مشروع الاعداد لمهرجان عبد الأضحى الثقافى ...هتشارك معانا بأيه .؟؟

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمه الله وبركاته

مشروع جديد عاوزين كل الناس

تشارك معانا ان شاء الله فى الاعداد ليه

الناس العمارية الحلوة وكمان أعضاء المنتدى

من بره العمار ومن جوه العمار

علشان هو احتفال او مهرجان هيتعمل ان شاء الله

أول أو تانى أيام العيد الكبير

ان شاء الله وأهى فرصه كل أعضاء المنتدى اللى من بره العمار

ينورونا فى العمار وكمان يكون تجمع عمارى كبير جدا

الفكرة مهرجان ثقافى كبير اوى فى عبيد الاضحى

فى مركز شباب العمار ان شاء الله

برنامج المهرجان وتفاصيل أكتر ان شاء الله

هنقولها بس الاول مين مستعد يشارك معانا بتنظيم بفلوس بمجهود

بأى عمل ليخرج المهرجان للنور ويكون احتفال للعمار كلها ان شاء الله

مين معانا واقتراحاتكم ايه ...؟؟؟؟؟؟

منتظر كل عضو كريم فى شباب العمار

انا معاكم ان شاء الله بس الميعاد مفيش كلام فى الميعاد ولا ايه

معاكم إن شاء الله

معاكم باذن الله...

الميعاد فى العيد الكبير ان شاء الله

أول يوم تانى يوم تالت يوم

لسه متحددش

مستعد ان نكون يدا واحدة لاتقوى علية ايدا

معكم ان شاء المولى

ياجماعه مع احترامى لكل الشباب اللى

زى الفل اللى رد وكلهم معلش غصب عنهم معانا

ههههههههههههههههههههه

ما احنا مركب واحد انا عاوز اقتراحات وافكار للمهرجان

يعنى نتخيل سوا نفكر سوا لكن معكم ما انت اصلا معانا ولا ايه

ياشباب

مش عارف ليه صعب إني أضيف رد فى حين سهولة الرسائل الخاصة , عموما بعثت إليك إقتراح على الخاص لا مانع من إعلانه بع الموافقة عليه , وكم انا سعيد أن ما خططناه وحلمنا به يتحقق على أرض الواقع , لذلك وجب علينا العون والمساندة , وكم كنت اتمنى أن أكون معكم حتى أحمل كراسي الحفل بمن يجلسون حفاوة بهم , واتمنى لكم التوفيق

ان شاء الله خيييييييييييييير كبيييييييييييييييييييير

وانا اول الموجودين وبأذن الله مع كل عمل مفيد للبلد دي ويا انا يا هي

والله يخرب بيتك يا فخري هههههههههه

ودى رساله أستاذى الكبير

البشمهندس أحمد عبد العزيز

بتصرف ...

ـــــــــــــــــــــــــــــــــــــــــــــــــــــــــــــــــــــــــــــــــــــ

أنا في غاية السعادة أن ما حلمنا به أصبح يتحقق أمام اعيننا

بالتوفيق ياهندسة

وكنت اتمنى ان أكون مشارك وموجود واشيل كراسي كمان

المهم أنا كنت اتمنى بصفة شخصية

لحبي في إلقاء الشعر أن يكون هناك إمتداد لهذة الموهبة

لذلك أوصيك وأنت أهل لذلك أن يتم التنسيق لعمل مسابقة إلقاء شعر فصحى او عامي على

المراحل التعليمية الإبتدائي
الإعدادي , الثانوي
والجامعي

تمام وانا اتحمل الجوائز كاملة وكذلك شهادات التقدير للمشاركين

عندي تصور وانتظر تصورك

ونبدأ التنسيق فيما بيننا إلا اني اقترح مبدئيا

بإختار
المدارس وانت تملك العلاقات الجيدة لذلك بإخبار الطلاب او الأخصائيين
الإجتماعيين

