د/محمد عبدالعليم زايد أخو د/أحمد ، ود/على وابن أ/عبدالعليم

زائر

تذكير بمساهمة فاتح الموضوع :

السلام عليكم يا إخوانى الكرام

خبر انتشر فى البلد اليومين اللى فاتوا

لكن انا متأكد إن الناس هنا على المنتدى الكثيرين منهم لم يعلموا به

وذلك لكون الناس هنا من العقليات المحترمة

التى تحترم أنفسها وتحترم الغير

الخبر جالى عن طريق 2 من حبايبى أ/عمرو ، م/أمير

قالولى ده الناس بتقول كذا وكذا

و ....

طيب مانيجى نعرف الأول إيه الخبر

:

الخبر العمراوى بيقول

أن هناك شخصاً ما على الفيس بوك من العمار

سب أصدقائه وزمايله اللى من سنه

وسب أمهاتهم وآبائهم

وقال كلام منافى للأخلاق عن الكثيرين

كل ده ومش جديد لكونه اتكرر قبل كده

والناس مبقاش عندها حدود تقف عندها

وصاحب الصيت هو صاحب القدرة الأكبر على الوثب عالياً فوق تلك الحدود

..

كل ده برضه مش جديد علينا

لكن اتهام شخص فى حجم ( د/محمد عبدالعليم زايد ) فرقة أولى طب بنها بإنه عمل حاجة زى دى

خلى الموضوع بقى الضاحك الباكى

زى ما الواحد حزين على طريقة التفكير المريضة من الشاب كاتب الموضوع على الفيس بوك

برضه الواحد بيضحك على تلقيح الكلام على د/محمد

هاكمل كلامى بس فى مساهمة جديدة

على فكره ياجماعه المقاتل الشرير الى كان بيشتم
الاكونت بتاعه اتلغى
طبعا كلنا بقينا نبلغ ادارة الفيس بوك بردوده المستفزه بتاعته وغلطه فى الناس
انطرد من الفيس بوك
عشان دورت دلوقتى على ردوده عشان ابعتها لاحمد منصور
لا لقيت ردوده ولا لقيت له صفحه انكنس من على وش الفيس بوك

لا ليها حل تاني يا دكتور

الشخص ده لو راح إعتذر للأشخاص اللي أساء ليهم

يبقي أولا طهر نفسه من ذنب القذف لو هما قبلوا إعتذاره

تاني حاجة هيكبر في عيون الناس لإنه إعترف بخطأه وأبدي ندمه علي تهوره وإندفاعه

ثالث حاجة يبقي حمي مستقبله من الضياع بسبب القضية اللي ورط نفسه فيها

رابع حاجة يبقي حمي إسمه في البلد لإنه خلاص المسألة مسألة وقت ويتعرف وتبقي سيرته

وسيرة كل قريب ليه علي كل لسان في العمار

بجد والله الفرصة في أيده ولو هو هيقرا كلامي ده ومستعد ينفذه أنا مستعد أروح معاه لكل شخص

هو شتمه ونسترضيه وربنا يهديه ويهدينا جميعا ان شاء الله ومفيش حد مبيغلطشي

لكن المهم يكون عنده النية للرجوع للحق بصدق

زائر

احمد القماح كتب:: على فكره ياجماعه المقاتل الشرير الى كان بيشتم
الاكونت بتاعه اتلغى
طبعا كلنا بقينا نبلغ ادارة الفيس بوك بردوده المستفزه بتاعته وغلطه فى الناس
انطرد من الفيس بوك
عشان دورت دلوقتى على ردوده عشان ابعتها لاحمد منصور
لا لقيت ردوده ولا لقيت له صفحه انكنس من على وش الفيس بوك

هو ده مصير الزبد .. الكنس

..

شكراً للإهتمام من جانب الإدارة

أ/القماح ، أ/أحمد منصور

ده واحد جبان ابن جبان و انسا حيوان وبلاش اغلط فيه اكتر من كده اللى يغلط فينا و فى امهات اصحابى ميستهلش انه يتقال عليه غير انه .......

و بجد الحد ده لو متعرفش يبقى حظه حلو اوى لأنه لو اتعرف

الله اعلم احنا ممكن نعمل فيه ايه

مشكور على موضوعك و اهتمامك يا دكتور

اقتباس :: تاني حاجة هيكبر في عيون الناس لإنه إعترف بخطأه
وأبدي ندمه علي تهوره وإندفاعه

و حضرتك فاكر ان بكده لو عمل اللى حضرتك بتقوله ده يبقى كل حاجه هتنتهى؟؟

زائر

RoMiO. كتب:: ده واحد جبان ابن جبان و انسا حيوان وبلاش اغلط فيه اكتر من كده اللى يغلط فينا و فى امهات اصحابى ميستهلش انه يتقال عليه غير انه .......

