هو احنا اتغيرنا؟؟!!

بجد سؤال محيرني ومحتاجة اعرف اجابته


هو احنا ياجماعة اتغيرنا من جوانا؟


بمعنى:

المباديء والقيم والتقاليد اللي دايما بنسمع

عنها وكانت موجودة زمان ايام جدودنا اتغيرت مع موضة العصر ومستحدثاته؟؟

هو طبعا لازم نتغير علشان نواكب العصر ونتفق مع الزمن....

بس لازم اما نتغير نغير كل حاجة معانا ..


والا المفروض في حاجات معينة بنقف عندها ونقول استوب؟؟


بجد مش عارفة ..انا شايفة تغيير غريب جدااااااااااااا


خصوصا في الجيل الجديد واللي لسة بادء يروح الجامعة


واللي كمان لسة في المدارس ....

وحتى الاطفال الصغيرة بتقول الفاظ الواحد مش ممكن يتخيل انها

تصدر من طفل!!...


انا مرة شوفت ولدين بيتخانقوا وهما جايين من المدرسة تقريبا 2 ابتدائي كدة


والله شتموا امهات بعض بألفاظ بجد مش ممكن انا واثقة انهم مايعرفوش معناها اصلا ......

والله العظيم انا بقيت مذهولة!



والا البنات ولبسهم والميك اب الكامل والبرفان الفاضح جدا

واهتمامتهم الغريبة...والجراءة الجديدة على بنات العمار........دا حتى مشيتهم تصدم


طيب لو الجيل دا ممكن نلتمسله العذر شوية بسبب الانفتاح المرعب اللي شايفينه في كل مكان

حواليهم ومحسسهم اني اللي بيعملوا دا هو العادي والطبيعي ...


الجيل القديم واللي المفروض أبائهم وأمهاتهم واخوانهم الأكبر واعمامهم واخوالهم ......

ايه عذرهم؟؟؟؟؟؟!!!!!!


والا هما كمان بقوا عادي والا ايه...مش فاهمة ؟؟



ياجماعة حد فاهم حاجة ....فهموني الله يكرمكم......ِ

بجد موضوع مميز جدا

واتكلمنا كتيييييييير اوى وتعبنا من الكلام

علشان يكون فى أثر للتغير ولا جديد

انتى ذكرتى أمثلة واضحه اوى على الاقل

على المستوى الداخلى هنا المشكله

ان فعلا فى أزمة اخلاق النهارده مش فى مصر

لا فى الامه كلها

الحياء انعدم الا من رحم ربى

اقتباس :

والا البنات ولبسهم والميك اب الكامل والبرفان الفاضح جدا

واهتمامتهم الغريبة...والجراءة الجديدة على بنات العمار........دا حتى مشيتهم تصدم

الضمير نام اوى لحد ما تعبنا من صوت شخيره

الحب والتسامح راحت وراح ايامها

بجد مش عارف العيب فين

اه العيب يمكن جزء كبير فينا

طيب ايه الحل

الحل وبساطه من وجهه نظرى

فى كل واحد فينا فيك وفيكى وفيا وف كل انسان

انه يفكر ولو لمره انه شاب وبيبدأ حياته

لازيم يحسن اختيار زوجته

علشان يقدر يربى أولاده تربيه صح

بجد الامل فى ربنا كبير اوى

بس لازم نتحرك قبل الامه ما تواصل الانهيار

وان لله وان اليه راجعون

والله يسامحك يا أختى جددتى علينا الاحزان

وعلى فكرة فى حاجة كده جننتنى فى الموضوع:

والا المفروض في حاجات معينة بنقف عندها ونقول استوب؟؟

كلمة استوب جننتنى أجيبها يمين وشمال وأقو أيه الكلمة دى مش عارف لحد ما إكتشفت إنها stop

[ندعوك للتسجيل في المنتدى أو التعريف بنفسك لمعاينة هذه الصورة]

ماتخديش فى بالك ولا كأنى عديت

تسلمى ياسندريلا
انا رايى انه فى مدخلين مهمين جدا لكل واحد فينا بياثروا جدا فيه
الاول طبعا "الاسره والتربيه الصح" وده المؤثر الداخلى
التربيه الصح هى الاساس .صحيح هى لوحدها مش كفايه
لكن على الاقل بزرع فى ابنى اساسيات مهمهلازم تكون موجوده عنده قبل ما يخرج
بره نطاق الاسره والبيت

المدخل التانى هو "الصحبه "وده المؤثر الخارجى
وعايزه اقول انها اهم بكتير من الاسره وتاثيرها ليه مفعول السحر
وطبعا ده فى الحالتين سواء كانت صحبه صالحه او غير كده
وحتى زى ما الناس بتقول الصاحب ساحب
وده فى الخير وفى الشر

