دنيا العطور والمكياج.

[ندعوك للتسجيل في المنتدى أو التعريف بنفسك لمعاينة هذه الصورة]
دنيا العطور والمكياج
[ندعوك للتسجيل في المنتدى أو التعريف بنفسك لمعاينة هذه الصورة]

هنتكلم انهارده عن موضوع يهمنا كلنا
هو مش غريب علينا هو واقع ملموس بنشوفه كلنا

مش هتكلم عن نساء ناضجات يتفنن فى الجلوس لساعات طوال امام المرأه
لرسم معالم لملامحهن التى ضاعت بسبب مستحضرات التجميل

وبرده مش هتكلم عن فتيات بسن المراهقه ( من 12 سنه الى 16 سنه )
مع العلم باننى ما زلت اعتبرهم اطفال وليس فتيات

لكن
هنتكلم عن فتيات لم تتعد سنوات اعمارهن عدد اصابع اليدين
يضعن احمر الشفاه,خصلات ملونه,شئ من مستحضرات التجميل
وكلها اشياء لا تليق ببرأه الوجوه التى غطتها مستحضرات التجميل
وخصوصا وهن بعد لم يتعدين المرحله الابتدائيه
عارف ان كل فتاه تتمنى ان تكون جميله
وكل واحده عاوزه تحس بـ انوثتها

واتسأل
عن السبب فى ترك الفتيات لطفولتهن والجرى وراء صرخات الموضه
وصالونات التجميل والروائح النفاذه
ربما لان كل شئ متاح
اوتوفر بيئه تسمح بـ النضوج المبكر وولوج المراهقه المبكره
او وسائل الاعلام والهوس بالنجوم ومحاولة تقليدهم

كنت معزوم بفرح واحد زميلى وقاعد بالبيت
وفجأه لقيت ( ملك ) بنت اخته جايه بتسلم عليا
كنت عاوز ابوسها بس بصراحه خفت ابهدل الماكياج بتاعها

على فكره ( ملك ) خمس سنين يعنى لسه فى الحضانه

بجد اللى شغل تفكيرى
ايه اللى بيدور بفكر الاطفال دى وهم بيفتحوا ابواب لسه مجاش وقت فتحها
والمفروض ميجيش وقتها الى فى بيتها وبس

عارف ان المشكله فـ الاساس مشكله تربيه
مسئوليه اب وام واسره ومجتمع باكمله
بس سؤالى بقى
من يتحمل النصيب الاكبر من اللوم
هل هى الام التى تبارك هذا الدور الجديد للابنتها وهى تغادر ثوب الطفوله مبكرا
أم هو الاب الذى يبتسم لصغيرته وهى تتزين كما تتزين امرأه مولعه بالرسم على وجهها
!!!!!

زائر

مش عارفه اقول ايبه

يعنى استنى تقولى
ولا اقولك تشرفت بمرورك

بجد والله العظيم

مش عارف اقول ايه بس

موضوع رائع ياعم احمد

بجد فوق الممتاز

وبيتهيألى كان فى وسام من فتره فى المنتدى

للكتابات العامه

انت والله تستحقه النهارده عن جداره
ـــــــــــــــــــــــــــــــــــــــــــــــ

بص ياعمنا

اولا انا بحب دايما اقول اننا اتربينا تربيه خطأ الى حد ما

ومعلش اسمعنى بس وبعدين احكم

يعنى الحمد لله فى تربيه وف دين وكل حاجه

لكن أهلينا يمكن لانهم

كانوا عاوزين يربونا زى ما اهليهم ربتهم

والفرق فى الزمن والاسلوب كبير طبعا

اه الحمد لله

اهلينا كان ليهم الفضل ف انهم يعلمون الصلاة والصيام

والبر والرحمه وكل ما هو خير ونابع من ديننا الحنيف

والحمد لله كانوا مشجعين لينا اوى فى الجانب الدنيوى

يعنى عاوز ابنى مهندس وبنتى دكتورة

بس المشكله مش هو ده بس الدين

ومش هى دى بس الدنيا

وكمان مش هى دى التربيه اللى تناسب جيل اسلامى

عاوزين يرفع رايه الدين ويحرر الاقصى

معلش مش هى ومستحيل تكون هى

بص ياعمنا

التربيه اللى لازم تكون الاهالى حريصه عليها النهارده

على التربيه بالخوف والحب

يعنى مثلا التربيه بالخوف من ربنا

اللى اتربينا عليها كلنا

لو كذبت هتروح النار

لو شتمت هتروح النار

لو عملت هتروح النار

طيب ماشى ده ترهيب فين بقى الترغيب

مش موجود طبعا ...!!!

