الشباك الأول: النسب

الشباك الأول: النسب

هو أولى حلقات

:: سلسلة شبابيك ::

النسب ..

كتير بنسمع الكلمة دى (بنت الحسب والنسب)

هى فعلا قضية تهم بعض الشباب أو (آباؤهم)

عاوزين نعرف مع بعض .. يعنى ايه الحسب ويعنى ايه النسب

هل النسب هو كثرة عدد العائلة

ولا هو المال والغنى

ولا هو الشرف والكرم

ولا حسن المعاملة مع الناس

ولو فرضنا أنه المال .. فهل الفقير الذى ليس له مال لكنه شريف يعتبر ليس ذا حسب ونسب ؟؟

وما ورد فى حديث رسول الله (تنكح المرأة لأربع: لمالها ولحسبها ولجمالها ولدينها ........الحديث)

عاوزين نفهم مع بعض إيه معنى الكلمة دى (النسب) ؟؟

ننتظر تفاعلكم ..

.
.

[ندعوك للتسجيل في المنتدى أو التعريف بنفسك لمعاينة هذا الرابط]

.

من وجهه نظرى ان النسب فى اعتقاد بعض الناس

ان يكون الشخص من سلاله عريقه يعنى جده مثلا كان بيشغل منصب وزير
أو أبوه فلان باشا اللى بيرأس منصب مهم وهكذا
أو والدته من عيله كبيره ( يعنى عيله عندها أطيان زى ما بيقولوا وعددها كبير وكمان عيله فيها مناصب كويسه)
أظن ان فى ناس هو ده مفهوم النسب عندهم أوده المعنى الشائع
لكن فين الصح الله أعلم

انا مش مع المثل اللى بيقول"حاسبوا ..قبل ماتناسبوا"

هو فعلا رسولنا قال ( تخيروا
لنطفكم .. لأن العرق دساس ) .

بس ده مش معاناه أنى أحاسب حد على حساب حد تانى

صوابعك مش زى بعضها

ومش ذنب البنت اللى انت هتتجوزها انها إتخلقت فى بيت مالوش أصل وأبوها مش قد كده

ربنا ماقلناش حاسبوهم بالعكس ده يمكن ربنا عمل كده علشان انت تيجى تنقذها م اللى هيا فيه

انا عارف ان كلامى اتحدف لحته تانية بس فيها نفس المضمون

الأهم عندى صاحبى مش أبوه.... ومراتى مش أهلها....وده رأيى

زائر

ما شاء الله جميل اوى الموضوع يااخ عمرو.اما بالنسبه لموضوع "النسب" اكيد كثرة عدد العيله والمناصب اللى فيها والمال...........الخ ،كل ده ملهوش اى فايده لو مفيش اخلاق ودين لان الواحد ممكن يبقى غنى باخلاقه وعزيز بدينه.ويحسن معاملة الاخر ويكون كريم......يعنى الاساس بيكون الدين والاخلاق .والباقى كله حاجات شكليه بعض الناس بتهتم بيها.

وما ورد فى حديث رسول الله (تنكح المرأة لأربع: لمالها ولحسبها ولجمالها ولدينها........الحديث)

كل واحدة من الأربعة دول مختلفة عن الأخري ولها معناها الخاص

لإن النبي صلي الله عليه وسلم مش هيكرر في كلامه

فالحسب مش المال والغني ولكن هو العائلة الكريمة والشريفة والأصيلة حتي ولو كانت فقيرة

زائر

هو فعلا رسولنا قال ( تخيروا
لنطفكم .. لأن العرق دساس ) .

لا أصل له بهذا اللفظ ،ولا صحة لما زعمه صاحب ذلك الكتاب من أنه قد رواه ابن ماجه ،فلم يروه ابن ماجه ولا غيره فيما أعلم ،وإنما الذي رواه ابن ماجه برقم (1968) حديث آخر وهو : ( تخيروا لنطفكم وانكحوا الأكفاء وأنكحوا إليهم )،وهو حديث حسن كما قال الشيخ الألباني رحمه الله ،وهو لا يعني إلا أن المرء عليه أن يختار المرأة الصالحة التي تصلح أن تكون محلاً لنطفته وأماً لولده ، وأن على الأولياء أن يزوجوا بناتهم للصالحين كذلك .

