ازمة الأنابيب ..... واقتراح لسياسة توزيع جديدة منظمة من وجهة نظرى

مشكلة بقالها شهور ومفيش حد حاسس بيها وذلك لعدم الاحتكاك اليومى بها مثل ازمة الخبز

زحمة وبهدله وعدم تنظيم ومشاكل وخناقات وكل شىء لكن الفرق ان المشاكل دى كل يوم بتحصل لكن مع اشكال مختلفة وناس مختلفة

بعد التحرى اللازم عرفت ان المستودع بتاعنا بيخدم العمار وكفر الفقهاء وجزء من امياى

وكمان عرفت ان حصة المستودع يوميا مايقرب من 800 انبوبة يوميا بعد ماكانت اكتر من الف انبوبه يوميا وممكن فى الاوقات دى توصل الى 600 او 400 على حسب انتاج المصنع لكن فى الاعم الغالب بتكون 800

طيب لو جينا حسبناها هتلاقى ان فى معظم الاوقات الكميية دى بتكفى البلد (على حد قول المسئول)
لكن لما تيجى تنوى عشان تغير انبوتتك
يبقى انت فى الحالة دى رايح تحارب ناهيك عن المشاكل اللى بتحصل زى مثلا حد جاى بعدك وياخد قبلك والمشاكل الناتجة عن الزحام

انا ليا اقتراح على ادى كدى وممكن نناقش فيه مفتش التموين والحاج سمير عبدالله وهو:-

بدلا من المشاكل والزحام واللى احنا عارفيه ممكن نعمل حاجة كويسة :- وهى ان الراجل اللى بيطلع عينه فى لم الفلوس ومراقبة حركة البيع والشراء (حارس الانابيب والبائع) ممكن الراجل ده يمسك كراسة فى ايده مسطرة واللى عايز يغير انبوبته يروح الصبح يسلم الانبوبة بتاعته ويدفع الفلوس وياخد بيه ايصال استلام وكمان يمضى فى كراسة البائع بإنه سلم انبوبته وعليه ان يأتى بالمساء لإستلام الانبوبه بتاعته بعدما ملأت وكمان البيع يتم عن طريق مجموعات وكل مجموعة عبارة عن 30 او 40 فرد وكل مجموعة يبقى ليها ميعاد محدد يعنى مثلا المجموعة الاولى تيجى تستلم
من الساعة 6 الى الساعة 7 وهكذا
انا شايف من وجهة نظرى المتواضعة جداااا ان ممكن ده يحل مشاكل كتير جدا بتحصل كل يوم على البحر على الاقل ممكن يكون فى نظام او حتى عدااااااالة فى التوزيع

يا عم محمد مفيش ازمه ولا حاجه

انا وقت ما اعوز انبوبه بتلفون واحد بتيجى لحد البيت

يا عم كبر دماغك ومتفتحشى علينا فاتحه ولو عايز اتصل بيا

وخليهم يبعتهالك لحد البيت

ياأ/محمد جمال

الاستاذ محمد عبد المجيد معاه حق ف كل كلامه

هو مش بينظر انى الانابيب بتلف حول البلد

لكن بينظر انه ده حقك وبيتسرق

والاستاذ محمد بيته جنب المستودع

يعنى لما يجيب الانبوبة من المستودع اللى المفروض تمنها الاساسى 3.5 وبتنباع ف المستودع

ب4 جنيه وفى اغلب الاحيان ب 4.5 (بيقول دى عربية برشوم)

افضل انى اشتريها ب5.5 جنيه من العربيات اللى بتلف

هتقول انه ده جنيه مش بيفرق ده بياخده العيل الصغير

لكن ده بيفرق مع ناس تانية كتير

والناس دى بتشيل الانبوبة من آخر البلد للمستودع عشان توفر الجنيه او الاتنين جنيه دول

