فيوم جمعتى صداقة بشاب اتكلمنا مع بعض فى موضوع عجبنى كلامه
وكمان هو كان مستمتع بالكلام معايا من يومها اصبحنا اصدقاء
وذادت الصداقة لان مكان شغلى قريب من مكان شغلة فبنتقابل كتير فضلت حوالى شهر مصاحبة
واتفجئت بأنه مسيحى مش عارف وقتها حسيت احساس مش كويس لانى مكنتش بطيق اى حد مسيحى
محبش اقرب منهم
محسستشوش بحاجة بس وقتها اتغيرت شوية فى كلامى فى لحظتها
بس بعد كده ختها عادى علشان محرجوش بس من جوايا حاجة بتصدنى عنه
موقف كمان حصل
رحت الجامع اصلى فقابلت شيخ شاب هو امام المسجد اتكلمنا عن الاماكن اللى اتمنع فيها الاذان والقران فى مصر فبقوله دا كله بسبب اخوانا ال.. ولسه هكمل قال اخونا دول كـفرة بطريقة خوفتنى
كمان موقف
مرة واحد صاحبنا شاف طفل جميل حبه اوى قاله اسمك ايه ياحبيبى قاله .......... ايفانوف
بعد عنه وكرهه كره العمى وتقريبا خاف منه لان ايفانوف اسم مسيحى
الموقفين دول يبينوا ان مش انا لوحدى
عاوز اعرف
ليه بينتابنا الشعور ده وهل غلط التعامل او معرفة اى حد مسيحى ؟؟
شكرااا
موضوع: هل معرفة او صداقة المسيحى فيها حرمانية 
الأحد 11 أكتوبر 2009, 11:54 am