يلا شباب الشغل الجد بدأ .. مين معانا ان شاء الله ...

السلام عليكم ورحمه الله وبركاته

كل عام أنتم بخير

وتقبل الله منا ومنكم صالح الأعمال

بروى أن الصحابي الجليل عبد الله بن عباس- رضي الله عنهما- أتاه رجل يريده لقضاء حاجة،

وهو معتكف في مسجد رسول الله- صلى الله عليه وسلم- وإذا به يلبس نعليه ويخرج مع الرجل،

فإذا بالرجل يستدرك ويقول: يا بن عم رسول الله، إنك معتكف؟

فيقول- رضي الله عنه-: أما علمت أن رسول الله- صلى الله عليه وسلم-

قال: "لأن أمشي في حاجة أخي أحب إليَّ من أن أعتكف في مسجدي هذا شهرًا"

الله .. هذه خلاصه ما أريد ان اقوله ولاغيره

لأن أمشي في حاجة أخي أحب إليَّ من أن أعتكف في مسجدي هذا شهرًا

طيب يلا مين بقى مستعد يمشى فى حاجه أخوانه ..

مين مستعد ان يقدم حاجه لدينه.. مين عاوز يمشى فى طريق ربه

كتييييييييير .. انا عارف والحمد لله الخير فيكم كثير جدا

الحمد لله اتكلمنا عن مشروع الخير - مشروع الملابس -

والحمد لله لاقى من النجاح حتى الان

ما نحمد الله عليه واليوم مع مشروع جديد وعظيم

يشمل

ادخال سرور على قلب مسلم

سعى فى حاجات الناس

افطار صائم

تعاون على البر

دعوة الى الله

وغيرها من الاعمال العظيمة التى نسأل الله ان يرزقنا

ثوابها بحسن نيتنا أنه ولى ذلك والقادر عليه

الموضوع بخلاصة يا جماعه انه من الخيركل الخير

وجود جمعيه طيبة مثل الجمعية الشرعية فى العمار

لديها كل مايمكن ان يساعد شباب على عمل الخير

لاتطلب سوى يد هؤلاء الشباب ان يكونوا معها

ويدهم بيدها حتى نمسح دمعه كل يتيم

وفقير ومسكين فى العمار

نسأل الله ان نكون ممن يدخل السرور على قلويهم

اليوم لدينا ثلاث مشاريع الله أكبر

ياباغى الخير أقبل

المشروع الاول

مشروع شنطة رمضان

[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله مساء الثلاثاء القادم بعد صلاة القيام سيتم الاجتماع

بالجمعيه الشرعيه ليتم توزيع الشنط على يتامى وفقراء العمار

فنسألكم المسانده والمشاركه

بالمال .. بالجهد .. بالدعاء .. بكل ذلك ..

عماراوي

المشروع الثانى

مشروع كساء العيد وكساء الدراسة

[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله سيتم جمع تبرعات من أهل الخير

ونحمد الله انهم كثره هنا فى بلدنا العامر العمار

للاعداد لشراء كساء العيد وكساء الدراسة للفقراء واليتامى بالعمار

وسيكون هناك ايصال رسمى لكل متبرع

تبرع ولو بالقليل فكما يقال

قليلك عندنا كثير

نعم

قليلك عندنا كثير

تبرع وشارك ولو بجنيه او اقل من جنيه يكفى انك شاركت

يكفى انك معانا مع الحق مع الله وفى طريق الله وهذا يكفى

والله لانريد كثرة مالا قدر مايهمنا ان يكون قلوبنا على قلوب بعض

ان يشعر كل يتيم فى العمار وكل محتاج اننا كلنا الى جواره

يدنا بيده وقلوبنا معه ولا ننساه ولا نبتعد عنه أبدااا

يلا ياشباب الخير أقصد ياشباب العمار

نريد منك ان تجمع من اهلك واصدقائك وجيرانك

كل من يمكن ان تتحدث اليهم ونسألكم ان تجتهدوا معانا

حتى يكون هذا الموضوع وهذا المشروع هو مشروع العام فى العمار

ان شاء الله

ننتظركم فلا تتأخروا علينا

عماراوي

المشروع الثالث

مشروع زكاة الفطر

[ندعوك للتسجيل في المنتدى أو التعريف بنفسك لمعاينة هذه الصورة]

