قاطعوا هؤلاء لله ...؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمه الله وبركاته

كل عام أنتم بخير

وتقبل الله منا ومنكم صالح الأعمال

خلاص يا جماعه رمضان بيودعنا

بعد ما كنا لسه بنستقبله اليوم نودعه بدموعنا

ونسأل الله ان يجعلنا من المقبولين فيه اللهم امين

والموضوع اللى عاوز اتكلم فيه مهم جدا والله

الاول ده كان موضوع عملته قبل كده هنتكلم بعده فى حاجات كتير لكن محتاج

ان كلكم تقرأوا الموضوع ده الاول

من موضوع معكم على الهواء

( اتقوا فتنه لاتصيبنا الذين ظلموا منكم خاصه )

بجد أنا حبيت ابدأ بالموضوع ده لانه مهم جدا

وبمكن كتير منا اوى مش واخد باله من الموضوع ده

الدعوه الى الله يا جماعه محاوله تغيير الباطل

اللى بقى يحيط بينا من كل جهه

باليد او باللسان او بالقلب

هو انت فعلا بتغير باطل لو حصل قدامك

يعنى عمرك نصحت حد لله

اه لله عمرك تخيلت ان عقوبه المعاصى

اللى بتحصل النهارده فى امه محمد

لو نزلت مش هتنزل على العاصى بس لا

على العاصى وعلى اللى سكت ومقدمش النصيحه

على العاصى وعلى اللى شاف العاصى على معصيته

وولم يذكره بالله ...ولم يقل له اتقى الله

على اللى فعل المنكر وعلى اللى منهاش عن المنكر

يا جماعه احنا ليه فى دين ربنا بقينا سلبيين اوى كده

عمرك نصحت صديق او اخ ليك لله

عمرك خدت على ايده وقلتله تعالى نروح درس العلم

ولا تعالى نحفظ قرآن ولا تعالى نزور مريض

وأنتى يا أختى عمرك نصحتى أختى ليكى لله

عمرك قلتى لاخت ليكى وهى متبرجه اتقى الله

عمرك فكرتى انك تديها شريط اسلامى او

كتيب جميل يتحدث عن الله

يا جماعه احنا ليه واقفين محلك سر..

ومفيش اى حركه فى طريق الدعوه الى الله

ياجماعه انا والله اتكلم اليكم وكلى حرقه على حالنا اليوم

انزل الى جامعتنا ونحن كلنا فى جامعات

لتشاهد المهازل لتعرف لماذا تحولنا من ساده العالم

الى .... ..؟؟؟؟

وان لله وان اليه راجعون

ياجماعه اللى عاوز اقوله اننا لازم نتغير بقى ...

لازم نتحرك لدينا كفايه سكوت على الباطل المتفشى حولنا ...

لازم يكون عندنا صبر على الدعوه الى الله ...

انا مهندس وانت دكتور وانتى محاميه وانتى مدرسه

كلنا ندعو الى الله كل انسان على قدر استطاعته

ياجماعه والله لن يكون لنا عذر عند الله

لو قابلنه ونحن مقصرين فى الدعوه اليه والى حبه
ـــــــــــــــــــــــــــــــــــــــــــــــــــــــــــــــــــــــــــــــــ

سيدنا أبو بكر اسلم وذهب ليأتى بسته من العشرة المبشرين بالجنه

سته من العشره المبشرين بالجنه وهو لم يحفظ قل هو الله أحد

الله أكبر هو ده الاخلاص يا جماعه .....

هو ده اللى احنا عاوزينه النهارده علشان نغير الواقع الصعب

الذى نحياه اليوم ونعود الى سياده العالم كما كنا

ياجماعه ربنا لما قال

( كنتم خير أمه اخرجت للناس تأمرون بالمعروف وتنهون عن المنكر)

جمع الخيريه مع الامر بالمعروف والنهى عن المنكر

هذا ما أتحدث معكم عنه ...

فاذا تخلينا عن الامر بالمعروف بمعروف

والنهى عن المنكر بغير منكر

تخلت عنا خيريتنا وأصبح حالنا كما هو اليوم ...

الدعوه الى الله الامر بالمعروف والنهى عن المنكر

هو ده دينا

ياجماعه احنا ليه منعملش مقاطعه للعاصى منا

يعنى ايه اللى يحصل لو كان زميلى مدخن

ونصحته مره واتنين وتلاته لله

ومسمعش قلتله كلامى معك حرام حتى تترك هذا الذنب

وأنتى أختاه صديقتك او زميلتك لاتصلى

ونصحتيها مره واتنين وتلاته ولا استجابه

اتركيها لله ولاتحدثيها حتى تعود الى الله

هى دى المقاطعه الايجابيه فعلا اللى تغير الناس

لكن النهارده العاصى اللى حاسس

انه وسط اهله وحبايبه وهو مصر على الذنب مش ممكن يتوب

وهو حاسس كأنه لايفعل شيىء ويمكن اللى حواليه كمان

يفرحوا باللى بيعمله ويظهروا كل الرضا على تصرفاته

ياجماعه بجد والله انا عندى كلام كتير اوى

لكن حتى لا أطيل عليكم اذهب الى فاصل وأعود وأكمل معكم

مع قصه من أروع القصص

قصه سيدنا ضمام بن ثعلبه

سمعتم عنه قبل كده

طيب اللى مسمعش يخليه معانا

ان شاء الله هيعرف

استودعكم الله

سبحانك اللهم وبحمدك أشهد ان لا اله الاأنت استغفرك واتوب اليك

وجزاكم الله خيرا

والسلام عليكم ورحمه الله وبركاته

السلام عليكم ورحمه الله وبركاته

عدنا من جديد ...

