يبقى أكيد بتحبها

أروع حاجه فى الدنيا هى

الحب

كلمه من غيره مفيش حياه.... كلمه ليها الف طريقة تعرفها بيها....كلمه ربنا وضعها فى قلوبنا عشان تنقيها....

كلمه ملهاش سن معين تبدأ فيه وملهاش سن معين تنتهى عنده...

كلمه بتدخل قلبك (خطف) تريحك وده شىء ممتع وتتعبك وده شىء أكتر من ممتع

حب الطفوله

لما تروح ليها المدرسه وانت لابس اشيك حاجه عندك وتتئكد انى معاك اكبر عدد من السندوتشات
فى شنطتك عشان تديه سندوتش وتفضل تتحايل عليها لحد ما تخده منك

ولما تدخل درس بخمسين جنيه فى الشهر لمجرد انك هتشفه ساعتين زياده فى اليوم

ولما يبقى نفسك تقتل المدرس (الإحتياطى) الى ضربها علشان بتتكلم لإنه لو كان يعرفها مستحيل كان يلمسها

ولما توهم نفسك طول الوقت إنها مش شايله عينها من عليك

ولما تجرب معها كل الشخصيات يمكن تلفت انتباهها
مره تعمل بلطجى ومره هادى ومره مثقف ومره محترم بس كله من غير فايده

لما تذاكر عشان تثبت لها انك شاطر
وإنك قاعد (أه) فى اخر دكه لكن مش أقل من الواد حسين اللى قاعد جنبه فى الأول وهاتك يارغى معاها

يبقى اكيد بتحبها

وكبرت شويه وفهمت

لما اليوم يعدى من غير ما تشوفها بتعتبر نفسك معشتوش

ولما تكون عايز تشفها كل دقيقه وثانيه عشان تتأكد انها مش مشغوله بغيرك

ولما تموت من الغيظ لو ضحكت مع حد تانى

ومن غير تفكير رحت وخبط على الباب
وتقدمت ليها ورحبو بيك
وكإنك إتولت من جديد

ولما تكون عايز تطير وتحضن كل اللى فى الشارع بعد ما وفقت عليك وقلتلك إنك مفيش حد زيك فى الدنيا دى كلها

ولما تعمل ضحكته رنه لموبيلك

ولما تكون أول واحد فى الدنيا يعرف نتيجتها

ولما تكون عايز تروح تحت بيتها بالليل عشان تعرف انك مش لوحدك اللى سهران بتفكر

يبقى أكيد بتحبها

حب سنوات الجواز الأولى

لما تكون أسعد لحظة فى حياتك وإنت ماسك إيدها قدام الناس كلها ومش حاسس إنك بتسرق حاجه

ولما تحمد ربنا سبحانه وتعالى إنك مش مصدق نفسك إنى اتقفل عليكوا باب واحد

ولما تكون بتعد الدقايق اللى بتقضيها فى شغلك الممل عشان تلحق ترجع ليها

ولما تتمنى النوم( رغم تعبك) يبعد عنك ولو دقايق عشان تقضيهم جنبها

ولما تفضلو تتخنقوا بين رغبتها فى ولد يكون شبهك وبين رغبتك فى بنت تكون نسخه منها

ولما تشوف إسمها يظهر على موبيلك

( مراتى حببتى) لو اتأخرت شويه فى الشغل

ولما تبقى إنت كل اللى ليها فى الدنيا وهى مركز الكون بالنسب ليك

ولما الساعة اثنين بالضبط تتصلى بيك وتسألك سؤلها الجميل حبيبى هتاكل إيه إ نهارده

ولما يجى عيد ميلاده وتحطلها ورد مكانك فى السرير وهديه على باب الشقه وفى كل ركن تكتب لها رسالة حب

يبقى اكيد بتحبها

حب ما بعد الستين

لما تقولك انا نفسى ربنا سبحانه وتعالى يدينى عمرى على عمرى عشان اقضيه تانى جنبك

ولما تشوفها وهى بتهتم بهدومك وبشرباتك وإنك ديما تكون فى احسن صوره قدام كل الناس

ولما تشوف الفرحه فى عنيها وانت لس فاكر عيد جوازكوا

ولما تسمعها وهى قفل الباب عليها مع احفدكم وتقول
لهم إنك أحسن راجل شافته فى حياتها

ولما تصح قبلك وتضرب مشوارلحد للبنك
عشان تقبضلك المعاش

يبقى أكيد بتحبك وبتحبها

فى كل وقت وكل زمان دايما هتلاقى مصدر سعدتك
فى بيتك مع اولادك ومراتك
هو
الحب

إن شاء الله أنتظرونا
فى لجنة الفتاوى
عشان نعرف
رأى الشرع والدين فى
الحب
أحبكم فى الله
والسلام عليكم ورحمة الله وبركاته

ههههههه

جامد أوى

أدينى عنيك ياشيخ أشوف بيها الحب وردى كده

ربنا يجازيك خير

لا يا أحمد

مش عين وحده

خد عيونى

انا عاوز اقول حاجه

وعمنا احمد ميزعلش بس

انت عشت الاحاسيس دى

لانى بجد صعب تتكلم عليها من غير ما تكون عشتها

والله مش بدبسك ولا حاجه

ههههههههههههههه

ومتخفش أم فاطمه مش هتعرف

بس قول عشتها صح ... [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: لما تروح ليها المدرسه وانت لابس اشيك حاجه عندك وتتئكد انى معاك اكبر عدد من السندوتشات فى شنطتك عشان تديه سندوتش وتفضل تتحايل عليها لحد ما تخده منك

اقتباس :: ولما تدخل درس بخمسين جنيه فى الشهر لمجرد انك هتشفه ساعتين زياده فى اليوم

اقتباس :: ولما يبقى نفسك تقتل المدرس (الإحتياطى) الى ضربها علشان بتتكلم لإنه لو كان يعرفها مستحيل كان يلمسها

اقتباس :: ولما توهم نفسك طول الوقت إنها مش شايله عينها من عليك

اقتباس :: لما تذاكر عشان تثبت لها انك شاطر
وإنك قاعد (أه) فى اخر دكه لكن مش أقل من الواد حسين اللى قاعد جنبه فى الأول وهاتك يارغى معاها

كلنا هذا الرجل ..