نعلم ان سنة رسول الله فى زكاة الفطر هى اخرجها فى شكل حبوب

فلذلك تعلن الجمعيه الشرعية بالعمار عن تقبل زكاة الفطر فى شكل حبوب

ان شاء الله يتم اخرجها على فقراء ومساكين العمار

وكل من يستحق زكاة الفطر

نسألكم المشاركة والدعوة ونشر الخبر

والدعوة اليه

قلوبنا معكم ... ونتمنى ان تكون قلوبكم معانا ...

يد بيد حتى لايكون هناك حزين فى رمضان

ولا يكون هناك محتاج فى يوم العيد

عماراوي

ننتظر مشاركتكم فى المشاريع الثلاثة وفى كل عمل خير فى العمار

ولا تنسوا ان الدال على الخير كفاعله

واعلموا ان كل خير ستفعلونه بسبب هذا المشروع سيكون ان شاء الله

فى ميزان حسناتى وحسنات القائمين على نشره وهذا هو ثواب الدعوه الى الله

فهيا شباب العمار لاتحرموا انفسكم من هذا الخير

والله انها لخسارة قد نندم على تركها

نسألكم الدعاء بظهر الغيب

نسألكم بالله عليكم المشاركة والمشاركة الفعالة

أحبكم فى الله

جزاكم الله خيرا

تقبل الله منا ومنكم صالح الاعمال

ومن لم يشكر الناس لم يشكر الله

أشكر أستاذنا الغالى

الحاج والاستاذ / مسعد الدسب

أشكر أخوانى واحبابى قلبى فى الله

د. ايهاب رفعت

أ. أحمد منصور

أ. عمرو امام

أ. أحمد زغلول

م. سوكر ( باهر )

وجزاهم الله جميعا خيرا

والسلام عليكم ورحمه الله وبركاته

جزاكم الله خيرا

جزاكم الله خيرا يا بشمهندس أحمد

ومعلش أثقلنا عليك في توصيل الرسالة في الثلاث مشاريع

لكن أنت الأفضل دائما عندما يتعلق الأمر بالحماس والإقبال .. جزاك الله كل الخير أخي الكريم

الأن يمكننا جميعا أن نلحق بالصالحين وأن ننهج نهجهم ونخطوا خطوهم

قال تعالي .. اللذين ءامنوا وعملوا الصالحات ..

الأن الفرصة مفتوحة للعمل الصالح .. يا باغي الخير أقبل

ومن يبغي الخير في شهر الخير فلازم يشارك إما بجهده أو بتبرعه أو حتي بالدعاء

شباب العمار ... معا للخير

شكرا جزيلاا مهندسنا الشاب البليغ الفصيح احمد
وأسأل الله عز وجل لى ولكم الأخلاص فى العمل والقبول
وأنا أخ اصغر لكم وأسعد بكم دائما لحماسكم وحبكم لعمل الخير
وبإذن الله تعالى سوف ترى هذه المشروعات النور بإخلاصكم وجهدكم الذى أراه فى عيونكم وقلوبكم .
تقبل الله منا وأياكم
وأنا معكم قلبا وقالبا نمسح دمعة اليتيم والفقير والمسكين

زائر

لكن أنت الأفضل دائما عندما يتعلق الأمر بالحماس والإقبال .. جزاك الله كل الخير أخي الكريم

شكرا جزيلاا مهندسنا الشاب البليغ الفصيح احمد

اقتباس :

ده أقل مايقال لإنسان فى شخصية واحترام باشمهندس أحمد السيد

_______

عاوزين معانا :

عدد من الشباب + النية لله + وقت + جهد + حب للعمل والعاملين فيه

_______

فين أبوحازم وأبومنة والقماح وعلاء حبش وزيكو واحمد عبدالمجيد ومحمود سمير

ومحمود البكرى وأجمد مهندس وممدوح ومسمح واحمد أنس واحمد مسعد

وووووووووو ........