ملحوظة : دى كانت وجهه نظرى تحتمل الصواب والخطأ

الأزمة اليومين دول مش عندنا احنا بس
في بلتان و طوخ لاقيت زحمة و هيصة زي اللي عندنا
و في المؤسسة و الجيزة لاقيت نفس القصة يعني الموضوع كبير المرة دي
الظاهر كده و الله أعلم اسرائيل زودت حصتها من الغاز اللي بنصدرهولها علشان ظروف الشتا بقى و طبعا لازم نستحمل ان ما كناش احنا نستحمل و نضحي مين بس اللي هيستحمل

زائر

هههههههههههههههههههه
الازمه وصلت المرج يا رجاااااااااااااااااااااااله
قبل ما توصل العمار
انتو عارفين الانبوبه هنا بكام بالعذاب ومش لاقينها
ب20 جنيه بس
يبلاش
فعلا فى ازمه فى الغاز ويا فرحتى عملين نصدر غاز لاسرائيل
ونغنى لمصر وحسن شحاته
هبقو خلو حسن شحاته ينفعكو
يوم الماطش كل الناس كانت فرحانه
وانا كنت زعلان على الاخر
غيرت الانبوبه ب20 جنيه
وايه نصها كمان يولاد النصابه [ندعوك للتسجيل في المنتدى أو التعريف بنفسك لمعاينة هذه الصورة]
قبل كدا كان الواد بيتحيل عليه انما من يومين
عمال يبصلة ويبرق قوى ويغمز بعينه كدا
وكمان اشهلها اطلها على العربيه وانزل الملاينه
وهو باشا
ادعو للريس ادعولو
يخ.................................ابوه

زائر

محمود جمال كتب:: يا عم محمد مفيش ازمه ولا حاجه

انا وقت ما اعوز انبوبه بتلفون واحد بتيجى لحد البيت

يا عم كبر دماغك ومتفتحشى علينا فاتحه ولو عايز اتصل بيا

وخليهم يبعتهالك لحد البيت

هههههههههه مين يشهد لجده

محمود جمال كتب:: يا عم محمد مفيش ازمه ولا حاجه

انا وقت ما اعوز انبوبه بتلفون واحد بتيجى لحد البيت

يا عم كبر دماغك ومتفتحشى علينا فاتحه ولو عايز اتصل بيا

وخليهم يبعتهالك لحد البيت

الكلام ده معلش يا أستاذ محمود غير منطقى على وجه الإطلاق وملهوش علاقة بالواقع

ولو كان حضرتك بيحصل معاك كده فإحنا بنتكلم على العاااااااااااامة اللى لا ليهم وسطة ولا دياولو

فيه أزمة وازمة ضارية كمان

لسه أول إمبارح كان هناك قدام السنترال عربية كبيرة مش عاوزة أقولك

العمار كلها كانت بأنابيب هناك ومشهد غرييييييييييييب أول مرة فى حياتى أشوفه

الأنبوبة دلوقتى بعشرة جنية مع الناس اللى هى بتلف عادى دى

وبتاخدها بعد اسبوع كمان وتقولوا مفيش أزمة .....إزاى يا اخوانا ؟؟؟

ليا عودة لمناقشة الإقتراح.....

إسلام كتب:: الأزمة اليومين دول مش عندنا احنا بس
في بلتان و طوخ لاقيت زحمة و هيصة زي اللي عندنا
و في المؤسسة و الجيزة لاقيت نفس القصة يعني الموضوع كبير المرة دي
الظاهر كده و الله أعلم اسرائيل زودت حصتها من الغاز اللي بنصدرهولها علشان ظروف الشتا بقى و طبعا لازم نستحمل ان ما كناش احنا نستحمل و نضحي مين بس اللي هيستحمل

اولا:- شكرا للمرور استاذنا العزيز الاستاذ اسلام واشكر كل من مر واضاف بجديه وايجابية

لكن ليا تعليق صغير على رد الاستاذ اسلام :-

هو فعلا الازمة مش عندنا بس لكن فى كل القرى المحيطة بنا لكن فى فرق بينا وبينهم وهو :-

