سؤال الى كل من يعمل خارج مصر

[ندعوك للتسجيل في المنتدى أو التعريف بنفسك لمعاينة هذه الصورة]

سؤال سهل وبسيط لكل من يعمل بالخارج
تقدر سعادتك تقولي انت فدت بلدك في ايه من سفرك
كام واح من المسافرين حاول ولو محاوله انه يساعد اصحابه انهم يجدوا فرصة
عمل في الخارج مع اني الفرص بتبقى قدامهم كتير
كام واحد حاول يعمل مشروع يشغل فيه شباب من بلده؟
بعدين ليه كل ما تسأل واحد مسافر عن السفر يقولك حال هناك وحش والدنيا
تعبانه وما فيش شغل مع انه شغال وقاعد هناك؟
دائما وابدا اي واحد مسافر يسودلك الدنيا في وشك لو حبت تساله عن السفر
ويقولك ما تسافرشي
طب لو الدنيا هناك كده انتو قاعدين هناك بتعملوا ايه طب ما ترجع تقعد في
وسط اهلك لكن الحقيقه انو طماع ومش عايز الخير غير لنفسه وبس
اي واحد شايف اني كلامي غلط ويكون عنده الجرأه يرد عليا ويثبتلي العكس[ندعوك للتسجيل في المنتدى أو التعريف بنفسك لمعاينة هذه الصورة]

زائر

موضوع فى غاية الأهمية بجد تسلم عليه
وانا مع حضرتك فى ان الناس مش مرتاحة فى غربتها وتعبانة
بس تعب عن تعب اكيد يفرق
يعنى الناس تعبهم هناك من الوحدة والغربة والفراق
ماديا يمكن يكونو مرتاحين اكتر بكتير من هنا لكن مش لاقيين نفسهم
بس على الاقل هيقدروا يعيشوا ويبنوا مستقبلهم
لكن هما مغلطوش لما بيسودوا الدنيا فى وش اى حد مقبل على السفر
لانهم عانوا من سوء استغلالهم ليهم
لكن هنا فين فرص العمل ؟؟ ولو فيه ايه العائد اللى هيرجعلهم ؟؟
وبعدين اكيد انتظروا اصحاب المشاريع لمساعدتهم بس لحد امتى مفيش تلبية ؟؟
ولو فيه تلبية بيبقى بعد فوات الاوان خلاص
ويعنى ايه اللى كان جابرهم على السفر ؟؟
اعتقد ان ده بقه وضع معظم المصريين للاسف
ومن وجهة نظرى على الرغم انى اكره الغربة بس مش معنى كده ان ده طمع
ومش بيحب الخير لبلده بالعكس اعتقد ان مفيش حد يتمنى يعيش بعيد عن بلده
وخصوصا اذا كانت البلد دى بلد الأمان بلدنا الحبيبة مصر
بس للاسف مضطرين لازم يسافروا بالسنين وتعبانين وشقيانين ويرجعوا وجيوبهم مليانين
علشان يعيشوا زى ما غيرهم عايشين
مصر مليانة مفكرين واصحاب عقول بس للأسف معرفتش تستغلهم صح
اكيد مكناش نتمنى نسلم عقلنا وفكرنا لبلد غريبة عننا بس ملقناش فى نفس الوقت
اللى بياخد بادينا كلنا وبيشجعنا وبيحمسنا على كده
واتمنى ان حالنا يكون احسن وارقى من كده ان شاء الله
اسفة جدا على الاطالة