______

عاوزين حاجة نرد بيها على ربنا لما يسألنى و يسألك :

عن جسدك فيما أبليته

وعن عمرك فيما أفنيته

اقتباس :: ده أقل مايقال لإنسان فى شخصية واحترام باشمهندس أحمد السيد

طبعا ده علشان الكنافة صح ...

جزاكم الله خيراً يا باشمهندس

وياريت يا جماعة لا تحرمونا ثواب المشاركة فى هذا الخير

نسأل الله أن يستخدمنا ولا يستبدلنا

AhMeD ELSaYeD كتب:

كنافة بس..؟!!!!!!!!!!!!!
يلا بالهنا والشفا

جزالك الله خيرا ...معلش بقى ناس تاكل وناس تكتب

بس فين باقى الناس محدش عايز يعمل خير ولا ايه...!!! فينكم ياشباب المنتدى؟؟

اللهم اعطي منفقا خلفا واعطي ممسكا تلفا

جزاكم الله كل الخير يابن ابي سيد

انت واحبائك واصحابكم وجمعكم دائما علي الخير وللخير وفي الخير

ربنا يقدركم على فعل الخير والاستمرار فيه

وربنا يقدرنا على مساعدة المحتاج ورسم بسمه على وجه يتيم

ربنا يكثر من امثالكم ياشباب بجد يابخت البلد بيكم

جميل جداا والله ياجماعه

ربنا يقدركم علي فعل الخير

جزاكم ـــــــــــــــ الله ـــــــــــــــ خيرا

غدا ان شاء الله

نلتقى بعد صلاة العصر عند مسجد الشيخ عفيفى

ان شاء الله

من توزيع بعض الوجبات الجاهزة على يتامى العمار

فهلا من مشمر ويكون معنا ان شاء الله

وربنا يجازيكم خيرا ان شاء الله

ويجعله افطار صائم فى ميزان حسناتكم

ننتظركم غدا ونريد اكبر عدد بالله عليكم

أحبكم فى الله

ماتقلقش ياهندسة المنتدى كله شباب زي الفل
وهتلاقي شباب باذن الله كتير ...صح ياشباب ..؟!! ولاهتكسفوني

خلاص مفيش حد له حجه...ها مين جاي؟؟؟؟؟؟؟؟؟؟؟؟؟؟

أنا جاي ومشمر الجلبية علي الأخر كمان

وبجد يا جماعة

كلمة جزاكم الله خير مش مكنها هنا خالص

الموضوع مش معمول علشان حد يقول جزاكم الله خير وبعدين يقفله

ليه تقفله ..مش ناوي إنت كمان يجزيك ربنا خير

هو لازم نعمل دعوة لحد البيت ونطلب من الناس تيجي علشان تيجي

أو لازم نغرم أحمد السيد مبسوط

كارت شحن علشان نجمع شباب

كل اللي دخل عرف إن الميعاد بكرة بعد العصر

ليه متجيش بكرة وتكون أول واحد هناك

هو حد هيقولك إنت جاي ليه بالعكس هتلاقي الناس كلها بتخدك بالحضن وبتعملك

كإنك أخ وصديق وحبيب كمان

ها يا شباب مش ناويين بقي ؟؟

والله لو جيت بدري من الشغل هتلاقوني هناك وبهدوم شغلي بأذن

الله هو الواحد طايل دا الحسنة بكتيييييييييييير اوي في رمضان

داللي من الشباب في البلد ومش هيروح فعلا مكانه مش هنا

يلا يا شباب باب مفتوح لحسنات لا تحصي

فين أبوحازم وأبومنة والقماح وعلاء حبش وزيكو واحمد عبدالمجيد ومحمود سمير؟

حضرتك عارف ياادكتور انا ازاى مشغوووووووووول والله والله مالاقى وقت والمحصلة حاجة فرحت بيها جدا جدا وشوية ندم ع الايام اللى فاتت
ادعولى ياجماعة وانا معاكم فى اى حاجة بس موازى وان شاء الله نتجمع ونشوف المحصلة النهائية (مش بنقارن لكن بنكمل )

