حدوتة بلكون مفتوح ( الحدوتة الأولى)

السلام عليكم ورحمة الله

أعضاء المنتدى الأعزاء كتبت حاجة كده زى شوية حواديت عبارة عن معالجة لبعض مشاكل الحياة

بصورة جديدة

وملحوظة هااااااااااااااامة جدا الحلقات كاملة من نسج خيالى والشخصيات ملهاش اى علاقة بالواقع

الحقيقى وجرانا هنا زى الفل يا جماعة هههههههه

بسم الله ( الحدوتة الاولى ....)

.....كالعادة دايما أحب أقف فى البلكونة وانا بذاكر مش عارفه ليه

بس هى مسألة تعود مش أكتر وكالعادة برضه أستاذ (صلاح ) جارنا

وزوجته (طنط عزيزة ) اللذيذة سايبين باب البلكونه بتاعتهم مفتوح وده شىء طبيعى

وعادى وحق لكل مواطن إنه يسيب باب بلكونتهم مفتوح وان شا الله حتى يسيب الشبابيك

كمان كل واحد حر ...المشكلة مش فى كده المشكلة انى سمعت نقاش غريب جدا بينهم بس ده

مش استراق سمع لا حاجة..... لأ ده كل الشارع سمع النقاش ده ويمكن حتى الشوارع اللى

جنبنا لان ما شاء الله ربنا ميدهم فى صوتهم اللى مساعدهم على اطلاع كل الناس على

اسرار بيتهم فى اثناء اى مناقشة بيخوضوها سوا ....

وخلينا نقول المرة دى بالذات لم تكن مجرد مناقشة لأنى ابقى كذابة

لو اعتقدت إن اليومين دول فيه زوج وزوجة بيتناقشوا بهدوء

خلينا نتكلم بصراحه مسمهاش منا قشة ومن الاخر

اسمها خناقه اه فعلا (بيتخانقوا) الغريب انهم كانوا بيتخانقوا

والناس بصت من الشبابيك بيشوفوا مين اللى بيزعقوا دول

وبعدين جمهور المتفرجين فى الشارع والشبابيك

بصوا لبعض وقالوا ييييييييييه (ده صلاح وعزيزة) ودخلوا تانى كل واحد شقته

بس انا اللى عرفت تفاصيل الخناقة كلها لانى قصاد بلكونتهم المفتوحة

دايما دى.... بس المرة دى بعد ما سمعت الخناقة قعدت افكر يمكن

يومين فى سببها اللى كانت طنط عزيزة بتقوله وبصوت عالى جدااااااااااااا

(أعملك إيه يا سى صلاح إذا كان مصروف البيت والمرتب بيخلص يوم خمسة منه..!!)

استاذ صلاح واللى بيشتغل مدرس مجال صناعى فى مدرسة إبتدائى يا عينى عليه

جه الكادر اللى كان حلم كل العاملين بمهنة التدريس

وكدره اكتر ده بدل ما يفوقه

ولأول مرة أعرف هما ليه أطلقوا عليه اسم (كادر)

رد عليها بصوت منكسر وهو قاعد بيخيط الشراب

بتاعه وقالها :

( طيب يعنى أعمل إيه إذا كان إنتى ست مبذرة...؟!!)

وفضل أستاذ صلاح يشتكى بقهر وحرقه من تبذيرها ويقولها :

يعنى ايه يعنى لازم ناكل التلت وجبات بتوع اليوم

( فطار وغدا وعشا )..ما هى كفاية طقة واحدة بس ..

وكمان يعنى ايه تعملى لحمة مرة فى خميس كل شهر

طيب ما تخليها شهر اه وشهرين لأ...

وكمان نفسى أعرف سر تصميمك

على إنك تجيبى كل يوم للفطار بخمسين قرش فول

ليا انا وانتى وعيالك الخمسة ..حراااااااااااااااام ..!!

حرام عليكى يا مفترية بخميسن قرش فول بحااااااله لسبعة بس

وبتشكتى من المصروف ..؟؟)

وقتها فوّقت نفسى من كلام أستاذ (صلاح) عن تبذير زوجته

وقولت فعلا طنط (عزيزة) فى بلدنا دى ست مبذرة

زى ما الكتاب بيقول.....والله يكون فى عونك يا أستاذ ( صلاح .)..

ولسه مكملتش كلامى مع نفسى لاقيت صوت طنط عزيزة بقى أعلى من الأول

وهى بتقوله :

( هو كان يوم اسود لما اتجوزتك ده انا كان متقدملى كبرات البلد ايشى غفير

وايشى صراف فى بنك وايشى موزع بريد بس لجل الحظ وقعت انت فى ارابيزى )

أنا رديت بسرعه عليها فى سرى :

طبعا يا طنط عزيزة ده على أساس انك بنت اخت

الأميرة فريال الله يرحمها ولا بقى تكونيش بنت عم أنديرا غاندى ؟؟

ده حتى اللى اعرفه إن أستاذ صلاح اتجوزك تخليص حق أصلا بس

أدينا ساكتين.... أنا الحقيقة بستغرب من الجملة دى

اللى كل ستات مصر بتقولها لأزواجهم مع إنها ليس لها

اى أساس من الصحة ولا السكان حتى غير بس البكاء على الأطلال

وفجاة طنط عزيزة قاطعت أستاذ ( صلاح )

وقالتله اعمل حسابك انى خطيب بنتك واهله

معزومين بكرة على العشا يعنى شد حيلك ومش عاوزين رقابتنا تبقى

قد السمسمة قدام نسايبك الجداد ولا يقولوا علينا إيه يعنى؟؟

وفضلت طنط عزيزة حوالى ربع ساعة تقول طلبات العزومة

وحسيت من كلامها إنها عازمة أعضاء البيت الأبيض مش نسايبهم الجداد

أستاذ ( صلاح) سعاتها سكت خاااااااااااااااااالص ومسمعتش صوته بعد كده

وبصراحة خوفت ليكون هو ولا الشراب اللى بيخيطه

_لا قدر الله_ جرالهم حاجة

بس اطمنت لما بعد شويه بصيت فى الشارع تحت لاقيته خارج يلعن

الجواز واللى بيتجوزا على العيشة واللى

عايشنها على الحكومة والمرتب والكادر

وبنته وخطيبها واختها واخوها

وعزيزة واللى يعرفها واللى شار بيها
...................................

