حوار صريح جدا (الحلقة العاشرة) أ/دهب

احسنت الاختيار يا استاذ عمرو



دهوبه فكرانى ولا بردوا هتسألينى انتى مين....؟

ICL كتب:

احسنت الاختيار يا استاذ عمرو



دهوبه فكرانى ولا بردوا هتسألينى انتى مين....؟

الحمد لله فين بقى الاسئلة [ندعوك للتسجيل في المنتدى أو التعريف بنفسك لمعاينة هذه الصورة]

لما تفتكرنى بس وبعدين انا لسه مجهزتش اسئله بصراحه انا بفرح فيها الاول

أولا: السلام عليكم ورحمة الله وبركاته

طبعا
بصفتى مذيع البرنامج معايا شوية اسئلة من الاعداد كلها اجبارى لازم يترد
عليها وعلى فكرة سهلة خالص والظاهلر كده اكمنك من الادارة الناس خايفة
تسأل

1- الفرق بين شخصية دهب فى المنتدى وخارجه ؟

2 - قلمك ام لسانك فى التعبير قلبك ام عقلك فى التفكير؟

3-توافى على عريس بدون دهب يادهب؟

4-هو فى حد زيى - هما يطوله - ده انا احسن منهم - هما مين دول-ايش اب لجاب (هل للكلمات دى وجود فى حياة دهب ؟

5- هل تحب اسمك ؟

6-اجمل ما فى الوردة الرحيق واجمل مافى الدنيا الصديق (كام صديق لك )؟

7-لو شخص عزيز عليك جدا احرجك فى وسط جماعة متحبش تتحرج قدامهم والاحراج ده مش عادى (هتسكت )؟

8-ايه رايك (الكذب-النفاق - الانيسياق (واحد ماشى ورا واحد بدون تفكير )-التكبر:؟

9-قصة حياتك فى كلمة واحدة فقط ؟؟؟؟؟؟

10- لو انت رايح الجامعة او شغلك ومتاخر جدا وفجاءة وقعت عليك حلة مية مش ولابد
هتنعمل ايه بالتفصيل ؟؟

11- موقف (محرج - محزن - مضحك )

12-تقول ايه الى كل من ظلمك؟ واللى انت ظلمتهم ؟

13-لوبقيت مدير المنتدى هتعمل ايه ؟؟

14-لوبقيت عضو مجلس شعب هتفيد العمار الزاى؟

15-أكثر المواضيع بتشد نظرك فى المنتدى؟؟

16-احسن قسم فى المنتدى ؟؟

17- ايه رايك فى المنتدى عامة ؟

18- لوتمنيت وظيفة هى إيه؟

19-ايه امنيتك فى الحياه؟

20- لوجتلك فرصة للعيش بالقاهرة ممكن تسيب العمار؟

21-هل أنت تحب ان تكون انسان ريادى ؟؟

22- زملكاوى ولا زملكاوى ؟؟؟

23- إيه رأيك فى فكرة البرنامج



فاصل ونواصل لسه فى أسئلة فى الاعداد

عمرو البكرى كتب:

بسم الله الرحمن الرحيم

سادتى أنساتى سادتى يتجدد اللقاء معى ومعكم فى برنامج حوار صريح جدا ونظرا للاقبال الجماهيرى الكبير

ونظرا لكثرة الرسائل والايملات على البرنامج بطلب عضو غائب حاضر عضو إسمه من أغلى المعادن عضو

نشهد له بأخلاقه الحميدة وزوقه الرفيع وبالرغم من تواجده القليل فى المنتدى الا أنه له تأثير واضح وذلك

من روعة مساهماته وقوة كتاباته وهو العضو الذى يتالق فى منتدى شباب العمار

دهـــــــــــــــــــــــــــــــــــــب

[ندعوك للتسجيل في المنتدى أو التعريف بنفسك لمعاينة هذه الصورة]

متشكره جدا على المقدمه دى رغم انها فيها مجامله لكن مقبوله

والله أنا لو كده فعلا فأنا أقل بكثير من أعضاء كتير فى المنتدى
شكرا ليك يا أستاذ عمرو

ICL كتب:

احسنت الاختيار يا استاذ عمرو



دهوبه فكرانى ولا بردوا هتسألينى انتى مين....؟

احمد القماح كتب:

ياهلا
نخش فى الموضوع
اكتر حاجه بتعصبك فى المنتدى؟؟؟؟
اكتر حاجه بتعصبك خارج المنتدى؟؟؟؟
ليه اخترتى اسم دهب ؟؟؟؟؟؟؟؟؟

