اللهم صلى وسلم وبارك على حبيب قلبى ونور عينى محمد ...

السلام عليكم ورحمه الله وبركاته

كل عام أنتم بخير

وتقبل الله منا ومنكم صالح الاعمال

وجعلنا برحمته من المقبولين فى رمضان

حبيبى يارسول الله

سيدى يارسول الله

قد ايه قصرنا معاك

قد ايه مقدمناش لدينك حاجه

قد ايه كنا مقصرين فى حق ربنا

سيدى يارسول الله

انا دلوقتى عامل الموضوع ده

لانى وبمنتهى الصدفه اه الصدفه بس

هى اللى خلتنى وانا داخل اضيف حلقات جديده للموضوع بتاع

برنامج الدكتور حازم شومان

ربنا يبارك فى عمره

البرنامج اللى عرفنا اه والله عرفنا لماذا محمد ..؟؟

صلى الله عليه وسلم

عرفنا احنا ايه واللى حبوه حق الحب كانوا ايه

عرفنا احنا علمنا ايه لدينا واللى حبوه عملوا ايه لدينهم

عرفنا احنا فين من سنته واحنا فين من دينه وطاعته

وجدت فى الموضوع الاخت الفاضلة فله نحسبها على خير

ولا نزكى على الله أحد وجزاها الله عنا خيرا

وضعت تفريغ لحلقات الدكتور حازم

بجد والله لو قريت الكلام بقلبك والله بقبك

هتعرف قد ايه انت مقصر

قد ايه انت بعييييييد

قد ايه انت نايم

هتعرف ازاى تحب محمد

وليه تحب محمد

هتعرف مين هو محمد

بالله عليك انا مش بطلب منك اكتر من عشر دقائق بس

تقرأ فيها الكلام اللى فى الحلقات المفرغه هناك

هتعرف ازاى كل موقف وكل عمل عمله

متقدرش تقول عليه غير

صلى الله عليك وسلم

صلى الله على الرحمة المهداه

صلى الله على حبيبه وروسوله

صلى الله عليك يا حبيبى يارسول الله

العذر كل العذر يا حبيبى يارسول الله

ما احببتك حق حبك

وما اطعتك حق طاعتك

اذهبوا الى الموضوع لتقرأوا وتصلوا على خير خلق الله

وانا جبت مقطفات بس من الموضوع

لو في من الأيام حسيت إنك
فرحان إنك مسلم و بتفتخر قدام الدنيا إنك مسلم ...افتكر إن ورا إسلام واحد
ياما إتأذى و ياما استحمل شاف عشان أنت تطلع مسلم النهاردة..

احنا لسه اللى النبي ادهولنا ما ادنالوش حاجة قصاده..لسه ما قدمنش حاجة من اللى إتقدم لينا.

صلى الله عليه وسلم

مافيش حد حبه إلا و مات...

حب أمه... أمه ماتت

حب جده....جده مات

حب خديجة احب زوجة ليه من زوجاته ....ماتت..

خديجة تموت...يطلع على الطائف عشان ينقذني و ينقذك

إبراهيم ابنه يموت....يخرج يعلم الصحابة دينهم

ابن بنته بموت و تبعتله عشان يجي يشوفه مايرضاش....لأنه قاعد مع الصحابة بيعلمهم.

عشان ربنا يورينا النبي بيحب ربنا قد إيه ... رغم كل الإبتلاءات دى قلبه مليان حب لله..و مليان أمانة في الرسالة وجهد
عليه الصلاة و السلام

صلى الله عليه وسلم

مهما تخليت .. مهما تصورت ...هو استحمل عشانك إيه؟؟ هو عمل عشانك إيه؟؟ هو صبر عشانك على إيه؟؟ شاف عشانك إيه؟؟
ماحدش مننا حيقدر يتخيل أو يتصور يا جماعة

لو في يوم من الايام بإذن الله ربنا دخلك الجنة... و أنت بتسكن في قصورها و بتشرب من أنهارها و بتتنعم بنعيمها

أفتكر إن ورا النعيم ده واحد حرم نفسه من نعيم الدنيا عشان نعيم الآخرة بتاعك!!

