حمار مصري محدود الدخل

حمار و ماشي مدلدل ودنه كالعاده
بيجر عربية حمولتها يجي طن و زياده
غلبان يا عيني متكتف و مسلوب الإراده
لا عمره اشتكى و لا قال للدنيا كفياكي بزياده

ماشي في الدنيا و همومه على كتفه متشالة
لا بيده حيلة و لا يقدر يقول لأ مش راضي بالحاله
الشقا من نصيبه و لا عمره يوم هيرضى يعيش عواله
و لا يقدر يصرخ في مرة و يقول لصاحبه خلاص هقدم استقاله

وأهي ماشية و بكرة تتعدل
قال يعني في يوم هيصحى يلاقي نفسه متبدل

و يبص في مرايته يلاقي أسد أو حصان
مش حتة حمار كحيان

خليك كده يا حمار و عيش
هيجي يوم تطلع معاش و مفيش
مليم معاك يجيبلك و لا حتى رغيف العيش

ماهو لو مكنتش تسعى في شبابك
هتسعى إمتى وانت يا غلبان ضيعت كل ولادك

اللي اتقتل قدام عنيك
و اللي اتخطف من بين إيديك
واللي اتسجن من غير قضاه و لا محكمه
واللي خلاص صابه العمى من كتر ضربه على الأفا

خلص الكلام و حسن الختام هيبقى كلمة صغيره
آن الأوان تصرخ كمان و تقول كفاية ذل و هوان
أيوة كفاية ذل و هوان

المرة اللي جاية نجيبلك فار يا عم أحمد
أنا عارف ان الكلمتين دول لو كانوا عن فار مش حمار كنت هتتمزك منهم قوي
بس عالعموم ملحوقة
و هنجيبلك فار عن قريب ان شاء الله

ههههههههههههههههههههههههههه
ليه بس شيفنى مصيده

لأ شايفك قط زي العسل مش مصيدة ولا حاجة
ثم أنا عارف انك بتحب تنتقم من الفيران
فقلت أعملك كلمتين عنهم بما إنك الوحيد اللي نفعني هنا و عبر الحمار بتاعي
أصله بينهق من يوم الجمعة و محدش عبره غيرك فلازم نردهالك في فار يكون حلو كده و نكتب عنه كلمتين علشان نرد الجميل

معرفشي ليه دائما شعرك ليه مزاق خاص عندي

ليه طعم وأنا بقرأه بحس بيه

حتي ردودك في المنتدي والله بحسلها بطعم وانا بقرأها

ربنا يحفظك ويعزك ودائما موضوعاتك الشعرية جميلة جدا وبتلمس فينا مناطق مختلفة كل مرة

دمت رائعا ومبدعا وجميلا وزي العسل

ربنا يحفك


دعاء جديد ده يا استاذ احمد



وبعدين سيبك من البكش ده
الموضوع بقاله شهر موجود مردتش غير دلوقتى ليه
هقول عليك ايه بس
عسل وخلاص

يا عم أحمد منصور أنا لا شاعر و لا يحزنون
ده شوية كلام بيطلع تفاريح كده كل فين و فين
إنما بقى هتثبتني و تجاملني علشان أعملك موضوع زي اللي هعمله للقماح أقولك لأ أبدا
الراجل ده هو اللي معايا من الأول و طلباته أوامر و مش هينفع تيجي انت كده بعد أربع أيام تمصلح عالجاهز

ده نورك انت يا بشمهندس
و بعدين أنا ماليش في الكلام التقيل ده و على رأي المثل إدي العيش لخبازه و الشعر لشعرائه
و أنا لو كتبت كلمتين ببقى عارف انهم حاجة كده طياري أو عالماشي مش أكتر
وألف شكر يا عم عالتشجيع و دايما منورنا بردودك

محدش عنده شوية برسيم ينوبه ثواب
أصل الحمار خلاص جاله هبوط حاد و يا تلحقوه يا ماتلحقوهوش

مقدرشى اقول غير تسلم ايــــدك
يارب
وبعد كلام احمد منصور (اينعم هو موفاش) بس على قدنا
وانا مش عارف بتجيبو الكلام الحلو دى منين
طب عم اسلام راجل زى النحله
علشان كدا كلامه شهد فالنحله ان اكلت اكلت طيبا
وان اطعمت اطعمت طيبا
واذا وقفت على عودا لا تخدشه ولا تكسره
تسلم يا عم اسلام (نحلة المنتدى)
واما احمد منصور (برطمان عسل)

ألف شكر يا جماعة عالردود اللي تفتح النفس دي
ربنا يكرمكم و يزيدكم
ردودكم شرف لموضوعي و تقدير أزيد من اللازم
و زي ما انتو عارفين ان الواحد لسة في ألف باء كتابة يعني يادوب في حضانة كده و الدفعة دي هتخلي الواحد يكرر المحاولات ان شاء الله