و بجد الحد ده لو متعرفش يبقى حظه حلو اوى لأنه لو اتعرف

الله اعلم احنا ممكن نعمل فيه ايه

مشكور على موضوعك و اهتمامك يا دكتور

منور يا باشمهندس

وانا عازرك والله فى كل كلامك

وعارف قد إيه الزعل والغضب اللى جواك

وبعد اللى قريته فى كلامك

هاقول يارب استر عليه بسِـترك

الأكونت بتاعه لسة موجود لكن غير متاح للزائرين ..

حضرتك عارف ان الواحد صعب يكره حد لأن الكره ده حاجه و حشه اوى بس الواد ده و الله مكروه بجد خلى البلد كلها تكرهه

تسوى ايه اما ام تسمع انها اتشتمت بسس حاجه اسمها نت

و الا ام تسمع كلام مش صح على بنتها ؟؟؟ تخيل كده ممكن تعملها ايه

هى مش هتبص مين اللى كتب
اول حاجه هتبصلها انها تطلع عين اللى خلفوها الاول

كفايه دعوه الناس اللى اتكتب عليهم و هما بيدعو عليه كده

اكيد طبعا ده مش محمد اللى عمل كده
انا اعرف على كويس جدا وعلى لايختلف عليه اتنين
وكذلك اعرف محمد من اصحابه
انه شخصية محترمة جدا
اكيد اللى عمل كده انسان حقير
ومش من العمار

زائر

أحمد منصور كتب:: لا ليها حل تاني يا دكتور

الشخص ده لو راح إعتذر للأشخاص اللي أساء ليهم

يبقي أولا طهر نفسه من ذنب القذف لو هما قبلوا إعتذاره

تاني حاجة هيكبر في عيون الناس لإنه إعترف بخطأه وأبدي ندمه علي تهوره وإندفاعه

ثالث حاجة يبقي حمي مستقبله من الضياع بسبب القضية اللي ورط نفسه فيها

رابع حاجة يبقي حمي إسمه في البلد لإنه خلاص المسألة مسألة وقت ويتعرف وتبقي سيرته

وسيرة كل قريب ليه علي كل لسان في العمار

بجد والله الفرصة في أيده ولو هو هيقرا كلامي ده ومستعد ينفذه أنا مستعد أروح معاه لكل شخص

هو شتمه ونسترضيه وربنا يهديه ويهدينا جميعا ان شاء الله ومفيش حد مبيغلطشي

لكن المهم يكون عنده النية للرجوع للحق بصدق

معاك فى كل اللى قولته يا أ/أحمد

بس الناس ليها حق تقبل الإعتذار وليها الحق فى إنها ترفضه

وليها الحق لمّا ترفضة تطلب ( حقّها )

معايا يا أ/أحمد

..

احتمال إنه يكون من بره البلد يا سعيد وارد

بس صعب

بره البلد ايه

بره البلد وعارف اللى عارفه ده

والله يا دكتور أنا مقرأتش الشتايم ومعرفشي الموضوع وصل لفين

لكن والله بشفق علي اللي عمل كدا من نفسه .. إن النفس لأمارة بالسوء

وعموما يا دكتور كان فيه أكتر من كدا ألف مرة ومش مجرد سب والله

لكن ربنا ألهم الناس العفوا والتسامح وكل حاجة خلصت بهدوء

عموما .. كل نفس بما كسبت رهينة

زائر

بعد إذنك يا أ/احمد هاقتبس منك الصورة دى

[ندعوك للتسجيل في المنتدى أو التعريف بنفسك لمعاينة هذه الصورة]

..

أستغفر الله العظيم من كل ذنب عظيم .
للأسف اللى يكتب ويقول هذه الأقاويل على الناس ، ميعتبرش انسان ولا عنده أى مبادىء من الأسلام ، وأحتمال كبير يا جماعة يكون مريض نفسياً ، أو يواجه مشاكل كثيرة ، أو ضغوطات ما ، معلش يا جماعة أنا بحاول أفتح باب الأعزار بهدف أعتذار هذا الشخص زى ما قال أ/ أحمد منصور ربنا يكرمه يارب .
بس مش معقول شخص سليم يفعل مثل هذه الأفعال المشينة والغير متصلة بأداب الأسلام نهائياً .
الحكاية صعبة شوية بس معلش يا جماعة ، لو الأمر وصل أننا نقف جمب هذه الشخصية للرجوع إلى الصواب والطريق الصحيح يبقا مفيش مشكلة .
ويمكن يكون اللى حصل ده يكون سبب فى فوقانه ورجوعه إلى الى طريق الهداية .

