السيد الرئيس /محمد البردعي رئيس جمهوريه مصر العربيه

البردعي وبدعه الريس

سمعنا كلنا عن عوده البردعي لمصر والناس
ببطلب منه انه يترشح رئيس للدوله ............ ايه رآيكم؟
مواطن مصري
للصبر حدود

موافق لأسباب كتيرة

اسطها هى

انه ادار وبإقتدار مؤسسة دولية وبنجاح شديد
ناهيك عن تاريخه وغيره وغيره ...

لكن والى الان لانعرف ماذا ينوى

لا طبعا انا مش موافق

وفى مثل بسيط اللى نعرفه احسن من اللى منعرفوش

ومش معنى كدا ان البردعى غير قادر على تحمل المسئولية

والريس شايل مصائب اكثر من سبعين مليون

بااختصار

مواطن مصرى حابب يعيش جنب الحيط

دا اللى هو انا

مبدأ اللي نعرفه أحسن من اللي منعرفوش ده مبدأ المغلوب على أمرهم و المتشائمين الراضيين بالأمر الواقع و عندهم خوف شديد من التغيير بحجة ان الجديد ممكن يكون أوحش
طيب ايه المشكلة هو احنا جربنا التغيير قبل كده علشان نحكم عليه من قبل ما نشوفه؟
ما هما احتمالين اتنين مالهمش تالت يا التغيير ده يكون إلى أسوأ أو إلى أفضل
لو كان إلى أسوأ نبقى خضنا التجربة و مش خسرانين حاجة ما هو وضعنا الحالي بردو لا يسر عدو و لا حبيب
لو كان إلى أفضل يبقى يا سعدنا يا هنانا و كسبنا ريس جديد و نقلة جديدة هتعود بالنفع علينا كلنا
ده رأيي الشخصي و أوافق بشدة على التغيير

إسلام كتب:

اقتباس :: ما هما احتمالين اتنين مالهمش تالت يا التغيير ده يكون إلى أسوأ أو إلى أفضل
لو كان إلى أسوأ نبقى خضنا التجربة و مش خسرانين حاجة ما هو وضعنا الحالي بردو لا يسر عدو و لا حبيب
لو كان إلى أفضل يبقى يا سعدنا يا هنانا و كسبنا ريس جديد و نقلة جديدة هتعود بالنفع علينا كلنا
ده رأيي الشخصي و أوافق بشدة على التغيير

[ندعوك للتسجيل في المنتدى أو التعريف بنفسك لمعاينة هذه الصورة]

موافق جدا جدا

تسلم ياعم اسلام على الكلام ده

لما نتلسع بنار التغيير
أفضل من النوم فى العسل
فليأت التغيير ايا كانت تبعاته

مسعد النجار كتب:: لما نتلسع بنار التغيير
أفضل من النوم فى العسل

استاذ مسعد مساء الخير

فليأت التغيير ايا كانت تبعاته

احتمال للاافضل يبقا حاجة افضل انما لو كان التغير الى الاسؤاء

وحرب طائفة والوقوع فى شباك الطوائف والنزاعات الداخلية

مسعد النجار كتب:

ممكن تعد ساكت لو سمحت

حاضر ياااااااااااااااافندم

لا تعليق

سمعت حلقته مع عمرو اديب

حسيت انه مش منظم خالص
ولسه ما اخدش قرار
بيقول لما اضمن انه في رقابة
يعني لو ضمنت انه في رقابة قبل الانتخابات الرئاسية بشهر هاتعمل ايه
حتي من كلامه هو نازل بالبراشوط علي مصر
يعني مايعرفش اي حاجة عنها
مادقش طعم المر اللي الناس دايقاه فالبتالي عمره ماهايحس بيهم

شوفوا جمال مبارك بيعد للانتخابات من امتي
من كام سنة؟؟؟؟؟؟

هو ده الصح
جمال مبارك قطر سياسي بيفرم الكل زي ما قال حمدي قنديل

اقتباس :: حسيت انه مش منظم خالص

متفق مع كلامك ياهندسه

الا الكلمه دى ياعمنا ده كان مدير الوكالة الدولية للطاقة الذرية

ازاى بقى وصل للمكانه دى من غير نظام

لا هو منظم جدا وعارف هو عاوز ايه

والخلاصه انه حتى لو عاوز يترشح للرئاسه مش هيقدر يعمل كده

علشان كده الراجل وصل لمكانه تمنعه انه يتمنى حلم مش هيقدر يحققه

فهمت القصه بقى ...

ياريت يهدى شويه ليفرمنا وميلاقيش شعب يحكمه ويشكمه

AhMeD ELSaYeD كتب:

اقتباس :: حسيت انه مش منظم خالص

متفق مع كلامك ياهندسه

الا الكلمه دى ياعمنا ده كان مدير الوكالة الدولية للطاقة الذرية

ازاى بقى وصل للمكانه دى من غير نظام

لا هو منظم جدا وعارف هو عاوز ايه

والخلاصه انه حتى لو عاوز يترشح للرئاسه مش هيقدر يعمل كده

علشان كده الراجل وصل لمكانه تمنعه انه يتمنى حلم مش هيقدر يحققه

فهمت القصه بقى ...

