شرط.....يكون متدين!!

الأخت الكريمة لوكا .. موضوع مهم جدا .. وحضرتك طرحتيه فى أبهى صورة ..

لكن أنا لى تعليق خفيف على كلمة (((((((((( متدين ))))))))


أحب اسأل كل واحد رد ف الموضوع أو حتى قرأه ومردش .. فى نظرك مين المتدين او المتدينة .. ؟؟ ورد بينك وبين نفسك

بعض الشباب .. وبعض الفتيات ..

فى صورتهم المظهرية هم على دين .. ويتكلمون بلسان الدين .. لكنهم إذا خلوا بمحارم الله انتهكوها ..

لكنهم يسيئون معاملة الأب والأم أعظم إساءة ..

أو ممكن يكون ملتحى وبيعمل فضايح مع أى بنت مش قدام الناس ..

أو هى بتكون لابسة خمار يدل على تدينها .. وأيوه بتقرا قرآن وبتحافظ على الورد اليوم .. وبتصلى الوقت فى وقته .. لكنها بتكلم تلاتة اربعة فى وقت واحد ..

أيوه هى مطلعة على قليل من العلم الشرعى وبتظهر بصورة الملتزمة .. لكنها أخلاقها سيئة الطبع ..

طبعا دول فئة ولا يسيئون للكل ..

أنا مش عاوز إنسانة ملتزمة بالشكل الظاهر

أنا عاوز واحدة تكون أخلاقها كويسة .. تراعى كلمة أهلها .. وتحترم أمها .. تخفض جناحها لأهل زوجها .. لينة الطبع ..

بأختصار (أخلاقها عالية .. وانا هاحفظها قرءان)

فعلا عندك حق والله......"متدين"دى بقينا بنختلف عليها كتير
وده لان كل واحد عنده تصور معين عنها...زى ما وضحت كده حضرتك
ناس بتهتم بالظاهر اكتر....ناس تانيه المهم الباطن....يعنى مفيش رؤيه محدده
بس اكيد طبعا مش كل الناس كده...فى كتير فاهمين صح وعارفين يختارو ازاى
المهم فعلا الاخلاق...عشان لو هى كويسه يبقى كل حاجه تانيه هتبقى تمام
او حتى الشخص نفسه بيبقى عنده استعداد يقبل ما دام اخلاقه كويسه
وزى ما الشيخ محمد حسان "ربنا يبارك فى عمره يارب وعمله"بيقول
احنا مش مطلوب مننا كلنا خالص نبقى دعاه على المنابر....كل واحد ف مكانه سفير لدينه
والامه دى عايزه الدكتور والمهندس والمدرس..........الخ كل الناس
اقصد من كل ده.....انه مش شرط ابقى داعيه وبتكلم ف الدين عشان ابقى متدين
الموضوع شكله طويل....ومش هبطل كلام ...يلا كفايه كده دلوقتى [ندعوك للتسجيل في المنتدى أو التعريف بنفسك لمعاينة هذه الصورة]

إحنا مش ملايكة ولا عمرنا هنكون ملايكة

لازم نغلط سواء شباب أو بنات المهم الرجوع للصح بعد كدا والإلتزام

جزاك الله خيرا.....عند حضرتك حق فعلا لازم كلنا نغلط عشان نعرف الصح
ونقدر بعدها نميز بوضوح الصح من الغلط
المهم نرجع ونراجع نفسنا وتكون عندنا نفس لوامه
اللهم ارزقنيها واياكم

[quote="Amr Emam"]أنا مقلتش كده يا حبيب قلبى أحمد ..

لا تحكم بالظاهر رغم أنك لا تملك غيره ..

حاول تبحث هى علاقتها فى البيت عاملة ازاى ؟؟

بتكلم امها وأخواتها ازاى ؟؟

وحاول تعرف أقصى ما استطعت ..

طبعا الكلام ده صعب جدا هاعرف الكلام ده الزاى وأنا مبدخلش بيتهم من الاساس وكمان ان كنت بدخل

محدش هيظهر قدام واحد ضيف على طبيعته وكمان ده مش ضيف عادى ده عريس وكمان لو سألت من بعيد

فأكيد اللى ظاهر لك ظاهر له ولو سألت حد قريب منهم فمش هيعيب مش ده الصح


كتير بقوا يتكلموا باسم الدين وهو برئ منهم .. فالله أعلم بمن اتقى ..