زائر

لو طلع زى ماقولت يا كابتن أيمن إنه مريض نفسياً

يبقى أكيد الناس كلها هاتعذره

المهم يا جماعة أخونا محمد عبد العليم ما يشغلشي نفسه ولا حد في البيت يشغله بالكلام ده

ويركز في إمتحاناته والحقوق مش بتضيع ابدا

وربنا يوفقه يارب هو كل أبناء دفعته

زائر

أحمد منصور كتب:: المهم يا جماعة أخونا محمد عبد العليم ما يشغلشي نفسه ولا حد في البيت يشغله بالكلام ده

ويركز في إمتحاناته والحقوق مش بتضيع ابدا

وربنا يوفقه يارب هو كل أبناء دفعته

كل اناء بما فيه ينضح
بيت الأستاذ عبد العليم زايد معروف للناس كلها
الدكتور أحمد ومحمد وعلي معروفين للناس كلها
الدكتور عبد الحميد الله يرحمه معروف للناس كلها
امر مش محتاج توضيح ولا مزايدة
البيت الكويس في العمار كلنا عارفينه والبيت المنحط كلنا عارفينه
والتصرف ده لازم نقف عنده.. انا ضد ا/احمد منصور اني يعتذر ويكبر في النظر الناس
هو بعد الكلام ده يبقي فيه اعتذار ..اعتذار ايه اللي يصلح شرف وسمعة اتمست
لازم الشخص ده يتعرف وساعتها مش مجرد اننا نعرفه او نعاتبه الموضوع لو يوصل لقعدة حق مع أهله عشان يتأدب ....
أنا عايز أقول لأي حد مسته كلمة أن الابتلاء سنة في الخلق وأمنا السيدة عائشة أبتليت والسيدة مريم أبتليت ...والزمن أثبت مين كان الشريف.. أمهاتنا ولا الكلاب اللي اتكلموا عليهم
مش بقولكم الكويس معروف والمنحط برضه معروف.....

ربنا يهدي

(( إن الذين جاءوا بالإفك عصبة منكم ))

اللهم لا مزايدة عما جاء بمساهماتكم عن اخلاق أطراف القضية

ومن اعرفهم ومن عاملتهم هم أكثر الناس خلقاً واطيبهم لساناً وأقربهم للتواضع

ولكن كما أوضح الأخ احمد فتحي آنفاً أننا لابد ان نقف فى وجه هذة الظاهرة ونضرب على أيدي من حاكوها وفعلوها وليكن ذلك رادعاً لن المر جلل خطير ولا يُمحى بالإعتذار فكما بلغني من معلومات قليلة عن الموضوع أن الأمر ربما تطاول حتى وصل الى السيدات والنساء والآباء وهذا مالانقبله أبداً ولا نرضاه ...وحسبنا كما قلت أن أكرم النساء أبتلين بالمثل ويكفينا حادثة الإفك وغيرها ...

وأقول لكم علها وقفة حتى يميز الله الخبيث من الطيب .

اقتباس :: د/محمد عبدالعليم زايد أخو د/أحمد ، ود/على وابن أ/عبدالعليم

أحبكم فى الله

ثلاثة أخوات ربنا يحميهم أعرفهم حسن المعرفة وأحبهم كثيرا فهم فى منزلة الاخوات ..

والاستاذ عبد العليم زايد الرجل المثقف الفيلسوف الذى أعتز أنى أعرفه فهو غى منزلة الاب ..

د/محمد لا اصدق باى حال من الاحوال..

بحبك يادكتر محمد ياعسل...

