدث ما لم يكن يتوقع ...؟؟؟؟

طبعا مشتاقين تعرفوا حدث ايه ...؟؟؟

تسمعوا عن عصام سعيد مرسى

اللى ميعرفش الاسم ده يبقى محضرش انتخابات قبل كده

ده اسمه بلبل الانتخابات وكان قائد الهتاف فى انتخابات عمر عامر

لان الرجل صاحب الفضل بعد الله فى توظيف عصام فى البريد

وكان طول الوقت ضد منصور فى انتخابات 2000 او 1995 وحتى 2005

ده حتى حضر مؤتمر الدكتور شوقى الكردى وكان بيصور كمان الدكتور ايمن نور

وهو بيتكلم بس هنعمل ايه بقى .. ربنا يستر

وفعلا بمجرد ظهوره على الساحة فى هذه اللحظه اصاب الناس ذهول

مما قد يحدث وفجأة يقترب عصام من السيارة اللى فيها الميكرفون بتاع منصور ويشد الميكرفون

من ايد الراجل اللى بيهتف ...؟؟؟؟

ويحطه على سماعات الموتسيكل الصينى اللى هو راكبه

ويعلى صوت الاغانى ويرقص على موتسيكله

ويرقص الجميع على نغمات موتسيكل عصام

وعلى الرزق اللى هيجى بالزوفه بعد انتصار الفاتح منصور

ويزداد القلب بكاء على حال العمار

المهم فجأة بعد انسحابى من المكان تقابلنى سيارة دليفرى لمطعم ايطالى فخم جدا طبعا

عرفت انه فخم من شكل سيارة الدليفرى بس فما بالك بالمطعم بقى وسمعت انه مملوك

لمنصور فى المهندسين ، وتقف السيارة وتنتظر احد رجال منصور فى العمار ليأتى

وتفتح العربيه أبوابها على الخير وسط ترقب من كل الناس اللى موجوده فى المكان

وانا اولهم طبعا يمكن ينبنا من الحب جانب ...؟؟؟

المهم تخرج مجموعة من الوجبات المغلفة فى كراتين وتوضع فى عربية سوزكى

والى حيث يشاء رجل منصور فى العمار تتحرك العربية السوزركى معاه قلوب كل المتابعين

اه صحيح سمعت ان الوجبات اللى بتكلم عليها دى

وصلت للناس فى اللجان فينو بلنشون وجبنه

مش عارف ازاى بس ده اللى حصل

ويمكن تكون وجبات ساخنه دخلت السوزكى

اتحولت بقدرة قادر الى لانشون وجبنه

على العموم

انتظرونا وباقى الاحداث فيها

- عندما هتف اطفال العمار بنحب يامنصور

- افراح فى العمار بمجرد غلق صناديق الاقتراع

- الطبل البلدى والرقص والغناء فى فرح العمار بأبنها منصور عامر

يووووووه قصدى محى عبد العاطى

وغيرها من الاخبار الشيقه فى الست ساعات قبيل غلق باب الانتخاب

انتظروووووووووونا

تابعها لمنتدى شباب العمار

أحمد السيد ( زهير ) .... ههههههههه

ههههههههههههههههههههههههههه

لقد اسمعت لو ناديت حيا ولكن لا حياة لمن تنادي ونار لو نفخت فيها اضاءت ولكن انت تنفخ في رماد

ضيعنا واللي كان كان وبقت جرسة حسبي الله ونعم الوكيل يا خسارة اللون الاحمر اللي مشلوش