بتوضيح اكتر علشان ملاقيش على هجوم كبير :

الناس بتقيس التدين بمدى معرفة الشخص بأمور دينه ..

لكن الذى غاب عنهم .. أن المعرفة قول وفعل ليس قول فقط .. (عرفت فالزم) عرفت ما يقال فالزم بفعلك ..

والتدين ليس بمعرفة امور الدين فقط .. فلابد أن يثبتها رائحة الأخلاق ..

ترى إنسان يعلم أواممر الدين والناس تتجنبه لفحش قوله وغلظة قلبه وسوء خلقه ..

الأفضل لو فى بنت تجمع بين معرفة دينها وحسن أخلاقها ..

على فكرة صعب جدا تلاقى واحد على قدر من التدين وتلاقيه معندوش أخلاق وكمان مينفعش العكس يبقى

معندوش أخلاق ويبقى متدين ./quote]


على الهامش

الناس ليها اللى ظاهر مش الباطن الباطن اللى بيحاسب عليه ربنا مش أحنا كبشر والموضوع ده
كله قسمة ونصيب

الموضوع كبر قوى زاد عن حده انا بقراء كلام كتير وناس كاتبة صفحات زى الجرائد

عايز نقراء موضوع ونطلع منه بفيده الطبيعى ان الناس تختلف فى الاراء لكن الى مش

طبيعى ان الاختلاف يزيد عن حده وبعدين ده شرط واحد من ضمن الشروط امال لو قريتة بقيت العقد [ندعوك للتسجيل في المنتدى أو التعريف بنفسك لمعاينة هذه الصورة]

موضوع التدين ده نسبى وبختلف من شخص لاخر وده مرتبطبالقلب والتربيه والفكر والبيئة

والظروف المحيطة وثقافتنا احنا عن الدين نفسه .

وانا ليا راى فى موضوع قسمة ونصيب الى فعلا بقت لبانة على طول مع الناس فى كلام

يقلك قسمة ونصيب القسمة والنصيب عمرها بتيجى للحد هوه الى بياخد نصيبه وقسمتة

وربنا كتب كل شىء من البدايه بس ربنا عارف بعلمه الغيبى من قبل ما الانسان يتخلق هوه

هيبقى ايه وهيعمل ايه فى كل كبيرة وصغير فى حياتة فربنا كتابلة الى هوه اختارة وعايزة ولما

يجى الدنيا هيشمى على الى ربنا كاتبة والى هوه مختارة من البداية مافيش غير قيام الليل

والدعاء الى بيبدلو الاقدار والمكتوب والقسمة والنصيب وبعدين فى ربط بين علم الغيب وعلم

الشهادة فى كل شىء وده موضوع كبير.

وعمتا انت تقدر تقعد مع حد وتعرفه وتعرف شخصيتة من اول مره وممكن متعرفش

حسب شخصيتك وطريقة حكمك على الامور وده مرتبط بموضوع البرمجه العصبيه

وده موضوع اكبر .

خلينا عن الانطباع الاول والكلام السهل بتعنا ده

انت عايز تسيب انطباعك للناس عن طبيعتك وصورتك انت والا الانطباع والصورة الى انت عايز تسبهالهم

وفى ناس ممكن انت تكون كريم معاه ويتمرد على كرمك ده (( اذا اكرمت الكريم ملكته واذا اكرمت الئيم تمردا ))

لازم تركز على شان ماتلبسش فى الازاز

يااااااااااه واحد كارمل ميكاتو بقى ولا كوفى لاتيه تبقى الحياه زبادى فى الخلاط [ندعوك للتسجيل في المنتدى أو التعريف بنفسك لمعاينة هذه الصورة]

الموضوع كبر قوى زاد عن حده انا بقراء كلام كتير وناس كاتبة صفحات زى الجرائد

عايز نقراء موضوع ونطلع منه بفيده الطبيعى ان الناس تختلف فى الاراء لكن الى مش

طبيعى ان الاختلاف يزيد عن حده وبعدين ده شرط واحد من ضمن الشروط امال لو قريتة بقيت العقد

اقتباس :

كان هناك رجل صالح وقريب من ربنا

ازاى يبقى زى ما حضرتك ذكرت ويقول

اقتباس :

كانت مطلعه عينى فى الدنيا اجى يوم القيامه ارأيها
برده مستنيانى.!!!!!!!!!!!!!!!!