~Lara~ كتب:: موضوع فى غاية الأهمية بجد تسلم عليه
وانا مع حضرتك فى ان الناس مش مرتاحة فى غربتها وتعبانة
بس تعب عن تعب اكيد يفرق
يعنى الناس تعبهم هناك من الوحدة والغربة والفراق
ماديا يمكن يكونو مرتاحين اكتر بكتير من هنا لكن مش لاقيين نفسهم
بس على الاقل هيقدروا يعيشوا ويبنوا مستقبلهم
لكن هما مغلطوش لما بيسودوا الدنيا فى وش اى حد مقبل على السفر
لانهم عانوا من سوء استغلالهم ليهم
لكن هنا فين فرص العمل ؟؟ ولو فيه ايه العائد اللى هيرجعلهم ؟؟
وبعدين اكيد انتظروا اصحاب المشاريع لمساعدتهم بس لحد امتى مفيش تلبية ؟؟
ولو فيه تلبية بيبقى بعد فوات الاوان خلاص
ويعنى ايه اللى كان جابرهم على السفر ؟؟
اعتقد ان ده بقه وضع معظم المصريين للاسف
ومن وجهة نظرى على الرغم انى اكره الغربة بس مش معنى كده ان ده طمع
ومش بيحب الخير لبلده بالعكس اعتقد ان مفيش حد يتمنى يعيش بعيد عن بلده
وخصوصا اذا كانت البلد دى بلد الأمان بلدنا الحبيبة مصر
بس للاسف مضطرين لازم يسافروا بالسنين وتعبانين وشقيانين ويرجعوا وجيوبهم مليانين
علشان يعيشوا زى ما غيرهم عايشين
مصر مليانة مفكرين واصحاب عقول بس للأسف معرفتش تستغلهم صح
اكيد مكناش نتمنى نسلم عقلنا وفكرنا لبلد غريبة عننا بس ملقناش فى نفس الوقت
اللى بياخد بادينا كلنا وبيشجعنا وبيحمسنا على كده
واتمنى ان حالنا يكون احسن وارقى من كده ان شاء الله
اسفة جدا على الاطالة

كلام مظبوط مية مية

ومحدش يفكر ان الغربة سهلة والناس بتجمع فلوس وخلاص فيه أحيانا مقابل للفلوس دى مش بس تعب وعرق

كفاية البعد عن الاهل والناس والاصحاب والبيت ده ثمنه كبير قوى فعلشان كده لازم اللى يسافر يكون على

نور علشان ميصتدمش بالواقع المرير

[b]على فكره انت صح من وجه نظرك لانك مجربتش الغربه بس لازم تعرف حاجه انى اى واحد موجود فى الغربه تعبان مهما كان الفلوس اللى كانت معاه لانى بجد والله مهما اقولك على الغربه مش هتصدق اللى احنا فين على العموم موضوع جميل من وجه نظرك لانك بعيد عن اللى احنا فيه

اما تذوق طعم الغربة ومرارتها هتعرف قيمة الكلام اللى بيتفالك

البهدله فى مصر احسن من البهدله فى الغربه وبعدين انت بتسال عن السفر

على الايجابيات بس بالرغم انى ليه سلبيات كتير ووضع طبيعى جدا ان السلبيات مش هتعجبك

فالى انت بتساله بيزكرلك السلبيات وبيوريك بالعين الى انتى لسه مشفتش بيها لان الايجابيات مش

هتضرك فى شىء.

وتاكد ان الى مسافر بره والى موجود فى مصر الاثنيين ضحيه ظروووووووووووف

واللة الاخ العزيز فتح موضوع كويس لاكن واللهلو جرب الخروج من بلدة وجرب ظرف صغيرواحدلو انى لقدر الله ولد من اولادة تعب وهو فى الغربة ولا لقدر الله والدة تعب وعايز ينزل هينزل ولا هيعرض الامر على الكفيل وحلنى بقه ولا يوم العيد ولا رمضان لاتقيس الغربة من ناحية المادة وانظر الى حياتك وطاعتك لله نصيحة من مغترب ومش هيرجع للغربة تانى مهما كانت الفلوس لو بنتك قلتلك تعالى يا باباوبكيتلك وقلتلك دة عمو جاب لاولادة لعب وبيلعب معاهم وانا محدش معايا اقولك الى ايدة فى النار مش زى الايدة فى البارد

[size=12]لو سمحت بلاش الهجوم ده يا اخ (الرجاله مش بالكلام)

انت مجربتش طعم الغربه ولا ايه اللى فى الغربه

ولا ايه ظروف الغربه والكلام بتاعك كله مش مظبوط وغلط فى غلط

انا نفسى تجرب بس تخرج من العمار مش من مصر وهتشوف

وبعدين ربنا كتب لكل واحد نصيبه واحنا قاعدين هنا مش بمزاجنا ولا بكيفنا

والغربه دى دوامه وبتاخد الواحد واحنا خلاص دخلنا فيها

وبعدين احنا سافرنا لما لقينا انى مفيش لقمه عيش فى مصر

وقولنا نجرب نصينا بره وعلى اد ما تعبنا ربنا اكرم الواحد ورزقنا

وانا كمان حاسس ان فى كلامك حقد ع المسافرين

ارضى بما قسمه الله لك وربنا هيكرمك

وبلاش كلام انا احنا طماعين وكلام فاضى من ده

وانا هختم كلامى بالايه القرانيه دى [/size]:[size=24]بسم الله الرحمن الرحيم[/size]
[size=18](قل اللهم مالك الملك تؤتى الملك من تشاء وتنزع الملك ممن تشاء وتعز من تشاء