ماتقلقوش ياجماعة اصحاب الخير كتير جدا جدا جدا لكن مداريين
العمار لسة بخير وهتفضل بخير بيكم احسن شباب

وان شاء الله هنتجمع ونشوف دور البنات لانهم كادر مهم جدا وممكن يساعدونا بحاجات مهمة اوى
بس ازاى نستغل ده ان شاء الله نتكلم فيه؟
ولكم جزيل الشكر
وكل سنة وانتم طيبين

اقتباس :: وان شاء الله هنتجمع ونشوف دور البنات لانهم كادر مهم جدا وممكن يساعدونا بحاجات مهمة اوى
بس ازاى نستغل ده ان شاء الله نتكلم فيه؟

ده اللى أنا لمحت ليه فوق يا باشمهندس ومحدش أخد باله......

فعلا ياحنين خلاص انا اكتشفت إن الإيد الواحدة ماتعملش عمل الأتنين
محتاجين مساعدات تتمثل فى :
عقول و ايدى ونظرة آملة وتشجيع مربح
بس انا بتكلم الكلام ده وانا متكبل لان فيه قيود للأسف اللى قبلينا ماكسروهاش مش عارف احنا نقدر ولا لا؟
حد يجاوبنى !!!!!!!!!

ان شاء في حاجات كتير ممكن تتعمل

في مشروع بالفعل قائم وشغال وهو مشروع الملابس الغير جديدة وهيعاد تجديدها
والناس شغاله وبتلم الملابس (بنين وبنات)

وزي ما قلنا في بكرة شغل في الجمعية الشرعية والكل مدعو لعمل الخير بنات قبل بنين
اللي عايز يعمل خير هيعمل ...والموضوع كله زي مااحمد قال هي وجبات هتوصل للمنازل باذن الله

وكمان مشروع جمع التبرعات لمشروع الكساء على العيد والمدارس وده طبعا سهل بس للي عنده استعداد...واحمد السيد ممكن يوضح لكم النقطة دي

زائر

رقم موبايل م/أحمد السيد : 0100132369

اللى عاوز يستفسر عن أى شىء يتفضل يرن على الباشمهندس والباشمهندس هايتصل عليه مبسوط

المهم إننا نكون كتير قوى النهاردة بعد العصر عند مسجد الشيخ عفيفى ( مسجد الجمعية الشرعية )

عاوزين نحس ببعض ونحس إننا قوة وإننا جماعة وإننا كثرة

عاوزين نخرج الحزن اللى ملى قلوبنا امبارح فى صورة خير النهاردة

عاوزين نترجم دموعنا امبارح فى صورة عرق ينزل على جبينا واحنا بنلف على

اليتامى بالوجبات الجاهزة النهاردة ..

والحمد لله كلام كل اخوانا واخواتنا يدل على حب الخير لهم قبل حبهم للخير

نلتقى اليوم على خير

ربنا يتقبل

اقتباس :

رقم موبايل م/أحمد السيد : 0100132369

لا بجد والله يادكتور ملكش حق

انت المفروض كنت عملت بانر وحطيته على الرئيسية

ههههههههههههههههههههه

ـــــــــــــــــــــــــــــــــــــــــــــــــــــــــــــــــــــــــــــــــــــــــ

الحمد لله انهارده كان اول يوم فى الشغل بجد

وكان حاجه ممتعه جدا ولذه خاصه وانت فى جمع كريم جدااا

يضم خيرة شباب العمار

بارك الله فيهم جميعا ونفع بهم

وجزاهم الله عنى خيرا

على الوقت الطيب الذى قضيته معهم

وجزاهم الله خيرا

عنا كل من ساهموا فى ادخال السرور على قلوبهم

بجد والله يا جماعه اجمل شيىء فى الدنيا

ان تجتمع مع قوم على طاعه الله

وزعنا الوجبات ...