اهلا بكم ...

تحدثت معكم عن الدعوه الى الله..

الدعوه الى حب الله

الدعوه الى خير الدنيا والاخره

الدعوه الى ترك الذنوب والمعاصى

الى ترك كل ما يغضب الله

وكنت قد نويت ان اذكر قصه سيدنا

ضمام بن ثعلبه والذى أعلم انه لايعلمه

الا القليل جدا منا ... وهذا أيضا تقصير

ان لانعلم سيره خير خلق الله بعد الرسل

السيرة العطرة لصحابه رسول الله

وسيدنا ضمام بن ثعلبة

هو رجل من الرجال الذين طبقوا مبدأ مقاطعه العصاه

منذ اول يوم فى اسلامه ...

وضمام كان رجلا قويا جاء الى مسجد رسول الله

وبعد قصه طويله وشهيره لاسلامه

لايتسع المجال لذكرها ...

واذكرها ان شاء الله

ان اراد اى عضو كريم معرفتها

وذلك من خلال الاسئلة

وبعد ان اسلم سيدنا ضمام بن ثعلبه

عاد الى قومه سريعا من قبل ان يستمع الى ايه من القرآن

من قبل ان يسمع حديث من فم رسول الله

انطلق الى أهله ليدعوهم الله ويطبق مبدأ المقاطعه الذى أتحدث معكم عنه

وما أن وصل الى قومه آتى اباه فقال يا أبتى اليك عنى

لقد غيرت دينى وتركت ماتعبدون من الاصنام

وان كلامك عليا حرام حتى تشهد ان لا اله الا الله وان محمد رسول الله

فما لبث أباه ان دخل الاسلام وبالمثل امه وزوجته واهله

فما اقبل الليل الا وكل قومه قد دخلوا الاسلام

الله أكبر .. الله أكبر

طبق سيدنا ضمام

اهم مبدأين

الاول هو الدعوه الى الله والامر بالمعروف والنهى عن المنكر

فى الدعوه الى الاسلام وترك عباده الاصنام

والثانى هو المقاطعه الفوريه لكل كافر مشرك حتى لو كان اباه او امه

او حتى زوجته واهله ...

فالله أكبر .. هذا هو الدرس الحقيقى الذى نريد ان نتعلمه

هو ده الدرس ياشباب اللى لازم نعرفه ...