دهب كتب:: من وجهه نظرى ان النسب فى اعتقاد بعض الناس

ان يكون الشخص من سلاله عريقه يعنى جده مثلا كان بيشغل منصب وزير
أو أبوه فلان باشا اللى بيرأس منصب مهم وهكذا
أو والدته من عيله كبيره ( يعنى عيله عندها أطيان زى ما بيقولوا وعددها كبير وكمان عيله فيها مناصب كويسه)
أظن ان فى ناس هو ده مفهوم النسب عندهم أوده المعنى الشائع
لكن فين الصح الله أعلم

انتى بتتكلمى على نظام البشويات يا دهب

ممكن نصغر الموضوع ده شوية .. ونخليه منصب عمدة بدل وزير [ندعوك للتسجيل في المنتدى أو التعريف بنفسك لمعاينة هذه الصورة]

يعنى لو فرضنا عائلة س فى العمار أكبر عائلة فهل كل اللى فيها صاحب نسب ؟؟

احمد عبدالمجيد كتب:: الأهم عندى صاحبى مش أبوه.... ومراتى مش أهلها....وده رأيى

كلامك جميل جدا يا احمد .. بس انا سؤالى عن ايه معنى كلمة النسب والحسب ..؟؟

loka كتب:: ما شاء الله جميل اوى الموضوع يااخ عمرو.اما بالنسبه لموضوع "النسب" اكيد كثرة عدد العيله والمناصب اللى فيها والمال...........الخ ،كل ده ملهوش اى فايده لو مفيش اخلاق ودين لان الواحد ممكن يبقى غنى باخلاقه وعزيز بدينه.ويحسن معاملة الاخر ويكون كريم......يعنى الاساس بيكون الدين والاخلاق .والباقى كله حاجات شكليه بعض الناس بتهتم بيها.

ربنا يكرمك يا أخت لوكا والموضع زاد بمرورك .. وبدأت أتعلم منك

بخصوص كلامك : بتوضحى فيه كلمة النسب = المال والمنصب والجاه

طيب تردى على كلام أخويا احمد منصور بإيه ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

أحمد منصور كتب:: وما ورد فى حديث رسول الله (تنكح المرأة لأربع: لمالها ولحسبها ولجمالها ولدينها........الحديث)

كل واحدة من الأربعة دول مختلفة عن الأخري ولها معناها الخاص

لإن النبي صلي الله عليه وسلم مش هيكرر في كلامه

فالحسب مش المال والغني ولكن هو العائلة الكريمة والشريفة والأصيلة حتي ولو كانت فقيرة

ربنا يعزك يا أحمد .. ياريت لو توضح اكتر لأن الكلام ده هنحتاجه بعدين

أحمد صلاح هلالي كتب:: هو فعلا رسولنا قال ( تخيروا
لنطفكم .. لأن العرق دساس ) .

لا أصل له بهذا اللفظ ،ولا صحة لما زعمه صاحب ذلك الكتاب من أنه قد رواه ابن ماجه ،فلم يروه ابن ماجه ولا غيره فيما أعلم ،وإنما الذي رواه ابن ماجه برقم (1968) حديث آخر وهو : ( تخيروا لنطفكم وانكحوا الأكفاء وأنكحوا إليهم )،وهو حديث حسن كما قال الشيخ الألباني رحمه الله ،وهو لا يعني إلا أن المرء عليه أن يختار المرأة الصالحة التي تصلح أن تكون محلاً لنطفته وأماً لولده ، وأن على الأولياء أن يزوجوا بناتهم للصالحين كذلك .

أخى الجميل المحترم الخلوق/ احمد صلاح

كلامك جميل جدا وفيه نصيحة غالية ..

لكنى فى هذا الموضوع بصدد معرفة كلمة (نسب)

يعنى ايه نسب ؟؟

والناس فى مجتمعنا حاليا صيروا هذا اللفظ على أى معنى ؟؟

هذا ما أقصده ..

