كل سنة وانتي ولادك رجالة.

[ندعوك للتسجيل في المنتدى أو التعريف بنفسك لمعاينة هذه الصورة]


بكره ان شاء الله 6 اكتوبر

ياعم ماتزهقش وتخرج من الموضوع
دي ذكر الانتصار
هو احنا هانننتصر كل كام سنة
هي دي الذكريات
مش كاس عالم 90
ولا كاس امم 2006

والله دول بيحاولوا ينسونا تاريخنا

وبعدين يعني مانفسكش تقول لمصر كل سنة وانتي طيبة
طيب قلها حتي الف سلامة من اللي بيجرالها
قولها ربنا يحميكي
ربنا يحميكي من السرقة والنهب
ربنا يحميكي من غلاء الاسعار
ربنا يحميكي من انفلوانزا الخنازير
ربنا يحميكي من رجال الاعمال المفتريين

بس اوعي يامصر تروحي التأمين اصله خلاص اعلن افلاسه
ومافيش حد ضامن تتسرق كلية كدا ولا كدا وانتي غالية علينا

ان شاء الله ربنا ينصرنا علي كل اعداء مصر زي مانصرنا في حرب اكتوبر

يلا قولها كل سنة وانتي طيبة


هو الرصاصة لاتزال في جيبي والطريق الي ايلات واغنية عالممر هاتتذاع امتي؟

منهم لله خلوا حرب اكتوبر بالنسة لينا هي الافلام دي