الكلور بتاع حريم ال عبد العاطي اللي لسه معلم علي ايدي شكرا لك يا رب

اني كنت تابع للجنة المجموعة

ان كل كلمة من كلماتي اقصدها واعنيها ولا اعني غيرها

ومن يريد توضيحا اذا تخيل ان هناك ايحاء باشياء ليست بواضحه

انا مستعد لقد كتبتها من جرحي الاليم علي حالنا

الذي يزداد من سوء الي سوء والله المستعان

اسمع بقي يا عبده واسمعني يا اسمعين

دا منتدانا جنة زرعوها الفلاحين

رسموا فيها كفاحهم بريشه وعرق الجبين

مجهود زاتي يا سيدي دا شبابنا دول واعيين

كتبم فيها تاريخنا ودونوا الدواوين

وكمني بحب اكتب زي الشعرا التانيين

مع اني بعد نفسي محامي الغلبانين

فكرت مره اشعر واكتبلي كلمتين

طلعت هي قصيدتي اغنية للغالين

اهل بلدي وناسي اخواتي الطيبين

كتبت فيها شكوي وقلت اعلي صوتي

يمكن كلامي يوصل لكبار المسؤلين

ان العمار بتصرخ غيثوني يا سامعين

بطلب يمسكنا ريس بس يكون كويس

ميكنش مالملاعين

دا احنا شباب وقوة ومحتاجين فتوه

ويكون من الجامدين

بس الفتوه لازم يكون صريح وحازم

ميكنش مالمجانين

يحمي تاريخ بلدنا ويرسم طريق ولادنا

دول من غيروا ضايعين

فكرت في المعلم انه يدرس ويعلم

لاقيته يا عم نايم من ضمن السكرانين

فكرت في المحامي انه يعدل ويحامي

لاقيته ياعم ساكت من ضمن المكتومين

فكرت في الدكتور يمكن يصيبه الدور

لاقيته يا عم ساخط وانضم للسابقين

وقلت هو ابو نجمه اصله شديد الهمه

ركن من اول جوله وكتبنا في الضالين

منستشي طبعا حوتنا المهزوم اللعين

واوعي تكون مش عارف بكلامي اقصد مين

دا واكل قوت ولاده ودابح شباب بلدنا

ولا نسينا الغالين

وحياة دم الشهيد وحزن ابنه الوليد

لتشوفه حسره وندامه عليك يا ابو الظالمين

مرضيتش طبعا اسكت

واكون زي الشياطين

انا الت اصرخ واهاتي واستعين باخواتي

لانهم فاهمين

نعمل حاجه لبلدنا ونستعين بشبابنا

دول يسووا نور العين

لازم يكون ذراعنا هو اللي بياكلنا

عشان يكون قرارنا من راسنا يا عاقلين

واختم كلامي بحكمة قالوها المصريين

خلي اكلك من فاسك هتكون صاحب القرار

بلاش نعيش شحاته ولله يا محسنين

عمر مختار عبيده

مبرووووووووووووووووووووووووووك يا كابتن مبروووووووووووووووووووووك

:وىوىوى:

وحياة دم الشهيد وحزن ابنه الوليد

لتشوفه حسره وندامه عليك يا ابو الظالمين

مرضيتش طبعا اسكت

واكون زي الشياطين

انا الت اصرخ واهاتي واستعين باخواتي

لانهم فاهمين
نعمل حاجه لبلدنا ونستعين بشبابنا

دول يسووا نور العين

والله يا استاذ عمرو المستقبل عتمة
مافيش حاجة تشجع
بس عمرنا ماهنستسلم
ربنا معانا

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

والله يا استاذ عمرو المستقبل عتمة
مافيش حاجة تشجع
بس عمرنا ماهنستسلم
ربنا معانا

فعلا ربنا معاكو

والله يكون في عون الجميع

حد يعيب في اهل بلدو بالشكل دا ويتكلم عنهم كدا

واحد سرق = مصر كلها حرامية

لا تعليق لي علي الموضوع كاملا لانو موضوع جوفى ....

اقتباس :: فى شياكة تامة مصطحبين اول للاب توب فى انتخابات العمار

يا حلاوة يا ولاد اللاب توب دخل بلدنا والله فرحتنى يا أحمد

وشايفة فى لهجتك شىء من الحقد ياريت نصفى نفوسنا شويه بقى

اقتباس :: وطبعا ستات العمار عملن الواجب وزيادة وكمان الاطفال

طبعا طبعا....

دى وقفتهم إمبارح فكرتنى بأول خروج للسيدات الى كان فى ثورة 19

الله يرحمك يا سعد باشا وفعلا مفيش فايدة

باشمهندس أحمد أنا عندى تسؤال دار فى أذهان تقريبا كل من قرأ التقرير بتاعك

وهى إن لهجتك فى السرد مناقضة لموقفك من منصور اللى كلنا عارفينه

لما إنت أعلنته على الملأ

يعنى خد عندك مثلا لما بتقول :

اقتباس :: وليه لاء وبعض الرجال يوووووه قصدى الذكور اللى محسوبين على الرجال واللى مصدقوا لقوا كاميرا

وخد عندك بقى هتاف من اللى قلبك يكره

بالروح بالدم نفديك يامنصور

يامنصور ياعود ريحان هتنور البرلمان

بص شوف منصور بيعمل ايه

مش شايف حاجة غريبة هنا؟؟

طيب وهنا كمان :

اقتباس :: اه بالمناسبة اللقاءات اللى عملها المصور ده مع الناس كانت كلها بتصب فى اننا

هننتخب منصور باشا لانه هو اللى عمل وهو اللى سوى واللى مينتخبش منصور

باشا يبقى ناكر للجميل وابن ستين( ....)

حيرت قلبى معاك على رأى ام كلثوم

شكرا جزيلا لرحابة صدرك يا باشمهندس

بمناسبة الوجبات

الأنتخابات دى كانت طبيخ ...