وتزل من تشاء بيدك الخير انك على كل شيى قدير)
[/size][size=18][size=24]صدق الله العظيم[/size[/size]]

الله عليكم ياابو خضر ياواعى

ربنا يوفقك فى اللى بالى بالك

[ندعوك للتسجيل في المنتدى أو التعريف بنفسك لمعاينة هذه الصورة]

شوف يأخ يالي كتبت الموضوع
أولا كل المتجوز لما تسأله عن الجواز بيقولك وحش , ومع ذلك الناس بتتجوز
ثانيا فرص عمل ايه الكتير اللي بتتكلم عليها علي أساس ان الناس في الخارج مستنيين المصريين بس أو ان الشخص اللي بيسافر بيبقي وزير في البلد اللي مسافرلها والناس في الخارج بيفضلوا الآسيويين لأنهم ارخص ومابينزلوش اجازة لسنيييييييييييييييييييييييييين طويلة
ثالثا لو واحد جاب وظيفة لواحد تاني هيحفظ جميله وبعدين لو الكفيل غير وعوده زي مادائما بيحصل هل الشخص التاني هيعزر الأول ولا هايفضل يدعي عليه هو وأهله
رابعا الغربة مايحسش بيها غير اللي مجربها
خامسا بالنسبة إن المسافر يظل في غربته علي الرغم من معاناته لأنه ببساطة لو كان مرتاح في بلده ماكانش سافر أصلا

بغض النظر عن المنظور البسيط الذى تحدث من زاويته الأخ صاحب الموضوع

الموضوع ياشباب عادى وسؤال الراجل عادى جدا وجهة نظر

وببساطة يا أخى

ماحدش فينا جه ليه السفر على طبق من ذهب
وكلنا عانينا الأمرين فى الغربة
وماحدش فينا مابكاش من التعب وأشياء أخرى
وما حدش ماتعرضش لمواقف لايمكن إنك تتخيلها إلا لما تعيشها
وماحدش وفر قرش إلا بطلوع الروح
وماحدش لقى مكان مناسب ليه فى بلده وسافر
وماحدش
وماحدش

لو تعرف إحساس أب معاه ولاده فى الغربة وونسهم الوحيد حضن أبوهم طول الوقت وبيورثوا حرمانه من الأهل والصحاب .. بيورثوا منه الحزن اللى ماليه من البعد والاغتراب وهو بيدور فى ساقية ما بتقفش .. مش عارف حتى من التعب والحزن يضحك ليهم ضحكة صافيه .
ولو تعرف إحساس أب وحيد وولاد بعيد ..
ولو تعرف .....

أخيراً لأن الموضوع طويل

أسأل الله لك أن تجد المناسب لك ولأحلامك فى بلدك وألا تضطر للسفر .
السفر قطعة من العذاب

اولا شكرا على مرور الجميع
ثانيا انا جربت السفر وعارف اللي فيه بس عمره ما هيكون زي هنا لانه لو كان زي هنا كنتوا نتوا رجعتوا من زمان
لكن كل واحد فيكوا شايف انه السفر احسنله وانا ما بالومش اي واحد على السفر
لكن شوفوا انتوا الردود بتاعتكوا بتقولوا نفس الكلام برده اني السفر جهنم
طب يا سيدي ما تسيب جهنم دي وترجع للجنه اللي هنا ولا ايه
ثانيا الاخ اللي بيقول اني انا حاقد على اللي مسافرين ده اكيد غلطان لانه خد الكلام شخصي لا انا باتكلم على الاحوال جميعها
بلاش نخلى النقاش شخصي لاني لو عاز اسافر كنت سافرت وايه يمنعني ولا ايه
واخير شكرا لكل من هاجمني ولم يستطيع اقناعي باسباب وجيهه

موضوع جميل فعلن بس انا عندى سؤال لك اية المفروض يعملوا المسافرين ممكن والله المسافرين يستفدو من التجارب التى قمت بها انا عن نفس مستعد انا استفيد منك بجد