رجاء التفاعل بجدية

انتى بتتكلمى على نظام البشويات يا دهب

ممكن نصغر الموضوع ده شوية .. ونخليه منصب عمدة بدل وزير [ندعوك للتسجيل في المنتدى أو التعريف بنفسك لمعاينة هذه الصورة]

يعنى لو فرضنا عائلة س فى العمار أكبر عائلة فهل كل اللى فيها صاحب نسب ؟؟

أعتقد الناس بتبص لآى شخص فى عائله كبيره على انه صاحب نسب
مدام بينتمى للعيله وساعتها بيقولوا ده العروسه من عائله كذا ده عمها كذا وخالها فلان مدير شركه كذا مثلا حتى لو والدها لا يشغل أى منصب ولكن مدام بينتمى لعائله كبيره فهو ذات حسب ونسب
زى ما بيقولوا

زائر

ربنا يكرمك يا أخت لوكا والموضع زاد بمرورك .. وبدأت أتعلم منك

بخصوص كلامك : بتوضحى فيه كلمة النسب = المال والمنصب والجاه

طيب تردى على كلام أخويا احمد منصور بإيه ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
شكرا على ذوقك.بس انا اقصدان المال والمنصب والجاه مش هما دول النسب لوحدهم انا قصدى ان كل ده جميل اوى ومطلوب التكافؤ طبعا بس من غير اساس دينى واخلاقى ولا ليهم اى اهميه
اما بالنسبه لكلام الاخ احمد منصور فهو فعلا صح المال والحسب والنسب....الخ كل حاجه مختلفه عن التانيه بس برضو فى رايى "الدين والاخلاق" لو مظبوطين يبقى مفيش داعى نركز مع اى حاجه تانيه لانهم معناهم شامل لكل الصفات الحلوه اللى المفروض تكون موجوده.متابعه ان شاء الله

زائر

السلام عليكم ورحمة الله
معنى كلمة الحسب
الحسب فى الاصل هو
التشرف بالاباء والاقارب وماخوذه من الحساب لانهم
كانوا اذا تفاخرو عدو مناقبهم
ومحاسن ابائهم وحسبوها فيكون افضلهم من زاد عدده
وقيل المقصود بها الافعال الحسنه
وقد فسر البعض الحسب بالمال بحديث رسول الله
الحسب المال والكرم التقوى
ولكن جائت رواية حديث رسول الله تنكح المرئه لاربع
فاوضحت ان النسب له معنى اخر غير المال
اما النسب اليوم
فنحن اليوم نعتبر النسب هو ما يتفاخر به الناس
من عائله عريقه ذات اصل طيب وغنى فى المال
والجاه والمناصب
ولكن اقول كلمه لمن ينظر بهذه النظره
فما نفع أبا لهب شرف نسبه وما ضر بلالا رضي الله عنه كونه حبشياً
فالكرم بالعمل الصالح والزينة بالتقوى ولن يسأل المرء يوم الحساب إلا عن عمله دون نسبه
ولقول النبى فى الحديث الصحيح
أربع في أمتي من أمر الجاهلية لا يتركونهن الفخر بالأحساب والطعن في الأنساب

اقولك انا الحسب والنسب فى الزمن ده

دلوقتى الفلوس بقت كل حاجة فى الدنيا معاك فلوس هتيقى معاك الحسب والنسب وكل حاجة

تتمناها مبقاش حد يدور على على من عيلة أيه بس معاه فوس قد ايه يعنى واحد أبن مدير أمن

وتعليم عالى وكل حاجة زى واحد معاه ملايين وكمان بصمجى كفة البصمجى هى اللى هترجح

ليه بقى فلوسه هتبقى منصبه وفلوسه تخليه معاه دكتوراه

شكرا على الموضوع

[size=29][/size]اولا سلامى للاستاذ عمرو امام واقولك يا عمرو كلمه الحسب من وجه نظرى هى عباره مصطلح او تعود على اسم الكلمه الحسب والنسب لانى الحسب مش وزيررولا خفير هو احترم واخلاق ولالتزام فى حياتنا اليوميه بالصلاه والايمان بالله والرضا بالقسمه والنصيب لازم تعرف اللى ربنا كتبهولك هتشوفوا

دهب كتب:: أعتقد الناس بتبص لآى شخص فى عائله كبيره على انه صاحب نسب
مدام بينتمى للعيله وساعتها بيقولوا ده العروسه من عائله كذا ده عمها كذا وخالها فلان مدير شركه كذا مثلا حتى لو والدها لا يشغل أى منصب ولكن مدام بينتمى لعائله كبيره فهو ذات حسب ونسب
زى ما بيقولوا