هناك تناقض تام

اللهم أسعد شباب وبنات المسلمين بزيجات تريح قلوبهم وقلوبهن
وأن يذوق كل منهم حلاوة الاخر على شرع الله
وأن تذوب غلظتهما على بعضهما عند الخلاف

موضوع شيق و جميل جدا جدا يا آنسة لوكا...

هابدأ "مرافعتى" بكلام ربنا و سيدنا محمد صلى الله عليه و سلم انه ( كما تدين تدان)

انا فى الحقيقة مش فاكر اى نص كامل لا من القرآن و لا من السنة, لكن اكيد كلنا عارفين و موقنين ان ربنا سبحانه بيحاسبنا على اساس اعمالنا ايا كانت... لو حلو هانلاقى حلو و لو وحش اكيد مش هايبقى غير الوحش

و تطبيقا على موضوعنا هنا نلاقى انه من عدل ربنا سبحانه و تعالى ان الشاب الكويس ربنا بيرزقه بفتاة كويسه "على نفس قدره" كما قال ( الطيبون للطيبات ) و الشاب اللى ماشى يلعب بديله اكيد ربنا هايرزقه باللى زيه ( و الخبيثون للخبيثات)

ممكن يكون معظمنا ( شباب اليومين دول) غافلين الحقيقة او الواقع دا و بنتنينا نرسم ف خيالات و احلام و اوهام عالفاضى لكن فى الاخر بنلاقى حاجة تانية خالص...

الشاب اللى عرف نص بنات مصر لما ييجى يدور على اى واحدة يتجوزها هايبقى ادامه نوعين ( اما واحدة من اياهم اللى عرفهم قبل كدا, او واحدة محترمة مالهاش فى الطور و لا فى الطحين على حد تسميته... ربنا سبحانه و تعالى على اساس عمله السابق هايرزقه بواحده على شاكلته, و لو قدر ربنا و ابتلى واحدة كويسة صالحة بشاب زى دا فالجواز دا مش هايطوول علشان اختلاف الطباع اللى هو اساس فشل العلاقات الزوجية " نظام لا يختلط الزيت بالماء" )

اما بالنسبة للشاب اللى بيعتبر نفسه مستقيم و مالهوش داعوة بـ( حركات اليومين دول بين الشباب والبنات) فدا طبعا من عدل ربنا انه هايرزقه اللى على شاكلته برضو واحدة كويسة على قدر ماهو كويس.... و لو قدر ربنا انه رزقه او ابتلاه بواحدة مش كويسة فنلاقى دايركت علطول الحياة الزوجية غير مستقرة و تنتهى بانفصال الطرفين.

سبب الرغى اللى فوق دا هو انى عاوز اوصل او بمعنى اصح افكر كل واحد مننا باللى ممكن يحصله غصب عنه قبل ما يبقى بمزاجه... لان دا عدل ربنا سبحانه وتعالى

انا لو شايف نفسى ( بامانة ) انى كويس فلازم هايكون عندى ثقة ف ربنا سبحانه و تعالى انه هيرزقنى باللى تصوننى و تصون عرضى و شرفى و تكون ليا خير سند فى الدنيا و الاخرة

و لو كنت واحد من بتوع اليومين دول اللى كل شوية مع واحدة شكل, فلازم اكون على يقين برضو ان عدل ربنا سبحانه وتعالى مش هايرزقنى بواحدة كويسة شريفة عفيفة لان دا هايكون ظلم ليها هى و ربنا طبعا ( ليس بظلام للعبيد )

اكيد كل واحد مننا فى قرارة نفسه عارف هو ايه و ازاى و كل واحدة برضو عارفه هى ايه وازاى... لو فتشنا ف نفسنا و شوفنا احنا ايه من جوة اكيد هانلاقى شريك حياتنا

و اكيد اللى ضحك على الدنيا بحالها عمره ما هايقدر يضحك على نفسه

ارجو المعذرة فى طول الرد...

