حسن شحاتة .. وسعد زغلول

سعد باشا الله يرحمه قال .. مفيش فايدة

والمستقبل المظلم للبلد والأوضاع الإقتصادية والثورة التكنولوجية والمعلوماتية اللي حتي ملحقناش نمسك في أذيالها

بتقول مفيش فايدة

الفساد والمحسوبية والكوسة ووزارة الحرمية بتقول ما فيش فايدة

لكن لما تبص للكابتن حسن شحاتة

تلاقيه بيقول في فايدة

لما تبص تلاقي الإصرار والإرادة والحب بيصنعوا المعجزات .. تعرف إن في فايدة وامل

لما تبص تلاقي منتخابنا بيغلب البرازيل وإيطاليا .. تقول لا في فايدة

لما تبص تلاقينا أخدنا أمم أفريقيا 2006 و 2008 و بنافس في نهائي 2010 وفي فرق أقوي مننا بالفعل

وفشلت تحقق اللي إحنا بنحققه تلاقي نفسك عندك الامل وبتقول في فايدة

طيب دلوقتي ياتري مين اللي يكسب

سعد زغلول ولا حسن شحاتة

ياتري في فايدة ولا مفيش فايدة

سعد زغلول وحسن شحاته

مش شايف ياعم احمد انى اوجه المقارنه هنا مش متكافئه

مش تقليل من حجم عمى سعد ولا عمى حسن

بس شوف عمك قال مفيش فايده فى ايه

وعمك حسن قال فى فايده فى ايه

عمك سعد اتكلم مشاكل مصر واللى عمرها ما هتتحل زى ما قال يعنى مفيش فايده

لكن عمك حسن لما اتكلم اتكلم فى ايه

دى كوره ياعم احمد

متقارنليش بين البرازيل ولا ايطاليا ولا حتى الفرق العالم كلها

قصاد المحسوبية والبطالة ووزاره الحراميه وشتى انواع الفساد

عمك سعد كان عنده امل قد اللى عن عمى حسن ميه مرة

بس فعلا مفيش فايده

واهو سنة 19 لحد عشرين عشرة وبردو مفيش فايده

صحيح بقى فى فايدة

الله عليكى يامصر

لا اكيد فى فايده

مصطفى كامل

لا يـــــــــــــــــــــأس مع الحيـــــــــــــــــــــــــاة

مفيش فايدة

تقريباً هو كل واحد هيجاوب على السؤال من منطلقه هو الشخصى

من وجهة نظرى طول ما فيه حياة يبقى فيه فايدة

ولو شايف إن مفيش فايدة بتحصلى أنا يبقى انا السبب

لكن فيه فايدة ؟؟؟......... أيوه طول ما الحياة ماشية لسه موقفتش يبقى فيه فايدة

زائر

فى فايده
والله يا جماعه احنا بس اللى شيفين الدنيا كدا
لكن مع الحب والامل والتفائل والعزيمه
وقوة الاراده والايمان بالله
هيبقى فى فايده
بس الكل يخلص فى عمله لوجه الله
تعالو شوفو دعاء الصالحين
اللهم اشغلنى بما خلقتنى له
ولا تشغلنى بما خلقته لى
يسلام لو كل واحد يعمل بالدعاء دى
هتلاقو الحيااااااااااااااااااااااااااااااااااه حلوى
وفى قايده

سعد قال مفيش فايدة في النظام .. وطلع غلطان

وحسن شحاتة قال في فايدة .. وطلع فعلا في فايدة

يمكن لو هنتفلسف في وجه المقارنة بين سعد زغلول وحسن شحانة

وهل ينفع نقارن او لا ؟ يبقي هنخرج عن هدف الموضوع

لكن خلينا نقول للناس اللي شايفة انه مفيش فايدة

زي مقال مصطفي كامل

لا يأس مع الحياه ولا حياة مع اليأس

وأكيد الطلم ليه أخر والفساد ليه أخر

والسبيل معروف .. إن الله لايغير ما بقوم حتي يغيروا ما بأنفسهم

فياريت كل واحد فينا يبدء من جواه الأول

شكرا لمروركم جميعا

ضاقت فلما استحكمت حلقاتها فرجت وكنت اظنها لا تفرج

» ذكاء حسن شحاتة لخدمة الكورة المصرية
» المهندس المسيحي هاني سوريال يكتب.. كاميليا شحاتة ..... كمان وكمان
» انطبــ(احمد زغلول)ـاعك ايه عن
» زغلول...كل سنه وانت بخير
» يلا نبارك للأستاذ أحمد زغلول