هههههههههههههه

انت يا أحمد جوابت

عنى وعن نفسك

وعن كل شاب له

احساس عالى

عندما قلت كلنا هذا لرجل

ولا ايه

وبعدين مفيش إحراج ولا حاجه

زائر

الله .ايه الكلام الحلو ده كله
اللهم لا حسد [ندعوك للتسجيل في المنتدى أو التعريف بنفسك لمعاينة هذه الصورة]
لكن حضرتك فتحت نفسنا على الحب والزواج
ربنا يرزق كل ولد بالزوجه الصالحه
وكل بنت بالزوج الصالح

تسلم ايدك ياعم احمد
والله كلام رائع

شكرا ياقمحاوى

مرورك زدنى شرف

[ندعوك للتسجيل في المنتدى أو التعريف بنفسك لمعاينة هذه الصورة]

فينك يااااااااااام بطوط

ايه دة انا كدا لازم وحتما ولبد اخلى ام بطوط تقرا الكلام دة بكرة

loka كتب:: الله .ايه الكلام الحلو ده كله
اللهم لا حسد [ندعوك للتسجيل في المنتدى أو التعريف بنفسك لمعاينة هذه الصورة]
لكن حضرتك فتحت نفسنا على الحب والزواج
ربنا يرزق كل ولد بالزوجه الصالحه
وكل بنت بالزوج الصالح

ادعيلك

ربنا يرزقق بالزوج الصالح الى يسعدك

وادعى للشباب ربنا يرزقهم بالزوجات الصالحات

الى يسعدوهم

أنا شاكر لمرركم

ميه ميه
عيني وانا شايفه عايزه تاني ايه ؟
تسلم ايدك يابو حميد

الطير الباكي كتب:: [ندعوك للتسجيل في المنتدى أو التعريف بنفسك لمعاينة هذه الصورة]

فينك يااااااااااام بطوط

ايه دة انا كدا لازم وحتما ولبد اخلى ام بطوط تقرا الكلام دة بكرة

احن كتبناه سوى

حماده ايفا كتب:: ميه ميه
عيني وانا شايفه عايزه تاني ايه ؟
تسلم ايدك يابو حميد

تسلم ياجمبل

وشاكر للمرورك

الله لو الحياة تبقى بالشكل دا

ويااااااه لو كل الدنيا تبقى كدة

بجد موضوع فوق الرائع

ربنا يكرمك يارب.........

بجد ربنا يبارك لك ويابخت ام فاطمه بيك
متشكرين

زائر

والله حرام عليك يا شيخ احمد

طب اصبر لما نتجوز ولا حتى نخطب
طب بالله عليك انا بعد ما سمعت كلامك الحلو ده
اعمل ايه
اصوم
ههههههههههههه
مش نافع
كلام كبير اوى علينا واحنا مش حمل الكلام ده دلوقتى
ههههههههههههههه
عمتا لو سمحت يا شخنا اخد الموضوع كوبى واسيفه عندى على الجهاز
علشان لما اخطب او اجوز اراجع منه [ندعوك للتسجيل في المنتدى أو التعريف بنفسك لمعاينة هذه الصورة]
شكرا على الموضوع

مشاء الله المنتدى قالب على الحب بشكل غير عادى

الحب عمره مكان بالكلام

طب اصبر لما نتجوز ولا حتى نخطب
طب بالله عليك انا بعد ما سمعت كلامك الحلو ده
اعمل ايه
اصوم
ههههههههههههه
مش نافع
كلام كبير اوى علينا واحنا مش حمل الكلام ده دلوقتى
ههههههههههههههه
عمتا لو سمحت يا شخنا اخد الموضوع كوبى واسيفه عندى على الجهاز
علشان لما اخطب او اجوز اراجع منه
شكرا على الموضوع

ماتيجى يا اخ احمد نصوم من بكره او نخليها حت اثنين وخميس طول السنه

تسلم ياحمد على الكلام الجامد اخر حاجه ده

sendirella كتب:: الله لو الحياة تبقى بالشكل دا

ويااااااه لو كل الدنيا تبقى كدة

بجد موضوع فوق الرائع

ربنا يكرمك يارب.........

ممكن نخليها
كده با الحب
والتفاهم
وانا شاكر لمرورك

زائر

الله اكبر

ربنا يحميكم ويخليكم لبعض ويخليلكم فاطمه بنتكم وتجوزوها وتشوفوا اولاد اولادها يارب

ICL كتب:: الله اكبر

ربنا يحميكم ويخليكم لبعض ويخليلكم فاطمه بنتكم وتجوزوها وتشوفوا اولاد اولا
ربنا يكرمك ويبارك فيكى

وعقبال ما نفرح بيكى

وكمان نفرح باأولادك الجمال

شاكر لمرورك
دها يارب

حلوه الروح دي

» يبقى انت أكيد .. أكيد ..أكيد .. فى منوف ...
» يبقى انت أكيد أكيد في مصر
» بتحبها؟؟؟؟؟؟؟؟؟؟؟؟؟؟؟؟
» ايه اكتر حاجة بتكرهها أو بتحبها في نفسك
» المشهد الاخير أكيد دا .. عبرة لكل عنيد