من حيث
1- المشروع
2- الوجبات على المسافر4
ارجو منك انا تكون على ارض الواقع وتعرف انا السفراسوا شى فى الدنيا عشان المسافر يعتبر بعيد عن اية شى ممكن يكون متعلق بة مثال
انت فى العمار ممكن تسمع ان شخص مات الان انت شايف الحدث امامك
اما المسافر يسمع ان مات ودف بدوى ان يعرف اية حاجة حتى لو كان الميت صاحب له
بجد اية وحد بيقول لك ان السفر وحش مش بيحول ان يخدعك ولكن هو بيحول ان يكون صريح معك لان السفر لو فى المال فاهو بيجردك من كل شى حلو فى حياتك شبابك الحب المشعر لانك بتحول الى انسان يجمع المال بدون ان يتمتع به ممكن يكون الى الاولد والى الاهل المهم بيكون محطم فى الحياة غير سعيد

من حيث المشروع الفلوس الى هو تعب فيها اوى بيخف ان تروح منو فاهى ثمن حياة العزاب الى قضاة فى الغربة بعيد عن اصاحبو او الاهل

وبعد لكل هذا الكلام صعب اوى اية وحد مسافر ان يسيب السفر لان السفر هو البديل الوحيد لحل المشكل الحياة بنسبة له

وانا عن نفسى مستعد ان اسيب الغربة اليوم بس اجد شغل فى مصرمناسب مفيش حد بشترى العزاب يااستازالرجاله مش بالكلام
لو موجود فرصة لية حد مسافرامامك ارجوالرد
منتظرين موضعك الجميل وشكرا

يا اخ فتحي معقول انت قعدت في مصر وما لقتش شغل ولا انت عاوز شغل بعشرة الالاف جنيه
وبعدين ما انت كنت شغال قبل ما تسافر ولكنك سافرت برضه طب ليه
اكيد علشان الفلوس ما فيش حل تاني الفلوس ثم الفلوس ثم الفلوس اكتر اكتر اكتر
صح ولا ايه
وشكرا على مرورك

انا برده اللى هرد عن فتحى لانه معايا وظروفنا واحده

ايوه كل واحد متغرب عشان لقمه العيش وكمان تسين الحاله المعيشيه له

ومش عيب الواحد يتغرب ويتعب ويشتغل عشان الفلوس
والعيب ان انا اقعد جنب ابويا عشان يدينى المصروف

وكمان المفروض انى اكون سند لابويا مش هو اللى سند ليا بعد ما ربانى

وبعدين الظاهر عليك يا اخ عندك عقده نفسيه مع الفلوس
وانا بكررها ليك( بلاش تلعب مع المتغربين )

لانى هتلاقى هجوم ضرى عليك من كل حته

السلام عليكم بالنسبة لكاتب الموضوع انا في كلام كتير عايز اقولهولك بس للأسف ما يكفي الوقت لقول هذا الكلام انت بتقول انك سفرت قبل كده رجعت ليه هل علشان عدم توفيق او الحال ما عجبك بالغربة او او او كتير غيرك بقي ما بيستسلم للواقع ويحارب الظهر من اجل البقاء وده مش عيب
وبعدبن تعالي قولي مين الاي قالك اني ظروفنا كانت سهله علشان تحكم علي المغتربين بهذا الحكم علي العموم فكره كويسه انك طرحت هذا الموضوع من اجل ما يعرف كل انسان جوانب السفر الايجابية السلبية في نفس الوقت
في شئ اخير هو في شخص يسافر غصب بمعني ثاني اعرض عليك السفر وتقول اسافر ماعندي مشكلة وبعدبن تسافر ومعا اول مشكة تقابلها تقول اه فلان بن فلان بن التييييييت هو الي كان السبب انا ما كنت عايز اسافر انت كنت كويس في مصر وكان الحال ميه ميه
ولنا بقيه

الله يفتح عليك يا سولم

كلام فى الصميم صحيح

ياريت البعيد يعرف ويفهم

طالما بدانا نهاجم بعض على المستوى الشخصي يبقى نقفل الموضوع احسن
واللي ما نجحش في بلده يبقى عمره ما هاينجح

زائر

انا احب اعقب على الموضوع وانا لي ماخذ واحد على المسافرين وهو الأقتصار عن كل من كانوا تربطهم بهم علاقات وثيقه وكأنهم اصبحوا مطمع مع اني ربنا بيرزق كل الناس مسافر ام لا وقد يرزق هنا اكثر . رجائي صلوا الود ولا تغتروا . بالعربي محدش مستني حاجه .شكرا