فين مثلا

يا بنتى يا حبيبتى انتى مش لازم تلبسى

اللبس ده لان ربنا اللى بيحبك ميرضاش ان حد

يشوفك كده

واللى خلقك واللى بيحبك اكتر منى ومن بابا

عارف ازاى تكون غاليه والناس كلها تحبك وتحترمك

ايوه فى ترهيب بس جنبه فى ترغيب

علشان تستقيم الحياه

لكن للاسف غابوا الاتنين الترهيب والترغيب

وحل محلهم والعياذ بالله التربيه الجديده

الاطقم اللى بقت غريبه جدا للاطفال وخصوصا البنات

واللى لو اتربوا عليها عمرهم ما هيقدر يغيروها

والاولاد بقى حدث ولا حرج

اشتم عمك ...ههههههه

اشتم اختك ..اشتم امك

ههههههههههه

ولا حول لوا قوة الا بالله

عرفت بقى ياعمنا العيب فييييييين

العيب فينا احنا والامل برده فينا احنا ياترى هنفوق

ولا هنمشى فى نفس الطريق ..؟؟؟

الله أعلم

تسلم ياعم احمد ومعلش طولت عليكم

بس موضوع مهم اوى

هو العيب على الاهل انهم رضيين
على الموضوع ده والعيب على الام
اولا الام بتوجه الابناء للطريق السليم

السبب ياجماعه هم الاهل

ربنا يهدى الجميع

جزاك الله خيرا ياقماح

تشرفت بمن مر
شكرا لكم

وشكرا ليك يابشمهندس احمد
وبصراحه مش عارف اقول اى تعليق بعد كلامك
وربنا يهدى الجميع

زائر

جزاك الله خيرا
المشكله ان كل اتنين بيتجوزوا بيحضروا كل حاجه فى البيت
لكن بينسوا ياهلوا نفسهم للمسؤليه اللى هتنتظرهم.يعنى الاغلبيه متخيلين انهم اكيد
هيعرفوا يربوا اولادهم هى معجزه يعنى دى حاجه كده بالفطره
وحقيقى حاجه تدعو للاستغراب
وكان علم اصول التربيه ده ملوش لازمه
طيب هو ليه اتعمل لما الكل هيعرف يربى بالفطره
هو احساس الابوه والامومه هو اللى بالفطره لكن التربيه الصح محتاجه تعلم
بصراحه ده قصور عندنا قليل اوى اللى بيفكر يشترى كتاب عن اصول التربيه ويتعلم منه
وبيتعاملوا مع الموضوع نفسه على انه فكره سخيفه مع ان الموضوع نفسه صعب جدا
والتعامل مع النفس البشريه صعب جدا ومحتاج معرفه والقرءان نفسه ذكر ان النفس البشريه معقده
والله الاباء والامهات "باستثناء القليل"محتاجين دروس فى علم التربيهلان ممكن يضروا اولادهم
وهما مش عارفين برد فعل غلط او تصرف غلط
يعنى الطفل غير المراهق........كل واحد ليه نفسيه معينه المفروض نفهمها كويس
اسفه على الاطاله
لكن الموضوع مهم جدا

الاباء والامهات هما السبب

ومش بس العطور والمياجات

الاب او الام لما بنتهم تبدى تمشى وتقدر تسلب طولها يجبلها فستان عروسه ابيض وتروح تبارك وترقص فى الافراح

ياعنى خلاص صابحه تتجوز

لا حول ولا قوة الا بالله

مليون في الميه الأسرة ليها دور في الموضوع
بسي السؤال هو:
كيف نتغلب علي تلك المشكلة التي موجودة في مجمعتنا؟
ياريت نسمع أراء الأعضاء

اقتباس :

طبعا الاب
لانه اساء اختيار الزوجة الصالحه من البداية
أي مصيبة يتحملها الاب لانه هو من اختار وطبعا أب بنته كده اكيد امها كده
وعلى فكرة الموضوع ده ملوش حل غير ان لما البنت تكبر وربنا يهديها
تعلم امها !!

شكرا لمن مر واضاف
نورتونا ياجماعه

نحن نفتقد الرجوله

فى البيت

اين الاب

اين الأخ

ومن يترك أمه اوزوجته اوابته

تخرج متبرجه مستعطره

فلا نقول عليه إلا

ديوس

ليس عنه رجوله ولاغير على اهله

سواء كانت البنت صغيره اوكبيره

لابد ان تربا تربيه اسلاميه

صحيحه من صغرها

لان هذا الامر مما عمت به البلوى

ونسأل الله الهدايه

شكرا لمرورك ياشيخ احمد
وردك الرائع ده
تسلم

» شقتك دنيا العطور.
» أخر العطور وصورها مع معلوماتها
» صديقتى دنيا
» محتا ر فى دنيا الهوى
» عذرا يا دنيا الجنة تنادينى