ووزعنا شنط رمضان ....

وقعدنا فى جلسة سمر ( يعنى حديث يعنى مش حاجه تانيه )

انتهت بجلسة قرآن

أمتعنا فيها

حبيب قلبى مشارى العمار

( الاستاذ عمرو امام )

وبعد طول انتظار أخويا وحبيب قلبى

( الاستاذ أحمد زغلول )

بارك الله فيكم أخوانى واحبابى فى الله

ونفع الله بكم

ويلا بقى اللى لسه منضمش يتفضل والله الخير

كثير وعاوزين نقرب من بعض اوى

ونخرج من رمضان وكلنا أخوة فى الله

الاستاذ اسلام طلعت

الاستاذ عمر المختار

الاستاذ محمد جمال

الاستاذ أحمد منصور

الاستاذ محمد عبد السلام

الاستاذ عمرو امام

الدكتور ايهاب رفعت

الدكتور على عبد العليم

الدكتور أحمد طلعت

البشهندس أمير عبد العليم

الاستاذ عمرو البكرى

الاستاذ أحمد زغلول

البشمهندس باهر

الدكتور أحمد مختار

الأخ الجميل السيد مختار

الدكتورالرائع محمود سمير

البشمهندس محمود رضا

الاستاذ احمد رضا

وحبيب قلبى ( محمد ) ميزو اللى نورنا النهارده

المحترم للغايه وأستاذنا فى النشاط والتواضع

الاستاذ / حماده محمد علام

الاخ والاب والصديق

الاستاذ المحترم / مسعد الديب

بارك الله فيه

وكل من شارك معنا حتى ولو بالرد ف الموضوع

بارك الله فيكم

وجزاكم الله خيرا

وأحبكم فى الله

أصغركم خلقا ودينا وعلما ونشاطا / أحمد السيد

ياااااااااااااااااااااااااااه
على فكرة ده اجمل يوم قضيته في حياتي وخصوصا في رمضان
يوم بجد مش هيحس بالسعاده اللي انا فيها الا اللي كان معانا
بجد ياجماعه اللي ماجاش النهارده واللي مش هييجي هيخسر كتير .كفايه
انه هيخسر السعاده اللي احنا حسين بيها دلوقتي

والله بلدنا مليانه خير

احبكم فى الله جميعا

أظهرتم معدن شباب العمار شباب الأسلام
وقفتم اليوم وقفه المسلم الحق الذى يجرى فى حاجة أخيه
رفعتم الحرج عن بقية شباب العمار
نسال الله لنا ولهم الهداية
ونأمل أن ينضموا معنا فى سفينه الخير
نمسح بها دموع اليتامى والثكالى والمحتاجين
وإن شاء الله سيتم توزيع 100 وجبة جاهزة اليوم الأربعاء لأفطار اليتامى فى بيوتهم
والخير كثير جدا فى رمضان بس نفتش عليه هنلاقية
إحنا يأخوانا مقصرين جدا فى حق أنفسنا ومحتاجين حسنات فى هذا الشهر الفضيل نعوض بها تقصيرنا .
******
مرحبا بكم فى بيتكم الجمعية الشرعية بالعمار التى تشرفت بكم وبتواجدكم بها
ونسأل الله أن نكون عند حسن الظن
وفقكم الله وسدد خطاكم وايدكم بنصره وتوفيقه

ربنا يكتر من امثالكم احسن شباب

» الشغل الجد ابتدأ .. اللهم ارزقنا الاخلاص وتقبل منا ...
» رحلة منتدى شباب العمار الى معرض القاهرة الدولى للكتاب ..مين معانا
» مشاكل جهازك......وان شاء الله معانا الحل
» شباب العمار ..صحبة فى حب الله ...# تقرير اللقاء #
» المدير والمشرف العام لمنتدى شباب العمار 2030 ان شاء الله