قولى مش باقى منك غير ايه؟؟؟؟؟؟؟؟؟؟

مش باقى منى غير شوية ضى فى عينيا ، انا هاديهوملك و امشى بصبرى فى الملكوت

يمكن فى نورهم تلمحى خطوة تفرق معاكى بين الحياة و الموت

مش باقى منى غير شوية قوة فى اردى حسبى عليهم و انتى بتخطى

مش باقى منى غير شوية ضى فى عينيا انا مش عايزهم ، لو كنت يوم هألمحك و انتى بتوطى

فى معركة ما فيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة ، من حقك المشروع

مش باقى منى غير شاهقه فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لم يمر موكب سلاطينك


و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى ، بلاش يتبعتروا فى البحر

مش باقى منى غير شوية لحم فى كتافى ، بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم

و مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم ، ما قدرشى أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد هاحتاج يوميها الدم يمضى على شهادتى
هكذا كتب عمنا جمال بخيت .

أذا كان ده الي مش باقي منا غيره

ماتيجي كل واحد يقول مش باقي منه غير أيه

بجد ياريت القى رد لانى بجد بكون محبط من عدم المشاركه

مش باقى منى غير شوية ضى فى عينيا انا مش عايزهم ، لو كنت يوم هألمحك و انتى بتوطى

دى ايه علاقتها بموضوعنا


انا معاك ان فى ناس ليها بخت وناس ليها بسبوسه

مصر دى ام الدنيا

مافيش نفحه من ست الحبايب

دى ايه علاقتها بموضوعنا


شكرا لمرورك وبعدين اقراء اللى بعدها وانت تفهم هى موجوده ليه


وبجد المنتدى ناااااايم

باقى منى غير شوية كفر بشروقك

على شوية رحمة من طينك

على شوية صبر من دينك

شكرا لمرورك وبجد نفسى المنتدى يكون فعال اكتر من كده