كله بيقول رايه من الناس المحترمه اللى ع المنتدى بس ده انسان حقير وان امى تتشم كده مش هتعدى ومش تهويش او كلام لما الكلام بيوصل ان والدتى تتشم كده وبالطريقه دى والله العظيم مش هتعدى والموضوع كبر وخلاص ومش تهويش لان البلاغ اتقدم والناس عماله تقول انى البلاغ اتقدم واساسا ميعرفوش مين اللى عمل كده لان والدى اللى وصله الكلام تصور كده لما والدتك يوصلها الكلام اللى هيحصل يبقى شكلى ايه انا اساسا مش هعديها لان دى امى والموضوع مش هسعدى بالساهل كده مش انا واخويا اللى نتشتم من انسان حقير معندوش اى دين ولا يعرف عن الاحترام شىء واتقال انه محمد عبد العليم والكلام ده مش صح لان محمد حبيبى واتقال كمان اننا اللى طلعنا الكلام ده للكن الدكتور احمد عبد العليم كان معايا ع التليفون وقت طويل وعارف منين اللى طلع الكلام ده كويس احنا اه اتشتمنا بوالدتنا انا واخويا بس مش هنفترى ع الناس ونقول انهم عملوا كده احنا عارفين مين الناس دى انا بتكلم على احمد عبد العليم يعنى اخويا الكبير واحمد حبيبى س فى انسان دخل عمل حوار وقال انه مش عارف مسن اللى طلع الكلام ده بس دكتور احمد عارف الحقيقه ولو كنا شكين فى اى حد

كل واحد يحط نفسه مكانى ويعرف ان والدته اتشتمت كده هيعمل ايه بس عنرنا ما نطلع كلام على ناس محترمه والانسان الحقسر اكيد عارف نفسه ودكتور احمد عبد العليم دلوقتى عارف مين اللى عمل كده وتانى حاجه رد الانسان المحترم احمد السيد بقله عيب الكلام اللى انت كتبه ده ونفكر الناس بالكلام

اقتباس :

زائر

ازيك ياباشمهندس أحمد

انت بتتكلم فى إيه

كلنا هنا واحد .. ووالدتك مش والدتك انت بس

والدتك كانت أستاذتنا كلنا فى الثانوى

يعنى تقريباً كل الناس اللى على المنتدى كانوا تلامذة عندها

وانا واحد من الناس دى ، وم/أحمد فتحى ، وم/أحمد عبدالعزيز ، وم/أحمد السيد ،

ود/حسام البكرى ، وأخويا أحمد ، ود/على وأخوه د/أحمد وووووووووووووووووو

وكل الناس المحترمين كلهم تلامذتها ..

والعيب لمّا ييجى من أهل العيب ما بيبقاش عيب

لكن حقك .. حقنا كلنا .. وزى ما قلتلك والدتك .. أم لينا كلنا

وأى أم فى العمار هى أمنا كلنا وانا عرفت بعض الأمهات اللى اتشتموا

والله اللى شتم نقّى أحسن أمهات فى البلد وشتمهم

يمكن إحساس بالنقص

يمكن زى ما قال كابتن أيمن مريض نفسياً

أو أو أو

وأحييك قوى على كلامك العاقل جداً

رغم ظروف زهقك وغضبك

:

واتقال انه محمد عبد العليم والكلام ده مش صح لان محمد حبيبى واتقال كمان
اننا اللى طلعنا الكلام ده للكن الدكتور احمد عبد العليم كان معايا ع
التليفون وقت طويل وعارف منين اللى طلع الكلام ده كويس احنا اه اتشتمنا
بوالدتنا انا واخويا بس مش هنفترى ع الناس

..

بجد انت انسان محترم قوى يا باشمهندس

ودى مش جديدة لا عليك ولا على د/محمود ماهر

ولا على بيتكم الكريم

ذرية بعضها من بعض

..

بالنسبة لكلام م/أحمد السيد

احنا اتكلمنا عن ده قبل كده خارج المنتدى

لكن عمر ما الظن راح لحد من الناس المحترمين يا باشمهندس

..

تحية لك وللدكتور من القلب

ومعكم فى كل شىء

فى البداية شكر للدكتور ايهاب على الموضوع

والله الواحد بيتالم لما يسمع كلام زى ده

واتذكر حكمة تقول
1. ( اتق الله بعض التقى وان قل واجعل بينك وبين الحرام سترا وان رق
واتق المعاصى فى الخلوات فان الشاهد هو الحاكم )
فطبعا الانسان بيعبر من خلال كلامه عن بيئته وعن نفسه
والناس اللى اتهانت دى غنية عن التعريف واكبر من الصغائر دىة

» فيديو محمد ونبيلة أولاد الحاج عبدالعليم رضوان عمدة منشية العمار
» جنازة الشيخ ابن عثيمين وابن باز وابن جبرين مؤثر جداااااااااا
» أجمل خطوبة لأجمل عريس .. الدكتور أحمد عبدالحميد زايد
» تهنئة من القلب للشاعر / أحمد حسن محمد
» م/أحمد محمد فتحى حمدى تهامى الهيو :)