ياترى يا عمارى هتعمل ايه ؟!

الدنيا دى بقت غريبة اوى

لو فرض عليك حاجة غلط قصاد حياتك هتوافق عليها

ولا هتقول حرام عليا بس فى نفس الوقت هتخسر حياتك

حياتك هنا المقصود بيها امك ابوك اخواتك مراتك عيالك

لو اتحطيت فى موقف زى شهادة حق

واتعرض عليك يا تشهد زور

يا اهلك كلهم يموتوا

وحياتك هتدمر

هتعمل ايه

هتعمل ايه

هتقولو هروح للدخليه استنجد بيهم

هتعمل ايه لو

الدخليه نفسها اللى بتطلب منك دا

هتوافق وتاخذ فلوس وتعيش

وتبقي عيشة حرام فى حرام

ولا هترفض واهلك يموتوا وحياتك تدمر ويلفقولك اى حاجة

ما هو اصلى هترفض هتبقي رد سجون وبعد ما تخرج مفيش شغل

لانك رد سجون

+ اهلك وناسك

ياترى يا عماريين

هتختاروا ايه ؟

ميـــزو

الكلام دا فعلا في الحقيقية ؟؟

والا في مسلسل سوق العصر بس!!

وما اعتقدش انه ممكن يحصلنا دلوقتي...والا ايه؟؟!!

زائر

صعب اوى الموقف ده
لكن بيتهيالى كمان انه صعب يحصل فى الواقع
انا عن نفسى السؤال صعب اوى
واكيد مش هعرف وقتها انا ممكن اعمل ايه
لكن ربنا المعين بقى

وليه لا

ميحصلشي فى زمنا دا

يعنى هيا جت على دى وهنقول لا مش هتحصل

ما يمكن بتحصل وبتتعاد وبتزاد كل يوم

بس احنا اللى مكبرين دماغنا

ومش حاسين انى فى حاجة زى دى ممكن تحصل لاى حد فينا

منجيش على دى ونقول ممكن تحصل والاندهاش والتعجب يملأ وشنا

هو ناقص ايه فى الزمن دا محصلشي

ياترى

لو اتحطيتوا فى الموقف دا هيكون ايه

الاختيار

؟؟؟

مش هايحصل معايا الموقف ده

انا اتمنى انه مايحصلش معايا

علشان انا ماعنديش رد له [ندعوك للتسجيل في المنتدى أو التعريف بنفسك لمعاينة هذه الصورة]

مش هفكر فيه لأنه مش هيحصل معايا

والحاجات اللى متأكد إنها مش هتحصل -عادة -مش بعمل حسابها

لأ هو من ناحية إنه يحصل فكل شىء واااااااااااارد يا اخوانا

وفيه عالم من علماء النفس قال أى فكرة تراود الإنسان سواء تخيل أو حلم

لها أصل فى الواقع ويا حصلت يا ممكن تحصل

زى ما ممكن تلاقى نفسك حلمت بحد وتصحى تقول انا حلمت بحد عمرى ما شوفته قبل كده

الناس العلماء قالولك لأ لو حلمت بشخص فلازم وحتما ولابد تكون شوفته فى الواقع ولو مرة واحدة

ولو بدون تركيز علشان تشوفه فى الحلم ومفيش حاجة اسمها عمرى ما شوفته

لكن مش شرط طالما الفكرة بتاعة ميزو دى ممكن تحصل فتحصلى أنا بالذات

ولو حصلتلى ......أمممممممممم ........مش عارفه ممكن اعمل ايه

زائر

هو بيحصل فعلا
بس مش اوى وفعلا حاجات غصب عن الواحد
يعنى مثلا بتاع الصحه يعدى عليا شهريا يا خد20 جنيه
طب ولو مخدش
هيعمل محضر
هتقولو متمشى صح ومتخفش من حد
هقولكم القوانين صعبه جدا جدا
وانا كل حاجتى سليمه وكله تمام بس هو مش هيسبنى فى حالى
دى حاله
تعالو معايه
للاهم
فى يوم دخل عليه واحد بتاع كهربا وانا بقى قلبى جامد
بدفع فى الشهر اقل حاجه600جـ
واكتر حاجه 1100 جـ
ملوش عندى حاجه
طب ايه المشكله
المشكله ان مسمار العداد سايب فالعداد بيميل
اول ما يميل اخاف يحصل ماس اقوم رفعه تانى
المهم
الراجل دخل عليه بيقولى احنا مباحث الكهرباء قولتله اهلا وسهلا
دخل لقى العداد مايل وواقف ومش بيلف
قالى تعالى بص كده انا ببص لقيته مش بيلف
راح مبرق وقالى بطاقتك
طلعتها كتب البيانات وقالى هيتعملك محضر ب
هههههههههههه
تخيلو كام 21 الف جنيه
قولتله نعم ولقيت ريقى نشف مره واحده
قالى انت كده سارق كهربا
قولتله بيجيلى 700و800 و1000 جنيه وبسرق
قالى هات وصل قديم جبيته لقاه ب720جـ
وبيكتب المحضر قولتله انا مش هحلفلك وانت براحتك بقى
انا اولا معرفش ان العداد لما بيميل بيقف(اوعو تعملو الحركه دى)
ولما كان بيميل كنت بعدله علشان بخاف يحصل حريقه وكدا
والاهم انى مش بسرق كهربا قولتله ايه الفايده لما اسرق كهربا واجى اخر الشهر القينى وفرت100 ج
والقى ماتور الثلاجه اتحرق وهو ب1000ج
وانا مش خايف اعمل اللى انت عاوز اكيد انا عملت ذنب وربنا بيخلصه هنا
قالى دى 21 الف قولتله يبقى انت كده ظلمتنى وربنا ميرضاش بالظلم اعمل اللى انت عاوزه
الواحد شغال بالحلال لا حرامى ولا غيره
راح ساكت شويه وراح لغى المحضر

ايه الفرق بين الموقفين ااولانى نفسى ضعيفه ومعندهاش ايمان قوى بالله
التانى مقتنع تماما ان ربنا موجود وميرضاش بالظلم
فمن ترك شئا لله عوضه الله خيرا منه
توكل على الله فى كل حاجه ومن توكل على الله كفاه
واســـــــــــــــــــــــــــــــــــــــلإ للتطويل

» تخيل لو معاك 100 مليون جنيه ياترى هتعمل بيهم ايه...
» لو حصل ...هتعمل/ى ايه؟
» هتعمل إيه؟؟
» صفحة عماراوى على الفيس بوك لكل عمارى
» مهرجان العمار الثانوى الثقافى الاول أنت عمارى لازم تشارك