بسم الله ماشاء الله انا شايف حافلة فى عقلانى وكتير بيظيط
الراجل فتح موضوع الكل أشاد بالموضوع لما فيه من ايجابيات وسلبيات
حب يوضح وجهة نظره أن العامل والسبب الرئيسى هو الفلوس ودا طبعا كلام عقلانى ومنطقى
وان دل فهو يدل على ان صاحب الموضوع حاله ميسور مش عنده عقدة من الفلوس زى مأحمد خضرقال وبعدين مش المسفرين بس هما اللى سند لابوهم يأستاذ أحمد ماينفعش تكون سند ابوك وانتا جنبه على الاقل ترعاه ولا هو هجوم من أجل الهجوم وخلاص
وبعدين أخرة السفر أية أكيد هترجعولنا بالسلامة صح بس السؤال هتفيد غيرك وبلدك ونفسك أزى
يترى حد فيكم بيفكر فى حاجة زى كدا ولا زى ماعاهدنا على من سابقوكم

شكرا على ردك يا استاذ احمد

لكن الاخ كان بيشن علينا هجوم ضارى مش عارف ليه

مش زيك كلامك عقلانى ومفهوم وبسيط

الموضضوع بسيط ومايستهلش الخلاف

السؤال عادى وناس كتير بتسال نفس السؤال ده

كلها ارزاق سواء داخل او خارج مصر وكل واحد بياخد رزقه ونصيبه والى مكتبله

وقانون الزمن لاشىء عندى بلاثمن

السلام عليكم و رحمة الله

ما شاء الله عليكم ، سؤال و حوار انقلب للهجوم و كل واحد اخد منه حزء على نفسه

طيب مكل واحد مسافر و شاف مشكلة او سلبيات يتكلم عليها لان هذه هي المشكلة و الايجابيات هيعرفها بنفسه اي شخص مسافر و ستكون في صالحه و لكن دائما السلبيات هيا اللي محدش بيشوفها و لا بيحسها الا لما يجربها و يعيشها

الاستاذ الرجالة مش بالكلام

تعالى نناقش الموضوع بوجهات نظر تانية :

لو لقينا فرصة عمل مناسبة لاي شخص فعلا و سافر و اختلفت وعود الكفيل و نزل الراتب كثير الى ما يقرب من الثلث او النصف فماذا ستفعل مع الذي قام بتسفيرك ؟ هل ستشكره ام ستتعارك معه ؟

2- اذا اكرمك الله بكفيل محترم يخاف الله فهذا من حظك و لكن اذا اكرمك بكفيل و العياذ منه بالله منه و يريد ان يستعبدك و العمل ليس بساعته المتفق عليها و ان كان عاجبك اشتغل و ان مكنش يله غور بلا رجعه ) بتتقال لينا بنفس اللفظ كده ) و حرمان من دخول الدولة بالسنة فماذ ستفعل مع من قام بتسفيرك ؟ هل ستشكره ام هستدب معه خانقة ؟

3 - اذا جاءت ليك فيزة زيارة و لتبحث خلال مدتها عن عمل و الشخص الذي اخذك تحمل تكاليف اقامتك و مأكلك و مشربك و كل شئ و انت لم تخسر سوى تذكرة سفرك و لم تجد عمل خلال مدة الزياة و رجعت لبلدك فماذا ستفعل مع من قام بتسفيرك ؟ هل ستشكره ام هستذم فيه ليل نهار و انه قصر معك ؟

4 - هل الوظائف متوقفة علينا و بيدللون عليها الآن بالعكس اصبحت اغلب الدول العربية عندها بطالها في اصحابها فما بالك بالوافدين عليها و كل وظيفة محترمة الان ينهون عمل الوافد ليحل محله ابن البلد فاذا اشتغلت في احدى هذا الوظائف لببعض الوقت اي ان كان هذا الوقت و انهو عملك فماذا ستفعل مع من قام بتسفيرك؟ هل ستقول له شكرا ام ستسئ له على انك لم تستمر بعملك ؟

