ايه رأيك في كلام القذافي و دعوته للجهاد؟

حد سمع حوار القذافي عن سويسرا ؟
باختصار كده وصفها بالكافرة و فتح باب الجهاد عليها و أفتى أن كل من يتعامل معها مرتد و لابد من المقاطعة
بحجة عدائهم للإسلام و هدمهم للمآذن
طيب فين اسرائيل من كل ده
هي ما بتهدمش مآذن و تقتل مسلمين
و لا الشيخ البعيد سره باتع
و لا انت كنت نايم و مش واخد بالك بس لما بقى فيه أسباب شخصية عايز تتحول لبطل و قائد للمسلمين
هو احنا ما نتحركش و نعلي صوتنا غير لما تحصلنا حاجة شخصية و غير كده كان نفسي نفسي
أنا و من بعدي الطوفان
كنت فين من زمان يا راجل
بصراحة كنت هحترم كلامه لو مكنش فيه مشكلة شخصية بينه و بين سويسرا بعد ما سجنوا ابنه لما اتهمه العاملين في الفندق اللي كان نازل فيه في سويسرا بسوء المعاملة و رفعوا ضده قضية فسجنوه و هنا قامت الدنيا مقعدتش و أصبح طار شخصي بين القذافي و بينهم ووقف تصدير البترول ليهم و قطع كل العلاقات و كمان منع رحلات الطيران بينهم و بين ليبيا و أصبحت سويسرا العدو اللدود لليبيا عامة و القذافي على وجه الخصوص
و موضوع هدم المآذن جاله على طبق من فضة علشان يقوم عليهم العرب و في نفس الوقت يبقى القائد الهمام اللي بيدافع عن حق الإسلام و مصالح المسلمين و يوحدهم
ميعرفش ان العرب و المسلمين نايمين في الخط و كل واحد بيقول نفسي نفسي زي ما هو كان بيقول قبل كده واسرائيل بتبرطع من زمان

عامل نفسه بيج دييييييييييل مش اكتر

الدعوة للجهاد ماتبقاش بالصورة دى, و زى ما حضرتك قلت لو هانجاهد يبقى الاولى نحارب اسرائيل

عقبال ما إسرائيل تسجن كام واحد من أبناء القادة العرب
يمكن حد يتحرك

ياريته قال على اسرائيل كنا روحنا

هههههههههههههههه

يا اسلام الراجل ده مغيب مره يقول انه عاوز يقيم الدوله الامويه من جديد ومره يكفر ويجاهد على الرغم من ان القواعد الامريكيه ماليه ليبيا على فكره انت لو مصري او سوري او اي جنسيه من الجنسيات العربيه التي كانت لها دور سياسي في الخمسينات واستينات من القرن الماضي السفر لاي دوله اوروبيه اوامريكا او استراليا او كندا موضوع صعب جدا اما ليبيا فبمنتهى السهوله سؤال يفرض نفسه لم ليبيا خصيصا رغم مواقفها القديمه مثل ثورة ادريس السنوسي واخراج ايطاليا بقوة وسواعد ودماء ابناء ليبيا الاجابه ستكون واضحه لان في العقود الثلاثة الماضيه ولد عميل جديد