يا هلا بيك

أكتر حاجه بتعصبنى فى المنتدى المجاملات فى مجاملات كتير مش بحبها ليه كل واحد ميبقاش على طبيعته
يدخل الموضوع اللى عاوزه ويرد فى الموضوع اللى يعجبه
ويقول اللى هو شايفه بصراحه وبدون مجاملات
مش علشان الموضوع صاحبتى اللى كتباه أقول عليه حلو وبرافو مبحبش كده

أكتر حاجه بتعصبنى خارج المنتدى ان أمشى فى الشارع لوحدى هههههههههه
أو أروح مكان بعيد شويه لوحدى

اخترت اسم دهب بالصدفه ...فى اليوم اللى سجلت فيه فى المنتدى كنت سمعت فيلم دهب
بتاع الطفله فيروز وكنت بحب الفيلم ده أوى من وأنا صغيره فعجبنى الاسم

الله حلوه الاسئله دى جوبيى ياقطه

mezo كتب:

ازيك يا دهب

انا عايز اسالك سؤال
(تحبى الناس تشوفك ازاى)؟
(ايه رايك فى الصداقه وهل تفرق بين صديق وصديقه)؟

ازيك يا أخ ميزو

أحب الناس تشوفنى هاديه. متواضعه..محترمه..ذكيه..طيبه..ملتزمه..بشوشه

الصداقه ..من أهم الآشياء فى حياه الانسان وخصوصا لو صداقه بجد
مش علشان مصلحه أو أى شىء تانى بمعنى الصداقه من أجل الصداقه
الانسان بدون صديق زى النبات من غير ميه ممكن يموت
وأكيد الصداقه تفرق بين صديقه وصديق بيبقى فى حدود أكتر وتحفظات أكتر
وده شىء طبيعى

ايه دة مين دهب هنا يامرحبا يامرحبا صديقه عمرى واصحاب تخته واحدة واختى وحياتى كلها

جتيلى ياحبى ياااااااااااااااااااااة شوفتى الدنيا لك يوم ياظالم هههههههههههه

فاكرة طبعا اللى عملتيه فيه فى حلقتى

عارفه اغنيه خلص تارك طفى ناااااااااااااااارك من اللى شوفته منك

هطلعها عليكى دلوقتى صبرك عليه يااغلى من نور عنيه [ندعوك للتسجيل في المنتدى أو التعريف بنفسك لمعاينة هذه الصورة]

جهزى نفسك ياصديقه عمرى للى جاى واحسنلك سيبى المنتدى من دلوقتى وانسحبى [ندعوك للتسجيل في المنتدى أو التعريف بنفسك لمعاينة هذه الصورة]

الطير الباكي كتب:

ايه دة مين دهب هنا يامرحبا يامرحبا صديقه عمرى واصحاب تخته واحدة واختى وحياتى كلها

جتيلى ياحبى ياااااااااااااااااااااة شوفتى الدنيا لك يوم ياظالم هههههههههههه

فاكرة طبعا اللى عملتيه فيه فى حلقتى

عارفه اغنيه خلص تارك طفى ناااااااااااااااارك من اللى شوفته منك

هطلعها عليكى دلوقتى صبرك عليه يااغلى من نور عنيه [ندعوك للتسجيل في المنتدى أو التعريف بنفسك لمعاينة هذه الصورة]

جهزى نفسك ياصديقه عمرى للى جاى واحسنلك سيبى المنتدى من دلوقتى وانسحبى [ندعوك للتسجيل في المنتدى أو التعريف بنفسك لمعاينة هذه الصورة]

ده كله وبتقولى صديقه عمرك
على العموم I am ready any time هههههههههههههه
يعنى هتكون أصعب من امتحانات الثانويه
مش أنا اللى أهرب من ميدان المعركه هههههههههههه
مستنياكى متتأخريش

بسم الله ما شاء الله يادهب أيه ده أنت مذاكرة كويس اوى

خدى عندك

أن شاء الله بعد الزواج لو ربنا رزقك ببنت هتسميها ايه ولو ولد ؟؟؟؟؟؟

أن شاء الله لو أتخطبتى وخطيبك قالك تخلى عن المنتدى بدون أع أعذار وأغلق باب النقاش فى الموضوع ؟؟؟؟؟ايه العمل


