حمله (هنتغير بجد) للشباب

هنتغير بجد


اه انت وانا وانتى


الهدف من الحمله دى ايه


الهدف من اسمها باين اهو هنتغير بجد


سياسه الحمله دى ايه تحبيب الشباب فى الاسلام


شعار الحمله دى ايه


هندخل الجنة سوا


الحمله دى هتكون ان شاء الله حلقات كتير وكل حلقة عبارة عن

حوار بين اتنين


اه بين اتنين


الاول وهو اللى هيغيرنا بجد


والتانى وهو انا وانت وانتى


ايه اللى بيقوله ميزو دا هو الجدع دا بيهرج


لا والله مش بهرج خليك معايا للاخر بس

بس رجاء من كل واحد هيدخل على الموضوع دا يقولى ايه رأيه

وانا مش هزعل


ورجاء تانى ياريت نطبق الكلام اللى هنشوفه هنا نطبقه نطبقه

بجد


علشان نتغير بجد


ونفرح نبينا وندخل الجنه سوا


ومهما تكون ذنوبك ومعاصيك


وبعدك عن ربك


معايا هنقرب اوى من ربنا


بس خليك معايا


ميــــــــــــــزو

صلوا على رسول الله اولا قبل اى حاجة


(الحلقة السابعه)

+ ازيك عامل ايه

- الحمد لله احسن

وبطلت كام معصية

نهائى والباقى بدات اقلل منه بس مش هقدر

ابطل

+ طيب هو ربنا يقدر يخليك تبطل؟

- طبعا

+ عارف ازاى؟

- لو ربنا عاوز يهدينى

+ لا

ربنا يعملك كل اللى انت عاوزه فقط بالدعاء

- اى حاجة اى حاجة

+ طبعا هو لو ربنا استجاب دعائك هينقص من من

ملكه شئ

- لا

+ طيب يبقى هيجيبك اللى انت عاوزه

لكن بشروط الدعاء

- ايه هى؟

+ اول حاجة تعرف انت بتدعى مين ظ

- طبعا الله

+ طب يبقى تيقن وتاكد انى ربنا هيستجاب دعائك

وتأكد من اجابته ليك

لانه وعدك بالاجابه

+ واقعد اترجي ربك

وعيط ومتتكسفشي دا ربك يا اخى

وانت محتاج قربه

وحبه ونعمه

+ وادعيه فى اوقات الاجابه

- زى ايه

+ بعد الاذان

واثناء السجود

ويوم الجمعه واوقات كتير بس انت ادعى

واستنى الاجابه واطلب اللى انت عاوزه مهما ان كان

حتى لو عاوز تخرج لو عاوز تشترى هدوم

-انت بتهزر

+ انت عارف انى احد الصحابه بيقول انا كنت

بسال اللهعن كل شئ حتى الملح وبعدين ربك بيمتلك

خزائن الارض والسماء

- طيب لعلمك ممكن ربنا ميستجبشي منى

علشان بعصيه

+ طيب اسمع

ده معنى حديث قدسي

ان موسي سال الله كيف يجيب الدعاء

للعبد الصالح والعاصى

قال الله

العبد الصالح عندما يدعو اقول له لبيك عبدى

بينما العاصى اذا دعانى اقول له

لبيك عبدى

لبيك عبدى

لبيك عبدي

فتعجب موسي

قال له الله

اذا دعانى الصالح اعتمد على عمله ورحمتى

ولكن العاصى يعتمد على رحمتى فقط

علشان كدا روح لربنا واعتمد على رحمته

وبس

وادعيه بأى طريقة بالعاميه

وادعى لكل الناس ان ربنا يهديهم

وبرضو متنسانيش من دعائك وربنا يهدينا يارب

انتهت الحلقة
&&&&&&&&&&&&&&

كانت بعنوان الدعاء

الدعاء احلى حاجة فى الدنيا دى كلها

انك تقف بين يديى الله وتدعيه

والله اجمل احساس فى الدنيا فى الوقت دا

انك تكلم ربنا وتشكيله وهو سامعك

انا فى حاجة مكنتش عاوز اقولها

بس هقولها يمكن تكون سبب فى تغير حد ويحب

يجرب

انا يوميا الساعه 2 او 2 ونص فى الرتم دا بتوضئ

واخذ المصليه

واطلع فوق السطح

اصلى ركعتين

وااقعد اكلم ربنا وانا ساجد بكلمه كتيييييييير اوى

مكان السجود بيوجعنى لما اخلص

بعد اما اخلص

بكلمه

واشكيله

لانى بحس انه سامعنى وشايفنى

مش عاوز اقول بحس لانى طبعا شايفنى وسامعنى

شوف بقا لما تبقى انت

بتكلم ربنا كدا وهو سامعك لوحدك ياااااااااه

نفسي حد فيكو يجرب

بجد احساس لا يمكن وصفه

والاجمل انى تلاقى الدعوه بتستجاب

ها حد هيجرب

مين قال هجرب

مين
ميــــــــــــــــــزو