Ahmed A-Elalim Mansour
نائب المدير العام
عدد الرسائل : 8156
العمر : 38
تاريخ التسجيل : 29/06/2007
التـقــييــم : 4
 |  موضوع: غناوى الطفل والعنقود .. قصيدة المسابقة للشاعر.احمد عبدالمجيد  الخميس 01 أكتوبر 2009, 11:26 pm | |
| غناوى الطفل والعنقود
خلاص تعبت منك...هلكتينى
أخدتينى لعتمة كبيرة وسيتينى
أدوق آهات الذل وحديا
وأنا فيا شوية حيلة أخدتيهم
ياريت فيهم يكون سنك
بدل عكاز العجز والتجاعيد
أكيد العتمة هتمنعنى أشوفك
وإنتى مذلولة
موطية فى كل زقاق
ومصبوغة بلون دمك السموم
وبتنوحى بصوتك المكتوم
(وآاااااااااااااااااااه ياهموم)
ومش شايفك لكن حاسك
وحِسك يجلجل فى زنزانتى
ابات ابكى ومن دمعى يرتوى حراسك
ماعدت شايف غير شعر بيقع من راسك
وشِعر بيتمحى من كتابى
ماعدت شايف فيه غير وردة دبلانة
املسها على شقوق خدى
افتكر لحظة ماكنت أنا وجدى
ننحنى على ترابك المبلول
نشكّلها خطوط وخطوط
ونشكيلها حرارة شمسك الصافية
تميلى علينا بجناحك ..تغطينا
ونسقيكى خضار الأرض بإدينا
صوتك يجلل فوق مآذن الحرية
تغنيلى بحنية ......(نام ياطفل نام)
وفى يوم خريفى.......
مابقتش سامع غيرنواح
فين انا..؟فين غيطى..وفين ريفى؟
مش شايف غير جماد احمر مالوش روح
أدور عليكى فى الحارات
فى المساجد والكنايس
اندم ............واتوه
افتكر لحظة ماكنا بنسرق لذة الضحكات
نجرى ورا الفراشات
والشمس تفرش نورها على النوار
تزغلل عيون البحر يقفلها
نقوم نغطس ونمتختر بغنوة صيد
أغنيلك غناوى البكر اللى كانت أخر العنقود
وأغزلك ضفاير الاحلام على بحرك المنشود
جريت على البحر لقيته بالدم متعكر
راحت فى احشائه احلام
بتعبر فى عبارة مابين شطين
وشوية أمل تسميهم بقمح العيش
وغل الزمن ينحت فى جسمك لجل مايعيش
مش فاضل غير صورة متربة ع الحيط
بتنزف ......وفوقها شارة سمرا
وطيرجريح فى قفص كبير
حاولت افتحله.... مسكونى
عصبونى بالباقى من هدومك
بكل سلاسل الكفر ..كبلونى
وفى العتمة يرمونى
وجية دلوقتى تزورينى....
وتفكرينى بوردة فى كتابى!!
ماعاد فيا غير شوية دمع ف عيونك
يدوبوا فيهم قصص أبطالك
نمسك فؤوس الذل بإدينا
نفحت توابيت للرجولة فى طينك
وأحضن ترابك بعضمى
تزورينى كل يوم صبحية
وتفكرينى بغناوى الطفل اللى كان موعود
بطفلة كانت أخر العنقود.
احمد عبدالمجيد مغازى الهيو
| |
|
احمد هلول
عماري أصيل
عدد الرسائل : 1363
العمر : 52
المكان : المدينة المنورة ـ المملكة العربية السعودية
الحالة : متزوج +2
الهواية : التواصل معكم عبر المنتدي الجميل لشباب العمار
تاريخ التسجيل : 15/08/2009
التـقــييــم : 0
| | موضوع: رد: غناوى الطفل والعنقود .. قصيدة المسابقة للشاعر.احمد عبدالمجيد الجمعة 02 أكتوبر 2009, 12:02 am | |
| طالما وجدت اسم أحمد عبد المجيد فلابد لى من الدخول
لأنى وثقت أنى فى مروري عنده
صدق أكيد
فكر وليد
وعهد جديد
وحس مديد
وقلم وعيد
وبالاثين عشت أغني وكأني أنا الطفل وهما العنقود
دمت شاعرا ، ذا حسا واعيا ، راقيا ، ومعبرا | |
|