أفضل عضو فى المنتدى ؟

أفضل عضو ة فى المنتدى ؟؟؟؟

افضل قسم فى المنتدى ؟؟

أحسن موضوع فى المنتدى ؟؟؟؟؟

لو مسافرة برة البلد تحبى السفر بالجلابية الفلاحى ولا لا مع ذكر السبب

أحسن منطقة فى العمار من وجهة نظرك؟؟؟؟

أيه رايك فى عادات وتقاليد بلدنا فى الزواج ؟؟؟؟؟؟

فاصل ونواصل

بسم الله ما شاء الله يادهب أيه ده أنت مذاكرة كويس اوى

أنتو هرتونى أسئله وكمان لسه مش عارفه ايه اللى جاى ربنا يستر ههههههههههه
وبعدين مش مزاكره ولا حاجه دى الاسئله صعبه واللى هجاوب عليه ده أصعب ربنا معانا بقى

خدى عندك

أن شاء الله بعد الزواج لو ربنا رزقك ببنت هتسميها ايه ولو ولد ؟؟؟؟؟؟
ان شاء الله البنت هسيب باباها اللى يسميها لكن الولد ممكن واحد من 3(محمد أو يوسف أو عبدالرحمن) بحب الآسماء دى أوى فى الولاد




أن شاء الله لو أتخطبتى وخطيبك قالك تخلى عن المنتدى بدون أع أعذار وأغلق باب النقاش فى
الموضوع ؟؟؟؟؟ايه العمل
أكيد لو طلب كده هوافق من غير كلام وطبعا ده مش هيبقى موقفى فى كل الامور
لكن مدام حاجه هقدر أتنازل عنها وفى نفس الوقت أقدر أعيش من غيرها طبعا وبكل تأكيد هتنازل عنها علشانه وهو أكيد هيقدر ده
لكن بقى لو نشف دماغه فى أى حاجه تانيه وأنا شايفه انى مقدرش أستغنى عن الحاجه دى
وقتها هيبقى فى كلام تانى



أفضل عضو فى المنتدى ؟
ايه السؤال المحرج ده هههههههههه مقدرش أجاوب عليه لوحدى لازم يكون فى استفتاء عام
لكن المنتدى مليىء بالآعضاء المميزين


أفضل عضو ة فى المنتدى ؟؟؟؟
نفس اجابه السؤال السابق



افضل قسم فى المنتدى ؟
هو ممكن يكون مش أفضل قسم لكن أنا بحبه هو قسم(حوارات شبابيه)


أحسن موضوع فى المنتدى ؟؟؟؟؟
موضوع المنتدى بيتنا خيال فى خيال بس للأسف ملحقتش أدخله من أوله


لو مسافرة برة البلد تحبى السفر بالجلابية الفلاحى ولا لا مع ذكر السبب
أنا بستريح أكتر فى الجلابيه الفلاحى يعنى بتحرك براحتى وكده لكن أنا مش بفضل السفر بيها
يعنى زى ما بيقولوا لكل مقام مقال زى ما انا بتكسف مثلا أخرج بعبايه فى البلد بتكسف برضو
وأنا مسافره أخرج بالجلابيه الفلاحى


أحسن منطقة فى العمار من وجهة نظرك؟؟؟؟
حتتنا طبعا وسط البلد ههههههههه



أيه رايك فى عادات وتقاليد بلدنا فى الزواج ؟؟؟؟؟؟
عادات سيئه للغايه ولو فى ايدى كنت منعتها نهائى ونفسى اقول اتقوا الله

وبليز يا أستاذ عمرو خف شويه من الاسئله الصعبه دى هههههههههه

يادهب ده الاسئلة سهلة خالص

دهب من وجهة نظرك صورتك من خلال عيون المنتدى ؟

أكبر عدية حصلتى عليها فى العيد ومن مين ؟؟؟

ايه شعورك لو دخلتى المنتدى ولاقيتى العضوية مش موجودة ؟؟

احسن سنة دراسية فى حياتك ؟؟

أيام تتمنى ترجع وايام لا تتمنى الرجوع ؟

كان نفسك تبقى دكتورة ولا مهندسة ؟؟

أيه الوظيفة اللى تحلمى بيها ؟

ممكن توافقى على الزواج فى بيت عيلة فلاحى ؟؟

صفة نفسك تغيريها فى شخصيتك ؟

دهب ناجحة فى حياتها ؟ أه /لا ليه ؟

ماهى نقاط ضعفك ؟

يوم تنتظره بفارغ الصبر ؟

أخر مرة بكيتى فرح وأخر مرة بقيت حزن ؟

أيه أقصى كلمة سمعيتها من أحب الناس اليكى ؟

صفة سيئة فى المجتمع تتمنى تغيرها ؟ث

فاصل ونواصل

يادهب ده الاسئلة سهلة خالص
لا واضح فعلا انها سهله هههههههههه
ده كأنى قاعده على كرسى اعتراف والله لكن على العموم ربنا يكملها بالستر ههههههه



