المكتب ......... للباحثين عن عمل الفاقدين للهوية!!!!!!!!!!!!!!

لكل شاب ضاقت به الحياه من مشاكل وقضايا وازمات ولكل شاب فقد البحث عن الهوية ودار به الزمان وانغمس فى فن استلطاف الكيف والمخدرات .................. الى كل هؤلاء الوظيفة موجودة !!!!!!!!!!!!!!! وعلى عينك ياتاجر والله اكبر على حسود واللى هيتكلم هيطلع عينـ ............ والا بلاش
المهم المكتب ده شغال ياجماعة 24 ساعة فى الـ 24 ساعة ومن كتر الشغل ياجماعة عايزين شباب (شباب قابل للإنحراف) ومفيش اكتر منهم
ومين القائد والزعيم ........ حبيب الاطفال والرجال اصحاب المزاج اللى مفيش اكتر منهم ( رمضان الابيض) او ابراهيم الابيض ........... ولنا لقاء اخر

لو زي مفهمت إن الوظيفة .. مدمن تليفزيون

فدي وسيلة ولك أن تتخير ما يُسمع وما لا يُسمع

اه وظيفة مدمن تليفزيون لكن دى دراما واقعية على ارض العمار وممكن نقول كل مصر (لكن اللى يخصنا العمار) اطلع اتمشى على البحر ودور على المكتب هتلاقيه ( هتلاقى اللى كان صاحبى وصاحبك وزملاء التختة والفصل ) شوف الطموح بعد ماكان نفسه يطلع دكتور او مهندس او ظابط دلوقتى حاله بقى عامل ايه بقى تـــــــــــــــــــــــــــاجــــــــــــــــــــــــر مخـــــــــــــــدرات
وحسبى الله ونعم الوكيل مش فى اللى كان صاحبى وصاحبك لكن فى اللى كان السبب وحسبى الله ونعم الوكيل فى اللى سايبهم يعملوا كده (العمار بلد العلم والعلماء بلد الشعر والشعراء بلد السياسة والسياسيين اصبحت بلد الحشيش والحشاشين والسبب فى كل ده شخص واحد عمل من نفسه ملك قائد زعيم اصبح حديث الساعة لكل اطفال العمار يتتبعون خطواته خطوة بخطوة اصبح فى نظر بعض الاطفال بطل قائد والبعض الاخر .......... ) الامبراطور رمضان عبده صابر ملك الحشيش وعلى عينك ياتاجر وكمان عنده زباينه من ضباط شرطة واطباء ومهندسين ومحامين واعضاء مجالس شعبية وقيادات عامة فى العمار وامياى وماحولهما ............. مين السبب ...........!!!!

زائر

ده طريق فعلا بالإختيار لكن فين باقي الإختيارات

ندخل في أوضاع بلد من فساد وواقع مرير إلي مستقبل مجهول

ونرجع ونقول إن الله لا يغير مابقوم حتي يغيروا ما بأنفسهم

ومنها نقول لازم نتغير ونرجع ونقول من رأي منكم منكرا فليغيره بيده وندخل منها

علي هو مين اللي منوط بالتغيير هنا ونلف وندور حولين نفسنا

ونرسي في الأخر علي إن اللي مش عاجبه القناة دي يحول علي غيرها

فعلا مين المنوط بالتغير" وانا بتكلم عن العمار" بلدنا .........

اكيد المنوط بالتغيير ده احنا شباب البلد دى لازم نقف وقفة رجل واحد ضد اى شخص بيحاول يدمر جيل كامل ضد اى شخص بيحاول يدمر حتى ولو شخص مثله
المنوك بالتغيير ده انا وانت وكلنا
ياجماعة والله الموضوع ده فى غاية الخطورة والله فى غاية الخطورة وانتوا مش حاسين
وزى مابنظم مسابقات فى الادب والشعر والصحافة وغيرها ماننظم نفسنا الاول ونوحد الصفوف ضد اى عميل اوخائن او بلطجى او مخرب

ياجماعة احنا الاساس واحنا اللى هنعمل واحنا اللى هنكبر وهنبنى ........
لابد من حل للموضوع ده دى كارثة كبيرة لابد نفوق لها

