تعمل/ى: ايه لو قابلت حد كدة

هو وهيه مشيين على الكورنيش .. الجو حر .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : اهئ اهئ اهئ لااااااااااااااااااااااا

هو : ينفع كده ترمي نفسك في الميه مين هايوصلني بقى

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههه

أيه الواد الفظيع ده

» نفسك تعمل فى مين كدا ؟؟؟؟؟؟؟؟؟
» قابلت د/عصام شرف اليوم
» اذا قابلت او قابلتى من جرحك سابقا ؟؟؟؟
» ماذا تفعل لو قابلت هذا الشخص في الشارع
» تعمل ايه؟؟