دهب من وجهة نظرك صورتك من خلال عيون المنتدى ؟
أنا بحس ان أعضاء كتير بيحترمونى ولو مكنش وصلنى الاحساس ده
مكنتش فضلت معاكم على المنتدى لحد دلوقتى


أكبر عدية حصلتى عليها فى العيد ومن مين ؟؟؟
50 جنيه من والدى


ايه شعورك لو دخلتى المنتدى ولاقيتى العضوية مش موجودة ؟؟
لالالا بسيطه خالص هتصل بحد من صحابى اللى على المنتدى أخليهم يسألوا الاداره عن السبب
ولو لاقيت الاداره استغنت عن خدماتى يبقى خلاص هههههههه مش هدخل تانى


احسن سنة دراسية فى حياتك ؟؟
تالته ثانوى


أيام تتمنى ترجع وايام لا تتمنى الرجوع ؟
بتمنى أيام طفولتى ترجع تانى وبتمنى 3 ثانوى ترجع تانى
والايام اللى مبتمناش انها ترجع هى أى يوم عدى عليا وأنا حزينه أو تعبانه أو قلقانه لآى سببب من الآسباب


كان نفسك تبقى دكتورة ولا مهندسة ؟؟
اشمعنى يعنى دكتوره أو مهندسه هههههههههه
على كل حال وأنا صغيره كانوا عندنا فى البيت يفضلوا يقولولى هتبقى دكتوره
ولما بقيت فى الثانوى حاولت أحقق الحلم ده لكن القدر بقى مكنش معايا ومع ذلك أنا مبسوطه وراضيه باللى أنا بقيت فيه الحمد لله وتأكدت ان دى اراده ربنا


أيه الوظيفة اللى تحلمى بيها ؟
أحلم أكون بيزنس وومان مش موظفه لكن لو منفعش بقى بيزنس وومان ههههههه
أحلم أكون مدرسه


ممكن توافقى على الزواج فى بيت عيلة فلاحى ؟؟
ممكن أوافق على الزواج فى بيت عيله يعنى أبقى موجوده مع أهل زوجى فى بيت واحد لكن فلاحى بكل صراحه لا
وده لآسباب عندى يعنى أنا شايفه مدام الانسان هينتقل من مرحله لمرحله تانيه يبقى لازم يكون هينتقل للأفضل مش للعكس وبعدين مرحله الزواج دى تعتبر أهم مرحله فى حياه أى حد بتبقى بدايه تكوين أسره كامله وحياه جديده فلازم تكون مرحله أفضل فى كل شىء حتى البيت اللى هعيش فيه


صفة نفسك تغيريها فى شخصيتك ؟
هما صفتين أو تلاته مش واحده
التردد..التسرع فى بعض الاحيان..الخوف ( بحس انى جبانه معنديش روح المغامره )


دهب ناجحة فى حياتها ؟ أه /لا ليه ؟
مقدرش اقولك حياتى ناجحه ولا لاء لآنى لسه مكونتش أسره يعنى مش مرتبطه أو متزوجه
ونجاح حياتى أنا شيفاه لازم يظهر فكونى زوجه ناجحه وأم ناجحه يعنى يكون أولادى ناجحين
حياتى هاديه زوجى ناجح وأنا كمان أكون ناجحه فى شغلى لو بشتغل وأسرتى تكون أسره مسلمه وملتزمه وناجحه بمعنى الكلمه
لكن عن حياتى دلوقتى أنا بعتبر نجاحى فى حياتى هو نجاحى فى دراستى وأنا طول دراستى الحمد لله كنت متفوقه لكن لسه مجنيتش ثمار النجاح ده زى ناس كتير من الشباب والشابات اللى مش لاقين شغل


ماهى نقاط ضعفك ؟
الطيبه الذائده عن اللزوم (قولى كلمه كويسه أو أضحك فى وشى ضحكه صغيره تبقى أحسن أنسان عندى)

يوم تنتظره بفارغ الصبر ؟
يوم ما ربنا يهدينى وابطل اسمع أغانى وأحس انى ملتزمه بجد


أخر مرة بكيتى فرح وأخر مرة بكيتى حزن ؟
بصراحه مش فاكره لكن أول لما أفتكر هقولكم ان شاء الله



أيه أقصى كلمة سمعيتها من أحب الناس اليكى ؟
مفتكرش حد عزيز عليا قالى كلمه قاسيه


صفة سيئة فى المجتمع تتمنى تغيرها ؟
اللامبالاه اللى بقت موجوده عند كل الناس