زائر

زائر

ههههههههههههههههههههههههههههههههههه خير عفاريت المنتدى ظهرت تانى ردى كلته القطه صح يلا بالهناء والشفاء

فعلا الموضوع فى غلية الاهمية ارجو الجدية فى الرد

كل واحد فينا عارف الصح والغلط والناس كلها دلوقت متعلمة وكمان عارفة الشىء اللى بيضر

والشىء اللى بينفع

يا جماعه محدش بيمشي فى الطريق دا الا اذا كان ضايع من الاساس

اما عن المخدرات بقا

فى دى بقت مووووووووضه والله بقت موضه

واكتر كمان تحس كدا انها بقت زى انك متنفعشي تمشي حافى

الكل بيتباهى بالككلام دا

والبرشام بسم الله ماشاء الله بقا زى الاكل والشرب

هتمنعوا ايه بس

يا حسرة على امه ضاع شبابها

اقتباس :: فعلا مين المنوط بالتغير" وانا بتكلم عن العمار" بلدنا .........

اكيد
المنوط بالتغيير ده احنا شباب البلد دى لازم نقف وقفة رجل واحد ضد اى شخص
بيحاول يدمر جيل كامل ضد اى شخص بيحاول يدمر حتى ولو شخص مثله
المنوك بالتغيير ده انا وانت وكلنا
ياجماعة والله الموضوع ده فى غاية الخطورة والله فى غاية الخطورة وانتوا مش حاسين
وزى مابنظم مسابقات فى الادب والشعر والصحافة وغيرها ماننظم نفسنا الاول ونوحد الصفوف ضد اى عميل اوخائن او بلطجى او مخرب

ياجماعة احنا الاساس واحنا اللى هنعمل واحنا اللى هنكبر وهنبنى ........
لابد من حل للموضوع ده دى كارثة كبيرة لابد نفوق لها

أنا معاك في كل الكلام ده وإحنا فعلا المنوطين بالتغيير

طب يا أ/احمد فين الكلام ده على ارض الواقع ياحمد مع حفظ الالقاب احنا السبب فى اللى وصلت اليه العمار واحنا السبب اللى خلينا شوية اشخاص غير امنين على مصالحنا يحكمونا واحنا السبب فى ان احنا بنبعد نفسنا عن العمل العام من خلال قنوات شرعية حاكمة مشرعة (زى المجلس الشعبى المحلى وغيره .........) انا عايز اعرف السادة المسؤلين عن البلد فين ياجماعة احنا من عايزين حال العمار يبقى زى مصر ياجماعة عايزين نتحمل المسؤلية
وردا على كلام أ/محمد مختار احب اوضح انى مش بتكلم عن ظاهرة المخدرات اللى انتشرت بغزارة فقط لكن انا بتكلم فى الاساس عن مين السبب فى ده انت عارف مين ده شخص واحد اللى بيتحكم فى كل ده شخص واحد حديث العمار منذ بدايته

ياجماعة فوقوا وفوقوا اللى حاكمين البلد ده عندنا عضو مجلش الشعب ورئيس المجلس الشعبى والوزير والضابط ومساعد الوزير والمنتفعين والمخربين والفاسدين وكل عام وانتم بخير........

أستاذ إبراهيم .. كلام جميل وفعلا لازم يكون في موقف من كل هذا

وأظن إننا في الوقت الحالي سهل علينا الموقف ده لإننا نقدر نوصل للجميع

أنا معاك وياريت نشوف آراء باقي الشباب

بلاغ رسمى مقدم من شباب العمار الى الجهات المعنية بذلك:

أقسام الشرطة ويتم أبلاغ أمن الدولة عن طريق عضو مجلس الشعب ويتم الضغط على الجهات المسئولة حتى يصبح الموضوع رأى عام