تسلمى ع التوضيح اخت دهب

وآسف على التأخير

loka كتب:: شكرا على ذوقك.بس انا اقصدان المال والمنصب والجاه مش هما دول النسب لوحدهم انا قصدى ان كل ده جميل اوى ومطلوب التكافؤ طبعا بس من غير اساس دينى واخلاقى ولا ليهم اى اهميه
اما بالنسبه لكلام الاخ احمد منصور فهو فعلا صح المال والحسب والنسب....الخ كل حاجه مختلفه عن التانيه بس برضو فى رايى "الدين والاخلاق" لو مظبوطين يبقى مفيش داعى نركز مع اى حاجه تانيه لانهم معناهم شامل لكل الصفات الحلوه اللى المفروض تكون موجوده.متابعه ان شاء الله

أكيد كلامك لا يختلف عليه اتنين اخت لوكا

لكن انا عاوز أعرف وجهة نظر المجتمع فى فكركم أنتم

يعنى باختصار :

يعنى ايه كلمة نسب من خلال المجتم ؟؟

ده اللى انا اقصده

زائر

يااااااااااااااااااااه يا عم عمرو
دى انا كنت نسيت الموضوع
عوداحميدا

عمرو البكرى كتب:: اقولك انا الحسب والنسب فى الزمن ده

دلوقتى الفلوس بقت كل حاجة فى الدنيا معاك فلوس هتيقى معاك الحسب والنسب وكل حاجة

تتمناها مبقاش حد يدور على على من عيلة أيه بس معاه فوس قد ايه يعنى واحد أبن مدير أمن

وتعليم عالى وكل حاجة زى واحد معاه ملايين وكمان بصمجى كفة البصمجى هى اللى هترجح

ليه بقى فلوسه هتبقى منصبه وفلوسه تخليه معاه دكتوراه

شكرا على الموضوع

يعنى ا/ عمرو انت تقصد ان الفلوس = النسب

ده طبعا وجهة نظر المجتمع كما تخيلته

لكن هل بالفعل الفلوس تقدر تشترى نسب وإن كان وضيع ؟؟

أحمد صلاح هلالي كتب:: يااااااااااااااااااااه يا عم عمرو
دى انا كنت نسيت الموضوع
عوداحميدا

أنا منستش يا ابو حميد

صباح الفل [ندعوك للتسجيل في المنتدى أو التعريف بنفسك لمعاينة هذه الصورة]

عمر المصري كتب:: [size=29][/size]اولا سلامى للاستاذ عمرو امام واقولك يا عمرو كلمه الحسب من وجه نظرى هى عباره مصطلح او تعود على اسم الكلمه الحسب والنسب لانى الحسب مش وزيررولا خفير هو احترم واخلاق ولالتزام فى حياتنا اليوميه بالصلاه والايمان بالله والرضا بالقسمه والنصيب لازم تعرف اللى ربنا كتبهولك هتشوفوا

تمام يا عمنا

ومنك نستفيد طبعا وشكرا على مرورك العطر

لك وحشة والله يا عمر

اولا موضوع مميز جدا يا استاذ عمرو
ثانيا انا بيتهيقلى ان النسب معناه فى مجتمعنا الحالى بيعنى كل اللى حضرتك قلت عليه
النسب= كثرة عدد العائلة يعنى البنت اللى من عيلة كبيرة واهلها ناس واصلة بتبقى بنت الحسب والنسب
النسب=هو المال والغنى وبرضوا فيه ناس بتبص للموضوع من الناحية المادية وبتبقى الغنية هى بنت الحسب والنسب
النسب=الشرف والكرم ولما البنت بتبقى عفيفة ومن أصل طيب وأهلها ناس محترمة وكرماء بتبقى بنت الحسب والنسب
النسب=حسن المعاملة مع الناس يعنى الناس اللى بتحسن معاملة اللى حواليهم وبيتمتعوا بالمعاملة الطيبة بيبقوا هما دول اصحاب الحسب والنسب