## الانابيب التى تأتى المستودع يوميا تكفى احتياجات الناس اللى راحت عشان تشتريها من المستود عشان تجيبها بالسعر المدعم من الحكومة طبعا الناس كلها بتاخد لكن بعد خناقات ومشاكل بسبب سؤ التوزيع وعدم النظام وعد العدالة ايضا فى التوزيع

## طبعا كل الناس اللى واقفة بتاخد وان تبقى فإنه يتبقى للبائعين المتجولين ومن هنا بتيجى المشكلة بمعنى انه فى حالة تقليل الكمية فأكيد البائعين بيستغلوا الموقف زى ماهو حاصل دلوقتى وسعر الانبوبة وصل الى مايقرب من 10 او 8 جنيه واللى مش عاجبه يروح يشترى من المستودع وطبعا الناس بتشترى دماغها وتقول طب انا ايه اللى يودينى المستودع عشان يطلع عينى واتخانق عشان خمسة جنيه فرق (طبعا دى الناس المقتدرة) لكن الغلابة ومااكثرهم ياعينى بيروحوا غصب عنهم للمستودع وبيحصل اللى قلناه من مشاكل

#### اذن فى مشكلتين

الاولى :- سؤ التوزيع وعدم النظام وايضا العدالة فى التوزيع يعنى ممكن واحد يكون لسه جاى ياخد قبل اللى واقف بقاله اربع ساعات
ودى انا اقرحت حلها فى الموضوع

التانية :- هى مايتبقى من انابيب فى المستودع والتى تذهب للباعة الجائلين وانا مش ضد كدة ماهما برده بياكلوا عيش لكن انا ضد استغلال الموقف

اذن هى معادلة بسيطة جدا فى انابيب تقدر تغطى احتياجات السوق العمارى لكن محتاجة تنظيم وادارة سليمة

فهل من اقتراحات للوصول الى نتيجة ايجابية انا قلت اقتراحى فاضل اقتراحاتكم

[ندعوك للتسجيل في المنتدى أو التعريف بنفسك لمعاينة هذه الصورة]

زائر

محمد عبد المجيد كتب:: [ندعوك للتسجيل في المنتدى أو التعريف بنفسك لمعاينة هذه الصورة]

ايه يا حبيبى مالك عاوز تنام
هههههههه
ولا نفسك تشرب شوية غاز قصدى شاى
ههه
صباح الفل يا ريس

فعلا هى مشكلة اليومين دول مش بس فى بلدنا حتى برضو حصلت هنا فى فنادق شرم الشيخ الفترة

اللى فاتت يعنى شكلها مشكلة عامة

اعتقد انه ليا رأي مخالف لاكنه يحتمل الصواب ولعلة يكن به فائدة
الموضوع وما فيه ممكن تكون الحكومة عايزة ترفع اسعار الانابيب ودة اللى بيحصل دايما قبل ميرفعوا سعر السلعة علشان يشوفوا الشعب هيعمل ايه .
والحاجة الثانيه اللى عرفتها وربما تحتمل الخطأ هو انه مصر بتصدر غاز وتستورد غاز ، اكيد الكل مستغرب !!
هوة انه مصرنا العزيز يصدر الغاز الطبيعى بالفعل وهذا ما نعلمة جيدا لاكنه يستورد الغاز الذى يوضع داخل الاستوانات من الجزائر وهذا يعنى ان الجزائر قد انتقدت جميع ما لها من اتفاقيات مع مصرنا الحبيب .
دة رأيي .. .. .. .. .. .. وانتم حريين

