صدقتك...وبعدين ؟؟ هتقوله ايه؟؟

صدقني أنا عارف إن الصلاة فرض وإني لازم أصلّي في الجامع

صدقني أنا عارف إن السجاير حرام وإنها بتضيع فلوسي وصحتي

صدقني أنا عارف ان القهاوي حرام

صدقني أنا عارف إن المفروض ماارتبطش بالبنات وأكلمهم .. وإن اللي هعمله معاهم هيترد لي في عيلتي

صدقني أنا عارف إن أنا على غلط وإن أنا كدة قريب من النار

صدقني أنا عارف إن الحشيش والإستيلا والمخدرات حرام وبتضيع لي عقلي وبتخليني زي الحيوان

صدقني أنا مش وحش وأنا بحب ربنا وبحب النبي صلي الله عليه وسلم

صدقني.. وصدقني.. وصدقني

حتى تضيع الأحلام

وتكثر الآهات

وترتفع الأصوات

*******

صدقيني أنا عارفة إن شعري لازم أغطيه وإني بآخد سيئة بكل شعرة بتبان منه .. وإن كل شاب بيتفتن بيّا بآخد سيئة عليه

صدقيني أنا عارفة إني لازم أصلي .. وإني أحافظ على نفسي لحد ما أتجوّز

صدقيني أنا عارفة إن المفروض ماقعدش على قهاوي وأشرب شيشة

صدقيني أنا عارفة إن المفروض محدش يلمسني غير اللي يحلّ ليّا بس

صدقيني أنا عارفة إني المفروض ما أنزلش من بيتنا بالهدوم دي

صدقيني .. وصدقيني .. وصدقيني ..

وفي الآخر إدعيلي ربنا يهديني

حتى تضيع الاحلام

وتكثر الاهات

وترتفع الاصوات

*******

ولكن تعالو نقول ونتصارح بقى

هقولك معلومة بسيطة: المعرفة غير الإيمان

إنك عارف ان الصلاة فرض مش كفاية

كلنا عارفين ان اللي بيسمع الأذان بيوطّي صوت الكاسيت وقت الأذان..

ويرجع يشغل الاغانى تانى وعادى جدا ومش هينزل يصلى

إنما لو كان مؤمن كان نزل صلّى

انا عارف إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة..

إنك أغلى من الجواهر..

متقوليش القماشة اللي عى الراس دي حجاب مش هنضحك على بعض
*******

إنتوا فين؟.. ...

ورايحين فين؟.....

انتوا مستنيين إيه؟....

مستنيين إن أخوك أوأختك أو بنتك تموت قدامك وهي بتعمل المعصية؟

مستني إن ربنا يبتليك بسرطان ولاّ شلل علشان تتوب وتفوق من اللي انت فيه؟

مستنية إن ربنا يبتليكي بمرض جلدي عشان تخبّي جسمك وشكلك اللي مفرّجة الناس عليه؟

ولاّ يوقعلك شعرك اللي مطيّراه على الناس؟....

ولا مستني ربنا يعميك بعينك اللي ما بتسيبش بنت معدية إلا وفحصت بيها كل حتّه فيها؟...

مستني إنك تدخل القبر ويسألك الملكين:

من ربك؟

ومن نبيك؟

وما دينك؟

هترد بإيه؟

هترد باللي كنت عايش عليه في الدنيا؟!

كنت بتعيّط عشان حبيبك.. ومعيّطش من خشية ربنا؟

كنت بتبص للبنات ومبصّتش في كتابه تقرأ قرآنه؟

هتقول إيه لنبيك على الحوض؟

هتقوله انا بحبك بس مبسمعش كلامك؟
________

**اللهم اقبض روحي وأنا ساجدة لك**

((رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ))
______

منقووووووول...

امين
دمتى مبدعه

الله يكرمك
فعلا كل منا يحتاج ان يقف
مع نفسه وقفه
ثم يحقق هذه الامنيات والا شياء
التى يعرفها الى عمل حقيقى
يرضى الله ويرضى رسول الله
فعلا
وبعدين

بارك الله لكى وجزاكى الله خير

» صدقتك.. تظلك يوم القيامة
» طيب وبعدين ؟؟
» وبعدين ياسيادة الرئيس.
» مذكرات شارك صح...التمهيد وبعدين نبدا فى المفيد
» وبعدين هنستسلم يعنى وولادى اللى لسه مجوش دول مش هيتعلموا