5- اغلب التأشيرات الآن اصبحت تُباع بالفلوس و بمبالغ كبيرة و لا يستفيد منها اي واحد مننا بشئ و لكنها كلها لللي طلع الفيزا ، فاذا سافرت بفيزا مدفوع فيها فلوس و بعد فترة بسيطة لم يعجب صاحب العمل شكلك و لا منظرك و لاتفه الاسباب قام بترحيلك فماذا ستفعل مع من قام بتسفيرك ؟ هل ستصدق انه لم يأخذ مالك و ان الكفيل هو من اخذها ام ستشهر به و تقول في البلد كلها اخذ مالي و ارجعني الي البلد ؟

6 - هل ستامح اللي سفرك على ما دفعته و خسرته ام ستنشر في البلد بانه سفرك لقاء المال و انه اخذه لنفسه كما فعل الكثير ممن سافروا ؟

7 – نسمع عن ناس اقارب لنا ماتو و دفنو و نشعر بالاسى و الحزن اننا غير موجودين و كذلك نشعر بالاسى و الحزن اننا لم نقدر ان نشارك في افراح اهلنا و من يخصونا و نشعر بالاسى و الحزن عندما يولد طفل او طفلة لاخيك او اختك و لا تكون متواجدا في هذا الوقت و لا تحضر السبوع و اللمة الجميلة التي نشتاق لها دائما ، فما هو شعورك اتجاه كل هذه ؟؟

اهم شئ كمان هوضحه لك اخي الكريم باننا في بلدنا حلوين جدا و بنتعامل كويس مع بعض لكن في الغربة بنلاقي الدسائس و البغض بيننا و كل واحد قمت بتسفيرة او سافر عن اي طريق اخر لنفس المنطقة بيبقا عاوز يتقلعله عين و لا يشوفك في هذه المنطقة ابدا و الحلو للاسف بيتعاس من الوحش بدون سبب و المصيبة و الطامة الكبري لو مكان عملك كويس و تعمل في دائرة محترمة و معروف بين الناس و تلاقي مش ابن بلدك فقط و لكن ابن قريتك هو الذي يسئ لك و يحاول النيل منك و الاسوء و القهر الذي يطولنا لو اتقال على حد منهم حرامي ساعتها بتتمنى الارض تبلعك و لكن هيهات فاين ستذهب في ذلك الوقت ؟؟

نحن لا نسود لدنيا في وجه احد و لكن نذكر بعض السلبيات فقط و ليست على الحصر و التي تواجهنا في الغربة و ما نقوله لك ليس كما نعيشه و يواجهنا نقول ذلك لمن يسألنا و نوضع له مدى جدية راتبه و كم سيصرف و كم سيدخر هذا هو المهم و ليس المهم هتققبض كام و لكن الاهم ما ستوفره هل يستاهل غربتك و البعد عن اهلنا و اولادنا ام لا ؟

و اننا لا نغرف بالكوم حتى نفتح مشاريع لعمل الغير و انما أي مبلغ ندخره للظروف لا يُفرط فيها احد بسهولة كما احب اقول لك هات لي مشروع يوفر مصاريفه و يدر بعض الربح لنتكاتف معا و نقوم بفتحه و لكن للاسف اخي أي واحد يفتح مشروع يكون شبه فاشل بسبب الضرائب و الرسوم و غتاتة موظفي الضرائب و اسلوبهم السئ فاي منا سيضحي بما ادخره من غربته بعيدا عن زوجته و اولادة و والديه ليقوم بانفاقة بهذه السهولة التي تتكلم بها و عن المشاريع التي تفيد الشباب

ارد على بعض ما هاجموك و لم يقنعوك كما تقول

نحن سافرنا لتحسين ظروفنا و أي شخص آخر يظننا في عيشة هنيه هو لم يرا ما عيشناه و ما عنينا منه فليكن ديما الكلام بالهدوء و ليس بالهجوم و عندما نكون عونا لاهلنا و والدينا فهذا شئ جميل و لكن ايهما اجمل خدمة اهلنا و رعايتهما و نحن بجوارهم ام بالبعد عنهم

فالبر لهم برعايتنا لهم و رعاية شؤونهم و اذا اضطررنا للسفر فهذا خارج عن ارادتنا عندما لم نجد الحياة الكريمة في بلدنا و لم نجد ما نوفره لانفسنا و لاولادنا

الكثير لا يعمل في مصر و السفر هو الحل الانسب له ليجد فرصة عمل ليعيش منها فلا بد لنا ان نعذر الكثير من الشباب في تفكيرة و في رغبته في السفر فهدوء ا و رفقة بالشباب يا من جربو الغربة