أفتكر إن ورا النعيم ده واحد استحمل اللى الجبال ما تستحملوش عشان انت تتنعم في الجنة!!!

إن ورا النعيم ده واحد حياته كانت سلسلة من الآلام

صلى الله عليه وسلم

و في من الأيام حسيت إنك
فرحان إنك مسلم و بتفتخر قدام الدنيا إنك مسلم ...افتكر إن ورا إسلام واحد
ياما إتأذى و ياما استحمل شاف عشان أنت تطلع مسلم النهاردة..

أوعوا تنسوا يا جماعة إننا لسه ما دفعناش حاجة من التمن اللى احنا خدناه!!

احنا لسه اللى النبي ادهولنا ما ادنالوش حاجة قصاده..لسه ما قدمنش حاجة من اللى إتقدم لينا..

أنا النهاردة حكلمك إنتي خدتي قد إيه ..عشان تعرفي إنت قصداه محتاجة تدفعي قد إيه؟؟؟

صلى الله عليه وسلم

ماحدش مننا فكر إن وهو خارج بدر كانت رقية بنته بتموت من المرض...و يوم ما انتصر في بدر كان ساعة موت رقية بنته..و أدفنت قبل ما يرجع المدينة و يشوفها عليه الصلاة و السلام..

صلى الله عليه وسلم

النبي يا جماعة كان عنده 8 اولاد مات منهم 7 في حياته!!! ده لو واحد مات عيل من عياله بيعيش حياته كلها محطم ...

تخيلي أحن قلب عليه الصلاة و السلام

افتكري ضحى عشانك قد إيه؟؟؟

صلى الله عليه وسلم

لما روح بيته وكان جعان لقى مافيش في البيت غير خل...قعد يغمس الخل و يقول: " نعم الإدام الخل"

صلى الله عليه وسلم

أنا مش عارف إزاى يـُحتمل موت مصعب... ده لو واحد زرع زرعة لمدة سنة و رواها و جي حد قطعها قلبه بيتقطع معاها..

النبتة اللى النبي بقاله 15 سنة بيربي فيها...يلاقيه في لحظة متقطع بين إيديه

صلى الله عليه وسلم

وغيرها وغيرها من المواقف التى لن تملك الا ان تقول بقلبك لاول مره فى حياتك

صلى الله عليه وسلم

صلى الله عليه وسلم

صلى الله عليه وسلم

اللهم ارحمنا واغفر لنا واجبر تقصيرنا فى حق دعوته

اللهم احشرنا مع حبيبك ونبيك وأصحابه بحبنا لهم

الذى لايعلمه الا انت وان قصرت اعمالنا

اللهم تب علين وارزقنا توبه نصوح

اللهم اجعلنا من المقبولين فى هذا الشهر الكريم

اللهم اجعل علمان كله صالحا واجعله لوجههك خالصا

ولا تجعل لاحد منه شيئا

سبحانك اللهم وبحمدك أشهد ان لا اله الا أنت استغفرك وأتوب اليك

وجزاكم الله خيرا

والسلام عليكم ورحمه الله وبركاته

قرأت كلاما تقشعر له الابدان..... ولا ادري هل ستطيب الصدور
بعدنا عن نبينا هادي الاكوان..... اللهم ارجعنا يا مقلب القلوب

بارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

اللهم صلى على سيدنا محمد..

» حبيب قلبى اسلام
» رسالة من محمد صلى الله عليه وسلم ،،
» صلى وسلم وبارك عليك ياحبيبى يارسول الله
» هكذا كان محمد صلى الله عليه وسلم .ارجو التثبيت
» الله على التعبيرعن عقوق الوالدين .. مع حبيب قلبى الشيخ مشارى