ــــــــــــــــــــــــــــــــــــــــــــــــــــــــــــ

إلى اللقاء فى الحدوتة الثانية ......

فيلم..

حلو السيناريو ده

فى الأخر عايزين حل زى ماقولتى للمشكلة

ماتسيبيش البطل يتجوز البطلة وخلاص حدوتة بلكون مفتوح ( الحدوتة الأولى) 215526

فكرة لذيذة....... قصة صلاح وعزيزة

دوماً ما تطلي علينا بدلائل على عمق موهبة الكتابة وكأنها غريزة

لنا عودة للتعليق المفصّل بعد ساعات وجيزة

تحياتي .....

تسلم ايدك

جميل أسلوبك مع ان الحدوته تحزنا بجد على أحوالنا

اسلوب ساخر اوى وجميل جدا

من كتير الضحك بيبكى قلوبنا

الله يسامحك بقى

وع العموم بدايه حلوة اوى

بتفكرنى بملك الكتابه الساخره

عمنا جلال عامر

وبحيبى قلبى بلال فضل وكمان عمر طاهر

وغيرهم من ملوك الكتابه الساخره

وفى العنصر النسائى بقى

فى ناس كتير

الدكتور غاده شريف ( المصرى اليوم )

والاستاذ ناهد امام ( اليوم السابع )

وغيرهم

تجربة اولى متميزة

وف انتظار باقى الحواديت

ان شاء الله

"الحفيد"

ده حتى اللى اعرفه إن أستاذ صلاح اتجوزك تخليص حق أصلا بس
أدينا ساكتين....
أستاذ ( صلاح) سعاتها سكت خاااااااااااااااااالص ومسمعتش صوته بعد كده
وبصراحة خوفت ليكون هو ولا الشراب اللى بيخيطه
_لا قدر الله_ جرالهم حاجة

حلوين اوي الجملتين دول .... واحلى حاجة الحوار السهل البسيط اللى مش محتاج مختار الصحاح ولا لسان العرب ولا دوار العمدة .

أنا شاكرة مرور كل الناس والله جداااااااااا

وخاااااااااااااااااصة أستاذ احمد هلول واللى بقاله فترة ساكت ههههههههههه

وسعيدة جدا بمروره بجد

ومروركم جميعا طبعا

اقتباس :: تجربة اولى متميزة

شكرا يا هندسة على الكلام ده

بس دى مش أول مرة أنا كنت عملت يوميات قبل كده

بس بشكل مختلف يعنى

إلا إذا كنت تقصد بأولى دى الحلقة الأولى

وحسيت من كلامها إنها عازمة أعضاء البيت الأبيض مش نسايبهم الجداد

أستاذ ( صلاح) سعاتها سكت خاااااااااااااااااالص ومسمعتش صوته بعد كده

وبصراحة خوفت ليكون هو ولا الشراب اللى بيخيطه

_لا قدر الله_ جرالهم حاجة

أسلوب ساخر جميل أنت مبدعة بجد وأحسنتي في كتابة

تلك الحدوتة ربنا يوفقك وتكملي الحواديت

حلوه الحدوته

وفعلا طنط عزيزه مبزره المفروض ميكلوش خالص حدوتة بلكون مفتوح ( الحدوتة الأولى) 215526

اقتباس :: أسلوب ساخر جميل أنت مبدعة بجد وأحسنتي في كتابة
تلك الحدوتة ربنا يوفقك وتكملي الحواديت

شكرا جزيلا على مرورك الطيب يا أستاذ عمر وإن شاء الله نكمل ...

اقتباس :: وفعلا طنط عزيزه مبزره المفروض ميكلوش خالص

هههههه طيب اوعى تعملى زيها بقى يا ميس

اصل التبذير حرام حدوتة بلكون مفتوح ( الحدوتة الأولى) 215526

حنين كتب:

اقتباس :: أسلوب ساخر جميل أنت مبدعة بجد وأحسنتي في كتابة
تلك الحدوتة ربنا يوفقك وتكملي الحواديت

شكرا جزيلا على مرورك الطيب يا أستاذ عمر وإن شاء الله نكمل ...

اقتباس :: وفعلا طنط عزيزه مبزره المفروض ميكلوش خالص

هههههه طيب اوعى تعملى زيها بقى يا ميس

اصل التبذير حرام حدوتة بلكون مفتوح ( الحدوتة الأولى) 215526

يا ستى خليها على الله محدش بينام من غير عشا ههههههههههههه

والله حدوته جميله اوى

تسلم ايدك بس مفيش حد فاتح البلكونة دلوقتى الدنيا برد هههههههههههههههههههههه

» رسالة لكل أم مستقبلية ^_^(ماما يا عصبية .......... أنا عاوز حدوتة )^_^
» قلب مفتوح
» التسجيل مفتوح فى عرب تورنت حاليا
» حوار مفتوح عن هزيمة لاهلى
» المنتدى مفتوح للمشتركين فقط........انت مشترك??