نظام لا يختلط الزيت بالماء ،،،،، واحدة محترمة مالهاش فى الطور و لا فى الطحين [ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك ياستاز بدر [ندعوك للتسجيل في المنتدى أو التعريف بنفسك لمعاينة هذه الصورة]

الاخ الكريم الفا انت قلت :

و تطبيقا على موضوعنا هنا نلاقى انه من عدل ربنا سبحانه و تعالى ان الشاب الكويس ربنا بيرزقه بفتاة كويسه "على نفس قدره" كما قال ( الطيبون للطيبات ) و الشاب اللى ماشى يلعب بديله اكيد ربنا هايرزقه باللى زيه ( و الخبيثون للخبيثات)


احب ان اعرض تساؤل هنا :
فقول الله عز وجل ( الطيبون للطيبات والخبيثون للخبيثات ) ليس معناها كما فسرتها انت مطلقا
ارجو مراجعة التفسير في ذلك ، والله اعلم

انا مع راى الاستاز احمد هلول التفسير مش كده

فى ناس كان ليها سوابق واتجوزو قطط مغمضه والعكس ده على اساس ان فى ناس

بتتصلح على ادين ناس وناس بتفتن بناس وبعدين ايه بيلعب بديله وايه نظام القطط ده [ندعوك للتسجيل في المنتدى أو التعريف بنفسك لمعاينة هذه الصورة]

هوه الكلام على جواز ولا تربية أرانب [ندعوك للتسجيل في المنتدى أو التعريف بنفسك لمعاينة هذه الصورة]

اخى العزيز احمد هلول

فى كلامى انا لم افسر الاية ( الطيبون للطيبات و الخبيثون للخبيثات) ولكنى فقط استشهدت بها

على الرغم من ان التفسير لا يختلف كثيرا عما اقصده

يقول الدكتور عبد الرحمن العدوي، أستاذ الفقه بجامعة الأزهر:قد بين الله تعالى في هذه الآية الكريمة أن الطيب من الناس ومن الأزواج يميل بطبعه وفطرته إلى الطيب، كما أن الخبيث من الناس ومن الأزواج يميل إلى الخبيث لما بين كل منهما من المواءمة والملاءمة، ولما استقر في عرف الناس وأصبح معروفًا بينهم من أن كل إلف ينزع إلى إلفه، وينفر مما لا يساويه، ويتفق معه في الطباع والأخلاق، كما ورد في الحديث الصحيح : "الأرواح جنود مجندة فما تعارف منها ائتلف وما تناكر منها اختلف"، وشبيه الشيء ينجذب إليه .

وعلى هذا تقوم العلاقة بين الأزواج بمعنى أن تكون الخبيثات من النساء للخبيثين من الرجال، وكذلك الخبيثون للخبيثات، والطيبات للطيبين والطيبون للطبيات، وأولئك الطيبون والطيبات مبرؤون مما يقولون أي مما يقول الناس عنهم، ويتهمونهم به مما ليس في طباعهم، ولا من سلوكهم، فقد يتهم البريء، وينسب إليه ما لا يرضاه من الأقوال والأفعال ظلمًا وعدوانًا وكذبًا وافتراء .

_____
و بدون الدخول فى تفاصيل سرد تفسير الاية فالمعنى واضح و المقصود هو المعنى الظاهرى للاية الطيب للطيب و الخبيث للخبيث باختلاف تدرج الطيبة و الخبث....

اشكرك اخى الكريم على التساؤل و ارجو الا يكون هناك اى خطأ فى الفهم...

تحياتى

الاخ كوناكاى.... رجاء عدم استخدام اسلوب التريقة

ان كان كلامى مش عاجبك فمن حقك انك تنقدنى نقد بناء مش تتريق

و اظن ان استخدام الكلام الدارج لتسهيل وجهة نظرى مش حاجة تستحق الاستهزاء و التريقة



يا ريت يكون فى اسلوب ارقى من كدا شوية لو سمحت

اعتقد انى كتر الكلام فى الموضوع ده مش ممتع  الموضوع بيقول شرط يكون متدين اكيد كلنا هنقول اه بس خلاص كل واحد يشوف التدين زى ماهو عايز واكرر مقولة الدكتور على الكافيه اذا اردت فاطمة فكن لها عليا

انا رديت عليك من سياق المضوع نفسه وتشبيهاتك لكون انك بتتكلم عن شخص انسان ياعنى

ايه بيلعب بديله دى هيه فعلا قمة الرقى فى التعبير عن وجهة نظر بصراحه وطالما انك شبهت

