استطلاع رأى للاعضاء بخصوص الجدار الفولاذى % ؟؟

موضوع جميل ..

والله فكرة جميلة يا تيفا _ولا بلاش آخد راحتى _ ؟

(- بالمناسبة ياجماعة محدش يعلق على كلامي مع المهندس مصطفى ولا على كلامة معايا يقول اللي هوه عايزه وانا كمان على راحتي معاه انا اخوه الكبير بجد وهوه الصغير -)

موضوع جميل ..

ومش هتصدق لو قلتلك ساعات أكون محتار فى اللي بنعمله ده وهل انا مع الحكومة ولا لأ يمكن ناس تاخد مني موقف بس انا صعبان عليه الفلسطينيين جدا وفى نفس الوقت عارف ابعاد الموضوع والخطر اللي ممكن نكون فيه والمشاكل اللي ممكن تحصل ورجلينا تيجي فيها بسبب شائعات ممكن يتم ترويجها ويزعزعه الأمن عندنا .....عموماً انا مع التصويت هوه فين؟؟؟

اقتباس :

Amr Emam كتب:

أظن أن الجدار ده له مجرد عملية تمويهية

لان فعلا فى أنفاق تحت الأرض بتمد الغذاء بين مصر وفلسطين

والجدار العازل لن يمنع شئ غير ضغط أمريكا علينا

والله رأى برده سليم وحاجه كانت غايبه عنى انى الجدار ما هو الا قناع مصر هترتديه من اجل توقف امريكا من الضغط علينا
اشكرك لمشاركتك

مهما انبنى الف جدار عازل
عمرهم ميفرقوا بينا طبعا
وانا اويد طبعا بناء الجدار
لحماية الوطن زى ما الاستاذ احمد منصور قال
وطبعا مش معقوله الجدار سواء انبنى او لاء هو ده اللى هيعزلنا عن
فلسطين

لأ طبعا أنا مش معاكم خالص
الجدار العازل ده هيخنقهم و الأنفاق اللي بين مصر و بينهم هي الميه و الهوا للشعب الفلسطيني
و مش عايزين نكرر حتة الأمن المصري دي كتير لأنها لعبة و لعبة سخيفة جدا
لعبتها اسرائيل و حبكتها تمام علشان لما تيجي الأوامر لمصر من أمريكا ببناء العازل نكون مؤهلين نفسيا و نقول سمعا و طاعة ده احنا حتى الباب اللي يجيلنا منه الريح نسده و نستريح و مش مهم الشعب الفلسطيني في ستين داهية نفسي نفسي و على رأي المثل عض قلبي و لا تعض رغيفي

بيتهيألي مفيش حاجة اسمها نبنيه و الأنفاق بردو هتتعمل
لأ يا جماعة الحسبة مش كده خالص
دي اللعبة هيبقالها قواعد جديدة خالص
و الجدار العازل ده هيبقى على عمق عشر أمتار
يعني سدها ميه و نور عليهم و تبقى اكتشفت الأنفاق القديمة كلها و لما يفكروا يعملوا أنفاق جديدة هنكون ليهم بالمرصاد و يبقوا يقابلونا لو رجليهم خطت أرضنا ما هو زمن الهيصة اللي عملوا فيها الأنفاق القديمة خلاص انتهى
بيتهيألي الحسبة كده أو الأوامر كده
مش حكاية أمن و لا نيلة
لأ و لسة الجدار العازل ده هتشوفوا هيخلي سعر الحديد بكام ما هي هيصة و لازم الكل منها يستفيد
ده شعب يا جماعة بياخد أكتر من 60 في المية من اقتصاده عن طريق الأنفاق دي
و مع احترامي مش بياخدوها سرقة و لا بلطجة و لا حتى تبرع
لأ ده احنا مظبطنهم عالآخر و بنديهم السلع بأضعاف أضعاف تمنها
يعني بردو احنا بنستفيد و هاتولي واحد من العريش مثلا و اسألوه عن رأيه و شوفوا هيقول آه و لا لأ
مع العلم ان لو هم خطر يبقى خطرهم عالناس دي و أكثر المتضررين هم بردو الناس دي
لكن الحقيقة ان الأنفاق دي مصدر رزق ناس كتير بردو عندنا زي ما هي أنفاس الشعب الفلسطيني اللي بنخنقها بإيدينا و كأننا بنقول بعلو صوتنا موتوا بقى انتو هتقرفونا معاكم ليه

اقتباس :

ده شعب يا جماعة بياخد أكتر من 60 في المية من اقتصاده عن طريق الأنفاق دي
و مع احترامي مش بياخدوها سرقة و لا بلطجة و لا حتى تبرع
لأ ده احنا مظبطنهم عالآخر و بنديهم السلع بأضعاف أضعاف تمنها

استاذى رأيك فى محله فعلا بس برده معتقدش انى مصر هتعمل حاجه ضد مصلحه اقتصادها طب هتبنى السور على عمق 10 امتار ودا هيكون كفيل بغلق جميع الانفاق
طيب و ما انتا بتقول انى بتبيع وبتستفاد واستفادتها هتكون اضعاف
طيب يبقى هى بتخسر دا من اجل عيون الامريكان ؟؟؟؟
ولا انتا شايف ايه

اللي بيستفيد التجار المصريين
يعني المكاسب بتدخل جيب أشخاص مش هيئات

ينهار ابيض !! للدرجه دى وصلنا !

عاوزين نبنى جدار عازل بينا وبين بعض

حسبى الله ونعم والوكيل

اقتباس :

وبعدين ياريييييييييييييت نعرف عدونا الحقيقى يا جماعة

لأن الناس دى نجحت فعلاً فى تضليلنا

بجد كلمه ممتازة ورأى سليم جدا الفكرة فى مش يتبنى ولا لا
الفكرة انى الموضوع كبير واحنا شربناه
شكرا لمشاركتك