ولكن هل بهذا قد ذهبت المشكلة؟

يا استاذ ابراهيم لو عاةوز تعرف مين السبب

ونكلم كلام منطقى بقا ونسيبنا من حديث الساعه دا ولا حديث العمار

انى السبب فى دا شخص

لا طالما هنتكلم بالمنطق بقا

يبقا السبب المجتمع

السبب المجتمع اللى خلى المسؤلين سايبين واحد زى دا كدا

السبب انى المجتمع اللى احنا يعنى سيبينه كدا

متحاكمشي واحد له مطلق الحريه يعمل كل حاجة ومحدش بيقوله انت ابن مين

ومش عاوزه يعمل

لو فى حد بيوقفه وبيحاسب

مش هيبقى فى واحد يبقى حديث العماااااااار دا

يبقا الغلط عند مين يا استاذ ابراهيم

ردا على أ/احمدعبدالمجيد الكلا بتاعك كلام منطقى وجميل لكن هل انت بيتهيألك ان اللى انت قلت عليهم دول ميعرفوش ايه اللى بيحصل لا دا بالعكس دول بيساعدوهم بهدف الوصول لحاجات تانية كتير شوف يااحمد الشرطة هى السبب الاول والاساسى فى ضياع هذا المجتمع وانحلاله وكمان الموضوع معروف للرأى العام ومصر كلها بشترب وبتاجر فى الحشيش الموضوع اكبر من الشرطة والجهات المسئولة الموضوع محتاج تكاتف مجتمع بأسره ضد الفساد بوجه عام وكل ما هو مؤذى ومضر للشباب على وجه الخصوص
الموضوع محتاج شباب رجالة بجد خايفين على مصلحة البلد دى وانا كتبت مذكرة شارحة وقدمتها فى مكتب وزير الداخلية امبارح وانا على يقين تام بأنه لن يجد جديد
الموضوع محتاج رجالة واحنا الرجالة طول ما ايدينا فى ايد بعض
دعوة الترابط

ردا على أ/محمد مختار
انا لم اختلف معك فى اى كلمة من كلامك وانا قلت ان السبب الرئيسى فى ذلك هو المجتمع اللى خلى شخص واحد يتحكم فى عمار كاملة ولارادع له

ييقى مين السبب اكيد احنا مش هو لأن قوة هذا الشخص اتت من ضعف المجتمع المتعايش معه اذن فله كل الحق فيما يفعله لأنه وجد سلبية مابعدها سلبية قابلته من المجتمع العمارى بل وبعضهم ساعده وامسك بيده وكلهم من السادة ذوى المناصب فى القرية ( باين كان بيظبط دماغهم )علشان كدة لايوجد مسئول فى هذه القرية علية الامل فى الاصلاح بل كلهم وبلا استثناء اصحاب مصالح ومصلتهم الشخصية فوف رؤؤس الجميع وعندهم العمار دى يعنى العزبة بتاعة اللى خلفوهم

اذن فليس لنا الا الله وحده

الان وبجميع دور العرض علنا امام جميع الواقفين بموقف العمار فى حوالى الخامسة عصرا الحشيش بيتباع بالقوة واللى مش هيشترى من الزباين المعتادين كان بيطلع عين.........!!!!!!!!! المدعوا الشيخ رمضان عبده صابر والذى حوله نفسه الى اسطورة عمراوية يتحدى الجميع وهو لايخشى لا اولاد هريسة ولاولاد الجن الازرق ( يحاول جاهدا فى ان يجمع الثروة والنفوذ معا ومع الوقت ستسمعوا عن هذا الانسان اما ان يكون مثل ابراهيم الابيض او يكون صريع السجون من كثرة الاحكام ولكن فى جميع الاحوال سيكون قد ربى ورعى خلفا له يكمل مسيرته وفى النهاية العمار وما حولها هى الخاسرة وخليكوا نايمين ولايهمكوا اى حاجة البلد لسة بخير وحسبنا الله ونعم الوكيل

» نصائح للباحثين
» خلفيات سطح المكتب (متجدد)
» اجعل اذاعة القران على سطح المكتب بنقاء عالى جدا
» الايقونات كلها ترقص على سطح المكتب وتعمل اشكال قمه في الروعه
» تشكيل مجلس إدارة جمعية شباب العمار الجديد (تشكيل هيئة المكتب)