دى كانت عبارة عن مفاهيم بعض الناس للموضوع ده

اما عن رأيى او اللى انا قرأته فى الموضوع ده

المقصود بالحسب والنسب: العائلة الكريمة، والنسب الشريف المعروف. ومن الأمور ‏التي تنكح من أجلها المرأة الحسب، كما قال الرسول صلى الله عليه وسلم: " تنكح المرأة ‏لأربع، لمالها، ولحسبها، ولجمالها، ولدينها، فاظفر بذات الدين تربت يداك" رواه البخاري ‏ومسلم.‏
قال الإمام الشوكاني: قوله: " لحسبها" أي: شرفها، والحسب في الأصل: الشرف بالآباء ‏وبالأقارب، مأخوذ من الحساب، لأنهم كانوا إذا تفاخروا عدوا مناقبهم ومآثر آبائهم ‏وحسبوها، فيحكم لمن زاد عدده على غيره. وقيل المراد بالحسب هاهنا: الأفعال الحسنة، ‏وقيل: المال، وهو مردود بذكره قبله.‏
والله أعلم.‏

وجزاك الله خيرا

boky كتب:: اولا موضوع مميز جدا يا استاذ عمرو
ثانيا انا بيتهيقلى ان النسب معناه فى مجتمعنا الحالى بيعنى كل اللى حضرتك قلت عليه
النسب= كثرة عدد العائلة يعنى البنت اللى من عيلة كبيرة واهلها ناس واصلة بتبقى بنت الحسب والنسب
النسب=هو المال والغنى وبرضوا فيه ناس بتبص للموضوع من الناحية المادية وبتبقى الغنية هى بنت الحسب والنسب
النسب=الشرف والكرم ولما البنت بتبقى عفيفة ومن أصل طيب وأهلها ناس محترمة وكرماء بتبقى بنت الحسب والنسب
النسب=حسن المعاملة مع الناس يعنى الناس اللى بتحسن معاملة اللى حواليهم وبيتمتعوا بالمعاملة الطيبة بيبقوا هما دول اصحاب الحسب والنسب

دى كانت عبارة عن مفاهيم بعض الناس للموضوع ده

اما عن رأيى او اللى انا قرأته فى الموضوع ده

المقصود بالحسب والنسب: العائلة الكريمة، والنسب الشريف المعروف. ومن الأمور ‏التي تنكح من أجلها المرأة الحسب، كما قال الرسول صلى الله عليه وسلم: " تنكح المرأة ‏لأربع، لمالها، ولحسبها، ولجمالها، ولدينها، فاظفر بذات الدين تربت يداك" رواه البخاري ‏ومسلم.‏
قال الإمام الشوكاني: قوله: " لحسبها" أي: شرفها، والحسب في الأصل: الشرف بالآباء ‏وبالأقارب، مأخوذ من الحساب، لأنهم كانوا إذا تفاخروا عدوا مناقبهم ومآثر آبائهم ‏وحسبوها، فيحكم لمن زاد عدده على غيره. وقيل المراد بالحسب هاهنا: الأفعال الحسنة، ‏وقيل: المال، وهو مردود بذكره قبله.‏
والله أعلم.‏

وجزاك الله خيرا

شكرا أخت بوكى لهذا الرد الشافى

أشكر لك توضيح الكلمة من خلال السائد فى المجتمع اليوم مرة

ومن خلال ما هو مقصود فى حديث الرسول صلى الله عليه وسلم مرة أخرى

[size=18]ياعمرو .......جعله الله فى ميزان حسناتك
ايه ياعم المواضيع الجامده دى
كتبت فاصبت وهذا ما التمسه فى كتاباتك
وبايجاز ومن وجهة نظرى ان الحسب اصله المنصب والعز والجاه
اما النسب فهو الاصل والعرق والسلاله والله اعلم ورسوله
[/size]

محمود احمد عبد الفتاح كتب:: [size=18]ياعمرو .......جعله الله فى ميزان حسناتك
ايه ياعم المواضيع الجامده دى
كتبت فاصبت وهذا ما التمسه فى كتاباتك
وبايجاز ومن وجهة نظرى ان الحسب اصله المنصب والعز والجاه
اما النسب فهو الاصل والعرق والسلاله والله اعلم ورسوله
[/size]

والله كلمات حضرتك موجزة ومختصرة لكن فيها الدسم كله

كل كلمة حضرتك بتقول تحمل معانى كثيرة

شكرا أ/ محمود على التوضيح الجميل السهل

» النسب..
» فيس بوك يحطم الشباك بعد عرضه سينمائيا
» الشباك الثاني: بين الريف والمدينة ..
» الشباك الرابع: فترة الخطوبة ..
» الشباك الثالث: نقاط اختيار الزوج أو الزوجة ..