عباس الابيض كتب:: اعتقد انه ليا رأي مخالف لاكنه يحتمل الصواب ولعلة يكن به فائدة
الموضوع وما فيه ممكن تكون الحكومة عايزة ترفع اسعار الانابيب ودة اللى بيحصل دايما قبل ميرفعوا سعر السلعة علشان يشوفوا الشعب هيعمل ايه .
والحاجة الثانيه اللى عرفتها وربما تحتمل الخطأ هو انه مصر بتصدر غاز وتستورد غاز ، اكيد الكل مستغرب !!
هوة انه مصرنا العزيز يصدر الغاز الطبيعى بالفعل وهذا ما نعلمة جيدا لاكنه يستورد الغاز الذى يوضع داخل الاستوانات من الجزائر وهذا يعنى ان الجزائر قد انتقدت جميع ما لها من اتفاقيات مع مصرنا الحبيب .
دة رأيي .. .. .. .. .. .. وانتم حريين

كلام جميل لكن اظاهر الناس مش فاهمة الموضوع قوى !!! مع احترامى للكافة

ياجماعة الكمية اللى بتيجى دلوقتى بتكفى الاحتياج العمارى لكن لايوجد تنظيم او عدالة توزيع ولايوجد سوى العراك المشاكل والزحام فهل من حل ؟؟؟

زائر

ياجماعة الكمية اللى بتيجى دلوقتى بتكفى الاحتياج العمارى لكن لايوجد تنظيم او عدالة توزيع ولايوجد سوى العراك المشاكل والزحام فهل من حل ؟؟؟

خلاص هاخذ كزلك واطلع على بتوع المستودع
علشان العداله [ندعوك للتسجيل في المنتدى أو التعريف بنفسك لمعاينة هذه الصورة]

واللى مشفش ختاقات انهاردة يروح بكرة يشوف

[ندعوك للتسجيل في المنتدى أو التعريف بنفسك لمعاينة هذه الصورة]

انا من وجهة نظري لحل المشكلة دي
نرجع تاني لعصر ( الكانون )
وكل مواطن يعمل كانون في البلكونة أو في المطبخ
وبالمرة يدفي شقتة في البرد الشديد ده

محمود شاهين كتب:: انا من وجهة نظري لحل المشكلة دي
نرجع تاني لعصر ( الكانون )
وكل مواطن يعمل كانون في البلكونة أو في المطبخ
وبالمرة يدفي شقتة في البرد الشديد ده

والله عداك العيب ياأستاذ محمود طب الاقتراح ده ينفع فى الشتاء فقط !!! طيب فى الصيف هنعمل ايه !!!

وبعد عناء شديد ولله الحمد الجماعة بتوع المستودع عملوا بإقتراحى ونفذوه انهاردة

لكن العملية عايزة شويه تنظيم برده

اصل عمر الشعب المصرى ماهياخد على ثقافة الدور او الاسبقية

بس ان شاء الله خير

اولا حصة البلد مش 800 انبوبه زى ما انت ذاكر يا أ/ محمد حصة البلد 200 انبوبه فى

اليوم العربيه الكبيره اصلا كلها 400 منها 150 لإمياى و50 لكفر الفقهاء

يعنى اللى لينا احنا 200 انبوبه فقط

ثانيا الناس اللى بتقول اسرائيل والغاز بيروحلها

احنا بنصدر غاز طبيعى واللى عندنا ده اسمه بوتاجاز فى فرق بينهم

اقتباس :: لكن بينظر انه ده حقك وبيتسرق

ياريت تراعى كلامك يا جميل لو انت شايف حد بيسرقك متقعدش تقول انا بتسرق

روح وهات حقك ومتقعدش تشتم فى الناس حاجه غريبه والله العظيم !!!

[quote="أجمد مهندس"]

اولا حصة البلد مش 800 انبوبه زى ما انت ذاكر يا أ/ محمد حصة البلد 200 انبوبه فى

اليوم العربيه الكبيره اصلا كلها 400 منها 150 لإمياى و50 لكفر الفقهاء

يعنى اللى لينا احنا 200 انبوبه فقط

ثانيا الناس اللى بتقول اسرائيل والغاز بيروحلها

احنا بنصدر غاز طبيعى واللى عندنا ده اسمه بوتاجاز فى فرق بينهم

[quote]

على فكرة ياهندسة كلامى ده من جاء على لسان اصحاب المستودع نفسهم وانا قلت انه مش دايما بتبقى الحصة 800 لكن بتقل فى بعض الايام

