عندى سؤال

موضوع: عندى سؤال الثلاثاء 01 ديسمبر 2009, 1:06 pm

عندى سؤال للمهندسين او أى حد عنده خلفية
هو الباب الكهربائى ( اللى بيشتغل أما ادوس على زرار من بعيد ) بيشتغل ازاى
اكيد ليه طريقة معينة
و جزئين أكيد ميكانيكى و كهربى
بجد ضرورى جدا جدا
و عاجل جدا جدا
جزاكم الله خيرا مقدما

عودا حميد يا باشمهندسه

تصدقي الموضوع ده فكرني بيوم كان رخم أوي كنت رايح أعمل مقابله المهم كان باب العماره اللي فيها الشركه كان باب ألكترونيك يعني لازم أبقي عارف الشقه اللي أنا طالعها علشان يسمح ليا أدخل بس للأمانه أنا مكنتش عارف كده المهم خلتني واقف أكتر من عشر دقايق أل أيه واحد يدخل وأنا أدخل وراه المهم محدش دخل لسوء الحظ أخر ما زهقت أتصلت بالشركه وقلتلهم أنا مش عارف أدخل من باب العماره ههههههههههههههههههه المهم بقي شرحت ليا السكرتيره أعمل ايه بالظبط وفي الأخر الحمد لله دخلت [ندعوك للتسجيل في المنتدى أو التعريف بنفسك لمعاينة هذه الصورة]

منوره يا باش مهندسه

جامد الموقف بتاعك ده يا امير وربنا

[ندعوك للتسجيل في المنتدى أو التعريف بنفسك لمعاينة هذه الصورة]

سورى يا باشمهندسه ...احنا بقينا اخصائيين تبويظ المواضيع [ندعوك للتسجيل في المنتدى أو التعريف بنفسك لمعاينة هذه الصورة]

..................

الباشمهندس باهر يدخل ان شاء الله ويرد عليكى

كيف الحال يا بشمهندسين
شكرا بشمهندس أمير
ههههههههههههههههههه
مش المهم الموقف
المهم عملت ايه فى المقابلة
شكرا أجمد مهندس
ده نوركم و الله
أصلى عندى مشروع على القد كده
و مفروض يخلص قبل الفاينل
و لسه يا دوب ببتدى
فيا ريت بجد اى حد عنده معلومة خصوص الباب ده يفيدنى

روحت والله متأخر أكتر من عشر دقايق والله كان يوم غريب أول مره أتعامل مع أمين شرطه صعيدي هو السبب في التأخير بالأضافه للباب أبو كهربه

المقابله يعتبر أتأجلت لبعد العيد بسبب التأخير خير الحمد لله

عندى سؤال للمهندسين او أى حد عنده خلفيةهو الباب الكهربائى ( اللى بيشتغل أما ادوس على زرار من بعيد ) بيشتغل ازاى اكيد ليه طريقة معينة و جزئين أكيد ميكانيكى و كهربىبجد ضرورى جدا جداو عاجل جدا جدا
جزاكم الله خيرا مقدما

انا زي مافهمت من سؤالك...هجاوب
زرار ايه اللي بدوس عليه!!!!
عموما
اللي شائع هو فتح وقفل اي باب آليا
يعني لما اقرب من الباب يفتح واعدي و ادخل يقفل
وده باستخدام بعض sensors واللي هي بيتحس بدخول وخروج الشخص ودي بتتركب على البوابه
وتتصل بجهاز تحكم عادة plc واللي بيترجم الاشارات ويرسلها مرة اخري للموتور او الجهاز اللميكانيكي اللي بيفتح الباب او يقفله

وكمان حاليا في جهاز بيوضع على ابواب الشركات المهمة وده بالبصمات
زي بتاع الحضور والانصراف في الشركه