انسان وعبرت عنه بانه بيلعب بديله يبقى من حقى ان اشبه بارنب على الاقل انه الحاجه الوحيده

الى بديل وبتتاكل [ندعوك للتسجيل في المنتدى أو التعريف بنفسك لمعاينة هذه الصورة]

تقريبا محدش ممكن يستدل بايات قرانية ويدخل الدين فى الموضوع ويستخدم اسلوب دنيوى بحت

فى تفسير كلامه وبعدين تعرف تولى ايه بيبلعب بديله ده مش دى فى حد زاتها اهانة لشخص

فكونةانسان بشر ياعنى انت بتتكلم عنه .

اخى الفاضل

على ما اظن ان سبب تراجعنا وانحطاط مستوانا (عموما و لست اقصدك انت) هو تفريقنا بين امور الدنيا و الدين

من وجهة نظرى و من واقع ايمانى بدينى لا اجد اى اختلاف او تنافر بين الدين و موضوعنا الذى نتكلم فيه, او اى موضوع اخر يخص حياتنا... مستقبلنا كله مترتب على واقعنا, و آخرتنا مترتبة على دنيتنا...

لن اناقش او اجادل اكثر من ذلك,

لكنى اتسائل: اذا كان اسلوبى الذى لم اتعدى فيه على احد (دنيوى), فماذا عن الاسلوب الملىء بالاستهزاء و السخرية من الغير... !!!

ادعو الله ان يهدينا الى سراطه المستقيم, و اذكر نفسى و اياك اخى الفاضل بقول الله تعالى ( لا يسخر قوم من قوم عسى ان يكونوا خيرا منهم)

على ما اظن ان سبب تراجعنا وانحطاط مستوانا (عموما و لست اقصدك انت) هو تفريقنا بين امور الدنيا و الدين

انا من وجهة نظرى ان المشكله مش فى التفرقه بين الدين والدنيا لاننا مافيش حد فينا يقدر يفرق ولا عايز يفرق

المشكله اننا بنستخدم الدين بشكل خطا وبقى الشماعه الى بنعقل عليها تقصرنا .الدين نزل لكل العصور ولو بقينا

مش قدرين نحكم بالدين والشرع امور حيتنا فى وقتنا ده لازم تعرف ان التقصير منا وده مصير وعاتق امه كامله .

لكن الواضح من ردك على كلامى ان مجمله ومضمونه ماخوز من عنوان السخريه والاستهذاء بالعكس

محدش سخر ولا استهزء منك دى كانت مداعبه على الكلام لااكتر ولا اقل يمكن انت لسه جديد ولكن مع الوقت هتعرف ده

ولكن مبدئيا انا هعتبر ان دى طبيعتك انت الى عايز توصلها لينا مش طبيعه معينة انت عايزنا توصلنا عنك

يمكن انا لسه مرحبتش بيك فى كافيه التعارف ولكن هكتفى انى ارحب بيك هنا وقولك نورتنا وموفق انشاء الله

اخى الفاضل اعتذر منك على ما بدر منى من سوء فهم

واشكرك جزيل الشكر على ترحيبك... و ارجو ان اكون عند حسن الظن

اقسم بالله انى لا اتجمل و لا اتصنع, لكن بالفعل هذه هى طبيعتى التى طالما عانيت منها بسبب سوء فهمى للاخرين او سوء فهم الاخرين لى... و لكن على كل حال اتمنى ان يعيننى الله و اياكم على طاعته و العمل على رضاه

و ارجو ان تقبل اعتذارى مرة اخرى ان كنت اخطأت فى تقدير كلامك.

الاخت لوك موضوعك جميل جدا لدرجةانى انتى فى وصفك للولد(اسف فى اللفظ) حسيت انك فعلا ولد وانت كدا كدا بنت وعارفه متطلبات البنات.لكن عندى تعليق بسيط احنا بنعيش فى مجتمع اسلامى شرقى يعنى فى لنا قران وسنه وعادات وتقاليد المفروض انى احنا بنتبعها يعنى الولد له حقوق وحدود ونفس الكلام البنت ولو كل واحد فى الجنسين التزم بالى ليه واللى عليه مفيش حد هيبقى خايف او قلقان من حد
-