عاشت مصر حره مستقله

وحصل وقف امام عينى فى لجنة المدرسة الاعدادى لجنة رقم(2....)مش مشكلة رقمها واحد من الناس اللى عاملين نفسهم مهمين من رجالة البلد الافاضل اللى عندهم كرامة ومبيمدوش اديهم لسارقى الشعب المهم الراجل ده دخل هو وطفل صغير عندة حوالى اربعة سنوات الطفل ده شاف ابوه بينتخب فقال لأبوه انا عاير ورقة (اقصد ورقة انتخابات زى ابوه)فالموظف اداله ورقة وعلمله عليها وخلا الطفل ده يغمس صباعه فى الحبر ويبصم مكان اى شخص ورفع الطفل وخلاه يحط الورقة فى الصندوق (وصباح الخير ياخالتى ام اسماعيل)على النزاهة المهم مش مهم المهم ان واحد من بلدنا نجح ومش مهم ازاى وعمل ايه علشان ينجح زى فيلم (التحالف مع الشيطان)لكنه نجح وحسبنا الله ونعم الوكيل فى كل ظالم ............. وأه يابلد

يبقى انت اكيد اكيد فى مصر

:ب-بف: :ب-بف: :ب-بف:

انا عايز افهم مين السبب فى اللى وصلناله الحكومة ولا الشعب ؟ ويبقى انت اكيد فى العمار بلد النزاهة والرأى الحر (وبرده صباح الخير ياام اسماعيل)

انا هكمل التقرير رغم غضب البعض

بس مش مهم ومش مطلوب ان الكل يبقى راضى عنا

بس انا عاوز اعلق على بعض الحاجات الاول

اقتباس :: لا تعليق لي علي الموضوع كاملا لانو موضوع جوفى

اسف استاذ احمد وصف لايستحقه موضوعى

ولا اعلم من أين أتيت به الرجاء ان تحترم رغبه الاخر

فى التعبير عما يدور بداخله كما نحترم نحن رغبتك فى تأييد من تحب

ولاتنسى الاختلاف فى الرأى لايفسد للود قضيه

اقتباس :

باشمهندس أحمد أنا عندى تسؤال دار فى أذهان تقريبا كل من قرأ التقرير بتاعك

وهى إن لهجتك فى السرد مناقضة لموقفك من منصور اللى كلنا عارفينه

لما إنت أعلنته على الملأ

يعنى خد عندك مثلا لما بتقول :

مقالة:

وليه لاء وبعض الرجال يوووووه قصدى الذكور اللى محسوبين على الرجال واللى مصدقوا لقوا كاميرا

وخد عندك بقى هتاف من اللى قلبك يكره

بالروح بالدم نفديك يامنصور

يامنصور ياعود ريحان هتنور البرلمان

بص شوف منصور بيعمل ايه

مش شايف حاجة غريبة هنا؟؟

طيب وهنا كمان :

مقالة:

اه بالمناسبة اللقاءات اللى عملها المصور ده مع الناس كانت كلها بتصب فى اننا

هننتخب منصور باشا لانه هو اللى عمل وهو اللى سوى واللى مينتخبش منصور

باشا يبقى ناكر للجميل وابن ستين( ....)

حيرت قلبى معاك على رأى ام كلثوم

شكرا جزيلا لرحابة صدرك يا باشمهندس

بجد أنا كان نفسى اى حد يسألنى السؤال ده غيرك أنتى

يمكن لانك انتى اكتر انسانه فى العالم فهمانى

اه انا كنت مع منصور ومع انتخابه لانه هو اللى قدم للبلد

بس مش ممكن مهما حصل كنت هقف اهتف لمنصور واغنى وارقص

على فكرة انا عاوز اقول ان كل اللى حصل ده من رقص وهتف وغنى وغيره

كان فى منصور لا للاسف ده حصل

علشان كل واحد له مصلحه خاصه عند الباشا لازم يعمل كده

الحمد لله انا مليش مصلحه ولا هيكون ليا ان شاء الله

بجد الخلاصه يا حنين فى ناس كتييييييير اوى نزلت من نظرى اليومين اللى فاتوا

دول وعلى رأيى واحد زميلى قال

هتستنى ايه أكتر من ان يتحول العميل الى قائد بين ليلة وضحاها ..؟؟؟

والحدق يفهم ...!!!