علي فكرة انا اقصد مش منظم كشخص
انا بتكلم عن موقفه من الانتخابات
مش منظم في فكره
هو بيعتمد علي اساس انه ليه قاعده جماهيرية
ودي مش موجوده اصلا
الفلاح البسيط مايعرفش مين البرادعي

الصمت في الوقت الحالي هو الحل الوحيد لحين اكتمال السيناريو

ياريت الناس تتعقل فى الامر لانى انا شايف انى الناس عايزه تغيير وخلاص فى حين انى ما حدش عارف الراجل ده هو فكره ايه ولا برنامجه ايه وبعدين انتوا ناسيين انى فيه كتله كبيرة جدا فى البلد ما اعلنتشى موقفها وفى الاخر لا اللى نعرفه ولا اللى ما نعرفوش نافعين

في حوار دلوقتي للدكتور محمد البرادعي مع مني الشاذلي

للي عايز يتابع ويعرف

ابو سما كتب:

لا تعليق

!!!!!!!!!!!!!!!!!!!!!!!!!!!!ِ

وكتبت يا محمد الصمت في الوقت الحالي هو الحل الوحيد لحين اكتمال السيناريو

يا جماعة لو اتكلمنا عالمشاكل هنتكلم للصبح
عالبلاوي و الفضايح والسرقة والنهب و الفقر و المرض بردو للصبح
عن عز و بطرس و نظيف و غيرهم كتير قوي مضيقين علينا حياتنا و خانقنا و مبرطعين فيها هنتكلم للصبح
عن حكومة في وادي و شعب في وادي تاني مقضيها طوابير عيش وأنابيب ومحدش معبره و كل واحد مكبر دماغه و عامل نفسه مش شايف حال البلد ولا اللي بيجرى فيها مع ان كل مسئول لو فتح أي برنامج بالليل قبل ما ينام هيعرف كل حاجة عن مشاكل الشعب إنما كل واحد بيقول يلا نفسي مش كفاية انهم عايشين هيتعبونا معاهم كمان و يبقالهم مطالب واحتياجات ده شعب نمرود مش مقدر النعمة اللي هو فيها
و خد على دماغك أكتر يا غلبان و خليك خايف من التغيير واحبس نفسك في زنزانة الفقر و المرض و القهر طالما يبقى الحال كما هو عليه

فى الحقيقه انا مش عارف ليه الكل او المعظم متخيل ان الدكتور البرادعى هو الامل بالنسبه لنا او هدفنا للتغير وكما لو كان معه عصا سحريه هيحقق بها لينا ال بنحلم بيه.
وهل البرادعى بذاته هو المطلوب ام الهدف هو التغير......التغير...مع اختلاف الاشخاص واختلاف الاسماء وتغير هذا النظام الفاسد.
بصراحه شديده انا تابعت الحوار ال دار بين منى الشاذلى ودكتور محمد البرادعى ومع كامل احترامى لشخص البرادعى ومركزه العلمى المرموق وجائزه نوبل الحائز عليها ومنصبه السابق وحاجات كتير ليس لى او لاى شخص اخر الحديث فيها او عنها لانه من غير المعقول ذلك.
ولكن بعيدا عن هذا وكشخص من المحتمل ان يرشح نفسه للرئاسه"رغم انه لم يعلن عن هذا صراحه كما انا الدستور لا يمنحه ذلك" فاجد انه ينقصه الكثير كى يكون فى هذا المنصب.
فليس بالضروره كل من تفوق علميا او شغل منصب دولى مهما ما كان تلك المنصب او حصل على اغلى جائزه فى العالم ان يصبح او يصلح رئيسا لاى دوله.عذرا فليس هذا مقبولا.

فمن تامل الحوار جيدا اجد انه يشاركنى هذا الرأى فكلام البرادعى لم استشف منه اى جديد وما هى مقترحاته تجاه نظام جديد وافضل للشعب المصرى بل هو مجرد كلام مرسل او عشوائى لا ينم عن خطه موضوعيه للتغيير او بمعنى ادق لتنفيذ التغير الذى يتحدث عنه والذى يامله فيه الشعب المصرى بل حتى اجوبته على مقدمه البرنامج اجد انها ردود غير كافيه بل وغير مقنعه فى كثير من الاحيان وكل ظنه واعنماده على مساله الشعب والامل لدى الشعب المصرى ورغبه الشعب فى التغيرطب فين هو من ذلك وما اسلوبه فى التعامل مع ذلك بل سمعت رده عندما سالته منى الشاذلى اين سيتجمع مع مؤيدنه قال لها فى البيت اهذا معقول او هذا ممكن "قد يقول البعض ان هذا هو اول حديت للبرادعى فى هذا الموضوع ولايريد ان يتحدث بشئ من التفصيل فهذا كلام غير مقبول ولا معقول هو فقط لمن يريد ذلك الرجل ولو على حساب اشاء كثيره ظنا من الكثير بانه هو طوق النجاه"

ثم اين كان البرادعى من الشعب المصرى ولماذا ذلك الان وعلى حد علمى انه لم يعش بمصر طويلا ولم يحس بمشاكل المواطن الغلبان كما يدعى.ظننت انه يخطط لذلك منذ فتره اوانه ينوى الانضمام لمؤسسه معينه لتساعده فى هذه المعركه الانتخابيه الشرسه...عموما لنرى ما تنم عنه الايام القادمه وان شاء الله نتمنى ان يكون خير للبلد.