فلما يحصل تغيير كبير
لازم ناخد بالنا انه فى خلل فى حاجه من الاتنين

فلا ترجع هزائم الام وانتكاسات الشعوب الى
الضعف فى قواتها الماديه ولا النقص فى معداتها الحربيه
فان الامم لا تعلو الا بالاخلاق فان الاخلاق
ليست شيئا يكتسب بالقرائه ولا الكتابه
ولا المواعظ ولاالخطابه
وانما هى درجات لا تنال الا بعد توفيقا من الله ورحمته
الا بالتربيه والتهذيب
فالشباب اليوم اصبح مضيع لفرائض الله عاق لوالديه
ويجلس امام وسائل الاعلام لمشاهدة الاغانى والافلام الاباحيه
والفتيات متبرجات كاسيات عاريات تخرج
المئه على مرئى ومسمع من ابيها وعلى مرئى ومسمع
من اخيها وعلى مرئى ومسمع من زوجها بملابس ضيقه
وشفافه ومتطيبه ومستعطره ويقول الرسول( لا يدخل الجنة ديوس)
فاول من يشكوك الله المئه واول من يشكوك الة الله ابنتك
ذهبنا بهم الى المصايف واشترينا لهم المعاصى
يوم القيامه اتى ابنتك تقول يارب لقد رانى على المعاصى ولم يأمرنى ولم
ينهانى ولم يمنعنى ولم يزجرنى (هتشتكيك لربنا) يوم يفر المرء من اخيه
وتأتى زوجتك وتقول يارب ان اردت ان تعذبنى فعذبه هو اولا فيقول الله تعالى
خذى بيده وادخلا النار
واسمعو معايا هذه القصه
والله يحكيها لى احد مشايخى يقول
جائنى احد اولياء الامور يبكى ويقول ماذا على ان افعل
فقال له الشيخ ماذا حدث قال ويحكى
لقد توفت فتاه فى السنه الثالثه من كلية التجاره فبكى عليها
والدها بكاء شديدا حتى ابيضت عيناه
فنام فى هذا اليوم فجاءت لابيها فى النام وجها اسوده
ياااااااااااااااااااااااااه
تخيلو وجها اسوده
ثم قالت لابيها حسبى الله ونعم الوكيل فيك قال لها انا قالت له نعن قال لها لماذا قالت له لانك كنت ترانى اسهر امام التليفزيون لسماع الاغانى والافلام
ولم تنصحنى فانا فى نار جهنم
ياااااااااااااااااااااااااه الله

وتخيلو معى ماذا قالت بعد ذالك
قالت له فانا فى نار جهنم وانت ستلحق بى ان شاء الله
اللهم ارحمنا فى الدنيا
اللهم ارحمنا اذاما عرق الجبين وصدر منا الاهات
والانين
اللهم ارحمنا اذا ما غسلونا وارحمنا اذا ما كفنونا
وارحمنا اذا ما على الاعناق حملونا
اللهم ارحمنا اذا ما وضعنا فى التراب وتخلى عنا الاهل والاحباب
اللهم امين

انا دايما مقتنع ان الاب هو اصل الموضوع
بدايه من اختيار الام الصالحه لاولاده
حتى لدرجة انه لما ييجى يعاشر زوجتة يقول اللهم جنبنا الشيطان وجنب الشيطان
ما رزقتنا
يطلع الولد بينه وبين الله عمار وتلاقيه نازل رافع السبابه موحد بالله عزوجل
ولما يسمع الاذان تلاقيه منتبه اوى للاذان
فالبدايه لو الاب احسن الاختيار وكان متبع للقران والسنه
ما حدث هذا بين ابنائنا
فالرجل صاحب القوامه فى الاسره
فاذا ضعف القوام فسد الاقوام واذا فسد الاقوام
فقدو العفه وخسرو الفضيله
وتاجرو بالاعراض واصبحو
كالمياه فى المفاذات يلغو فيها كل كلب
ويقدر مائها كل وارد

اقتباس :

والا هما كمان بقوا عادي والا ايه...مش فاهمة ؟؟

أنا لولا إنى عندى مذاكرة وامتحانات والمفروض النهاردة هذاكر تربوى

واخدة بالك تربوى هههههههههه .......كنت أفردتلك صفحات والله

بس أسئلتك مش عاوزة إجابات كلامية نهائى

إحنا متغيرناش ولا حاجة لأنه أصلا مكنش فيه حاجة علشان تتغير

أنا بتكلم على الجيل الجديد اللى انتى بتقولى عليه اللى مزعلك ده

هو أصلا طلع محدش قاله فين الصح ولا فين الغلط ولا ايه يتقال ولا ايه ميتقلش

معندوش داتا أصلا جواه ودى الكارثه

فعلشان كده العبارة بتاعة ( هو إحنا اتغيرنا) غير منطقية

لأن مكنش فيه .....أصلا هما لم يحصلوا على ثوابت وبعدين اتغيرت

فالحل هو بين قوسين كده وكلام فى سرك ( التربية ) الصح

ودى علشان تتحق عاوزين سنين علشان الأب والأم يعرفوا يعنى

إيه تربية صح.........

هل هى فى إنى أضرب إبنى على كل حاجة غلط واقوله كده عيب يقولى ليه يا ماما

أقوله من غير ليه.........؟؟

ولا هل هى فى إنى أقوله ملكش دعوة بحد ومتضربش حد ولو حد ضربك قوله الله يسامحك

وأطلعه طفل بسم الله ما شاء الله سلبية الدنيا والاخره فيه....؟؟

ولا هل هى

فى إنى أفتحله كل الأبواب واديله حريته الكافية ...؟؟

ولا هى إيه بالظبط ...؟؟؟

كل واحد شايف التربية من وجهة نظرة ووجهة نظره دى بتتأثر بعاملين

رقم واحد / طريقة تربيته هو شخصيا وبيكون موقفه يا اما عاوز يربى اولاده زى ما اتربى

يا اما مش عااااااااااااااوز خالص يحصل فيهم اللى حصل معاه

رقم اتنين/ وجهة النظر دى ببتأثر بالقدوة اللى قدامك فى التربية تقول مثلا

أنا هربى أولادى زى فلان مع إن ممكن يكونوا ولاد عمو فلان ده مش زى أولادك

سندريلا أنا تعبت من الكتابة وورايا فروق فرديه هذاكرها هههههههههه

هرجعلك تانى

اقعدوا بعافية

المشكله لا فى البلد ولا فى العيشه ولا فى المجتمع ولا فى التربيه

المشكله فى الانسان نفسه

طب مهو الانسان ما هو الا تربيه