ياجماعه انا عاوز اقول ان أهم هدف

من هذا الموضوع الطويل هو الوصول الى نقطتين هامتين

الاولى هو ضروره الدعوه الى الله من الان ومن اليوم

هتقولى انا مبعرفش اتكلم عن ربنا او بنكسف او معنديش علم

هقولك أخى الغالى وأختى الكريمه

ليس لك عند الله من عذر

وزع مطويات تتكلم عن الله

انشر كتيب جميل قرأته عن الله

اعط اصدقائك اسطوانات وشرائط للتوبه والعوده الى الله

تبرع بمالك من أجل نشر دين الله

تحرك المهم ان نتحرك المهم ان نغير هو ده الهدف الاول والاهم

والهدف الثانى ان اقف وقفه مع نفسى وافكر

هو انا فين من دينى

انا قريب من ربنا ولا بعيد

طيب انا بعيييييد ليه عنى اللى خلقنى

عن حبيبى عن ربى طيب هرجع امتى

هتوب امتى لسه هقول ان شاء الله

بكره ان شاء الله بعده شهر

ان شاء الله السنه اللى جايه

والله يا أخى والله يا اختى

لو تعلم متى تموت فأخر توبتك كما تحب

ولكن الله اعلم بمجىء الموت

فهيا أخى وحبيبى

واختى الفاضله

جدد العهد مع الله

اندم وعد وابك على معصيتك وعلى تقصيرك

وسل ربك التثبيت

وعلى قدر صدق نيتك على قدر تثبيت الله لك

ولا تنسى ان تنهى عن كل منكر تراه

وان تأمر بكل معروف على قدر استطاعتك

وأياكم ان تنسوا المقاطعه

مقاطعه العاصى مقاطعه المذنب حتى يشعر

بسجن المعصيه هذا هو العقاب الحق

وهو سبيلنا من أجل جيل ان شاء الله

خالى من المعاصى والذنوب

جيل قادر ان يعيد لامه محمد تاريخها ومجدها

جيل يستحق ان يكون حفيد

أبو بكر وعمر وعثمان وطلحه وعلى ومصعب وخالد

هو ده جيل التمكين

هو ده جيل النصر

جيل صالح .. جيل تقى

جيل عارف دينه

جيل بيخاف من ربه

جيل متبع لنبيه

جيل محب لدينه

جيل يأمر بكل معروف

جيل ينهى عن كل منكر

جيل يقاطع المعتدى على حدود الله

جيل يقاطع كل عاصى مصر على معصيته حتى يعود الى الله

هو ده الجيل - والله العظيم- اللى بحلم اكون

انا وأنت أخى وأنتى أختى ان نكون منه

هو ده جيل النصر هو ده جيل الحق

قبل ما أنهى كلامى انا عاوز اذكر قصه جميله جدا

قصه المخلفون عن غزوه تبوك

الثلاثه من الصحابه الذين تخلفوا عن غزوه تبوك

وهم كعب بن مالك وهلال بن أميه ومرارة بن الربيع

هؤلاء الثلاثة الذين تخلفوا من غير عذر عن الخروج مع رسول الله

وبعد ان وصل النبى المدينه عائدا من تبوك

طبق المقاطعة من أول يوم ..

كل من فى المدينه لايتكلم معهم حتى نسائهم اعتزلتهم

عزله من الناس سجن من غير اسوار ...

مسجون وهو بين اهله واصحابه ....

خمسون ليلة وكل من فى المدينة لايتحدث معهم

مقاطعه تامه بأمر من رسول الله

حتى نزل قول الله تعالى فيهم

( وعلى الثلاثة الذين خلفوا حتى اذا ضاقت عليهم الارض بما رحبت وضاقت عليهم انفسهم

وظنوا أن لا ملجا من الله الا اليه ثم تاب عليهم ليتوبوا ان الله هو التواب الرحيم)

بعد ان نزلت هذه الايه وأعلم رسول الله صلى الله عليه وسلم الصحابه بها

خرج الصحابه يصيحون ينادون كعب بن مالك يا كعب بن مالك

ابشر بخير يوم طلعت عليك الشمس فيه منذ ولدتك أمك

الله أكبر المقاطعه لكل عاصى ومذنب

فاذا تاب وأناب وعاد الى الله

صار كل من فى المدينه يعانقه وويبارك له توبه الله عليه

أعظم درس كان نفسى اقوله لنفسى وليكم

واهم درس كان نفسى نتعلمه من الموضوع الطويل ده

هو مقاطعه من اليوم شامله لكل عاصى مصر على معصيه ربه

ويوم توبته هو يوم عيد له ولنا جميعا معه

اللهم توب علينا لنتوب

اسأل الله ان يتوب علينا

اللهم توب على شباب المسلمين

اللهم ارزقنا توبه نصوح

اللهم ردنا الى دينك مردا جميلا

اللهم ارزقنا الثبات

اللهم ارنا الحق حقا وارزقنا اتباعه

وارنا الباطل باطلا وارزقنا اجتنابه

وفقنا يارب الى ما فيه الصواب

اللهم ارزقنا قبل الموت توبه

وعند الموت شهاده

وبعد الموت جنه ونعيما

اللهم لاتجعل نصيبا من ديننا قولا

اللهم احسن نيتنا

اللهم ارزقنا الاخلاص فى القول والعمل

اللهم أعنا على طاعتك

ربنا آتنا فى الدنيا حسنه وفى الاخره حسنه وقنا عذاب النار

واخر دعونا ان الحمد لله رب العالمين

سبحانك اللهم وبحمدك اشهد ان لا اله الا أنت سبحانك استغفرك واتوب اليك

وجزاكم الله خيرا

والسلام عليكم ورحمه الله وبركاته

الموضوع قديم يمكن لكن مهم جدا

انا حبيت انى اعيده من تانى لان فى ناس كتييييير اوى

يمكن متكنش قريته لكن المهم ياجماعه التطبيق

يمكن عنوان الموضوع دلوقتى يكون قاصر اوى ويكون المحتوى اعم بكتير

من مجرد مقاطعه عاصى وكلنا عصاه لكن ان يكون هناك صاحب معصيه

مصر عليها ويرى انها لاتضر او انه من السهل ان أعصى ربى

فهنا لابد من المقاطعه لابد

يااااااارب الموضوع يكون وصل زى ما حبيت انى اوصله

ومنتظر ردكم ومواقف اتعرضتم ليها فى حياتكم

وجزاكم الله خيرا

سبحانك اللهم وبحمدك أشهد ان لا اله الا أنت أستغفرك واتوب اليك

جزالك الله خيرا ياحمد

احسنت قولا ومضمونا

بارك الله فيك

بارك الله فيك اخي في الله

( كنتم خير أمه اخرجت لله تأمرون بالمعروف وتنهون عن المنكر)

أرجو تعديل تعديل الخطأ فى الأية

أعرف أنه مجرد خطأ فى الكتابة ولكن لا يمكن التغاضى عنه

وجزاك الله عنا كل الخير

» قاطعوا الفيس بوك
» كم شخص من هؤلاء في حياتك
» اي هؤلاء الأطفااال كنت ..؟؟
» ألبراليون هؤلاء ؟
» هؤلاء يجب أن نحتفي بهم