وبعيدا عن كل ذلك ذلك واذا فرضت جدلا ان كل ما قلته مخالفا للواقع........فماذا سيفعل فى الدستور ونص الماده 76منه .......ما فهمته من كلامه انه بصدد تغير الدستور ليمكنه مما يحلم به وهذا مستحيل فيكون الحل التانى من وجهه نظره انقلاب دستورى للتغيير اهذا منطقى فنحن الشعب المصرى كم عانينيا من مصايب عده وتجاوزات وبالاوى زرقه كتير مسمعناش غن انقلاب ..وهل النظام الحالى سيسمح بذلك او ان حتى البرادعى يستطيع الدعوه لاى مؤتمر جماهيرى اوانه ببعيد عن قانون الطؤراى .

ما اقوله ليس مهاجمه للبرادعى ولكن انا فعلا اتمنى تغيير النظام بل تغير الدستور بل تغير القانون .فكلنا نتمنى مستقبل افضل وغد مشرق يدعو للمساواه والعداله الاحتماعيه وحياه الرفاهيه لكل الاجيال.وينفذ على ارض الواقع ليس فقط كلام من وحى الخيال او كلام دون نظره موضوعيه على ارض الواقع بل سياسه محكمه واهداف واضحه وخطه تتبع لتنفيذ ما نقول فعلا على ارض الواقع والسعى وراء ذلك بجديه وحماس واذا فشل يكفى المحاوله.

ومايفعله الكثير مع البرادعى هو تطبيق لذلك وحلم لغد افضل وتشبث بالامل مع اختلاف الافراد والاشخاص. فكما يقول البعض اذا كان الاحسن فما نتمناه وان كان الاسوا فليس هناك اسوأ مما نحن فيه الان ..

ما اقوله لايعنى مطلقا اننى ضد البرادعى او حتى معه بل للنظر بشئ من الفهم لما يدور على ارض الواقع ولنرى ماذا ستفعل الايام القادمه.

المبدا المفروض كلنا نتفق عليه اللي مانعرفوش احسن من اللي نعرفه اظن مفيش فساد اكتر من اللي موجودحاليااي تغيير هو مكسب لينا واي ترشيح لاي حد قريب من السلطة الحالية يبقي خراب اكتر واستمرار لنفسالنظام ونفس المنوال اللي عمره ما هيتغير .. البرادعي يمكن مش واضح في كلامه ويمكن كمان عشوائي في الكلام لكنكفاية انه بعيد عن حاشية مبارك اللي عانينا منها طول السنين دي كلها وهنعاني اكتر لو استمرينا علينغمة جمال يبقي عليه العوض الثقافة هتفضل هيا هيا والبلد هتتجه للاسوأ .. احسن كلمة قالها البرادعي انه هيشيل كل القديم وهيبدا من جديد وقال هحاول اصلح الفساد اللي موجود ولو مقدرتش هسيب السلطة يمكن كلام مش منطقي بالمرة لكن كلام حلوة جدا مبارك واتباعه بكل اهمال وفساد ارتكبوه في حق البلدلازم يتغيروا وننهي عليهم ونبدا من جديد مع حد جديد حتي لو كان عايش بره طول عمره الفكرة في حدذاتها هتغير كتير اوي والبلد هتشم نفسها شوية مش لازم ينصلح حالها في كام سنة لكن عالاقل هيكون فيحد بيحاول ويثبت نفسه

ضربوا الأعور على عينه قال خسرانه خسرانه

بالزمه فيه أيه ينبكى عليه

حلقة منى الشاذلى (العاشرة مساءا) احدثت ضجة واحثت انقلابا فى مصر كلها بل والعالم بالاجماع

وماحدث من حوار ينم عن انتقاد حاد للسلطة موضوعى هادف يرغب فيه من الاساس بإكتساب قلوب الجماهير .
فكانت حلقة نتعلم منها السياسة النظيفة المحترمة والإصلاحية ايضا فهمو لم يتلكم عن الية اصلاح وذلك لأنه ليس المكان والزمان لإقتراح الحلول وايضا هو لم يعلن صراحة الدخول فى الانتخابات

ولكن انا اتوقع من ان البرادعى اصبح صداع فى رأس السلطة وايضا اتوقع تعديل دستورى فى العام المقبل

» رساله الى السيد الرئيس ========
» طائرة السيد الرئيس - بلال فضل
» مجرد استفسار من السيد رئيس جمعيه شباب العمار ..؟؟!
» نايب محمد السيد
» شعر عن الرئيس من محمد مرتجى