ـــــــــــــــــــــــــــــــــــــــــــــــــــــــــــــــــــــــــــــــــــــــ

المهم نكمل التقرير

( 2-5) عصرا

الوضع يزداد سوء ( من حيث قلة اقبال الناس ) مع زيادة درجة الحرارة ولجوء

الناس الى منازلهم من اجل الراحة والنوم ومنجيلكش فى انتخابات

طبعا العدد قل جدا فى اللجان حتى لجنة المدرسة الاعدادى

ويكفى قول احد اصحاب التوكيلات فى مدرسة من المدارس ان مسئول الانتخابات

قاله دخل اى حد ينتخب اى حد او هات واحد ينتخب عن الناس

وقال خرجت ادور ملقتش حد .. طبعا جمله معبره جدا

وعلى جانب كده فى اتصالات مستمرة من رجال منصور باشا فى العمار

مع كافة المناطق والقرى وكمان السيارات الاجرة تطوف العمار

من اجل نقل الناس الى مقر الانتخابات

(6-7) مساءا

دول بقى أهم ساعتين انا كنت فاكر ان الانتخابات موعد انتهائها الاصلى فى تمام

الثامنه كما هو المعتاد ولكن هذه المره بعد ان دخلت المدرسة الاعدادى فى تمام

السادسة والنصف فجأة طلبوا منا الخروج من اجل الاستعداد لغلق الصناديق

بالشمع الاحمر وبالفعل فى تمام السابعه والربع خرجت الصناديق فى طريقها الى

مركز القناطر وسط احتفالات بفوز مرشحى الحزب الوطنى

قبل ان تغلق الصناديق ففى تمام السابعة الا الربع

مرت سيارة منصور بالميكرفون لتهتف

مبرووووك على العمار مجلس الشعب

هى دى هى فرحه الدنيا ارقصى ياعمار غنى ياعنيا

وغيرها من الهتافات اللى أكدت ان الموضوع انتهى

ومبرووووك على العمار

عمنا محى وكمان منصور بالمرة

ورحلت السيارات ومعاها بعض بل أغلب عائلة عبد العاطى

الى القناطر من اجل اعلان النتيجه

وليس الفرز لان موضوع الفرز كان شبه منتهى ومسأله وقت كما قلت

لذلك وصلوا العمار مبكرا جدا لاطلاق الزغاريد والفرح والرقص

وبعض طلقات النار... ( كما فى موضوع اسلام )

مبروووووووووك يا سيادة العميد

مبروووووك ياسيادة المستشار

والعاقبه عندكم فى المسرات

نقلها لكم من وجهه نظر شحصيه باحته

أحمد بيومى

وطابا مساءكم

انتظروا مجموعة من صور الانتخابات

مساء اليوم

اتحزمى ياعمار وارقصى يامصر بقى عندنا نايب فى البرلمان والف مبروك يابلد عليكى الكابتن محى راجل محترم ولكن .......... انا مستاء للى حصل والله انا زعلان جدا رغم فرحتى بدخول ك/محى البرلمان لكنه تحالف مع من لايستحق (ونرجع ونقول المصلحة فين ومش مهم المبدأ) وطظ فى الكرامة(وبردة صباح الخير ياام اسماعيل) ..............

انتوا كنتوا منتظرين حاجة غير كدة

والله انا عرفت امبارح من هنا برضة ان الحزب الوطنى ضرب بقرار القضاء

فى ان الانتخابات مش هتتعمل عرض الحائط

يبقى ايه بقى الجديد

الموضوع منتهى ولو كان اى حد دخل قصاد عمو منصور كان هيبهدل نفسوا وخلاص

لان الموضوع منتهى ياجماعة منتهى

وحسبى الله ونعم الوكيل فى كل ...........................................

جزاكم الله خيرا يابشمهندس

انا مرحتش بس كانى رحت دلوقتى

وزى ماكنا متوقعين !!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

لاتعليق

هههههههههههههههههههههههههههههههه

ولسة ياما هنشوف ونسمع

مفيش فايدة

اقتباس :: مبرووووك على العمار مجلس الشعب

هى دى هى فرحه الدنيا ارقصى ياعمار غنى ياعنيا

لا من تاحية الرقص فهو هيكتر جدا الايام الجاية بصراحة

وفعلا مبروك.....

شكرا على التقرير الرائع يا باشمهندس

ويارب نعملك التقرير كده وانت مرشح لمقعد البرلمان مبسوط

لكن تكون الظروف مختلفة تماما عن دلوقت

ياريت يكون عند الناس وعى ويعرفوا يفرقوا بين مين هو منصور وبين فلوس منصور اللى خلت الناس تهتف وترقص وتزغرد وزى ما بيقولوا بتوع منصور انى تبرعاته دى موجودة فى الدائرة وغيرها ياريت يقولوا انتخبوه ليه وانا كنت سمعت انى اللى بينتخب راجل مش صالح ده بيكون بيشهد شهادة زور وياريت ربنا يبعدنا عن الحرام والفلوس الحرام

» نهايــــــات أبرز مشاهيـــر العالم .. بحثوا عن سعادة لم يجدو
» مشاهد وصور كروية مضحكة
» الانتخابات فى مصر
» شنطه الانتخابات ...............
» من طرائف الانتخابات