ولو في اي سؤال انا تحت امرك

جزاك الله خيرا يا بشمهندس
أنا المشروع اللى مطالبه انى أنفذه عبارة عن computer interfacing
مع وجود application
عموما أنا كانت فكرتى - عارفة انها مش جديدة -
ان اعمل باب أمان بيفتح عن طريق الصوت
يعنى الشخص المسموح ليه بالمرور اما يتكلم الباب يفتح
طبعا ان شاء الله يعنى هعمل برنامج بالسى عشان تطابق الصوت
دلوقتى المفروض ان بعد أما يحصل تطابق للصوت مع الأصوات الموجودة فى قاعدة البيانات
الباب يفتح
السؤال دلوقتى
الباب ده يفتح ازاى ؟؟؟؟؟؟؟!!!!!!!!!!
أنا فاهمة الكلام اللى حضرتك بتقوله يا بشمهندس
بس أنا عايزة الطريقة اللى بيتعمل بيها الباب ده
طريقة العمل
تفاصيل عن الجهاز الميكانيكى اللى هو ال mechanism
اللى بيحرك الباب ده
و الدائرة الكهربية اللى هستخدمها
عشان أعمل واحد
يا ريت أكون قدرت أوصلك اللى أنا عايزاه
أسفة انى طولت على حضرتك

اقتباس :

أنا المشروع اللى مطالبه انى أنفذه عبارة عن computer interfacing
معنى وجود application

مع كده انك عارفه SCADA

اقتباس :

عموما أنا كانت فكرتى - عارفة انها مش جديدة -
ان اعمل باب أمان بيفتح عن طريق الصوت
يعنى الشخص المسموح ليه بالمرور اما يتكلم الباب يفتح
طبعا ان شاء الله يعنى هعمل برنامج بالسى عشان تطابق الصوت
دلوقتى المفروض ان بعد أما يحصل تطابق للصوت مع الأصوات الموجودة فى قاعدة البيانات
الباب يفتح

تمام

اقتباس :

السؤال دلوقتى
الباب ده يفتح ازاى ؟؟؟؟؟؟؟!!!!!!!!!!
أنا فاهمة الكلام اللى حضرتك بتقوله يا بشمهندس
بس أنا عايزة الطريقة اللى بيتعمل بيها الباب ده
طريقة العمل
تفاصيل عن الجهاز الميكانيكى اللى هو ال mechanism
اللى بيحرك الباب ده
و الدائرة الكهربية اللى هستخدمها
عشان أعمل واحد
يا ريت أكون قدرت أوصلك اللى أنا عايزاه
أسفة انى طولت على حضرتك

اولا اي باب بفتح آليا فبنستخدم مواتير صغيرة بتلف في اتجاهين للفتح والقفل
والمواتير دي بتكون متصلة بجهاز التحكم (الخرج) PLC مثلا
وانت بتعملي البرنامج بتاعك _ ده لو انت عارفه برمجة PLC - وتحمليه من الكمبيوتر ع جهاز التحكم

فلما حد يتكلم وتطابق بصمته قاعدة البيانات الباب يفتح

هو انت هتعملي هارد وير SIMULATION ولا نظري وخلاص؟؟؟

وانت لو بتعرفي PLC كويس ممكن تعملي تمثيل الموضوع ده على برنامج معين

موضوع: رد: عندى سؤال الجمعة 11 ديسمبر 2009, 5:17 pm

شكرا يا بشمهندس على الرد
بس عموما لقيت حل من غير PLC
مرة تانية شكرا على التعاون

موضوع: رد: عندى سؤال السبت 12 ديسمبر 2009, 12:06 am

طب ياريت لو عندك وقت ..تشرحيلنا الموضوع..عايزين نستفاد احنا كمان [ندعوك للتسجيل في المنتدى أو التعريف بنفسك لمعاينة هذه الصورة]

وربنا معاكي ويوفقك

» حدش له عندى سؤال ...حدش مشغول البال.
» عندى ملل
» عندى حلم ،،
» انا اللى كان عندى نية الأول
» عندى ميعاد ف تونس