و ليكن كل من لديه مشروع بعيد عن يد الحكومة و استغلالها لنا فانا ارحب به لعلي اجد ما ابحث عنه و يكون قد آن الاوان للاستقرار في بلدنا الغالية و بين اولادنا و اهلنا

الموضوع كبير و الحوار فيه لن ينتهي و مهما تكلمنا فيه فلن ينتهي سلبيات السفر كثيرة جدا جدا

لكم مني جزيل الشكر جميعا

ـــــــــــــــــــــــــــــــــــــــــــــــــــــــــــــــــــــــــــ

اللهم ارحمنا فانك بنا راحم و ألطف بنا يا أكرم الاكرمين

الرجاله مش بالكلام كتب:: [ندعوك للتسجيل في المنتدى أو التعريف بنفسك لمعاينة هذه الصورة]
سؤال سهل وبسيط لكل من يعمل بالخارج
تقدر سعادتك تقولي انت فدت بلدك في ايه من سفرك
كام واح من المسافرين حاول ولو محاوله انه يساعد اصحابه انهم يجدوا فرصة
عمل في الخارج مع اني الفرص بتبقى قدامهم كتير
كام واحد حاول يعمل مشروع يشغل فيه شباب من بلده؟
بعدين ليه كل ما تسأل واحد مسافر عن السفر يقولك حال هناك وحش والدنيا
تعبانه وما فيش شغل مع انه شغال وقاعد هناك؟
دائما وابدا اي واحد مسافر يسودلك الدنيا في وشك لو حبت تساله عن السفر
ويقولك ما تسافرشي
طب لو الدنيا هناك كده انتو قاعدين هناك بتعملوا ايه طب ما ترجع تقعد في
وسط اهلك لكن الحقيقه انو طماع ومش عايز الخير غير لنفسه وبس
اي واحد شايف اني كلامي غلط ويكون عنده الجرأه يرد عليا ويثبتلي العكس[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته
اخى العزيز اتفق واختلف معاك طبعا مش كل الناس طبيعه واحده الناس فيهم الحلو والوحش والحلو احيانا بيبقى وحش ومش دايما الوحش وحش
والغربه بتطلع اسوأ ما فى الانسان كل العيوب بتطلع والمساوئ بتبان جدا بتلاقى الناس عندها حساسيه لاقل شئ وبتلاقى الخيانه موجوده وحاجات كتييرة جدا وزى ما فيه كده فيه ناس كويسه ما بيتاخروش عن خدمة ا ى حد ودى ناس بيكون طبيعيتها حلوة
ممكن ارد على اسئلتك
تقدر سعادتك تقولي انت فدت بلدك في ايه من سفرك
كونى انى سافرت انا كده افدت بلدى بجيب دخل للبلد بفيد يه نفسى واهلى وبالتالى بلدى بتستفيد

كام واح من المسافرين حاول ولو محاوله انه يساعد اصحابه انهم يجدوا فرصة
عمل في الخارج مع اني الفرص بتبقى قدامهم كتير
خدعوك فقالواا
مين اللى قالك كده انا لو اقدر اجيب زمايلى كلهم معايا كنت عملت لو اقدر انى اجيب اصحابى كلهم الشركة اللى انا شغال فيها كنت عملت على الاقل بكسر الغربه بس مش بايد اى حد
كام واحد حاول يعمل مشروع يشغل فيه شباب من بلده؟

اللى بيعمل فلوس من الغربه بيرجع بيها وطبعا بيشتغل بيها فى البلد
بعدين ليه كل ما تسأل واحد مسافر عن السفر يقولك حال هناك وحش والدنيا
تعبانه وما فيش شغل مع انه شغال وقاعد هناك؟
دائما وابدا اي واحد مسافر يسودلك الدنيا في وشك لو حبت تساله عن السفر
ويقولك ما تسافرشي

ههههههههههههههههههههه
هى سوده فعلا بس احسن من السواد اللى فى البلد مين اللى قال ماتسافرش لو مفيش عندك فرصه كويسه فى مصريبقى سافر احسن

» خارج عن القانون
» خارج عن الارادة
» خارج طرقات الحب
» خارج نطاق الصــورة .. !
» خبر هام لكل من هو من عائله الجندي بالعمار او خارج العمار