بإختيار طالب أو طالبين من كل مدرسة وعمل لجنة مصغره من
المدرسين

ومدرسي اللغة العربية وبعض شباب العمار وأختيار أفضل خمسة طلاب
بكل مرحلة

وأصطفاء واحد من كل خمسة يكون صاحب المركز الأول

ويقوم
بإلقاء قصيدته بالحفل وهكذا لكل المراحل وباقي الخمسة

يتم تكريمهم بشهادات
التقدير لذلك لابد العمل من الآن لإختيار الطلاب من الآن

أما موضوع الجامعة فأنا لا يحضرني ترتيب

ولا أعلم كيف يتم التنسيق بين هذا الكم الهائل من الطلبة والطالبات

خلاص ياعم أحمد نسق وشوف كده

وبرضه شوف ايه اللي يتناسب مع البرنامج بتاع الحفلة من حيث العدد

لكن الثابت أن الجوائز وتكلفة هذا البند عندي انا

تمام يابرنس

شوف الموضوع

ورتب
إعلان فى المدارس عن مسابقة إلقاء الشعر واعلن قيمة الجوايز

وعيش هتلاقي
الناس اشتركت واعمل تصفياتك واختار الناس اللي هتمثل الحفل

على بركة الله

ـــــــــــــــــــــــــــــــــــــــــــــــــــــــــــــــــــــــــــــ

انتهت الرساله اللى بجد مش عارف اعلق عليها

غير بجد انا عاجز عن الشكر والكلام

جمعت فى رسالتك يا أستاذى كل شيىء الدعم

والاقتراحات والافكار ربنا يعزك يااااااااااارب

ونكون ان شاء الله عند حسن ظنكم بنا اللهم امين

منتظرين بقية الاراء والاقتراحات والافكار

فين الشباب .,......؟؟؟؟؟؟؟

ان شاء الله يخرج العمل في ابهي صورة

بس الحاجة اللي لازم نشدد عليها
هو عدم التطوووووووووويل

عندي تصور بس كبير شوية وعايز جرأة

وعايز ناس تشتغل بجد وعندها الحماس

بدل مهرجان
نجعله يوم في حب العمار

يبتدي اليوم من الساعة 6 نحاول نلم اكبر قدر من الشباب والفتيات

هانبتدي نحاول نوزع نفسنا عالبلد كلها نرصد السليبيات اللي فيها من اكوام الزبالة والشوارع اللي ما فيهاش ولا لمبة
نحاول نشوف احوال المساجد والاشياء المحتاجة ونسجلها ونحاول ان شاء الله نوفرها
وكمان نظافة المساجد

ممكن يكون زي دورة كورة مجمعة علي الخماسي لا تستغرق اكثر من ساعتين

وان شاء الله تختتم بالحفل
ويكون زي امسية
وندعوا فيها كل البلد في النادي
ويكون حفل يليق بالعمار
يتضمن فقرات كلها عمارية خالصة نابعة من العمار للعمار

وفي الاخر
رسالة من شباب العمار للعمار

دي جزء من تصوري لليوم ده وان شاء الله
احاول اجمع افكاري

الله على التصور الروعه ياعمنا

والله فكرة ممتازة جدا وانا موافق عليها اوى

بس نفكطر ازاى تتنفذ بجد هتبقى ممتاز يوم فى حب العمار

من 6 صباحا وحتى 10مساءا فى الشارع

انا موافق مين كمان

اللجنة المسئولة عن المهرجان

الاستاذ / محمود عبد الفتاح

الأستاذ / السيد الشاذلى

بارك الله فيكم وان شاء الله يكون المعرض مؤدى لاهدافه وربنا يقدرنا جميعا على فعل الخير
وبالمناسبه لو تم عمل مسابقه لحفاظ القرآن الكريم وتكريم الفائزين
فى يوم المهرجان انا شايف انه هيبقى شئ كويس جدا
على الاقل الاخوة اللى حافظين اتعودوا ان مسابقات القرآن فى رمضان بس
وبكده يبقى تنشيط لحفظهم لكتاب الله بجوائز وشهادات تقدير
بالنسبه للفيلم انا بقترح من ضمن اجزاءه يكون تعريف بالكوادر اللى خرجت من البلد
ودا يخلى كل اللى يتفرج عليه يعرف قد ايه العمار بلد مثقفه واعيه مش قريه زى القرى والسلام
انا كنت شوفت حاجه زى كدا عن مدرسه العمار الثانويه والكوادر اللى تخرجت منها ومناصبهم
يتضمن الحفل فقرات من غناء اطفال والقاء شعر للمراكز الفائزه ويبقى كويس جدا لو فى مسرحيه
واسكتشات فكاهيه
دا رأيى المتواضع واتمنى انى الظروف تسمح وربنا يقدرنى ابقى ضمن فريق العمل

» الاعداد بعد المليون ..شكلها ايه!
» بتحلم بأيه؟
» بتحلم بأيه.
» ما هي آداب عيد الأضحى المبارك
» حـــــاسس بأيه دلـــوقتى ؟؟