الحلقة الثانية عشر (عضو مفجأة ) 2010

بسم الله الرحمن الرحيم

أولا كل سنة وأنتم طيبين وأن شاء الله تكون سنة 2010 سنة سعيدة عليكم وعذرا على التأخير فى أنطلاق

الحلقة الثانية عشر من برنامج حوار صريح وذلك نظر لثقل العضو المستضاف فى هذه الحلقة لانه ليس بعضو

ولكن لمدير من مديرين المنتدى العضو الذى يهل علينا كالقمر فى كل حين وأخر العضو الذى أذا تم ترشيحه

لصاحب أجمل خلق وأجمل ابسامة واجمل لباقة فى الكلام يفوز بالمركز الاول بدون منازع أنه العضو الذى

يحمل الفكر المتحضر ويحمل الكثير والكثير من السمات التى لا يتصف بها ألا واحد فقط وهو استاذى القدير

الاستاذ أسلام طلعت

[ندعوك للتسجيل في المنتدى أو التعريف بنفسك لمعاينة هذه الصورة]

يا عم عمرو والله كلامك ده كتير جدا على واحد غلبان زي حالاتي
و تأكد ان القلوب عند بعضها وانت لو شايف اني كده فأنا شايفك وشايف كل إخواني اللي هنا أكتر من كده بكتير كمان
ربنا يديم الود والمحبة بينا دايما
ووجودي في موضوعك هو اللي شرف ليا مش الموضوع اللي هيتشرف بيا
أنا عارف ان اللي بتستضيفه هنا بيبقى يا ويله و بتكتر عليه السكاكين وآدي القماح سن سكينته و ربنا يستر

هههههههههههههههههههههههههههههه

يااااااااااااااااه واحشني مووووووووت مووووووووووت يا إسلام

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههه
كان الله فى العون

هو صحيح كما تدين تدان
لكن أنا ما سنتش سكينتي على حد هنا خالص غير أحمد منصور
و طبعا العفو من شيم الكرام
وأنا معرفش عنك يابوحميد غير الكرم و الجود

أناشد أصحاب القلوب الرحيمة و الأقلام الهادئة فقط أمثال أحمد صلاح بالدخول هنا و ممنوع اصطحاب الآلات الحادة و السواطير و المشانق رأفةً بالمسكين
اللي اتدبس و دخل الخية مش برجليه ولا حاجة لكن هيعمل ايه بقى في اللي زقه هنا ووقع غصب عنه ولا حد سمى عليه

مش صح خالص
و ظنك طبعا في غير محله
الموضوع و ما فيه ان أحمد أول مولود قعد معايا سنة و شهرين و بعدين عمر نورنا
لما عمر اتولد فرحتي بيه ما كنتش تقل ذرة عن فرحتي بأحمد ولا حبي ليه يقل عن حبي لأحمد
لكن السن هو اللي يحكم
كان ساعتها أحمد بيتكلم و يبوس و يلاغي و أقوله اضرب عمك أحمد منصور يضرب إنما عمر كان لسة مولود لا بيهش ولا ينش فعلشان كده كان أحمد دايما ملازمني لما نتقابل بس مش أكتر
دلوقتي بقى عمر هو اللي ملازمني أكتر لأن أحمد بقى ليه اهتمامات تانية زي اللعب إنما عمر مرتبط بيا دلوقتي أكتر و لو علشان صور أحمد أكتر فده لأن عمر شقي شوية و صوره على طول مهزوزة بس ايه رأيك في صورة القرد اللي عمر متصور معاه؟ شوفتها؟

بخصوص أول قصة حب فمن غير كلام كتير ووجع قلب أول قصة حب هي آخر قصة حب و تفرع منها كمان قصتين حب زي العسل

لأ ده انت فاضي بقى و عايز قصص و حكاوي

الشتيمة تلف تلف و ترجع على صاحبها بس للأسف ده مش مبدأي و الموقف نفسه هو اللي هيحدد أنا هعمل ايه
يعني لو أنا غلطان هعمل نفسي مش واخد بالي أما لو أنا على حق أو اتشتمت كده وخلاص هطلع عين اللي جابوه حتى لو كان مين حتى