اما بالنسبة للغازالطبيعى اللى بيتصدر ماهو ده اللى بيشتف منه الغاز اللى موجود فى انابيب البوتوجاز يعنى مفيش فرق

قيضيه خسرانه يا جماعه فى نظام والله

وكل الناس ماشيه عليه الفرد بيسلم الانبوبه الفارغه فى يوم

ويسجل اسمه وتانى يوم يستلم الانبوبه المملؤه

يعنى انتوا كل شويه تقوله فى ازمه ومفيش نظام

ياريت تروحوا المستودع وتشوفوا

حاجه غريبه والله العظيم

دا انا لسا جيلنا النهارده 5انبيب

ومش عارف اوديهم فين

انا رحت المستودع النهارده

فعلا فيه نظام !!

لكن لاصحاب العربيات (الجواله)

يعنى كل اللى خد الانبوبه وراح يسلمه رجع تلنى بالانبوبه

وطبعا انا كنت واحد من الناس دول

اسمعوا الكلام المخلص هههههههههههههههه

حصه البلد 840 انبوبه بس مش للعمار بس للمستودع كله

العمار وامياى وكفر الفقهاءوتقريبا ميت العطار

يعنى العمار لوحدها بتاخد 200 انبوبه ولينا عربيتين فى اليوم

يعنى حصه العمار 400 انبوبه فى اليوم

وطبعا المشكله مش انى الانابيب مش مكفيه البلد

المشكله انى التجار بيحملوا عربيات نص نقل ويروحوا يبيعوها بره البلد اغلى

وطبعا فى مشاكل وخناقات كل يوم وطبعا واحنا رايحين الشغل كل يوم بنشوف اللى بيحصل

ولا حتى تجار البلد عارفين يجيبوها غاليه للبيت تيجى تقوله على واحده يقولك اما تيجى

يعنى ماتعرفش امتى

المفتش ربنا ياخده بيتاخر وممكن يجمع عربيه الصبح على عربيه بالليل

ولا فى باله الناس اللى واقفه فى الشارع

وحل الموضوع ده انى لازم يكون فى رقابه على التوزيع انه بيتم فى ميعاده

والله لو كل عربيه اتوزعت فى ميعادها 7 ايام ومش هتلاقو الازمه دى ابدا

الناس لما تملى الانابيب اللى عندها مش هاتروح ولا هايروحوا يقعدوا فى البرد وخلاص

هههههههههههههههههههههههه

هى الناس هاتشربه

انا واحد من الناس والدتى راحت سلمت الانابيب اول امبارح ومعرفتش تجيبها

انا روحت النهارده الصبح جبتهم وطبعا انتو عارفين انا جبتهم ازاى

ههههههههههههههههههههههههههه

طبعا مع العلم انى كان هناك عربيتين يعنى بتوع امبارح غير الاتنين بتوع النهارده

لو التوزيع تم فى ميعاده كانت الناس اللى سلمت معانا خدت امبارح وغيرنا خد النهارده

اسف على الاطاله بس انا حبيت اعرفكم اللى بيحصل علشان انا كنت هناك بنفسى

مش عارف الموضوع ده معمول علشان نغلط ونشتم فى الناس ولا ايه

اقتباس :: المفتش ربنا ياخده بيتاخر وممكن يجمع عربيه الصبح على عربيه بالليل

يعنى علشان هو مش موجود هنا ويرد عليك بتدعى عليه يعنى

حاجه تنرفز والله... ايه ده !!

زائر

يا عم شريف انا اللى فهمته من بندق
ان اللى بيشتم تجار الانابيب
مش هو والله اعلم

» السلبى والايجابى .. من وجهة نظرى..
» فيديو مهم جدا عن ازمة الانابيب
» منظمة يهودية تطالب ......
» منظمة التعاون الاسلامي... سمعت عنها قبل كده ؟؟
» معنى الحب الحقيقى من وجهه نظرى