المشاكل الكبيرة كتير قوي ولو حكينا عنها عايزين كذا يوم
بس مفيش مانع أحكي عن خناقة كانت بين امياي و العمار
وأنا راجع كالعادة من الشغل و أبويا راكب جنبي
و فجأة لاقينا الطريق واقف بعد امياي على طول و كذا عربية واقفين قدامي ومش شايف اللي بيحصل
قلت لأبويا تلاقيها حادثة كبيرة أنا هنزل أشوف في ايه و ربنا يستر
نزلت لاقيت عربية رمسيس من بلدنا والسواق بيتخانق مع ناس من امياي
قلت ماليش دعوة يمكن السواق بتاعنا غلطان يتحرقوا بجاز
وأنا راجع للعربية لاقيت واحد من بتوع امياي قام منزل سواق عربية رمسيس تانية كانت واقفة قدامي و كان لسة حاضر في نفس الوقت اللي أنا حضرت فيه وقاله انزل انت كمان هو انت مش سواق زيه و نزل فيه ضرب
صعب عليا سواق بلدنا لأني عارفه و كمان لأنه لسة صغير و بيعول أسرته و لاقيته بياخد ضرب جامد جدا فجريت على الراجل وقلتله حرام عليك ياعم الحاج هو ده ذنبه ايه قالي مالكش دعوة انت وقام رازعه حتة قلم ونزل فيه بالبكس لحد ما وشه جاب دم
مسكت ايد الراجل وقلتله حرام عليك هدي نفسك بس ماتاخدوش بذنب غيره لاقيت واحد تاني جاي بيجري ومعاه شومة وقام خابطني بيها على كتفي وقالي انت مالك انت يابن.... وقام شاتم
أنا اتجننت بقى وقمت بكل قوتي ضاربه بالبكس ووراه شلوت متين وقعه في الأرض وفـ لمح البصر لاقيت حوالي خمس أو ست شباب زي التيران جايين بيجروا ناحيتي وماسكين شوم قمت جاري وكل اللي في دماغي ادور على حجر وأول ما عيني وقعت عليه قمت مفرمل ومتدور وقلتلهم الراجل يقرب
في الجرية دي كنت بالظبط بقيت عند عربيتي ولاقيت أبويا نزل وواحد من العمار نزل من العربية اللي كان راكب فيها وقالهم ده عربيته دي ومالوش دعوة بالخناقة ولاقيت أبويا بيزعق والراجل شدني ركبني العربية وأنا طبعا بهلل وبقوله سيبني قال يعني أنقذهم مني
بس دورت العربية و مشيت بس اللي زعلني ساعتها انهم أصلا كان عددهم ما يزيدش عن عشرة اتلموا لما واحد تبعهم اتخانق مع سواق بلدنا
و العربية اللي شدوا منها السواق الغلبان بتاعنا وضربوه بس لأنه سواق هو كمان كانت محملة على آخرها و محدش فكر ينزل حتى غير واحد بس اللي قعد يقول بعلو حسه ده مالوش دعوة وعربيته أهي فقمت أنا رادد عاملين زي الكلاب لمجرد اني بسلك
سألت نفسي ساعتها هو ليه محدش نزل من العربية مع انهم شافوا كل اللي حصل
و اللي زعلني أكتر ان كان فيه واحد حبيبي كان راكب العربية و عامل نفسه مش واخد باله

مسموح برد يتيم لكل واحد
وانت خلاص بدل الرد جاوبت أسألتك مرتين يعني أخدت حقك و زيادة
واسأل للصبح و هتلاقيني منفض هو انت هتقعد تستلمني رايح جاي
انسى يا حمادة

اقتباس :

مسموح برد يتيم لكل واحد
وانت خلاص بدل الرد جاوبت أسألتك مرتين يعني أخدت حقك و زيادة
واسأل للصبح و هتلاقيني منفض هو انت هتقعد تستلمني رايح جاي
انسى يا حمادة

فين المزيع يا أخونا

[ندعوك للتسجيل في المنتدى أو التعريف بنفسك لمعاينة هذه الصورة]

امممممممممممممم
ينهار ابيض على الغل
شوف بيبرق قوى ازاى
انت عملتله ايه يا عم اسلام
ههههههههههههه

قوام بعتني يا أبو صلاح دا احنا عشرة من أولي ابتدائي يا راجل

[ندعوك للتسجيل في المنتدى أو التعريف بنفسك لمعاينة هذه الصورة]

يا عم احمد مقدرشى ابيعك بس برده
عمى اسلام راجل جمايله عليه